Шуъбаи кор бо ҷавонони Донишгоҳи давлати омӯзгори Тоҷикистон ба номи С.Айнӣ

18/07/2025

#МАҚОЛА 🇹🇯 (🇷🇺 🇬🇧 ⬇️) МАРОМИ БАРНОМАИ ҲХДТ: ТАЪМИН НАМУДАНИ ФАЗОИ ОРОМУ ОСОИШТА ВА ЗИНДАГИИ АРЗАНДА БАРОИ ХАЛҚИ ТОҶИКИСТОН
(бардошт ва таассурот аз маҷлиси васеи Кумитаи Иҷроияи Марказии Ҳизби Халқии Демократии Тоҷикистон, 17.07.2025)

Мақсаду маром ва ҳадафи асосии Ҳизби Халқии Демократии Тоҷикистон фароҳам овардани фазои орому осоишта дар кишвар, гузоштани заминаи устувор барои рушду тараққиёти давлати соҳибистиқлоли Тоҷикистон ва таъмин намудани зиндагии шоистаи мардуми он мебошад.
Раиси муаззами Ҳизби Халқии Демократии Тоҷикистон, Пешвои маҳбуби миллат, муҳтарам Эмомалӣ Раҳмон
Ҳизби Халқии Демократии Тоҷикистон маҳсули иродаи қавӣ, нияти нек, хиради воло, дурандешӣ, мақому манзалати хоссаи фарзанди фарзонаи миллати тоҷик муҳтарам Эмомалӣ Раҳмон буда, бо сабку усули қиёснопазир ба саҳнаи сиёсат омадаст. Ҳамин аст, ки ҲХДТ дар эъмори давлати демократӣ, дунявӣ ва иҷтимоии Тоҷикистон, ҳифзи истиқлолият ва дастовардҳои он, фароҳам овардани саодати халқ, ҳифзи ҳуқуқ ва озодиҳои шаҳрвандон ва ҳамватанон пайваста талош дорад, ки Тоҷикистонро ҳамчун як ҷузъи ҷомеаи ҷаҳонӣ муаррифӣ намуда, дар асоси консепсияи сиёсати хориҷии давлат усули баробарӣ, дӯстӣ, тақвияти ҳамкориҳои дуҷониба ва бисёрҷонибаи иқтисодиро бо ҳама кишварҳои ҷаҳон ба роҳ монад ва минбаъд низ ин сиёсатро дастгирӣ ва идома диҳад.
Лозим ба ёдоварист, ки Ҳизби Халқии Демократии Тоҷикистон яке аз ҳизбҳои сиёсии пешсаф ва пешоҳанг дар ҷомеаи Тоҷикистон ба шумор рафта, дар сафҳои худ ҳамаи қишрҳои ҷомеаро, ки ҳадафҳои оинномавӣ ва барномавии ҳизбро дастгирӣ мекунанд муттаҳид кардааст. Табиист, ки Ҳизби Халқии Демократии Тоҷикистон зодаи даврони соҳибистиқлолӣ буда, аз умқи халқ сарчашма мегирад ва ҳадафи аслии ин ҳизби сиёсӣ бунёди ҷомеаи ҳуқуқбунёду демократӣ ва ба мерос гузоштани як давлати обод ва зиндагии осоишта ба наслҳои оянда мебошад.
Тазаккур бояд дод, ки дар ин муддат аз рӯйи меъёри бо мардум, байни мардум ва барои мардум амал намуда, таҳти шиори “Барои рушди устувори иқтисодӣ ва зиндагии шоистаи мардум” дар ташаккули ҷомеаи шарҳвандӣ ва давлатдории навини тоҷикон нақши муассир гузошта истодааст.
Раиси муаззами ҳизб, Пешвои маҳбуби миллат, муҳтарам Эмомалӣ Раҳмон дар маҷлиси васеи навбатии ҲХДТ иброз доштаанд, ки мақсади асосӣ аз созмон додани ин ҳизб сарҷамъу муттаҳид кардани миллати тоҷик ва тамоми неруҳои созандаву солимфикри ҷомеа, баланд бардоштани ҳисси миллӣ ва ватандӯстиву ватанпарастии мардуми кишвар аст, ки ба хотири барпо намудани давлати соҳибихтиёр, демократӣ, ҳуқуқбунёд, дунявӣ, аз лиҳози иқтисодиву иҷтимоӣ пешрафта ва фароҳам овардани шароити арзандаи зиндагӣ ба ҳар як шаҳрванди мамлакат талош меварзанд.
Маврид ба зикри хос аст, ки ҷавонон ҳамчун нерӯи ояндасози давлати соҳибистиқлол аз рӯзҳои нахустин дар меҳвари барномаи Ҳизби Халқии Демократии Тоҷикистон қарор дошта, роҳбарияти ин ҳизб ба хотири аз байн бурдани мушкилоти онҳо пайваста чораҳои муассир меандешад. Ҷиҳати рушди қобилияти зеҳнии ҷавонон, фароҳам овардани шароити мусоид барои дастгирии фаъолияти эҷодии онҳо ва муттаҳид сохтани ҷавонон дар татбиқи барномаҳои инноватсионӣ тадбирҳои мушаххас меандешад. Махсусан, барои таъсиси ҷойҳои нави корӣ, дастрасӣ ба таҳсилот, ҷалби ҷавонон барои фаъолият дар сохторҳои давлатӣ, аз ҷумла дар вазифаҳои масъули роҳбарӣ, инчунин дар мақомоти намояндагӣ ва бо ҳамин роҳ ташаккул додани қобилияти сарварӣ дар миёни онҳо чораҳои муассирро амалӣ гардонида истодааст.
Ҳамин буд, ки Ҳизби Халқии Демократии Тоҷикистон мақоми ҳизби роҳбарикунандаро дар ҷомеа тавассути фаъолияти пурсамар, талоши ҳифзу татбиқи манфиатҳои бунёдии мардуми ин сарзамин дар шароити тақдирсози таърихӣ, ки ҷасорату матонати бемислро тақозо мекарданд, ба даст овард. Боиси ифтихори мост, ки Сарвари муаззами ҳизбамон дар лаҳзаҳои хеле ҳассосу тақдирсози таърихӣ масъулияти бузурги таҳкими пойдевори низоми нави давлатдориро ба дӯши худ гирифта, бо ташаббуси қабули қарорҳои қатъӣ ва раҳнамоии мардум барои татбиқи онҳо кишварамонро дар як муддати аз фарози фурсати таърихӣ кӯтоҳтарин ба суботи комил оварда расониданд.
