https://www.facebook.com/130760120130058/

MEJG, Dili (2026)

01/03/2026

Iha loron Domingo ba semana daha'at nian Movimento Estudante Juventude Gou-Lora (MEJG) Kordenadora ho estrutura no membru sira, finaliza ona materia dahuluk nian kona-ba organizasaun.
iha Domingo semana oin mai Sei kontinua aprende kona-ba Excel, Word no power poin, husu ba membru sira hotu keta haluha lori ho Laptop rasik atu nune'e fasil hodi komprende aumesmo sei kontinua halo pratika.

Materia organizasaun ne'e mak Kordenadora no membru sira aprende, mai ho mahusuk rua katak 1)tan sa ita presiza organiza? 2) Saida mak sai pontu forte iha organizasaun?
q
Iha kondisaun objektiva dudu estudante presiza organiza malu hodi forma orgaun, se lahó kondisaun objektiva maka ita lahó hanoin atu organiza no forma orgaun simplesmente hanesan ne'e.

Organizasaun ne'e existe atu diskuti problema sosial ne'ebe mak sosiedade hasoru iha rai ne’ebe horik ba. mundo ohin loron, mundo ida ne'ebe mak kompetisaun, konsege orienta ema nia hanoin tenki kompete no ema la konsege lori ema ba hare'e hetan asuntu sosiál ne'ebe maka hanesan: estrada,be'e mos, Sentru saúde la sufisiente, ai moruk la iha, konflitu entre joven sira, asedu sexual no Violasaun seksual.

Husi problema baziku hirak ne'e Presiza hare'e mos organizasaun organizadu no organizasaun la organizadu! organizasaun organizadu mak hanesan iha naran, estrutura, viziaun, missaun ,programa planu aktividade objektivu, estatutu no fatin.Organizasaun la organizadu mak hanesan, mercadu, Manu futu, biliar, joga karta.
Iha organizasaun ne'e determinadu husi forsa massa popular membru no lideransa.maibe husi ne'e hotu mak ho politika no idelojia.husi politika no idelojia maka forma karakter kada membru no iha organizasaun ne'e rasik, membru atu barak to'o ne'ebe, fasilidade organizasaun nian atu forte to'o ne'ebe, nia Sei la kroat no la sai arma luta ida ba poderozu se la lidera husi ideolojia no politika fasilmente ita atu lakon no namkari arbiru. hanesan Marx dehan Movimento ida la mai ho orientasaun Teoria, idelojia no politika ne'e hanesan Ró iha tasi laran ne'ebe la hatene nia diresaun ho klaru tanba la iha kompas no mapamentu atu lao tuir.

Fasilmente atu komprende no unifika lider, membru ho massa popular, ne'ebe iha organizasaun ita bele fo exemplu simples hanesan transporte presiza bele lori ka tula ou lidera viajem passajeirus sira nian.transporte ne'e presiza maneira ou dalan atu atinzi objektivu ikus, antes lider, membru no massa deside iha forum. Iha sorin seluk organizasaun ita bele hare'e nudar instrumentu ba funu hodi halakon inmigu povu nian, surik ne'e atu kroat no forsa depende ba kapasidade lideransa.

Iha Movimento liberal no movimentu progresivu iha diferente dok iha diferente hansa ne'ebe : iha metode hare'e no hanoin, pozisaun, atua problema, nia asaun, nia pratika sosia.iha metode hanoin ne'e mak ho idelojia hanoin ne'ebe logika ne'e mai ho teoria, organizasaun progresivu metode hare ba problema: malnutrisaun-komsumu diariu- la nutritivu no fontes redimentu familia.
Ex: simples fenomena ohin loron hanesan dengue ne'e nia impaktu ne'e husi ne'ebe ita hare'e lixu Soe arbiru saluran valeta naton udan mai be'e mak liu foer belit iha valeta aumenta susuk barak hodi tata ema hamosu Dengue tuir Los parte estaduq presiza hare'e to'o iha ne'eba ho mekanismu seluk bele Prepara fatin ne'ebe dignu ba povu.

