العيادة الجلدية الدكتورة مجيدة عقيلي dermatology clinic

27/04/2026

من أكتر الشغلات اللي بلاحظها بالعيادة مو بس المشكلة الجلدية نفسها، بل كيف تم التعامل معها قبل ما يوصل المريض.
في أدوية قوية وفعّالة، بس مو بسيطة أبداً، متل الريتان (Isotretinoin). هاد الدوا إلو استخدامات محددة، وممكن يكون ممتاز بحالات معينة، بس بنفس الوقت إلو آثار جانبية واضحة، فمو منطقي ينعطى لأي حدا عنده كم حبة بسيطة.
نفس الشي بالنسبة لإجراءات تجميلية صارت كتير منتشرة، متل الديرما بن أو إبر النضارة. هدول مو إجراءات “خفيفة” متل ما بينفهم، وبدهن تقييم طبي وخبرة، لأن التطبيق الغلط ممكن يعطي نتيجة عكسية: الحبوب تزيد، التصبغات تكتر، أو يصير تهيّج بالجلد.
وكمان نقطة مهمة كتير:
هاي الإجراءات بتستخدم مواد طبية مخصّصة، المفروض تكون محصورة بالاستخدام الطبي وتحت إشراف طبيب. يعني بالأصل هالمواد ما لازم تكون متوفرة أو تُستخدم خارج إطار طبي، لأن سوء استخدامها ممكن يسبب أذيات جلدية بدل الفائدة المتوقعة.
ومن الأشياء اللي منشوفها كمان:
استخدام الهيدروكينون لفترات طويلة بدون إشراف، والنتيجة أحياناً تصبغات أسوأ
استعمال الكورتيزونات بدون سبب واضح، واللي ممكن يسبب ترقق بالجلد أو يزيد المشكلة
الفكرة مو إنو نمنع العلاج، بالعكس… بس نستخدمه صح، بالوقت الصح، وللحالة الصح.
الطب مو تجربة، ولا كل شي بينفع لكل الناس.
والاختيار الصح للطبيب والعلاج هو نص الحل.
العناية بالبشرة بدها وعي، مو بس منتجات وإجراءات.
#جرب #صدفية

27/04/2026

25/04/2026

شرب الماء ضروري للحياة، لكن الاعتدال هو الأساس
الإفراط في شرب الماء خلال فترة قصيرة ممكن يؤدي إلى ما يُعرف بـ سمّية الماء، وهي حالة نادرة لكنها خطيرة، تحدث بسبب انخفاض تركيز الصوديوم في الدم (Hyponatremia).
الأعراض قد تشمل: صداع، غثيان، تشوش، تعب، وفي الحالات الشديدة قد تصل إلى تشنجات.
الجسم يملك آلية ذكية لتنظيم حاجته للماء، لذلك يُنصح عادةً بالاستجابة لإحساس العطش، مع زيادة الكمية فقط في حالات خاصة مثل: الحر الشديد، الرياضة، أو بعض الحالات المرضية.
اشرب الماء بانتظام، لكن بدون إفراط. ليس كلما زادت الكمية كان ذلك أفضل.
#جرب #صدفية