Дар ин радиф имрӯзҳо мо ҳизбиёнро вазъи ноустувори сиёсии ҷаҳон водор месозад, ки беш аз ҳарвақти дигар барои таҳкими Истиқлоли давлатӣ ва ваҳдати миллӣ кӯшиш намоем. Нагузорем, ки ягон гурӯҳ ё афроди нотавонбин суботи сиёсии ҷомеаро халадор намояд. Дар ин самт ташкилотҳои ҳизбӣ бояд бештар бо мардум корҳои таблиғотӣ ва фаҳмондадиҳӣ доир намоянд. Тавре Президенти Ҷумҳурии Тоҷикистон, Пешвои миллат, Раиси Ҳизби Халқии Демократии Тоҷикистон муҳтарам Эмомалӣ Раҳмон 17 июл дар шаҳри Душанбе дар маҷлиси васеи Кумитаи Иҷроияи Марказии Ҳизби Халқии Демократии Тоҷикистон иброз доштанд: “Ҳамаи мо масъулини ҳизбӣ бояд корҳои таблиғотиву ташвиқотиро дар самти амалигардонии ҳадафҳои барномавии Ҳизби Халқии Демократии Тоҷикистон вусъат бахшида, дар татбиқи Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” ҳамкории доимиву муштаракро бо тамоми субъектҳои тарбияи ватандӯстӣ барои таҳкими пояҳои давлатдории миллӣ тавассути ҳифзи манфиатҳои миллӣ ва боло бурдани эътимод ба низоми давлативу давлатдорӣ равона намоянд.”.
Дар ин росто мо бо боварии том гуфта метавонем, ки Ҳизби Халқии Демократии Тоҷикистон бо дастгирии мардуми шарифи кишвар, таҳти сарварии хирадмандонаи Раиси ҳизб, муҳтарам Эмомалӣ Раҳмон бо татбиқи ҳадафҳои барномавии хеш ноил гардида, кишвар ва мардуми шарафманди Тоҷикистонро ба сӯйи арзишмандтарин хостаҳои миллӣ зери шиори “Барои рушди устувори иқтисодӣ ва зиндагии шоистаи мардум!”, аз ҷумла рушди таҳаввули иқтисодиёт, татбиқи чор ҳадафи тақдирсози стратегии давлат – истиқлолияти энергетикӣ, амнияти озуқаворӣ, раҳоӣ аз бунбасти коммуникатсионӣ ва саноатикунонӣ, ки ниҳояти он расидан ба зиндагии шоиста мебошад, роҳнамоӣ мекунад. Мардуми шарафманди кишвар ба ғояҳои созандаи ҳизб эътимоди қавӣ доранд, зеро он дар сафи пеши созандагию бунёдкорӣ ва ташаббускориҳо қарор дорад, ки барои ваҳдати миллӣ, сулҳу оромӣ, суботи сиёсӣ, созандагиву ободонӣ, рушди устувори иқтисодӣ ва таъмини зиндагии шоистаи мардум равона гардидааст.
Мо ҳамагон хуб медонем, ки Ҳизби Халқии Демократии Тоҷикистон тайи 30 соли сипаришуда садоқати худро ба арзишҳои умумимиллии истиқлолу озодӣ, демократия, волоияти қонун ва баробарҳуқуқӣ собит намуда, то ба имрӯз барои пешрафти ҳамаҷонибаи Тоҷикистон тамоми тадбирҳои имконпазирро амалӣ гардонида истодааст.
Раиси муаззами ҳизб, фарзанди фарзонаи миллати тоҷик, муҳтарам Эмомалӣ Раҳмон дар ҷамъбасти кори Маҷлиси васеи Кумитаи Иҷроияи Марказии Ҳизби Халқии Демократии Тоҷикистон чунин иброз доштанд, ки дар шароити имрӯзаи Тоҷикистони озоду соҳибистиқлол, ки бо мардуми ватандӯсти он бо қадамҳои устувор ва дилу нияти нек ба суи пешрафту шукуфоӣ ҳаракат менамоянд, ҳамаи роҳбарону масъулини ҳизбро лозим аст, ки тамоми қувва ва маҳорату истеъдоди аъзоёнашро барои тавсеа ва тақвият бахшидани ваҳдати миллӣ, суботи сиёсӣ ва амният, волоияти қонун, муборизаи беамон бар зидди коррупсия ва гардиши ғайриқонунии маводи мухаддир, таъмини рушди устувори кишвар бо истифодаи васеъ аз дастовардҳои илмию технологии муосир сафарбар намояд.
Дар партави дустуру ҳидоятҳои Роҳбари давлат муҳтарам Эмомалӣ Раҳмон, дар ин инҷо чанд мисра шеъре аз эҷодиёти Шоири Халқии Тоҷикистон, шоири ватансаро Муҳаммад Ғоибро ба ёд овардан зарур мешуморем:
Гӯш ҳарфи роҳбар бояд кунем,
Дуртар роҳи назар бояд кунем.
Дасти нанги худ сипар бояд кунем,
Қатраҳоро ҳам гуҳар бояд кунем.
Дар ҳама майдон зафар бояд кунем,
Тоҷикистонро дигар бояд кунем!
Умедворам, ки мо ҳизбиён ва хурду бузурги миллати тоҷбарсари тоҷик бо дарки баланди масъулият, эҳсоси худшиносӣ ва расидан ба қадри муҳимтарин дастоварди миллати тоҷик истиқлолу озодӣ фаъолияти созандаву бунёдкоронаи худро дар партави сиёсати оқилона ва дурандешонаи Пешвои муаззами миллат, Раиси ҳизб, муҳтарам Эмомалӣ Раҳмон густариш бахшида, ҷашни муқаддасу таърихии 35-солагии истиқлоли давлатиро бо меҳнати арзанда ва дастовардҳои назаррас таҷлил менамоем.