Lalos dehan fali kaer fali susuk Aman no inan lori ba hotu iha Australia ne'e ka la logika hare'e ho metode hansa ne'e mak ita dehan liberal no ikus fo sala mak inan aman mak la hare'e oan afinal la hare'e ho klean ikus individu mak sai kulpa hodi taka falta ba poder nain sira asumi hela pozisaun ba.

Iha organizasaun liberal existe atu hatan ema ida ka grupu balun nia nesesidade no hametin (Statu quo) laos ema wain nian ho metode hare'e fenomena ba hansa malnutrisaun, estada grave, konflitu entre joven ne'e impaktu husi Juventude ka inan aman sira, hodi ida ne'e NGO halo kontinua aproveita husi doador ho parte estadu bele apoiu fundus ne'ebe mak boot hodi tun ba halo advokasia no dehan ba povu vulneravel sira tenki kritika ba estado atu nune'e hodi habokur NGO ninia interese privadu duke komun.

Iha organizasaun mos ita hare'e komprende Ideolojia no politika. ideolojia hanesan objektiva da ikus ba ita nia hakarak! exemplo Simples Nelson ho Carla halao relasaun Domin husi sira nain rua nia relasaun ho konkordansia ida katak tenki forma uma kain ida ne'e objektivu ikus ba nain rua.
Husi nain rua nia objektivu ne'e hodi hametin Valos popular,justica, no demokrasi.
Idelojia ne'e materi baziku/ materia prima hodi forma surik. Surik ne'e atu kroat no forsa termina husi materia baziku Sei materia baziku mak la forte fasil atu hatohar husi inimigu.idelojia nudar arma ida hafalun surik hodi Luta.
Politika hanesan maneira ida ne'ebe oinsa hafasil atu hamonu inimigu fasil atu domina inimigu exemplu simples Nelson ho Carla iha konkordansia klaru agora dalan oinsa mak Nelson bele hodi carla nia familia bele simu nia ho diak hodi Nelson bele domina iha familia carla ne'e refere atu domina menan carla husi nia familia dalan ida mak tenki brani no Konsisten.
Prinsipiu baziku husi organizasaun presiza hatur iha lider membru no iha organizasaun ne'e nia laran iha ha'at (4).
1. Sentidu lina de massa
2. Sentidu disciplina no demokrasi
3. Sentidu kolektivismu
4. Sentidu Vanguarda.
#) Sentidu lina de massa ne'e atu dehan katak ema ka grupu husi organizasaun sira ne'e hola parte husi povu hodi konsiente kona-ba opresaun, esplosaun, povu tenki kontra.
Prinsipiu husi Sentidu lina de massa atu dehan atu regula organizasaun no massa labele monu ba komandismu no labele hamate konsiensia politika objektivu massa nian iha situsaun politika nian, organizasaun apenas bokan bazea ba koinesimentu sujektivu nian.
Koinesementu subjektivu mak la forte no kroat ne'e sei halai ses husi diresaun luta massa popular nian. lina de massa existe so iha organizasaun progresivu luta ba interese kolektivu ba massa popular nian.no Continua diskuti pasu luta kada lider no membru ba moris ho massa rona preokupasaun massa hodi aprezenta ba malu no diskuti lori massa popular hamrik iha fileira.tanba lina de massa apenas ba tau interese koletivu ba massa popular nian laos individu ka grupu balun nian.

