https://www.facebook.com/414810905994934/

Estudante Medicina 016, Dili (2026)

03/04/2020

10 Habitus la saudavel ba ita nia saúde.

21/03/2020

Ba maluk sira iha uma ita bele halo rsaik disenfektante no maneira ne'ebé atu halo mk hanesn tuir mai ne:
1.Hola bayclin ida kiik 0.50 cent ou boot.
2.Tau bee kopu 9 no bayclin kopu 1 b masa ida.
3.Nia funsaun hodi spray ba sasan sira ne'ebé mak ita kaer hela deit hanesan:Odamatania nia liman,kadera,mesa,sofa remot televisao,janela,save motor no kareta,osan tahan no besi, no kualker sasan saida deit.
4.Labele uza disenfektante ida ne hodi fase liman, ida nee uza ba sasan deit.
5.Fase liman ho sabaun.
6.Importante liu mak hakmatek nafatin iha uma no halo distansia social.
7.Uza masker bainhira sai ba liur.
8.Favor halo tuir medidas preventiva ne'ebé mak MS fo sai ona.

Liu husi maneira ida ne'e ita bele oho virus ne'ebe mak belit ba sasan sira.

NB: No tenki hakerek iha masa ka aqua nia lolon tau naran desinfektante no hadok ka tau iha fatin ne'ebé mak labarik sira la asesu.

21/03/2020

Relasiona ba kazu ne'ebé mak positivu ona ih Timor, halo favor maluk sira halo tuir medidas preventiva ne'ebé mak MS fo sai ona.
Agora ita pessoal rasik mak salva ita ida-idak nia an no mai ita hotu hamenus caso ba covid-19 iha Ita Rai doben liu husi:
1.Hakmatek iha ida-idak nia uma.
2.Ba maluk sira keta ransu ba mai, keta kaer liman no keta lao sai bainhira la ih nesedida ne'ebé mak importante.
3.Uza masker bainhira lao sai.
4.Fase liman ho sabaun bainhira halo saida deit.
5.Bainhira ita boot sira hatudu sintomas ba moras refere halo favor kontakto pessoal saude sira,uza masker iha uma laran, no isola ita bot sira nia aan.

Maluk sira se ita hadomi ita nia an, familia no Nasao doben ida ne'e aksaun importante ne'ebe mak ita atu halo mak halo tuir medidas preventiva sira, la iha tan meios seluk para atu halo, ita ida-idak mak salva ita nia an rasik no nasao doben ida ne.
No favor ba maluk sira ne'ebe mak asesu ba informasao halo favor fahe fali informasao ba ema seluk liu husi telfone,Facebook no kualker media social.

Maromak akompaña ita hotu🙏

29/11/2019

Diabetes Melitus(Ran Midar)

Diabetes mak moras króniku por kauza husi organu ida naran pankreas la produz hormona insulina suficiente ba ita nia isin lolon.

Insulina mak hormona ida produz husi pankreas, nia funsaun prinsipal maka manten nivel ran midar normal iha ita nia isin.

Ema ne'ebé mak hetan moras Diabetes signifika katak ran midar iha sira nia isin aumenta(hiperglisemia). Bainhira ran midar iha ita nia isin aumenta bele prejudica ba organo barak hanesan: Fuan, rins, kakutak, Arteria,Matan no bele halo amputasaun ba ain bainhira ain kanek.

> Diabetes fahe ba tipu rua:
Diabetes tipu 1 afeta barak liu ba ema ho idade joven no antesedente husi familia ne'ebé kona ona moras refere.
Diabetes tipu 2 afeta barak liu ba ema ne'ebé mak bokur no idade adultu.

> Sintomas ka sinal husi Diabetes: ne maka 5p.
Hamro'ok la oras/Hemu be'e barak(polidipsia).
Hamlaha hela de'it/Han barak(polifagia).
Isin tun maske han barak.(perdida de peso).
Isin katar.(prurito).
Mii barak.(poliuria).

