Physio On Go, Istanbul (2025)

16/10/2025

عادات خطأ .. كونت نظام يومي ساهم في بناء مشاكل مستمرة ⌛️

09/10/2025

✅ عضلة صغيرة جدًا… ممكن تكون سبب صداعك المزمن!

💢 ناس كتير بتشتكي من صداع مستمر،
خصوصًا آخر اليوم، أو بعد قعدة طويلة، أو بعد الشغل على الموبايل واللابتوب.

وأول تفكير بيكون:
■ الضغط؟
■ النظر؟
■ الجيوب الأنفية؟

لكن فيه سبب مهم ممكن ما يخطرش على بالك …

عضلة صغيرة جدًا ورا الجمجمة، اسمها:
Suboccipital muscles
العضلة دي مسؤولة عن توازن الرأس مع الرقبة، وبيحصل فيها شد مع الوقت بسبب:

■ القعدة الخطأ
■ الموبايل لفترات طويلة
■ التوتر العصبي المستمر
■ أو النوم في وضعية رقبة غلط

لما العضلة دي تتشد بشكل مزمن، بتبدأ تضغط على أعصاب حسية بتغذي قاع الجمجمة، وده بيخلي الجسم يحس بصداع مستمر أو خفيف…
بس ما تعرفش مصدره.

الصداع هنا ملوش علاقة بالرأس نفسها، هنا بيكون عرض لمشكلة عضلية صغيرة، بس مستمرة.

لو عندك صداع بيرجع في نفس الأوقات، أو بعد المذاكرة، الموبايل، الشغل، متتجاهلش الوجع ده

📮 ابعتلنا، ونساعدك تعرف هل السبب عضلي؟
وهل محتاج تعديل بسيط … ولا تدخل علاجي قبل ما يكبر؟

06/10/2025

📍ليه إحنا بنسأل طريقتك وجودة نومك اخبارهم ايه !

ناس كتير بتستغرب لما تيجي أول جلسة عندنا، ونسألهم “بتنام على أي نوع مخدة؟”
وكأن السؤال بسيط أو مالوش علاقة…

لكن الحقيقة؟
نوع المخدة وطريقة نومك… ممكن يكونوا سبب كل الأعراض اللي بتشتكي بيها!

المخدة الغلط ممكن تسبب:
■ تحميل غير متوازن على عضلات الرقبة
■ شد مزمن في الكتف من جهة واحدة
■ ضغط على فقرات الرقبة
■ أو حتى صداع نصفي او خلفي بشكل متكرر

أشهر الأخطاء اللي بنشوفها:
– مخدة عالية جدًا: الرقبة بتتحمل زوايا غلط
– مخدة ناعمة زيادة: الرقبة بتغرق، ويفضل العمود غير مدعوم
– النوم على الجنب من غير دعم للكتف: بيحصل ضغط على العصب والعضلات

التأثير ما بيظهرش في يوم وليلة، بس بيبان في هيئة:
■ شد في أول اليوم
■ تيبّس بسيط
■ صداع بيروح ويرجع
■ تنميل خفيف في الدراع

لو صحيت أكتر من مرة حاسس إنك مش مرتاح، جايز جسمك بيشتكي من ٨ ساعات نوم “غلط”.

ابعتلنا نوع شكوتك، وهنقولك هل الامر بسيط
ولا في مشكلة أكبر محتاجة تدخل علاجي !

02/10/2025

‼️ كل مرة تتمرني بتحسي إنك بتبدأي من الصفر؟
المشكلة مش في إرادتك.

لو بتحسي إنك بتمرني بانتظام،
بس كل مرة ترجعي تحسي إن جسمك مش “مخزن” أي نتيجة…
فيه تفسير علمي أوضح من “أنا ضعيفة” أو “أنا كسولة”.

✔️ العضلات مش بس بتحتاج تمرين … بتحتاج “اتصال عصبي سليم” يوصل لها الإشارة.

وفي حالات كتير، خصوصًا عند البنات:
■ بيكون في ضعف في العضلات العميقة (core – stabilizers)
■ أو اختلال في التوازن العضلي
■ أو مشكلة في ميكانيكا الحركة نفسها (movement pattern)

النتيجة؟
■ كل مرة بتبدأي فيها تمرين، جسمك يتعب أسرع
■ تحسي بشد أو إرهاق غير مبرر
■ تبقي ملتزمة… بس مافيش استجابة حقيقية

ده مش ضعف … ده خلل قابل للتصحيح.

