Autism&Me

11/10/2025

48 seconds · Clipped by Autism&Me · Original video "قبولك اولا لطفلك المختلف قادر يغير اللعبة مع طفلك المصاب بطيف التوحد ..اعرف اكتر من د/ أحمد " by GroWonder

10/10/2025

عن التوحد وأنا ورحلتي معه التي أبت أن تنتهي

شكرا ل ومهندسة شاهندة علي الحوار الممتع

02/10/2025

01/10/2025

الـ FDA أعلنت عن دواء جديد للتوحد… بس يا ترى ده فعلاً علاج؟ ولا مجرد لعبة سياسية؟ 🤔

في الفيديو ده هتفهم القصة الحقيقية، وهتعرف هل الدوا مناسب للحالات كلها… شوفوا الفيديو للنهاية 👀

📅 للتواصل:
Chatwith.io/s/autismandme
https://Tidycal.com/autismandme

06/08/2025

"ليه طفلي مصاب بالتوحد؟
هو ده السؤال اللي بيتقال… بس أوقات مش بيتجاوب عليه صح."

الطب زمان كان بيتعامل مع التوحد كحالة غير مفهومة…
لكن النهاردة، الأمور اختلفت.
وبقى عندنا أدوات تكشف الصورة من جوا – أولهم: تحليل الجينات.

من خلال تحليل الجينات نقدر:

🧬 نعرف إذا كان التوحد مرتبط بمتلازمة جينية معينة وتشخيص التوحد تابع وده ممكن يوصل ل 10٪ من الحالات وأحيانا 20٪
🥦 نفهم احتياجات جسم الطفل الغذائية حسب تمثيله الغذائي الفريد
🧠 نحدد أسباب الاضطراب العصبي أو المناعي اللي بيأثر على سلوكه
📋 ونفصّل خطة علاجية على مقاس جسمه هو… مش على تشخيص عام

🎯 وده بيخلينا نشتغل على جذر الحالة، مش نهدّي أعراضها بس.

---

أنا دايمًا ببدأ تحليل الجينات وخاصة مع الحالات اللي مش واضحة الاستجابة…
أو اللي عندها أعراض مركبة – سلوك + هضم + مناعة.
لأن وقتها… العلاج بيتحوّل من "تجربة" لـ "خطة دقيقة ومبنية على بيانات".

الطب الحديث مش بيعتمد على الحظ.
الطب الحديث بيعتمد على الدقة…
والدقة بتبدأ من معرفة الجينات. 💡

04/08/2025

تشخيص التوحد مش نهاية الطريق... ده بداية رحلة لفهم الجسم والعقل بشكل أعمق.

في الطب الحيوي، بنشوف التوحد كمجموعة من التحديات اللي ليها جذور بيولوجية – زي اضطرابات الهضم، خلل في الجهاز المناعي، سموم في الجسم، أو نقص في بعض الفيتامينات والمعادن الأساسية.

✅ التحاليل الدقيقة بتكشف لنا معلومات مهمة عن:

التهابات الأمعاء والميكروبيوم

حساسية الأغذية وتأثيرها على السلوك

نقص الفيتامينات والمعادن الحيوية

اضطرابات الميتوكوندريا والطاقة الخلوية

💡 بنشتغل على خطة علاجية متكاملة، تبدأ من التشخيص الدقيق… لحد دعم الحالة بخطوات مدروسة تشمل: 🔬 التحاليل البيوكيميائية المتقدمة
🍽️ تعديل النظام الغذائي
💊 دعم بالمكملات الضرورية حسب الحالة
📉 متابعة التحسن بشكل علمي ومستمر

مع كل خطوة، بنقرّب الطفل من التوازن الجسدي… اللي بيساعد بدوره في تحسين التركيز، النوم، التواصل، والسلوك.

🧠 لأن التوحد مش مجرد سلوك… هو حالة بيولوجية معقدة، لكن ممكن نفهمها وندعمها.

📅 للحجز والاستشارة:
https://Tidycal.com/autismandme

02/08/2025

هل الحمية تعني الحرمان؟
ولا ممكن تبقى واحدة من أقوى أدوات العلاج؟

ناس كتير بتخاف من فكرة "نظام غذائي صارم
وفي بعض الأوساط الطبية، لسه بيتقال:
"الحمية دي مالهاش فايدة حقيقية… وممكن تأذي الطفل!

لكن...
دراسة كبيرة جمعت آراء 818 حالة توحد في كل ولايات امريكا،

وقارنت بين أثر:

الأنظمة الغذائية العلاجية

المكملات

الأدوية

والنتيجة؟ 👇

✅ الحمية كانت أعلى فاعلية وأقل آثار جانبية من أي علاج تاني
✅ الأطفال اللي اتبعوا حمية علاجية حصل عندهم تحسن أكبر في شدة التوحد
✅ الحمية ساعدت على تحسين أعراض زي:
التركيز – فرط الحركة – التواصل – النوم – الجهاز الهضمي – المزاج – السلوك

📊 كل ده موضح بالتفصيل في الإنفوجراف اللي جهزناه من نتائج الدراسة.

