نصيحة من سارة

22/10/2024

Hi 😁
I am back on social media but this time in English!
https://www.youtube.com/watch?v=T_5xEzaPYHI

بعد طول انقطاع عن تصوير فيديوهات على اليوتيوب رجعتلكم بالمطبخ وبالانكليزي
لا تلوموني ليش بالانكليزي لأنو عندي فكرة مشروع مع رفيقتي ايطالية وهدفنا يتابعونا الناس يلي بيحكو انكليزي
بس اذا بتعطوني رأيكم أكيد كتير بفرح ❤

21/10/2024

بفضل لو كان العنوان ما يجب على كل أم وأب معرفته 😅
بودكاست رائع أنصح فيه الآباء والأمهات الجدد وزميلاتي وزملائي العاملين بمجال صحة وتغذية الأطفال (خاصة الرضع)
الحديث المهم بالنسبة إلي بدء حوالي الدقيقة 40

ثلاثة أجيال من طب الأطفال اجتمعت في عائلة واحدة، لماذا يورث الأطباء مهنة الطب لأبنائهم؟ وهل هي مهنة إنسانية أم باب للثراء؟ لماذا يدّعي بعض الأطباء أن حليب ال...

27/07/2024

تغيير جو واستراحة مستحقة بعد أسبوع حافل بالمرض والشغل والمشاكل 🙃
وقت تكون الهموم والضغوط متراكمة الحل هو السباحة والوقت الحلو بالطبيعة 💙

#مزرعة #مسبح #تركيا

18/06/2024

عملت إنجاز عظيم 😁
لأول مرة من 5 سنين بعد الحمل والولادة والأمومة والتعافي من الاكتئاب سافرت لحالي مع رفيقتي 😎
أول ليلة بحياتي من وقت صرت أم ما بنام بنفس البيت مع ابني 😃
كنت محسبة الموضوع رح يكون كتير صعب واكتشفت انو عندي تعلق كبير بابني بينما طلع هو ما عنده هيك تعلق وفرحان كتير بدوني 😂
حاسة متل وقت النجاح بالبكالوريا لازم أتشكر زوجي وأختي وأخي وأمي ورفقاتي لمساهمتهم بإنجازي العظيم 😆
المهم للمحتارين على الستوري هي كابادوكيا الجميلة 😍
كتييير حبيتها وبنصحكم تسافروا عليها

ملاحظة: ما كانت السفرة مكلفة

#سفر #سياحة #كابادوكيا #امومة

21/05/2024

كبرت ومحتفلة بحالي 😊

18/05/2024

بتحبوا نيدو ونسكويك وسيريلاك ونسكافيه وغيرهم؟
بتحكوا على مجموعات الأمهات أحسن شي حليب نان؟
أنا بحبهم بصراحة بالأخص نسكويك
بس بقدر أقاطعهم بسهولة
بالأخص إذا المحفز هو قضية صحة الطفل
صحة أطفالنا بأهمية صحة أطفالهم

#تغذية

30/04/2024

ببداية إطلاقي للصفحة كان اهتمامي الأكبر بالصحة النفسية للأمهات انطلاقاً من تجربتي الشخصية بتدهور صحتي النفسية بعد الولادة لدرجة الوصول لتشخيص اكتئاب وتعافي بالاستعانة بعدة طرق علاجية وبينها الدوائية
من تجربتي الشخيصة تمنيت لو كنت تحدثت مع زوجي قبل الولادة عن مسؤوليات الأمومة والأبوة الكبيرة ما هي توقعات كل منا واستعداداته وكيف ننوي تشارك المهام من الاستيقاظ ليلاً إلى تغذية الطفل وتغيير الحفاض. اللعب معه والاعتناء به أثناء مرضه وغيرها الكثير وصولاً إلى التربية.
أنا متأكدة أنّ الحديث مع الزوج/الأب بهذه المواضيع سيساهم في تعزيز الصحة النفسية للأم لأننا في أغلب الحالات إمّا لدينا توقعات عالية من زوجنا وهو قد لا يلبيها كونه فعلاً لا يعلم بها أو نخفض توقعاتنا من شريك حياتنا ونقدم ما هو أكبر من طاقتنا مما يؤدي إلى التعب والإحباط بعد فترة.
ما رأيكنّ؟ وما رأيكم؟

28/04/2024

وأنا عم أحاول أفهم من ابني ليش ما بيقبل يتصور صورة حلوة معي 😅

#طفولة #ابني

16/04/2024

كتار الأمهات يلي علقوا على الفيديو انو انتو كمان بتحصل معكم تزعلوا على الولاد إذا أبوهم غيط عليهم مع أنكم بتعيطوا عليهن
أنا فعلا كتير هيك بصير فيني
بس دائماً بستغل هي المناسبة لأذكر حالي قبل ما أذكر زوجي بأضرار ومخاطر الصراخ على الطفل

09/04/2024

مكرر للضرورة 🤭
كل عام وأنتم بخير ❤️

#عيد #عيدالفطر

05/04/2024

حبيت أشارك معكم فكرتين قرأتهم بكتاب عجبني وبنصحكم فيه
كتاب نعمة الأم السعيدة للكاتبة ل ريبيكا إيانس
فكرتوا بموضوع سعادتكم؟ ومشاركة المشاعر هي مع أطفالكم؟
وكيف علاقتكم مع المشتتات وخاصة الموبايل؟ انا كل فترة بعمل شي مثلا كزا ساعة بدون موبايلي ابدا ومثلا إلغاء الاشعارات وهيك 😊

21/03/2024

الاحتفال بعيد الأم هذه السنة مثل معظم الأعياد فيه غصّة كبيرة
كل عام وأنتنّ الجنّة ❤️
كل عام وكل أم حامل ومرضع ومربية بخير وأمان وقوة وعطاء
اللهم أدم أمهاتنا بسنداً لنا واحفظهنّ وبارك في عافيتهنّ ❤️
وكن عوناً لنا في رحلة الأمومة وفي تربية أطفالنا يارب
اللهم صبّر الأمهات اللواتي يعانين واربط على قلوبهنّ 🤲🏻