Давлатшо Каримзода, котиби ташкилоти ибтидоии ҳизбии “Омӯзгор”-и ҲХДТ дар Донишгоҳи давлатии омӯзгории Тоҷикистон ба номи Садриддин Айнӣ

🇷🇺 ПРОГРАММНАЯ ЦЕЛЬ НАРОДНО-ДЕМОКРАТИЧЕСКОЙ ПАРТИИ ТАДЖИКИСТАНА: ОБЕСПЕЧЕНИЕ СПОКОЙСТВИЯ И ДОСТОЙНОЙ ЖИЗНИ ДЛЯ НАРОДА ТАДЖИКИСТАНА
(Размышления и впечатления от расширенного заседания Исполнительного комитета Центрального аппарата Народно-демократической партии Таджикистана, 17.07.2025)

Главная цель и задача Народно-демократической партии Таджикистана — создание мирной и стабильной обстановки в стране, закладывание прочной основы для развития и процветания суверенного государства Таджикистан и обеспечение достойной жизни для его народа.
Уважаемый Эмомали Рахмон,
Лидер нации, Председатель Народно-демократической партии Таджикистана
Народно-демократическая партия Таджикистана — плод сильной воли, благих намерений, великой мудрости, дальновидности и особого авторитета достойного сына таджикского народа — уважаемого Эмомали Рахмона. С присущими только ей стилем и подходами партия заняла свое место на политической арене страны.
Именно поэтому НДПТ вносит значительный вклад в строительство демократического, светского и социального государства, в защиту независимости и её достижений, обеспечение благополучия народа, защиту прав и свобод граждан. Партия представляет Таджикистан как полноценного члена международного сообщества, развивая внешнеполитическую концепцию государства на основе принципов равенства, дружбы и укрепления двустороннего и многостороннего экономического сотрудничества со всеми странами мира.
Следует отметить, что НДПТ является одной из ведущих и передовых политических партий Таджикистана, объединившей в своих рядах все слои общества, которые поддерживают её программные и уставные цели. Возникнув в эпоху независимости, партия берет начало из глубин народа. Её главная задача — построение правового и демократического общества, а также передача будущим поколениям процветающего государства и мирной жизни.
На протяжении всего периода своего существования партия действует по принципу «с народом, среди народа и ради народа» и под лозунгом «За устойчивое экономическое развитие и достойную жизнь народа», играя значительную роль в формировании гражданского общества и новой государственной модели Таджикистана.
Уважаемый Лидер партии, Эмомали Рахмон, на расширенном заседании отметил, что главной целью создания партии является объединение таджикского народа и всех конструктивных и прогрессивных сил общества, повышение национального самосознания, патриотизма и любви к Родине, с целью построения суверенного, демократического, правового и социально развитого государства, предоставляющего каждому гражданину страны достойные условия жизни.
Особое внимание партия уделяет молодёжи, как будущему независимого государства. С первых дней молодое поколение находится в центре программы НДПТ. Руководство партии предпринимает действенные меры для решения их проблем, развития их интеллектуального потенциала, поддержки их творческой деятельности и вовлечения в реализацию инновационных программ.
Особенно приоритетными являются вопросы создания новых рабочих мест, обеспечения доступа к образованию, вовлечения молодежи в государственные структуры, включая руководящие должности и представительные органы, а также развития лидерских качеств у молодёжи.
Именно благодаря своей плодотворной деятельности и защите коренных интересов народа в ответственные исторические моменты, НДПТ заняла лидирующую роль в обществе. Мы гордимся тем, что наш уважаемый Лидер партии взял на себя ответственность за укрепление новой государственной системы в самые чувствительные и судьбоносные периоды истории, принял решительные меры и повёл народ к полному установлению стабильности в кратчайшие сроки.
Сегодняшняя нестабильная международная политическая ситуация требует от нас, членов партии, ещё большей активности в укреплении государственной независимости и национального единства. Мы не должны позволить ни одной деструктивной группе или лицу поколебать политическую стабильность общества. В этом направлении партийные организации должны активизировать разъяснительную и агитационную работу с населением.
Как отметил Президент Республики Таджикистан, Лидер нации и Председатель НДПТ уважаемый Эмомали Рахмон 17 июля на расширенном заседании Центрального Исполнительного Комитета в г. Душанбе: «Все партийные руководители должны усилить информационно-пропагандистскую деятельность по реализации программных целей НДПТ, наладить постоянное и совместное сотрудничество со всеми субъектами патриотического воспитания для укрепления основ национальной государственности через защиту национальных интересов и повышение доверия к системе государственного управления».
Уверенно можно сказать, что под мудрым руководством Председателя партии, уважаемого Эмомали Рахмона, и при поддержке благородного народа страны, Народно-демократическая партия Таджикистана успешно реализует свои программные задачи и ведёт народ к реализации национальных идеалов под лозунгом «За устойчивое экономическое развитие и достойную жизнь народа!»
Партия активно работает над достижением стратегических целей — энергетической независимости, продовольственной безопасности, выхода из транспортной изоляции и индустриализации, конечной целью которых является обеспечение достойной жизни.
Народ Таджикистана полностью доверяет созидательной идеологии партии, ведь она находится в авангарде национального единства, мира, политической стабильности, строительства, развития экономики и обеспечения благополучия народа. За 30 лет своей деятельности партия проявила неизменную приверженность к общенациональным ценностям независимости, свободы, демократии, верховенства закона и равноправия, прилагая все возможные усилия для всестороннего развития страны.
В завершение работы расширенного заседания Исполнительного комитета Центрального аппарата партии, уважаемый Эмомали Рахмон отметил, что в условиях сегодняшнего свободного и независимого Таджикистана, который вместе с патриотическим народом уверенно движется к процветанию, все руководители и активисты партии обязаны направить свои силы, мастерство и талант на укрепление национального единства, политической стабильности, верховенства закона, борьбу с коррупцией и незаконным оборотом наркотиков, а также на устойчивое развитие страны с использованием современных научных и технологических достижений.
В свете наставлений Лидера государства уместно вспомнить строки народного поэта Таджикистана, патриотического поэта — Мухаммада Гоиба:
Слушать слова Лидера — наша задача,
Дальше глядеть — в этом наша отвага.
Честь свою — как щит защищать,
И в капле — жемчужину отыскать.
На каждом поле — побеждать,
Таджикистан — преображать!
Мы, члены партии и весь народ Таджикистана, с высоким чувством ответственности, самосознания и глубоким пониманием важнейших достижений нашей нации — независимости и свободы, продолжим нашу созидательную деятельность под мудрым и дальновидным руководством уважаемого Эмомали Рахмона, достойно отпразднуем священный и исторический 35-летний юбилей государственной независимости с весомыми результатами и достижениями.