وأهم نقطة؟
الحمية مش وصفة موحدة…
النجاح بييجي من تخصيص النظام الغذائي حسب أعراض الطفل وجسمه.
وده اللي بيخلي التغذية العلاجية أداة علمية مش مجرد موضة.

🎯 لو أنت أب/أم متردد… أو حد في المجال الطبي شايف إن "الحمية رفاهية
أنا بدعوك تبص على الإنفوجراف المرفق، وتشوف العلم بيقول إيه.

✍️ شاركني رأيك في التعليقات…
هل جربت حمية غذائية مع طفلك؟ وإيه كانت النتيجة؟

29/07/2025

"هو ابني ليه بيبقى متوتر فجأة…
ليه بينام بصعوبة؟
وليه في أيام بيبقى جسمه تعبان من غير سبب واضح؟"

ممكن الإجابة تبدأ من مكان بسيط… الأمعاء.

🧠 أطفال التوحد عندهم نسب أعلى من مشاكل الجهاز الهضمي،
زي التهابات الأمعاء أو نفاذية الامعاء.

يعني لما الطفل ياكل أطعمة بتهيج أمعاءه – زي الجلوتين والكازيين أو السكريات العالية –
الجسم بيفتح الباب لحالة التهابية…
بتأثر على كل حاجة:
✨ تركيزه
✨ نومه
✨ سلوكه
✨ وحتى مناعته

---

🎯 طيب نعمل إيه؟

ابدأ بخطوة بسيطة جدًا:

🥖 امنع الجلوتين (العيش – المكرونة – القمح) والكازيين( الألبان )
🍬 خفف أو امنع السكريات المصنعة لمدة أسبوع واحد بس

وسجّل بنفسك ملاحظات على:
✅ النوم
✅ الانتفاخ أو الإمساك
✅ الانتباه والمزاج

---

أنا شخصيًا… دايمًا ببدأ من هنا مع أي طفل توحد بشتغل معاه.
لأن مجرد تنظيم الأكل بيهيّأ الجسم والعقل…
وبيحسّن جدًا من استجابة الطفل لأي تدخل بعد كده.
حتى قبل أي تحاليل أو مكملات.

---

لو محتاج قائمة بسيطة بالأكلات الممنوعة والمسموحة كبداية منظمة، والحميات المختلفة اللي ممكن تستخدمها في رحلتك
اكتبلي “قائمة” في التعليقات،
وهبعتها لك مباشرة.
للتواصل 👇
📱 tidycal.com/autismandme

25/07/2025

مشكلتك مش في العلاج !
ممكن تكون في البداية نفسها 🧩

في وسط مئات البروتوكولات والأساليب لعلاج التوحد
فيه خطوة أساسية لازم تسبق أي حاجة :

وهي أنك تفهم حالة طفلك صح! 💡

وهنا بييجي دورخارطة الطريق

◀️ الخريطة بتساعدك في:

✔️ تحدد أولوياتك من أول يوم
✔️ تختار نوع التدخل العلاجي المناسب
✔️ تبني خطة علاج شاملة تناسب حالة طفلك

لما تفهم كويس، تقدر تبدأ صح ❤️

اكتب خطة وانا هابعتلك ازاي برسم خارطة الطريق وهرم التدخلات اللي برتب بيه اولويات التدخلات

للحجز والاستفسار تقدر تتواصل معانا من خلال الرابط ده :
https://Tidycal.com/autismandme

23/07/2025

في رحلة علاج التوحد… أوقات بنفتكر إن البداية عند الطفل.
لكن الحقيقة؟
البداية بتحصل لما حضن يتفتح، وسؤال يتقال،
وأب وأم يبصّوا لبعض ويقولوا: إحنا هنكمل.

أوقات بنفتكر إن الخطة الصح لازم تبدأ بفحوصات، وأدوية، وجلسات.
لكن اللي شُفته، كأب وشريك في الرحلة…
إن أقوى خطة علاج، بتبدأ من جوه قلب الأب والأم.

الخوف؟ طبيعي.
الذنب؟ مفهوم.
بس لما نسمع نفسنا ونتكلم بصدق…
بيظهر مكان الخوف وعي،
وبيحل محل الذنب شجاعة… ورضا.
🎯 في الورشة اللي قدمتها بالمؤتمر الدولي للتوحد بأبو ظبي،
اتقال كلام كتير…
بس اللي لمسني فعلًا
لما الأهل اتكلموا بصوت عالي… سمعوا بعض، وشافوا نفسهم في بعض.
العلاج مش جلسات بس… العلاج منظومة. وإنتم فيها الجزء الأقوى.