#) Sentidu disciplina no demokrasia hanesan bainhira ita forma organizasaun iha konkordansia entre lider no membru sira husi ne'e tenki hakruk no disciplina ba asuntu ne'ebe iha relasaun ho masa no organizasaun tenki lao tuir. Tanba disciplina nudar karakter estrajeia primariu, demokrasi nudar sekunderia tatika ida atu konkretiza disciplina.
No iha aktividade ruma atu halao presiza Soe ba forum hodi lider, membru inklui massa diskuti hotu, se balun mak konkorda no balun la konkorda entau liu husi dala demokrasia.
Demokratimente dalan uniku ba elisaun ida konkorda mak ho votus maioria entau passa se ho votus minoria se la passa ida ne'e mak desizaun forum.
Prinsinpalmente husi Sentidu disciplina no demokrasia mak atu asegura orgaun labele monu ba birokrastismu no liberalismu.

#) Sentidu kolektivismu hanesan lideransa iha relasaun ne'ebe diak ho kolektivismu, lider labele tau periodade ba asuntu individu bainhira iha aktvidade orgaun no massa nian
Lider membru tenki tau pratika kolektivismu iha mass nia le'et.Exemplo Simples: kria seminar, diskusaun, diskursu, lider mak tenki pimpinan atu membru no massa bele lao tuir.

#) Sentidu Vanguarda signifika hanesan ema hotu sempre iha inisiativa no sai pioneiru, Vanguarda ne'e minimal bainhira orgaun ruma halao politika ruma iha Baze ema individu/grupu no organizasaun sira seluk sempre apoiu no konkorda lao hamutuk hodi kria aktvidade refere.
Prinsipiu husi Vanguarda presiza tau kontrola ho diak atu labele mout ba tendensia atrazadu.membru no massa tenki organizadu no lideradu iha idelojia no politika.
Membru hot-hotu tenki tau interese privadu iha interese koletivu nia okos, membru mos hakruk no obedese ba interese kolektivu. Lalos atu halakon total interese privadu lae maske rua ne'e la han malu.se membru foti pasu mesak la tuir organizasaun desizaun oragaun entau norma, mak membru foti pasu mesak ho oragaun nian mak membru rasik sei resposavel kulpa ne'e mak nia halo no sei hetan sasaun refere bazae regulamentu orgaun nian.
Organizasaun husi Nivel alto no Nivel baziku iha relasaun ba malu bainhira iha reuniaun ka aktvidade balun, Nivel altu tenki komunika Nivel baziku, aktividade ne'ebe mak hala'o iha baze tuir mata dalan saida mak husi Nivel altu fo tuir mata dalan.
Husi materia ne'e atu konklui deit katak organizasaun ne'e importante tebes ba lider no membru inklui massa popular hodi komprende kona-ba realidade moris.Organizasaun atu forti no kroat mak tenki ho teoria revolusionariu, idelojia no Politika.

Ita organiza, ita le'e, ita diskuti no ita muda,(MEJG) A Luta Continua ❤️🌹🫡

01/02/2026

Iha loron Domingo fulan Fevererio tinan 2026, Movimentu estudante Juventude Goulora (MEJG) Continua aprende no diskuti materia kona-ba organizasaun tuir Paragrafu ne'ebe lideira husi estruktura Movimentu estudante Juventude Goulora fatin ne'ebe mak sorumutu ba iha sede delta dua (2).
Ba membru no estudante Gou-Lora oan ne'ebe iha Dili laran, iha loron Domingo mak frei keta haluha hakbesik an ba sede delta dau (2) hodi ita aprende hamutuk.
Tanba husi ita nia hamutuk mak ita bele transforma no muda, tuir misaun vizaun no prinsipiu ne'ebe mak iha orgaun ne'e refere.
Ba Gou-Lora no Kodigu Mau-Fehuk Ita ida deit 💚🌹🫡