Давлатшо Каримзода
Секретарь первичной партийной организации “Омузгор” Народно-демократической партии Таджикистана вТаджикском государственном педагогическом университете имени Садриддина Айни

🇬🇧THE MISSION OF THE PEOPLE’S DEMOCRATIC PARTY OF TAJIKISTAN: ENSURING A PEACEFUL ENVIRONMENT AND A DIGNIFIED LIFE FOR THE PEOPLE OF TAJIKISTAN
(Reflections and Impressions from the Extended Meeting of the Executive Committee of the People’s Democratic Party of Tajikistan – July 17, 2025)

“The main purpose and mission of the People’s Democratic Party of Tajikistan is to create a peaceful and stable environment in the country, lay a firm foundation for the development and progress of the sovereign state of Tajikistan, and ensure a decent life for its people.”
His Excellency Emomali Rahmon, Leader of the Nation and Chairman of the People’s Democratic Party of Tajikistan
The People’s Democratic Party of Tajikistan (PDPT) is the embodiment of strong will, noble intentions, supreme wisdom, farsightedness, and the unique stature of the great son of the Tajik nation, His Excellency Emomali Rahmon.
With its distinctive style and unparalleled approach, the PDPT has emerged on the political stage and continues to play a crucial role in building a democratic, secular, and social state in Tajikistan, preserving its independence and achievements, ensuring the well-being of the people, safeguarding the rights and freedoms of citizens, and presenting Tajikistan as an integral part of the international community.
In line with the concept of the state’s foreign policy, the PDPT promotes the principles of equality, friendship, and the strengthening of bilateral and multilateral economic cooperation with all countries of the world. The Party remains committed to supporting and continuing this policy.
It should be emphasized that the PDPT is one of the leading and pioneering political parties in Tajik society, uniting within its ranks all segments of society that support the Party’s goals and programs. Naturally, the People’s Democratic Party of Tajikistan, born in the era of independence, stems from the people themselves. Its core objective is to build a democratic society governed by the rule of law and to leave a prosperous and peaceful country as a legacy to future generations.
Acting under the motto “For Sustainable Economic Development and a Decent Life for the People,” the Party has significantly contributed to shaping civil society and a new model of statehood for the Tajik people, consistently operating in the spirit of “with the people, among the people, and for the people.”
At the recent extended meeting of the PDPT, the esteemed Leader of the Party, His Excellency Emomali Rahmon, stated that the fundamental goal of creating this party was to unite the Tajik nation and all constructive and progressive forces of society, to raise national consciousness and patriotic values, and to build a sovereign, democratic, secular, and socially advanced state where every citizen can enjoy a dignified standard of living.
It is worth noting that young people, as the future-driving force of independent Tajikistan, have always been at the heart of the Party’s program. The Party leadership continuously takes practical measures to address their challenges, foster their intellectual potential, and create favorable conditions for supporting their creative initiatives. This includes creating new jobs, ensuring access to education, involving youth in state institutions, including leadership roles and representative bodies, and thereby developing their leadership skills.
This is precisely how the People’s Democratic Party of Tajikistan has earned the status of a leading political force in society—through its fruitful activities and unwavering defense of the fundamental interests of the people during critical historical periods that required exceptional courage and determination. We take great pride in the fact that the respected Leader of our Party took on the great responsibility of establishing a new system of governance during decisive historical moments. Through firm decisions and by guiding the people in their implementation, he led the nation to complete stability within a remarkably short period.
Today, the current global political instability urges us, as party members, to work harder than ever to strengthen state independence and national unity. We must not allow any group or individual with malicious intentions to undermine the political stability of our society. In this regard, the Party's local organizations must intensify awareness-raising and outreach efforts among the public.
As His Excellency Emomali Rahmon, President of the Republic of Tajikistan and Leader of the Nation, stated at the extended meeting of the Central Executive Committee of the PDPT in Dushanbe on July 17: “All of us, the Party officials, must intensify propaganda and promotional efforts to implement the PDPT’s program goals and ensure constant cooperation with all entities involved in patriotic education.
These efforts must be directed toward strengthening the foundations of national statehood by protecting national interests and increasing public confidence in the state system and governance.”
In this context, we can confidently state that under the wise leadership of His Excellency Emomali Rahmon and with the support of the noble people of the country, the People’s Democratic Party of Tajikistan is successfully achieving its program goals. Guided by the slogan “For Sustainable Economic Development and a Decent Life for the People,” the Party is leading the country toward national aspirations through economic transformation and the implementation of four strategic national goals: energy independence, food security, breaking the communication deadlock, and industrialization—ultimately ensuring a decent standard of living for all.
The people of Tajikistan have full trust in the Party’s constructive ideology, as it stands at the forefront of national unity, peace, political stability, development, and prosperity. Over the past 30 years, the PDPT has demonstrated its loyalty to the universal values of independence, freedom, democracy, rule of law, and equality, and has taken all possible measures to ensure the comprehensive development of Tajikistan.
At the conclusion of the extended meeting of the Central Executive Committee of the Party, the respected Leader of the Party and distinguished son of the Tajik nation, His Excellency Emomali Rahmon, remarked that in today’s free and independent Tajikistan, which, alongside its patriotic citizens, confidently moves toward progress and prosperity, all Party leaders and officials must mobilize the strength, skills, and talents of its members to strengthen national unity, ensure political stability and security, uphold the rule of law, combat corruption and illegal drug trafficking, and achieve sustainable development through the widespread application of modern scientific and technological achievements.
In light of the wise directives of our Leader, it is appropriate to recall a few lines from the poetry of the People’s Poet of Tajikistan, the patriotic poet Muhammad Ghoib:
Let us heed the words of our Leader,
Cast our vision far beyond.
Let our honor be our shield,
Let us turn each drop into a gem.
Let us triumph in every field,
And transform Tajikistan anew!
With a deep sense of responsibility, self-awareness, and appreciation for the great achievement of our nation—independence and freedom—we, as loyal members of the Party and the noble people of Tajikistan, must continue our creative and constructive efforts under the wise and visionary leadership of the Leader of the Nation, His Excellency Emomali Rahmon. Together, we will celebrate the sacred and historic 35th anniversary of state independence with worthy achievements and impressive results.

Davlatsho Karimzoda
Secretary of the “Омӯзгор” Primary Organization of the People’s Democratic Party of Tajikistan at the Tajik State Pedagogical University named after Sadriddin Ayni

