13/05/2024
القلوكوفاج ماراهوش باراسيتامول... كي يوجعك راسك تشربو و كي مايوجعكش ماتشربوش... ؟؟؟ 🤔🤔🤔
لاحظت بزاف مرضى متهاونين في شرب القلوكوفاج .... يعني يشربوه كيما يحبو ... مينداك حبة فالنهار ، مينداك زوج .... وخطرات كي يلقاو السكر مليح مايشربوهش....🥴🥴🥴
القلوكوفاج او نوفوفورمين ( المتفورمين )
هو عبارة على دواء لمرض السكري وهو اول دوا لي نبداو بيه علاج المرض ، و عندو بزاف فوائد حيث أنه :
√. يعدل نسبة السكري في الدم
√. يساعد على الوقاية من داء السكري للأشخاص الي عندهم قابلية مرض السكري
√. يساعد على تحسين مقاومة الانسولين
√. مايزيدش فالوزن كباقي ادوية السكري بل بالعكس يقلل من الوزن الزائد
√. يساهم في علاج تكيس المبايض
√. يحسن نسبة الكوليسترول في الدم ..وله فوائد في صحة القلب و الاوعية
يقدر يمدهولك الطبيب وحدو ولا مع ادوية اخرى او مع الانسولين ...
وهو علاج نشربوه على حساب وصفة الطبيب يعني ادا قالك الطبيب تشربو 2مرات... اشربو 2مرات ماتزيدش و تنقص فيه كيما تحب...😓😓
هكا ماراحش يتعدلك السكري تاعك ...