18/01/2026

Iha loron domingo movimentu estudante Juventude Goulora kontinua hasoru malu hodi hili Estrutura foun bele lidera organizasaun Movimentu estudante Juventude Goulora iha tinan 2026 ate 2027.
Estrutura foun iha tinan 2026 belun nain ha'at (4) mak kompete hodi bele lidera (MEJG).
Dauluk mak Abin Flamina
Darua mak Abin Zelia
Datolu mak Amaun Alende
Daha'at mak Amaun Jhon.
Entre sira nain haat ohin liu husi prosesu eleisaun laos entrega deit bandeza ba fo ba sira nain ha'at, entau ohin liu husi Eleisaun abin Flamina mak konsege lidera organizasaun (MEJG),Abin Zelia mak Vice no Alende mak Sekretária Jhon mak tezoreria, iha tinan 2026.
Ami nia parabens ba estrutura foun iha tinan ida ne’e espera katak sei lidera organizasaun Movimentu estudante Juventude Goulora (MEJG) ho diak iha Sosiedade Goulora tanba Sosiedade sira iha konfiansa makas ba hodi bele lori sira ba konsiente realidade sosiál ne'ebe mak hasoru ba.
Obrigado barak A Luta Continua MEJG. (Mau-Fehuk)♥️🌹✊️

11/01/2026

Iha loron Domingo loron ne'ebe mak dauluk ba kordenadora ho ninia membru sira hasoru iha sede delta dua fatin ne'ebe mak durante kada loron Domingo hasoru malu ba.
Objektivu husi hasoru dauluk nian atu koalia kona-ba preparasaun ba estrutura foun ne'ebe mak agora sei lidera organizasaun iha tinan ida ne’e.
Ohin iha ita nia Bin nain rua mak fo ona mai iha kordenadora espera katak ita nafatin hein tan sira seluk ne'ebe mak iha Vontade atu lidera MEJG odamatan nakloke ba membro sira hotu atu kandidatu.
Ikus liu husu ba Goulora oan ne'ebe mak iha Dili laran hela karik keta haluha loron Domingu hakat ba sede delta dua hodi ita fahe ideia ba malu.
Obrigado barak A Luta Continua MEJG (Mau-Fehuk) 💚🌹🫡