18/07/2025

26/06/2025

#МАҚОЛА ВАҲДАТИ МИЛЛӢ – ОҒОЗИ РӮЗГОРИ ОБОДУ ОСУДАИ МАРДУМ ВА ЭҲЁИ ХУДШИНОСИЮ ХУДОГОҲИИ МИЛЛӢ

Аз баракати сулҳу оромӣ мо нақшаҳои худро доир ба пешрафти босуботи кишвар, ободониву созандагии Ватан ва зина ба зина беҳтар гардонидани сатҳу сифати зиндагии мардум дар доираи чор ҳадафи стратегии миллӣ муайян ва муттаҳид намудем, ки имрӯз бо дастгирии самимона ва саъю талоши ватандӯстонаи халқамон дар ҷодаи амалӣ гардонидани онҳо бо қадамҳои устувор пеш рафта истодаем. Ҳамчунин, хотирнишон менамоям, ки ҳифзи истиқлолу озодии Ватан, густариши пайвастаи худогоҳиву худшиносии миллӣ, ватандӯстиву ватанпарастӣ, арҷгузорӣ ба муқаддасот ва рамзҳои давлатӣ, таърих, забон ва фарҳанги миллӣ, таблиғи аҳаммияти сулҳу оромӣ, суботи сиёсӣ, сарҷамъии миллат, ваҳдати миллӣ, эҳтирому риояи Конститутсия ва қонунҳо, яъне таъмини волоияти қонун бояд вазифаи муқаддаси ҳар як шаҳрванди бонангу номус бошад. Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон
Дар таърихномаи ҳар миллат саҳифаҳои сабақомӯз ва пурарзише вуҷуд доранд, ки аз иқдоми нек ва хирадмандона ба нафъи халқу Ватан башорат медиҳанд ва барои наслҳои минбаъда ҳамчун чароғи ҳидоят хидмат мекунанд. Яке аз чунин санаҳои муҳиму тақдирсоз дар таърихи давлатдории навини Тоҷикистони соҳибистиқлол 27-июни соли 1997 ба шумор меравад. Дар ин рӯз бо кушишҳо ва талошҳои пайвастаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Москови Федератсияи Россия, Созишномаи умумии истиқрори сулҳ ва ризоияти миллӣ дар Тоҷикистон ба тасвиб расид, ки ҷомеаи ҷаҳонӣ ин таҷрибаи сулҳофарини тоҷиконро эътироф кардааст.
Ваҳдат калимаест, ки реша дар дӯстӣ, бародарӣ ва ягонагии дили инсонҳо дорад. Дар замони пурошӯби ҷаҳони имрӯз, ки ҷудоӣ, кина, душманӣ ва ихтилофҳо миёни халқҳо ва миллатҳо мушоҳида мешаванд, аҳамияти ваҳдат беш аз ҳар вақти дигар эҳсос мешавад. Ваҳдати миллӣ муҳимтарин дастоварди бузург ва муқаддаси миллати мо дар даврони соҳибистиқлолии кишвар ба ҳисоб рафта, нақши бузургеро дар сарҷамъии миллат ва пойдории давлат гузоштааст. Дар ҳақиқат, Ваҳдати миллӣ аст, ки сулҳу субот, оромиву осоиштагӣ, пешрафту тараққиёт, ободии давлату миллат ва зиндагии шоистаи мардум таъмин карда мешавад. Ваҳдат оғози ҳамаи созандагиву ободкориҳо, ибтидои суботи сиёсиву иҷтимоӣ, некӯаҳволии рӯзгори ободу осудаи мардум ва эҳёи худшиносию худогоҳӣ ва роҳ ба сӯйи фардои дурахшону босаодати кишвар аст. Бо кӯшишҳои пайгиронаи Пешвои муаззами миллат, муҳтарам Эмомалӣ Раҳмон миллати парешонгашта сарҷамъ гардида, мамлакат ободу зебо ва гулгулшукуфон шуд, пеш рафт ва барои бунёди рӯзгори ободу осудаи ҷомеа заминаи воқеӣ гузошт. Сулҳу ваҳдати тоҷикон на танҳо давлату миллатро наҷот дод, балки дар дили насли ҷавони тоҷик умедро ба ояндаи нек, хушбахтӣ, саодат, некномӣ ва ваҳдати ногусастанӣ зинда намуд. Ба щамагон маълум аст, ки ваҳдатофарии миллати мо собиқаи куҳан дорад. Ваҳдати миллӣ ба сатҳи худшиносии миллӣ ва дарки моҳияти ватандорӣ робитаи зич дорад. Барои ҳар