لو حاسس إنك محتاج تتطلع من دايرة القلق وتبدأ بنفسك،
اكتبلي "إحنا قدها" في التعليقات،
وهبعتلك ملخص الورشة.
يمكن تلاقي فيه أول نقطة نور… لرحلة أعمق من اللي كنت متخيلها.

21/07/2025

🧩 ليه طفل بيتحسن بسرعة… وطفل تاني لأ؟
هل المشكلة في العلاج؟
ولا في إننا لسه ما فهمناش نوع التوحد اللي عنده؟

📚 قرأت دراسة حديثة وكبيرة جدًا من مشروع SPARK – أكبر مبادرة بحثية للتوحد في أمريكا.
الدراسة دي قسمّت التوحد لـ ٤ أنماط مختلفة بوضوح… وده بيشرح ليه كل طفل بيستجيب بطريقة مختلفة تمامًا عن غيره.

🎯 وده بالضبط اللي بشوفه كل يوم:
التوحد مش قالب واحد، ومفيش خطة واحدة تنفع للجميع.

🔹 الأنماط الأربعة كانت:

1️⃣ طفل عنده تحديات اجتماعية وسلوكية، وبيظهر عليه ADHD وقلق، لكن بدون تأخر ذهني
2️⃣ طفل عنده تأخر لغوي وذهني، وسلوكه هادي نسبيًا
3️⃣ طفل عنده أعراض متوسطة – مش شديدة في أي جانب
4️⃣ طفل عنده تأثر شامل: سلوك، نمو، إدراك، ومزاج

💡 لكن المفاجأة إن فيه تقسيم أعمق كمان… على مستوى البيولوجيا نفسها:

🧠 أطفال عندهم التهابات مزمنة (راجع بوستات التهاب الدماغ على الصفحة)
🧬 أطفال عندهم طفرات جينية نادرة (راجع بوست التوحد والجينات)
⚡ أطفال بيعانوا من خلل في كهرباء الدماغ
☠️ وأطفال اتعرضوا لـ سموم أو أدوية وهم أجنة (زي الزئبق – تكلمنا عنه في أكتر من بوست)

🎙️ وأنا مش هنا عشان أشرح بحث… أنا هنا عشان أقولك :
اللي كنت بكرره من سنين
العلم بيقوله دلوقتي بصوت واضح جدًا.

مش علشان أقول: "قلتلكوا" . . . لكن علشان أقولك:
👶 مفيش طفل زي التاني.
🧵 ومفيش خطة تنفع غير لما تتفصّل على جسم الطفل وحالته من جوه.

🎥 وعلشان كده، كل مرة ببدأ شغل مع طفل…
أنا ما بقدّمش علاج جاهز!
أنا ببدأ رحلة.

وأنا مش بس دكتور . . . 👨‍👦 أنا أب، وشريكك في الرحلة.

❤️ لو حاسس إن الوقت جه تسمع ابنك بجد…
أنا هنا، وقت ما تكون مستعد.

🔗 Chatwith.io/s/autismandme

17/07/2025

"ابني بيتصرف كده ليه؟
هو تعبان؟ ولا فيه حاجة غلط؟”

العلاج الحقيقي مش مهدئ مؤقت…
العلاج هو محاولة للإجابة على السؤال اللي بيطارد كل أم وأب:

"ليه حصل كده؟"

في التوحد وفرط الحركة، الأعراض مش هي المشكلة الأساسية.
وراء كل عرض… فيه جذر محتاج يتشاف ويتفهم:

🔹 اختلال في الهرمونات
🔹 نقص في عناصر غذائية مهمة
🔹 اضطراب في الميكروبيوم
🔹 التهابات مزمنة
🔹 خلل في التواصل بين الأمعاء والمخ
🔹 أو حتى عوامل جينية خفية

🎯 علشان كده بدأت اطور منهجية
T.C.A – The Comprehensive Approach
يعني: خطة شاملة بتشوف الطفل ككل… مش مجرد سلوك أو عرض.

الخطة دي بتتعامل مع:
✅ قصور الميتوكوندريا وضعف الطاقة
✅ خلل في المناعة والالتهابات العصبية
✅ تراكم المعادن الثقيلة
✅ خلل في الهضم والتوازن البكتيري
✅ تحليل جيني يفسر الاستجابات المختلفة للعلاج

الهدف مش "تهدئة" مؤقتة…
الهدف هو دعم حقيقي لنمو الطفل،
وتحسين مستمر يُبني عليه… مش ينهار مع الوقت.

الرحلة دي بتبدأ بلحظة صدق.
لما تقرر تبص أعمق من العرض… وتدور على السبب.
وأنا موجود معاك رفيق لك في رحلتك.

🌐 للحجز والاستفسارات:
Tidycal.com/autismandme