31/12/2025

Durante tinan ida nia laran movimentu estudante Juventude Goulora hasoru malu hodi aprende hamutuk no la"os to'o de'it iha teória maibé tenki mós prátika iha Sosiedade.
Tanba sá tenki fila mai hamutuk ho Sosiedade..?
Bazeia ba mahusuk simples ida atu hatan de'it katak Sosiedade iha suku Mau-chiga hasoru Problema ne'ebé mak hanesan estrada, be'e mos,centru saúde,edukasaun.
Problema hirak ne'e kuaze suku no munisipiu sira seluk mós sempre hasoru saida mak komunidade husi suku Mau-chiga Postu administravu Hatu-Builico Municipiu Ainaro hasoru.
Husi kondisaun objektiva hirak ne'e mak dudu movimentu estudante Juventude Goulora hodi kria aktividade iha tinan ida ne’e antes atu prepara hodi simu loron no tinan foun rua nulu resin ne'en nian.
Aktividade Palku livre iha loron rua-nulu resin-hitu, tinan rihun-rua rua-nulu resin-lima nian komunidade sira senti haksolok tanba rona foin sa'e sira lian bazeia ba saida mak estudante sira prepara bainhira movimentu foin sai ona iha pajina movimentu nian.
Estudante hirak ne'ebé mak hato'o hela ideia lubuk ida, dansa kultura, Tik tók husi palku livre, ba komunidade sira mak estudante husi Aldeia,Hatu-quero,Mau-chiga, Goulora no Leotelu.
Ami husi Movimento Estudante Juventude Gou-Lora senti haksolok teb-tebes bainhira ita-Bo'ot sira ho vida Voluntáriu hodi anima komunidade iha aldeia Goulora no suku Mau-chiga.
Husi ne'e mak bele hametin liu tan ita nia amizade iha suku refere tanba antes ne'e ita falla iha komunikasaun maibé ba oin ita sei hamutuk hodi Dezenvolve malu di'ak liu tan.
Iha loron daruak nian aktividade Semináriu, hamutuk ho oradór nain haat, mane nain tolu feto na'in ida oradór dauluk mak ita nia Sr. Agusto A. Tara Ablai. daruak Sra. Helena da Silva Lic. Ed. Datoluk Sr. Florindu Tilman Lic.Tec inf. Da ha'at Sr. Jaimito da C.S.Correa Lic. Ap. Sra. Adelia de O. Araujo. Mak lidera iha sesaun seminár.
Suku Mau-chiga hasoru Problema ne'ebé Bo'ot teb-tebes mak hanesan Estrada edukasaun saúde no fatin turismo Problema hirak ne'e la'os Mau-chiga de'it mak hasoru munisipiu sira seluk mós hasoru Problema hirak, Mau-chiga háhu ba oin organizasaun tolu hanesan UEJM, Ran-Mau-chiga no MEJG se tur hamutuk kontinua Diskuti asuntu hirak ne'e.
husi atividade loron dahuluk no dala luak nian ami sei haksolok tanba hetan partisipasaun máximu husi estudante, autoridade hanesan chefe aldeia : Gou-Lora, Mau-chiga, Leo-telu, veteranos, inan aman, Joventude, iha Suku Mau-chiga no mós organizasaun husi UEJM no Ran-Mau-chiga.
Hanesan Komisaun organizadora no movimentu estudante Juventude Goulora ami hato'o obrigado barak tanba ita-Bo'ot sira iha konsiderasaun mai ami ne’ebé aas teb-tebes ba imi nain hirak nia materia diskursu, poezia,Tik tok no dansa kultura, seminár , espera iha tempu ida ita sei hamutuk hodi Dezenvolve Suku Mau-chiga sei naroman liu iha Futuru.
Palavra xave ne'ebé mak ita dehan ba malu mak nune'e ignoransia se la tulun ema ida. Boas festa dos Santos Natal feliz de ana novo💚🌹🫡
Obrigado barak A Luta Continua 💚🌹🫡

21/12/2025

Ho respeitu ba.
belun sira iha Suku Mau-chiga espera katak ita hotu di'ak tuir kondisaun,no iha biban ida ne'e ami husi Organizasaun ida ne'ebe mak ki'ik liu iha Suku Mau-chiga ho naran badak (MEJG) ho signifikadu Movimentu estudante Juventude Goulora ho kodigu (Mau-Fehuk).
Ne'ebe mak kada tinan sempre Organiza inan aman no alin ki'ik oan sira hodi kria aktividade ne'ebe mak iha fulan Dezembro mak hanesan Sertamen no Diskursu publik.

Iha tinan ida ne’e Movimentu estudante Juventude Goulora nafatin kria aktividade, maibé iha mudansa itoan, aktividade ba iha tinan ida ne’e mak Palku livre no Seminar.
Sei halao iha loron Sabado no Domingo tangal 27 no 28 fulan Dezembro tinan 2025 Fatin iha Aldeia Goulora Bairo lokar bandeira hun.
Ba aktividade rua (2) ne'ebe mak husi Movimentu estudante Juventude Goulora (MEJG) hakarak Konvida Joventude feto mane husi Aldeia lima ne'ebe mak pertense iha Suku Mau-chiga mak hanesan Aldeia Hatu-quero, Mau-chiga, Leo telu 1, Leo telu 2 no Goulora.
Belun sira husi suku Mau-chiga ne'eba mak iha talentu: Le'e poezia, aprezenta materia ba Diskursus publiku no danca kultura, Tik tok ho Voluntariu sei aprezenta iha 27 de Dezembro 2025 .
Objektivu husi ami aktividade ne'e mak atu hametin liu tan ita nia amizade ho Domin nudar ema umanu iha suku Mau-chiga hodi hases an husi konflitu, tanba tuir ami valór ida bo’ot no ass liu iha mundo ne'e Domin umanidade.
Aktividade Seminariu se iha 28 de Dezembro 2025, ami sei Konvida intelektuál sira husi suku Mau-chiga no sira sei ko’alia kona-ba problema ne'ebe akontese iha komunidade sira nia Vida moris lor-loron nian nia hun no abut ne'e mai husi ne'ebe mak ita sei rona hamutuk hudi Orador sira.