як давлату миллат сулҳ ва оромӣ муҳимтарин дастовард ба ҳисоб меравад, бидуни ваҳдати миллӣ ба рушди иҷтимоиву сиёсӣ, иқтисодӣ ва фарҳангӣ расидан амри маҳол аст. Миллати соҳибтаммаддуни тоҷик хушбахтона зери сиёсати сулҳҷӯёнаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳи дурусти тараққиёти худро дарёфт, ки имрӯз дорои ваҳдати комил мебошад. Ваҳдати миллӣ на танҳо рамзи осоиштагии ҷомеа, балки омили асосии давлатсозӣ, пешрафти иқтисодӣ ва таҳкими пояҳои истиқлолият мебошад. Таҷрибаи таърихии Тоҷикистон нишон дод, ки танҳо тавассути иттиҳоду якдилӣ ва муколамаи миллӣ метавон аз вартаи ҷанг ва парокандагӣ раҳо ёфт. Имрӯз ваҳдати миллӣ бояд чун гавҳараки чашм ҳифз шавад, зеро он на танҳо осори гузашта, балки ояндаи рӯшан аст. Зеро ваҳдат-беҳтарин неъмат, ҳаёти инсон, орзуву армон, таҳкими давлат, наҷоти миллат, рушди тоҷикон, нумуи даврон хастии инсон дар ҳар замину замон аст. Ваҳдат ва сулҳи умумибашарии Тоҷикистон ҷонибдории мамлакатҳои ҳамзамони бурунмарзи мавқеву мақоми онро дар миқёси ҷаҳон овозадор менамояд. Танҳо бо роҳи ваҳдат, якдигарфаҳмӣ истиқлоли кишварро муҳофизату пойдор ва ягонагии мардумро устувор карда метавонем.
Танҳо дар сурати ваҳдат душвориҳо ва монеаҳо паси сар мешаванд, рӯзгори мардум рӯ ба беҳбуди меорад, ки имрӯз кишвари азизамон ба шоҳроҳи пешрафту тараққиёт рӯ овардааст. Чи тавре Пешвои миллат, Асосгузори сулҳу ваҳдати миллӣ, Президенти мамлакат Эмомалӣ Раҳмон иброз доштаанд, «Ҳар касе, ки ниҳоле сабзонда бошад, медонад, дарахт соле як маротиба ҳосил медиҳад. Аммо ниҳоле низ ҳаст, ки ҳамеша меваи ширин ба бор меорад. Мо меваи ширину сабзонидаамонро чашидем, ҷомеаи мо аз он баҳравард гардид, мо ҳаргис роҳ намедиҳем, ки дигар теша ба решаи он расад». Он дарахте, ки саравари маҳбуби кишвар ба сулҳу ваҳдат ташбеҳ додаанд, имрӯзҳо меваҳои ширину шаҳдбори бисёре ба самар оварда истодааст, ки бо онҳо мо, тоҷикон ифтихор мекунем. Муносибати нави давлатӣ, сиёсати соҳибистиқлол гардидани Тоҷикистон, сохтмони роҳҳои нави дохилию берунӣ ва ба хориҷӣ кишвар баромадани тоҷиконро ба миён гузошт. Дар ин радиф сохтмони роҳҳои оҳан, сохтмони шоҳроҳо ба мамлакатҳои Осиё, ба сӯи уқёнуси ҷаҳон, роҳҳои калонтарини хушкигард расонид. Ин марҳилаи рушд боиси эҳёи арзишҳои миллии роҳи бузурги Абрешим гардид, ки Бохтару Суғд ва Бадахшонро бо калонтарин давлатҳои ҷаҳон мепайвандад.
Омили муҳимтарини таҳкимбахши афкори тозаи давлатдории миллӣ Ваҳдати миллӣ мебошад ва замона тақозо дорад, ки ҷавонон бояд тафаккури ваҳдатофар дошта бошанд. Имрӯз ҷавонони мо дар қиёс ба ҷавонони се даҳсолаи пеш тафовути зиёд доранд. Ҷавонони имрӯза эҳсоси тааллуқ ва ҳувияти миллии хубе доранд. Бешак, ин эҳсос дар вуҷуди ҷавонони кишвари мо аз сиёсати созандаи роҳбарияти давлату Ҳукумати Ҷумҳурии Тоҷикистон сарчашма мегирад. Бинобар ин, масъалаи худшиносӣ ҳеҷ гоҳ аз шинохти таъриху тамаддун, шароити имрӯзаи Тоҷикистон ва минтақа ҷудо набуд ва нахоҳад монд. Яъне, ҷавони боҳувият ва худшиноси тоҷик бояд, ки бо дониши зарурӣ, донише, ки шоистаи ҷавони қарни XXI аст, мусаллаҳ ва муҷаҳҳаз бошад.