والحل مش إنك تضغطي على نفسك أكتر، لكن إنك تعرفي هل جسمك شغال كويس
ولا محتاج إعادة ضبط بسيطة علشان يوصل لأدائه الحقيقي.

29/09/2025

⚠ المشكلة ماكانتش في العضلة… كانت في الرسالة اللي ماوصلتش !

“كنت بتمرن … وكل مرة أحس إن عضلة معينة بتتعب أسرع من الباقي.
وجربت كل الحلول:
■ تمرين أكتر
■ راحة
■ تغذية
■ ريكافري
ومافيش فايدة”

ولما عملنا تقييم للحالة؟
اكتشفنا إن العضلة دي… شغالة بنسبة ٥٠٪ بس!
مش علشان هي ضعيفة، لكن علشان الإشارة العصبية اللي بتغذيها … ماكانتش واصلة كويس.

ده اسمه علميًا:
Neuromuscular Inhibition
يعني في خلل بين الجهاز العصبي والعضلي، والعضلة نفسها ما بتقدرش تشتغل بكامل كفاءتها.

ده ممكن يحصل بسبب:
■ ضغط على العصب
■ التهاب حوالين المفصل
■ أو خلل عضلي في مكان تاني تمامًا بيأثر على الحركة

المشكلة؟
لو فضلت تعالج العضلة بس، هتفضل تلف حوالين العرض… من غير ما تلمس السبب.

⭕️ جسمك شبكة واحدة، مش نقطة واحدة.
ومكان الوجع أوقات بيكون بس “الإشارة”، مش “المصدر”.

📢 لو فيه وجع بيرجع، أو تمرين بيبوظ الدنيا بدل ما يحسنها…
ابعتلنا، وخلي التقييم يكشفلك الصورة الكاملة.

27/09/2025

📢 95٪ بيغلطوا ويقولوا عليه شد عضلي …
بس هو في الحقيقة ضغط على العصب .

📩 ابعت كلمة "تقييم" وخلينا نحل مشكلتك !

25/09/2025

📍المريض ده اتحجزله جلسة… بس ماكانش عيان !

دخل العيادة من غير ألم…
مافيش إصابة، ولا شكوى واضحة، ولا حركة ممنوعة عليه.

بس قال جملة واحدة بس خلتنا نبدأ التقييم فورًا:
“أنا مش موجوع … بس كل يوم برجع حاسس إن جسمي بيتهد”

■ شغله مكتبي
■ بيقعد بالساعات قدام اللابتوب
■ نومه متقطع
■ كل يوم بيصحى تعبان
بس مافيش “ألم حاد” يخليه يبدأ خطوة

ولما قيمنا حالته؟
■ عضلات ضعيفة ومشدودة في نفس الوقت
■ خلل في استقامة فقرات الرقبة
■ تحميل غير متوازن على أسفل الظهر
■ بدايات ضغط على عصب ماكانش حاسس بيه

النتيجة؟
هو مش مريض … لكن كان ماشي على طريق نهايته هتبقى مشكلة حتمية !

اللي زي حالته بيتعب أكتر من اللي بيتألم … لأنه بيتعايش، لحد ما الجسم يقرر يتوقف بنفسه.

لو بتصحى تعبان، ولو جسمك بيشتكي بهدوء كل يوم،
ابدأ تقييمك قبل ما المشكلة تبقى خارج السيطرة.

📮 ابعتلنا، وساعدنا نسمع الإشارات قبل ما تبقى إنذارات.

24/09/2025

🔥 We didn’t just attend we belonged. In every moment, in every heartbeat, we found purpose. And today, we carry home not just memories, but a legacy of connection and gratitude.

22/09/2025

🧐 هل القعدة الطويلة فعلاً بتأثر على جسمك؟
وإزاي ممكن تمنعي ده قبل ما يبدأ؟

لو بتقعدي بالساعات تذاكري، تشتغلي على اللابتوب، أو حتى تتفرجي على محتوى…
ففي احتمال كبير إنك بتحملي جسمك على وضعيات هو مش متصمم عليها لفترة طويلة.