Data ba Rejistrasaun ami halo husi online bele mensagem mai pajina Fb no Wa (MEJG) nian, Numeru kontaktu : 75386393/ 73016261/73716323, se iha tempo bele hakat direitamente ba iha Goulora, data ba rejistrasaun hahu 21 de Dezembro 2025 no loron ikus ba iha rejistrasaun 26 de Dezembro 2025.
Obrigado barak A Luta Continua 💚🌹🫡

10/11/2025

Antes hakat ba hader ai funan kalan nian hodi Sermonia loron matebian sira nian, iha loron Sabado estudante sira husi Organizasaun MEJG konsentra ona iha knua hodi akumula autoridade lokal no inan aman sira hodi diskuti hamutuk aktividade ne'ebe mak kada tinan Movimentu estudante Juventude Goulora realiza.
Depois estudante sira akumula autoridade inan aman sira hamutuk iha chefe aldeia Goulora nia uma refere, dahuluk mak sei rona aprezentasaun badak kona-ba programa ba tinan 2025 antes ba 2026 nian husi kordenadora (MEJG) Sra. Sandra ho ninia estrutura sira.
Kordenadora MEJG aprezenta programa rua ne'ebe atu realiza iha fulan Dezembro nia laran ba autoridade lokal ho inan aman sira mak hanesan.
1) Seminariu
2) Diskursus publik.
Bazea sorumutu ne'e, inan aman ho autoridade sira senti haksolok teb-tebes tanba kada tinan estudante sira kontinua nafatin hafanun sosiedade sira, husi ne'e autoridade inan aman sira konkorda ho programa rua ne'e bele realiza iha fulan Dezembro.
ba iha aktividade seminaru Movimentu sei konvida Foin sae husi Suku Mau-chiga nain lima feto-mane, oradór nain lima, tema ba atividade ne'e kordenadora ho nia Estrutura konsege diskuti ona iha loron 9 fulan Novembro tinan 2025.
no ba iha diskursus publik nian Movimentu sei la loke kompetisaun maibe konvida foin sae husi Suku Mau-chiga atu manifesta sira nia ideia antes ida ne'e Movimentu sei distribui karta ba aldeia lima hanesan, Hatu-Quero Mau-chiga Goulora
Leo telu 1
no Leo telu 2, kada aldeia autoridade ka chefe aldeia sei lori sira nia ema minimal nain lima, husi ne'e bele hametin liu tan dame iha Suku Mau-chiga.

Sqaut Movimentu estudante Juventude Goulora (MEJG) ho kodigu Mau-Fehuk ami lolo liman ba malu katak ita ida deit.
A Luta Continua🌹✊️🫡

01/08/2025

Estudante hosi organizasaun Movimentu estudante Juventude Goulora MEJG kontinua hasoru malu no diskuti kona-ba aktividade iha fulan Dezembro nian.
Depois deit hasoru malu ida estudante sira se fila ba iha foho hasoru komunidade sira no diskuti antes atu hahu aktividade ne'e agora kordenadora ho nia estrutula sira marka iha ajenda refere.
Hahu ba oin Aktividade iha Sede se Pauza hela tanba estudante sira se halo hela aktividade Universidade nian.
Mau-fehuk 💚🫡

01/06/2025

Aktividade Semanal iha fulan maio ne'ebe mak Movimentu Estudante Juventude Goulora aprende hamutuk hanesan baibain iha loron Domingu Fatin iha Sede Delta 2.
Materia ba aprende ?

