Yorùbá ÀTÀTÀ

06/12/2023

Ẹ dákun ẹ bá wa parí òwe yìí
👇🏼
Àtikékeré ṣẹrú...

12/30/2022

30 /12/2022
AYÉ TI DI OJÚ KEJÌ
Ìjàpá dé ilé àna rẹ̀ tán, o ní ìtọ̀ n gbọn òun.
Nígbà ti ìjàpá tọ̀ tán, o kọjú sí ìyá ìyàwó rẹ̀, o n de okùn ṣòkòtò rẹ̀.
Ìyá ìyàwó ìjàpá kígbe mọ́-ọ́n, ó ni "irú àrífin wo ní yìí, ṣé mo jẹ́ bí ìyàwó rẹ ni". Ijàpá dá àná rẹ lóhùn, o ni, "mo rò wípé ohun tí ọmọ rẹ̀ máa n jẹ nílé mi, wu ìwọ ìyá rẹ̀ jíjẹ ni". Ana ìjàpá dáhùn, ó ní, Ọlọrun kò níí jẹ́kí, oun ó jẹ ìjẹkúújẹ.
Ṣùgbón, ayé tí di ojú keji.
Àìsàn tó yẹ k'áráyé ó pè ní iké, ẹ̀tẹ̀ ni wọ́n n pèé. Àìsàn tó mú ẹ̀yìn enìyàn, tó tẹ̀ẹ́ wọ̀rọ̀kọ̀, tó tún wú kọngbẹ, ṣèbí òhun ló yẹ k'áráyé máa pè ní ẹ̀tẹ̀. Ṣùgbọ́n iké ni won n pèé.
Àìsàn tó mú ọmọ ìka ọwọ́, àti ẹsẹ̀ ènìyàn, tó gée kéé,kèè,kéé, ṣèbí, òhun ló yẹ k'áráyé máa pè ní iké, ṣùgbọ́n ètẹ̀, ni wọ́n n pèé.
Ayé tí di ojú kejì.
Bàbá n fún ọmọ rẹ̀ lóyún. Ìyá n bí ọmọ fún ọmọ bíbí inú rẹ̀.
T’ẹ̀gbọ́n, t’àbúrò n fẹ ará wọn .
Ọkùnrin at'ọkùnrin, ẹlẹgbẹ́ rẹ̀ n fẹ́ ará wọ́n.
Obìnrin àt'obinrin, ẹlẹgbẹ́ rẹ̀, n ṣe ìyàwó. Ayé tí di ojú Kejì.

Bí ọdún ṣe n lọ s'ópin, orí rẹ kò níí gbàbọ̀dè ikú. Ayọ àti àlàáfíà ló máa fí wọ inú ọdún tuntun lasẹ Èdùmàrè.
Wòlíì Fágbọrọ̀ Emmanuel ló n kí wa pé a kú ojúmọ́.
Èdè Yorùbá kò gbọdọ̀ parun.
08033868462.

11/13/2022

Àmí, Àmí, Àmí lórúkọ Jésù

Ipò tí ẹnikẹ́ni kò dé rí ní ìran Jósẹ́fù, Ọlọ́run mú Jósẹ́fù dé ibẹ̀.

Ipò ọlá tí yóò mú ògo bá orúkọ Olúwa, àánú Ọlọ́run yóò gbé ọ dé ibẹ̀ lórúkọ Jésù.

10/02/2022

Ìwúre fún oṣù ọ̀wàwà, ẹ gbìyànjú láti wò ó

Ìwúre fún oṣù ọ̀wàwà (prayers for the month of October, 2022)

09/21/2022

Bí a ṣe ń jáde lọ lónìí ọjọ́ Àánú, àánú Ọlọ́run yóò fọhùn fún wa ní ibi gbogbo láṣẹ Èdùmàrè

07/24/2022

Bí o ṣe ń lọ nínú ìrìnàjò ọ̀sẹ̀ yìí, máa rántí pé:

Ilé kan kò kun ara rẹ̀ lẹ́fun, ọ̀dẹ̀dẹ̀ kan kò ṣe ara rẹ̀ lọ́ṣọ̀ọ́, fúnra olówó ẹṣin ní í tún ẹṣin ṣe. Tọ́jú ìwà rẹ.

06/23/2022

23/6/2022
Olóngbò tó bá ní àròjinlẹ̀, kò níí pa aboyún èkúté jẹ.

Ọkùnrin tó bá ṣú ìyàwó bàbá rẹ̀ lópó, kò lè mọ iyì àna

Ewúrẹ tó jí abọ́ èlùbọ́ kan jẹ nílé olówó rẹ̀, ó ti j’oúnjẹ ọdún mẹ́rin mọ́-ọn

Akúwárápá ló n ṣ’ọdún itọ́. Atọ̀ọ́lé ló n ṣ’ọdún ìtọ̀.

Lákíríboto ló le ṣ’ọ̀rẹ́ òkóbó.

Igi tí yíó ṣe bí ọ̀pẹ kò níí l’épo lórí.

Ọba n d’ádé, orúùrù n d’ádé, tani yíó d’ádé orúùrù bikòṣe adé ọba. Adé ọba ló yẹni, yatọ sí adé orúùrù.

Ìmàdò kìí mumi lódò, k’ómi odò náà o tòrò.

Ọlọrun kò níí da ọnà rẹ rú. Oníṣẹ́ ikú kò níí jẹ fún ọ. O kò níí rógun ìjakulẹ̀ lasẹ Èdùmàrè.
Wòlíì Fágbọrọ̀ ló n kí wa kú ojúmọ́.
Èdè Yorùbá kò gbọdọ̀ parun.