>Nia komplikasaun maka:
Estraga matan,rins,fuan,kakutak, halo ain kanek no ikus mak mate.

>Faktor resgu:
Obesidade.
La halo ejersisiu fisiku.
Kolesterol a'as.
Hábitu fuma.
Familia ho antesedente Diabetiku.

>Medidas atu prevene:
Habitu de vida saludavel.
Halo ejersisiu fisiku.
Hapara fuma.
Han hahan ne'ebé mak saudavel.

NB: Karik ita bo'ot sira nia familia balun hetan moras Diabetes halo favor hakbesik a'an ba hospital hodi halo tratamentu.
Obrigada😍.

19/05/2019

"Ask not what your country can do for you, ask what you can do for your country" John kennedy.
To all youth of Timor-Leste let us build a better future for our country.✊📚

Happy independence day to beloved country Timor-Leste.❤

19/05/2019

Cisticercosis cardiaca...moras neebe afeta ba fuan cauza husi husi taenia solium(ular/parasitu) nia tolun ka quiste...Ema bele hetan moras nee liu husi bee neebe kontaminadu husi materia fecal(sentina boot), la nono bee halo didi'ak, han naan fahi neebe mak tein la tasak ka naan fahi neebe hetan infeksaun husi taenia solium😦😦

NB: taenia solium(ular/parasitu/lombriga) nb moris iha ema no animal sira nia tee-oan nia kauza taeniasis iha intestinu, maibe nia tolun ka nia quiste bele inavade ita nia orgaun sira seluk hanesan ita nia: fuan mak hamosu moras iha leten ne'e, pulmaun, kakutak no orgaun sira seluk.
Perigu ba ita nia moris no bele hamate ema bainnhira la hlo tratamentu lalais...

Sintoma depende ba organo afektadu:
Kakutak: ulun moras, no konvulsaun(bibi maten).
Fuan: ritmo fuan nia la normal, fuan tuku tuku makas.
Matan: hare rai la mos no halo matan at.
Ruin: kolen no lao l diak.

Medidas atu prevene:
- uza sentina baihra hlo sentina boot
-Harii sentina dook husi bee-posu
- Fase liman depois de sentina boot
-Fase liman antes atu prepara hahaan
-Fase ddk naan fahi antes atu tein
-Uza bee-moos hodi fase modo no naan fahi
-Tein naan fahi halo tasak ddk
-Evita han naan fahi nb mate
-Labele halo sentina boot iha bee mota no iha ar livre...
-Uza sinelus( labele la'o ho ain-tanan) liu2 ba labarik ki'ik sira...

08/03/2019

INPORTANSIA HUSI LAKTANSIA MATERNA.

08/03/2019

TUBERCULOSIS (TBC).

> Definisaun:
TBC mak moras infeksioza no hadaet ne'ebé kauza husi bakteria MYCOBAKTERIUM TUBERCULOSIS, moras ne'e bele kura no prevene, bakteria ne afeta prinsipalmente iha pulmaun no bele mos iha oragaun sira seluk hanesan: kakutak, ruin, rins, no nst.

> Sinal ka sintoma:
-Mear tasak durante semana 2 ka liu.
-Mear ran.
-Isin manas.
-kosar iha kalan.
-Isin tun.

>Oinsa mak bele hadaet?
-TBC hadaet husi ema ba ema liu husi anin. Ema nebe mak kona TBC bainhira nia koalia, mear no fani nia hasai bakteria refere ba liur no ema nebe besik nia horon no dada iis hamutuk ho bakteria ne'e husi anin no nia mos bele infekta.

>Faktor risku.
-Ema ne'ebé kona AIDS.
-Ema nebe ho sistema imunitariu fraku.
-Malnutrisaun.
-Fumador.
-Doasaun ran no orgaun sira seluk.
-Moras rins grave.
-Ema nebe hela hamutuk ho pasente TBC.