Speaking
no
logika Marxismu.
Joventude feto-mane se Gou-Lora oan keta haluha hakat ba ita hamutuk hodi tetak lesuk materia hirak ne'e.

06/04/2025

Iha loron Domingu Movimentu estudante Juventude Goulora konserta hamutuk iha sede delta 2 hodi selebra organizasaun nia loron.
Husi selebrasaun ne'e atu fanun nafatin ita hotu iha esprito ba organizasaun no ita labele abandona ita nia organizasaun ne'ebe mak ita horik hela ba.
Movimento Estudante Juventude Gou-Lora U sai hanesan instrumentu ba ami wain ne'ebe mak Suku lian hamutuk hodi diskuti problema ne'ebe mak ohin loron ita hotu hasoru iha realidade moris li-liu iha aldeia Gou-Lora Suku Mau-chiga Postu administravu Hatu-Builico Municipiu Ainaro.
Movimento Estudante Juventude Gou-Lora ohin hakat tan espasu ida no kompleta ba tinan rua, husi tinan rua, ita hamutuk ho pai mae no alin feto-mane iha aldeia Goulora.
kria aktividade ne'ebe simples hodi hafanun pai mae sira nia hanoin hodi kontinua Suporta makas ba ita oan nia estudu ho diak, tanba pai mae sira hakarak ba futuru oan ita labele terus hanesan iha tempo ne'ebe mak pai no mae hasoru liu ona ba kotuk.
Relasiona ho Suporta pai no mae sira nian ita labele diskuti tanba sira sempre loke matan ba ita oan, husu mak ita oan sira nafatin iha votande ba aprende, depois ita aprende ita komprende no ita muda ne'ebe mak Prinsipiu husi ita nain hira horik hamutuk iha orgaun ida ne'e.
Parabens ba kordenadora MEJG ho nia Estrutula sira hotu ne'ebe mak organizadu teb-tebes iha organizasaun ne'e, nafatin tane valor umanidade ne'ebe mak ass iha Sosiedade.
Mau-fehuk A Luta Kontinua 💚🌹🫡

30/03/2025

Atividade ne'ebe mak Movimentu Estudante Juventude Gou-Lora aprende hamutuk iha fulan ida ne'e mak : #)Public speaking #)Lingua Ingles #) Lideransa #) Leitura hamutuk no Diskusaun, Obra Frederick Engles kona-ba The orgin of the familya, to'o iha paragraf segundo se kontinua iha semana oin.
Depois diskusaun iha fulan ida kontinua fali diskuti hamutuk kona-ba komemora loron Aniversariu Movimentu nian iha semana oin, ne'ebe husu ba belun Goulora oan sira ne'ebe mak Namkari hela iha Dili laran keta haluha hakat hela ba fatin sede delta 2 ita suku hamutuk lian hamutuk hodi salva ita nian an iha Futuru.
MEJG Mau-Fehuk,Hakoak Domin A Luta Continua💚🌹🫡

08/03/2025

Iha loron Sabado,tangal 8 fulan Março tinan 2025.
Movimentu estudante Juventude Goulora rona Novidadus iha loraik oras tuku tolu liu Minutu balun, katak Movimentu estudante Juventude Goulora lakon tan Avo, ho naran kompletu José de araujo.
Avo,José de araujo durante se moris sempre fo Domin ba ema hot-hotu ne'ebe mak iha aldeia Goulora.
Movimento Estudante Juventude Gou-Lora kria aktividade dahuluk iha tinan 2023, Estudante halibur,hamutuk hodi halo preparasaun ba aktividade iha Avo,José de araujo nia uma fatin refere.
Husi ami estudante la iha buat murak ne'ebe fo ba Avo José de araujo, ami so hasae orasaun ba aman maromak hodi prepara fatin ne'ebe diak ba Avo José de araujo hodi descansa ho diak, iha mundu Seluk.
Descansa em paz Avo José de araujo😭🙏

MEJG