29/04/2025
ليش في ناس بتشفى من كسر العضم بسرعة، وناس بتتأخر؟
السر مو بس بالجبس والزمن، في عوامل كتير بتأثر عالشفا، وهاد شي لازم نعرفه كلنا خصوصاً وقت نواجه إصابة!
✨ أهم الشغلات يلي بتأثر على شفاء العضم:
✅ التغذية الصح: الجسم محتاج كالسيوم، فيتامين D، وبروتين ليبني العضم من جديد.
✅ ثبات الكسر والراحة: إذا الكسر ما كان ثابت منيح، أو في حركة زيادة، ممكن يطول الشفا.
✅ العلاج الطبيعي بعد الجبس: ضروري نرجع نحرك المنطقة المصابة تدريجياً ليرجع العضم قوي.
❌ التدخين: بيأثر عالدورة الدموية وبيأخر الشفا.
❌ الأمراض المزمنة: مثل السكري وهشاشة العظام بتبطّئ الالتئام.
❌ إهمال التمارين: بعد الكسر، التمارين العلاجية بتسرّع الشفاء وبتمنع ضعف العضلات.
نصيحة من أخصائي علاج طبيعي:
لا تستهين بالعلاج بعد الكسر، التغذية والحركة المدروسة هني مفتاح الشفا السريع!