>Prevensaun.
-Importante liu mak vasina ho BCG bainhira bebe moris mai.
-Usa masker iha fatin publiku.
-Taka ibun bainhira mear.
-Fase liman depois de mear.
-Sirkulasaun anin iha uma laran tenki diak.
-Higiene personal.

>Tratamentu.
-Halo tratamentu kompletu durante fulan 6 ka 10 tuir programa nebe mak realiza.
-Labele hapara tratamentu nebe mak programadu ona tanba bainhira hapara bakteria sei afeta ba organu sira seluk no halo grave liu tan.

NB: Labele konsidera mear ne nudar buat ki'ik ida ka la importante bainhira mear tenki ba konsulta tanba TBC ne bele kura bainhira ita halo tratamento sedu no kompletu.😊

25/02/2019

SAIDA MAK ALKOHOLISMU ka KECANDUANG ALKOHOL?

Alcoholismu: mak moras kroniku ida ne'ebé kauza husi hemu tua barak liu no fo impaktu negativu ba ita nia isin, kria problema iha familia no sociedade.

* Klasifikasaun ba bebedor
- Abstenio: ema ne'ebé nunka hemu tua ka hemu envez enkuandu, hemu tinan ida dala ida/rua no la kria problema.

- Bebedor moderadu/social: ema sira ne'ebé hemu tua iha loron boot, festa ka serimonia ruma.Hemu maibe la kria problema.

- Bebedor excesivu/problema: ema ne'ebé hemu ho kantidade barak liu no kauza problema individual, familiar, eskolar no social, no sempre hetan acidente trafiku bainhira lori motor ka katrta ho kondisaun lanu.

- Alcoholico: Ema neebe adicto/kecanduang tiha ona ho tua, hemu tua lor-loron no la hatene halo abstinencia ba tua. Ema neebe mak moris ho tua ka nia vida depende tiha ona ho tua no bainhira tua la iha nia sei halo problema oi-oin sem razaun.Ema sira ho kategoria ida nee mak ita bele konsidera dehan alcoholismo.

* Vantajen no desvantajen husi hemu tua 1 Vantajen
Tuir OMS rekomenda katak konsumu tua ho 30g ba mane no 20g ba feto bele fo benefisiu b ita nia isin hanesan:
- Hamenus cifra kolestrol jahat.
- Halo sirkulasaun raan nian lao ho diak iha ita nia isin.

2 Desvantajen:
Bainhira hemu tua liu husi sifra neebe mak rekomenda husi OMS sei hamosu impaktu negativu ba ita mak hanesan:

* Iha joven no adulto sei hamosu:
- Moras hepatitis ka inflamasaun/ aten bubu.
- Infesaun iha pancreas
- Afeta aten
- Malnutrisaun
- Hamosu kanker: ezofagu, pulmaun, ibun, kakorok, kakutak, susun, prostata, nst...
- Tensaun alta
- Problema iha fuan
- Insomnio( toba la diak).

* Iha inan isin-rua sei hamosu:
- Labarik moris mai ho peso kiik
- Partu prematur
- Abortu espontaneo
- Bebe moris ho Sindrome Alcoholismo fetal katak bebe moris mai sei depende ba tua.

* Impaktu ba ita nia moris iha sociedade nia leet:
- La fokus iha eskola
- Kauza problema iha uma laran no sociedade
- Halo violasaun domestika
- Kazamentu termina ho divorcio/cerai
- Halo violasaun seksual ba ema seluk.
- komete homicidio/oho ema no mos bele oho-aan/ suicidio.

NB:Hapara hemu tua halo ita moris saudabel no kria ambiente ne'ebé diak, dame no amizade ba ita nia aan, familia, kolega no sociedade.😊

23/02/2019

IMPAKTU NEGATIVU HUSI SIGARU.

> DEFINISAUN:
- Sigaru mak produtu agrikula ida ne'ebé nia prosesu halo husi ai-horis NICOTIANA TABACUN nia tahan.
- Sigaru lolon ida kontene 7.000 substansia kimiku no 70 husi sira hamosu kanker.
- Organizasaun Mundial de Saude (OMS) fo sai katak sigaru sai hanesan kausa prinsipal ba mate iha mundu.