Имрӯзҳо яке аз муҳимтарин паёмадҳои Ваҳдати миллӣ - бедории худшиносӣ ва худогоҳии миллӣ мебошад. Бо ташаббуси Пешвои миллат, забони тоҷикӣ ҳамчун рукни давлатдорӣ арҷгузорӣ шуд, таърих ва фарҳанги миллӣ мавриди омӯзиш ва эҳё қарор гирифт. Дар ин замина мардум фаҳмид, ки бидуни худшиносӣ наметавон ба ваҳдати воқеӣ расид. Аз ин бармеояд, ки давлат бо такя ба унсурҳои миллӣ тадриҷан ташаккул меёбад, шакл мегирад ва рушд мекунад. Давлати миллӣ маҷмӯи унсурҳои ба як миллати хос мансуббударо таҷассум мекунад ва он муваззаф аст забон, тамаддун, дину оин, анъана ва дар маҷмӯъ фарҳанги миллиро ташаккул диҳад. Чун ваҳдати миллӣ ҳамаи ин омилҳои ваҳдатсозро ҷамъбаст менамояд, месазад, ки онро чун омили муҳимтарини таҳкимбахши давлатдории нави миллӣ шиносем, ба он эҳтиром гузорем, онро густариш диҳем ва дар зиндагонии ҳаррӯза маҳаки аслии фаъолият қарор диҳем. Ваҳдати миллӣ тоҷиконро водор сохт, ки бо ифтихор аз гузашта ва бовар ба фардо зиндагии нав бинанд - зиндагии озод, бошуур ва созанда умед бибанданд. Чаро ки ваҳдати миллӣ як самти муҳимтарини сиёсати пешгирифтаи роҳбарияти Тоҷикистони соҳибистиқлолро ташкил медиҳад ва саҳми он барои таҳкими рукнҳои давлати миллӣ муассир аст. Метавон гуфт, ки Ваҳдати миллӣ метавонад чун идеологияи ҷомеаи навбунёд пазируфта, дар роҳи боло бурдани ҳуввияти миллӣ ва таҳкими давлатдории миллии тоҷикон хидмат намояд.
Чуноне, ки Асосгузори сулҳу ваҳдати миллӣ Пешвои миллат Президенти Ҷумҳурии Тоҷикистон муҳтарам Эмомалӣ Раҳмон изҳор доштаанд: «Ваҳдат рамзи воқеӣ ва ҷавҳари фалсафаи сулҳофарӣ, фарҳангсолориву таҳаммулпазири миллати тоҷик ва таҷассумгари иттиҳоду ҳамбастагии тамоми мардуми Тоҷикистон мебошад».
Имрӯзҳо мо мардуми шарафманди Тоҷикистон хуб дарк мекунем, ки зиндагии осудаву ороми ҳар як оила, амалӣ гардидани нияту орзуи неки ҳар як шаҳрванд, ободию пешравии Ватан ва пешрафти давлат танҳо дар абади пойдор мондани сулҳу суботи комил ва Ваҳдати миллӣ имкон дорад. Мову Шумо ва ҷавонони миллати тамаддунофари тоҷик бояд сарзамини зебои худро сидқан дӯст доранд, ба қадру қимати Ватану ватандорӣ расем ва шукронаи сулҳу амнияти кишвар ва ваҳдати миллиро ҳамеша ба ҷо оварем, ки ин тӯҳфаи арзишмандест, ки бо талошу заҳматшои шабонарӯзиҳои Пешвои муззами миллат, Президенти Ҷумҳурии Тоҷикистон муҳтарам Эмомалӣ Раҳмон дар давраҳои вазнин ба даст омадааст. Дар ин давра вусъат бахшидани заҳмати созандаву бунёдкорона ба хотири ободии Ватани маҳбубамон, Тоҷикистони соҳибистиқлоламон вазифаи ҳар яки мо мебошад.
Ба қадри зиндагии орому осоиштае, ки мо, аҳолии мамлакат имрӯз дорем, бояд расид ва барои ин неъмати бузургтарини бо тамоми ҳастӣ ба Президенти мамлакат, Пешвои миллат муҳтарам Эмомалӣ Раҳмон - фарзанди содиқи Ватан, ки дар лаҳзаҳои басо душвору хатарнок корнамоиҳо нишон дода, ҷони худро зери хатар гузоштанд ва сулҳу суботро дар ҷумҳурӣ барқарор намуданд, изҳори миннатдорӣ намоем.
