13/03/2020
Orsida kalan yoga iha fatin -TL Acait besik Casa Europa !
Komesa 6/6.30 to'o 7.30 Kalan
Atu sai preparadu no kuidadu ba COVID-19, ami husu estudante sira halo tuir matadalan sira ne'ebé fó ona husi OMS no MdS. Favor fase ita nia liman antes no depois klase, no karik ita sente kondisaun ladun diak no deskonfia karik ne'e mak bele kontamina ba ema seluk, favor labele atende klase. Ami rega no fase ona ami nia biti sira ho alkol 96% maibé agora ami husu ita atu lori hena ruma hodi taka tiha ka tau iha biti leten molok halo klase. Ami iha biti yoga ne'ebé bele fase, halo husi AGAPE no nia folin hotu-hotu sei fó ba AGAPE. AGAPE mak eskola ba ema sira ho problema tilun ka la rona ho diak. Ami sei adopta ami nia klase sira hodi menus husi kontaminasaun moras. Até à data, ami sei mantén klase espesiál iha Sabadu 4 p.m. no Domingu 1.45 p.m., klase rua ne'e iha estrutura diferente no baibain presiza ema atu spot ka ajuda malu iha pozes balun no dalaruma envolve mós liman hodi kaer ka kona ema seluk. Karik ita sente la konfortu, favor la presiza atu mai tuir klase rua ne'e. Ami sei limita ami nia ajustamentu iha klase sira baibain ne'e no favor sente livre hodi hatoo ba ami karik ita la hakarak atu ami halo ajustamentu ka spot ka ajuda ita iha pozes balun ne'ebé presiza kaer ita. Ami kompriende. Yoga nudar instrumentu ne'ebé diak tebes atu nafatin saudavel no fó ba ita neon ne'ebé hakmatek no ami espera katak ita sei nafatin mai partisipa iha klase sira. Favor LIKE ka akompaña pajina Facebook husi OMS no MdS ba informasaun ne'ebé foin lailais fó sai no informasaun foun seluk tan. Obrigada barak 🙏🏽🙏🏽🙏🏽