> KATEGORIA FUMADOR:
1. Fumador negativu: fumador sira ne'ebé fuma bainhira sira hetan problema, no sigaru mak halo kalma sira.
2. Fumador hedonista: fumador sira ne'ebé fuma ho forma kontroladu.
3. Fumador kroniku: fumador sira ne'ebé fuma ho forma konstante no la kontroladu, fuma ho kuantidade ne'ebé mak makas maibe la hatene tanba saida mak fuma.
4. Fumador drogodependente: fuma konstante no senti la diak bainhira la fuma, sira ne'ebé fuma kada minutu.
5. Fumador pasivu: sira ne'ebé mak horon sigaru suar liu husi fumador aktivu.

>IMPAKTU NEGATIVU BA ITA NIA ISIN
•Joven no Adulto
1. Provoka Tensaun.
2. Aksidente cerebruvaskular (pembuluh darah otak pecah).
3. Diminui funsaun artrial iha fuan.
4. Infertilidade ka Mandul.
5. Hamosu kanker:
- Pulmaun
- Ibun
- Garganta
- Estomagu
- Rins
- Pankreas
- Cervix no nst.
6. Provoka moras fuan.

• Inan isin rua:
1. Bebe moris ho peso ne'ebé ki'ik.
2. Partu prematuru.
3. Abortu espontaneu.
4. Labarik moris mai ho malformasaun oin-oin.

• Labarik no bebe sira ne'ebé horon sigaru nia suar:
1. Hamosu moras asma.
2. Infeksaun iha ibun, garganta no pulmaun.
3. Hamosu sindrome mate derepente ba labarik.

NB: Seidauk tarde ba o atu hapara fuma tanba sigaru lolon ida laos habadak deit o nia moris maibe ema sira ne'ebé mak o hadomi sei fo impaktu mos ba sira.
Diak liu prevene duke kura.

Mai ita hotu moris saudabel ba futuru ida diak liu.😊

22/02/2019

HIPERTENSAUN (HTA).

-Definisaun:
HTA mak hanesan moras kroniku no la hadaet, mosu tanba sifra husi presaun ran aumenta liu tiha limite normal ne'ebé mak iha.

-Sifra ba Tensaun:
1. Normal : 120/80 mmhg.
2. Prehipertensaun (sifra ne'ebé besik atu kona tensaun): 130/89 mmhg.
3. Hipertensaun (tensaum alta): 140/90 mmhg.
4. Hipotensaun (tensaun baixa): 90/60 mmhg.

-Faktor risku:
1 Labele muda:
-Tinan: ho edade 18-93.
-s**o: barak liu s**o Femenino.
-Raza: Negra.
-Factor genetiku.

2 Bele muda:
-Obesidade.
-Fuma.
-Hemu Tua.
-Sedentarismu (nunka halo exersisio fisiku).
-Dieta la equilibriu.

*Komplikasaun: bainhira la halo tratamiento diak ba TENSAUN nia afeta ba:
-Matan
-Fuan
-Kakutak no
-Rins.

* Meios atu prevene:
1 Halo dieta equilibru.
2 Hapara Fuma.
3 Reduz konsumo alkohol.
4. Reduz estres liu husi hamnasa barak.
5. Kontrola tensaun iha postu saude ne'ebé besik.
6. Halo exersisiu Fisiku +/- 30 minutus.

Diak liu prevene duke kura.
Mai ita hamutuk hadia ita nia saude ba futuro ne'ebé diak liu.Obrigada😊

Estudante Medicina 016

03/04/2020

21/03/2020

21/03/2020

29/11/2019

19/05/2019

19/05/2019

08/03/2019

08/03/2019

25/02/2019

23/02/2019

22/02/2019

Endereço

Website

Notificações

Atalhos

Compartilhar

Categoria