Дар кишвари маҳбуби мо хурду бузург хуб медонанд, ки самараи сиёсати хирадмандона ва дурбинонаи Пешвои миллат мебошад, ки мардуми мо ваҳдату ягонагиро шиор карда, шаҳди онро мечашанд ва барои таъмини зиндагии боз ҳам шоиста камари ҳиммат баста, роҳу мактаб, кӯдакистону китобхонаҳо, қасру боғҳои фарҳангӣ, шифохона ва манзилҳои хуштарҳи замонавӣ месозанд.
Мо ҳамагон худ шоҳид ҳастем, ки бо ба даст овардани сулҳу субот ва сармоягузории давлатӣ, маориф дар Тоҷикистон марҳилаи нави рушдро оғоз намуд. Аз ҷумла:
1. Барқарорсозии инфрасохтори мактабҳо
Сохтмон ва таъмири мактабҳои нав дар тамоми минтақаҳо.
Ҷалби сармояи хориҷӣ ва ёрии созмонҳои байналмилалӣ
2. Баланд бардоштани мақоми омӯзгор
Афзоиши маоши омӯзгорон.
Барномаҳои такмили ихтисос ва дастгирии касбии муаллимон.
Ташкили курсҳои омӯзишӣ ва сертификатсия.
3. Таъмини муассисаҳои таълимӣ бо маводи дарсӣ
Чопи китобҳои дарсӣ бо маблағгузории давлатӣ ва шарикони рушд.
Таъсиси барномаҳои электронӣ ва ҷорӣ кардани технологияҳои иттилоотӣ.
4. Рушди таҳсилоти олӣ ва касбӣ
Афзоиши шумораи донишгоҳҳо ва коллеҷҳо.
Ҷорӣ гардидани ихтисосҳои замонавӣ.
Иштироки донишҷӯён дар барномаҳои байналмилалӣ
5. Баробарии дастрасӣ ба таҳсил
Ҷалби духтарон ва кӯдакони деҳот ба таҳсил.
Барномаҳои дастгирии гурӯҳҳои осебпазир (квотаи Президентӣ барои донишҷӯёни минтақаҳои дурдаст, имконияти таҳсили ройгон ва ғайра).
Бинобар ин, ҳар як омӯзгорро зарур аст, ки наврасону донишҷӯён ва ҷавононро дар рӯҳияи ватандӯстиву ватанпарварӣ ва расидан ба қадри истиқлолияту ваҳдати миллӣ, ки арзишмандтарин дастовард барои миллати тоҷик ба ҳисоб мераванд, тарбия намоянд, зеро ки ояндаи давлату миллат, таъмини амният, сулҳу субот ва ободиву пешрафти Ватани маҳбубамон дар дасти онҳо мебошад. Ҷавонони тоҷик фарзандони истиқлолият ва ваҳдати миллӣ мебошанд, зеро онҳо дар канори истиқлолият, озодиву соҳибихтиёрии ватанамон ба воя расида истодаанд.
Бо бовари том гуфта метавонем, ки муттаҳидиву ягонагӣ ҳамчун сарчашмаи бахту иқбол ва саодатмандии миллати тоҷик ва пешрафти давлати миллии тоҷикон муқаддасу бегазанд ва ҳамеша пойдору устувор мемонанд ва моро дар роҳи татбиқи нақшаву ҳадафҳои тақдирсози Сарвари маҳбуби кишвар ва Ҳукумати мамлакат ғайрату илҳоми тоза мебахшад. Зеро Ваҳдати миллӣ асоситарин шарти озодиву истиқлолияти ҳар як давлат буда, муҳаббат, ҳуввият ва шарофату шафоати инсонии шаҳрвандонро таъмин менамояд ва пешрафту тараққиёти иқтисодию иҷтимоии мамлакатро таҳким мебахшад.
Ваҳдати миллӣ танҳо як рӯйдоди сиёсӣ нест, балки бузургтарин неъмат ва сабақи таърихист, ки мардуми тоҷик бо хун ва ашк ба даст оварданд. Ин ваҳдат оғози рӯзгори обод, поёни парокандагӣ, ва эҳёи маънавият ва худшиносии миллӣ мебошад.
Мо бояд ин неъматро чун гавҳараки чашм ҳифз кунем ва наслҳои наврасро бо арзишҳои сулҳ, ваҳдат, меҳанпарастӣ ва худогоҳӣ тарбия намоем.

Давлатшо Каримзода – сардори шуъбаи тарбия, унвонҷӯи кафедраи сиёсатшиносии Донишгоҳи давлатии омӯзгории Тоҷикистон ба номи Садриддин Айнӣ