الوضعية الثابتة لفترات طويلة خصوصا القعدة المقوسة أو الميل قدام
بتسبب ضغط مستمر على:
• عضلات الرقبة الخلفية
• عضلات أسفل الظهر
• الفقرات العنقية
• مفاصل الحوض والركبة

■ ممكن أول علامة تكون شد بسيط في الرقبة
■ أو وجع خفيف في الكتف أو الضهر
■ أو حتى تعب من غير سبب واضح آخر اليوم

لكن لو الإشارات دي تكررت…
فده معناه إن الجسم بدأ يفقد توازنه العضلي، وده أول طريق للخلل.

الحل؟
مش لازم تبقي رياضية أو تروحي جيم، لكن:
• لازم تعرفي إزاي تقعدي صح
• وإزاي تعملي break كل 40–60 دقيقة
• وإزاي تقوي العضلات اللي بتتأثر بالقعدة (زي core & upper back)

ولو بدأتي تحسي إن القعدة بقت تقيلة، مش مريحة، فده وقت التقييم … مش وقت المسكن.

ابعتيلنا، وخلينا نحدد هل في حاجة محتاجة تدخل مبكر… ولا تعديل بسيط في الروتين هيفرق معاكي جدًا.

21/09/2025

✍Every step onto the field was a step into responsibility and with these moments, we created our own memories. Grateful to have left our mark on this special event. 💯

15/09/2025

هل الضغط اليومي على جسمك ممكن يسبب خلل عضلي؟
الإجابة: نعم، وبوضوح.

في اليوم الواحد، جسمك بيتعرض لمجموعة من الأحمال المتكررة:
■ وقوف طويل أثناء المهام اليومية
■ انحناء متكرر في المطبخ أو غسيل الملابس
■ رفع أو شيل أطفال أو أشياء تقيلة
■ إجهاد ذهني بيضغط على الجسم بشكل غير مباشر

كل ده اسمه: Micro stress loading
يعني أحمال متكررة على مناطق محددة، الجسم بيقاومها في البداية…

لكن مع الوقت، بيبدأ يتكون خلل في التوازن العضلي وممكن يظهر في صورة:
• شد عضلي مستمر
• ضعف في العضلات بشكل عام
• تغيير في استقامة العمود الفقري
• تنميل أو تيبس في مناطق معينة

لو بتحسي بآلام متكررة في الضهر أو الرقبة أو الركبة، حتى لو خفيفة، فدي مش صدفة…
ده غالبًا الجسم بيقولك “المعادلة مش متوازنة”.

ابدئي بتقييم بسيط نحدد فيه:
■ هل في خلل عضلي حاصل؟
■ هل التمارين مطلوبة؟
■ هل محتاجة خطة علاج؟ أو مجرد تعديل أسلوب حياة؟

ابعتيلنا، وخلي أول خطوة تكون علمية، واضحة، ومبنية على تقييم آلامك مش على التوقع.

13/09/2025

احنا بندي نتيجة … مش بندي جلسات!

أكتر سؤال بنسمعه:
“هحتاج كام جلسة؟”
والإجابة؟
السؤال نفسه غلط!

اللي بيفرق مش عدد الجلسات… اللي بيفرق هو:
■ هل الجلسة دي ليك فعلًا؟
■ هل كل دقيقة فيها بتخدم حالتك؟
■ هل فيه خطة واضحة … ولا إحنا بنمشي وخلاص؟

فيه ناس اتحسنت بعد ٣ جلسات، وناس مشيت على خطة ٦ أسابيع.

■ الفرق؟ مش في العدد،
■ الفرق في إن كل جلسة كانت مبنية على اللي قبلها
مش بنكرر… بنبني.

لو زهقت من فكرة “هنشوف كمان شوية”
وجربت تروح أماكن الجلسة فيها شكل أكتر من محتوى…

جرب تبدأ معانا، واحنا نشتغل على نتيجة … مش عدد.

ابعتلنا دلوقتي، وخلي أول جلسة تبقى بتقييم حقيقي.

Physio On Go

16/10/2025

09/10/2025

06/10/2025

02/10/2025

29/09/2025

27/09/2025

25/09/2025

24/09/2025

22/09/2025

21/09/2025

15/09/2025

13/09/2025

Address

Website

Alerts

Shortcuts

Share

Category