26/07/2025
🗣️🎯 السلم اللغوي للأطفال – اعرفي ابنك ماشي صح ولا لأ؟
كأخصائي تخاطب، كتير بيجيني أسئلة من الأمهات عن تطور كلام أولادهم، ودايمًا ببدأ معاهم من السلم اللغوي، وده ببساطة ترتيب نمو اللغة الطبيعي عند الأطفال حسب العمر 👇
🔵 من 0 لـ 12 شهر:
مناغاة وأصوات عشوائية
يضحك بصوت – يلف وشه للصوت
بيبدأ يقلد النغمة والنبرة
🔵 من 1 لـ 2 سنة:
يقول كلمات بسيطة زي: "ماما، نام، كورة"
يبدأ يركّب كلمتين زي: "بابا راح"
يفهم أوامر زي: "هات العربية – اقعد هنا"
🔵 من 2 لـ 3 سنين:
يقول جمل من 3 كلمات
يسمّي حاجات حواليه
يبدأ يحكي مواقف قصيرة
يسأل "فين؟ ومين؟"
🔵 من 3 لـ 4 سنين:
كلامه أوضح
بيحكي قصة بسيطة
يستخدم الضمائر زي "أنا – هو – هي"
يسأل "ليه؟"
🔵 من 4 لـ 5 سنين:
جمل أطول وفيها ترتيب
يعبر عن رأيه ومشاعره
يكوّن قصة من البداية للنهاية
بيستخدم أدوات ربط زي "عشان – وبعد كده"
🔵 من 5 لـ 6 سنين:
بيتكلم زَي الكبار
كلامه واضح ومفهوم للغرباء
يستخدم اللغة في حل مشكلات والتعبير عن أفكار
⚠️ لو ابنك متأخر عن المرحلة المناسبة لسنه، التدخل بدري بيفرق كتير جدًا في النتيجة.
#تخاطب
