Jizzax viloyati San-epid boshqarmasi

Home
Jizzax viloyati San-epid boshqarmasi

Jizzax viloyati San-epid boshqarmasining rasmiy sahifasi

06/05/2024

❇️ Sanitariya-epidemiologik osoyishtalik va jamoat salomatligi qo‘mitasi va uning tizimi korrupsiyadan xoli tashkilot.

💠 Jizzax viloyati Saniatriya-epidemiologik osoyishtalik va jamoat salomatligi boshqarmasida “Birgalikda tizimni korrupsiyadan xoli tashkilotga aylantiramiz!” shiori ostida profilaktik tadbir tashkil etildi.

📌 Mazkur tadbirda so'zga chiqqan mas'ul mutaxassislar tomonidan tizimda korrupsiya holatlarini bartaraf etish, xodimlarning shaxsiy javobgarligini kuchaytirish, korrupsiya xavfi yuqori bo‘lgan sohalarni minimallashtirish, korrupsiyaga qarshi kurashish ishlarining samaradorligini takomillashtirish, korrupsiyaga qarshi kurashish va uning oldini olish yuzasidan aniq belgilangan chora-tadbirlarni muntazam amalga oshirish zarurligi yuzasidan atroflicha ma'lumotlar berib o'tildi.

📎 Bu kabi tadbirlar boshqarmaning shahar va tuman bo’limlarida ham yuqori saviyada o’tkazib kelinmoqda.

22/04/2024

❇️ MAHALLABAY ISHLASH TIZIMI AMALDA

🏘 Saniepidqo‘mitaning Jizzax viloyati Forish tumani bo‘limi mutaxassislari tomonidan tumandagi Oqtom mahallasi hududida mahallabay ishlar doirasida sanitariya-targ‘ibot tadbirlari o‘tkazildi.

📌 Tadbirlar davomida aholi salomatligini mustahkamlash, xonadonlarning sanitariya-gigiyena holati, atrof-muhit tozaligi, yuqumli va yuqumli bo‘lmagan kasalliklar profilaktikasi borasida tushuntirish ishlari olib borildi.

📜 Bundan tashqari, tadbirlar davomida aholi tomonidan sohaga oid kelib tushgan murojjatlarni joyida hal qilish choralari ko‘rilmoqda.

19/03/2024

❇️ Jizzax viloyatining Yangiobod tumanida “Odamlar va hayvonlar o’rtasida quturish kasalligining tarqalishiga yo’l qo’ymaslik, favqulodda vaziyatladni oldini olish va ularda harakat qilish davlat tizimiga tegishli xizmatlarining hamkorlikdagi harakatlari” mavzusida ko‘rgazmali maxsus-taktik o‘quv mashqlari o‘tkazildi.

🎥 Bu haqida batafsil videolavhada.

15/03/2024

❇️ REJALI TEKSHIRUV O’TKAZILDI

📌 Sanepidqo'mita Jizzax viloyat Mirzacho’l tumani bo'limi xodimlari tomonidan tumandagi 3-sonli Davlat maktabgacha ta’lim tashkilotida tarbiyalanuvchilar o‘rtasida parazitar kasalliklarni oldini olish yuzasidan rejali sanitariya tekshiruvi o’tkazildi.

📣Tadbir davomida parazitologiya laboratoriyasi xodimlari tomonidan tashkilot mas’ul xodimlariga turli yuqumli va parazitar kasalliklar to’g’risida tushuntirish ishlari olib borilib, bolalarga sanitar tozalik qoidalari o’rgatildi. Tarbiyalanuvchilarning soch va tirnoqlari ko’zdan kechirildi.

🔬Shuningdek, 82 nafar tarbiyalanuvchilardan parazitoloiya laboratoriyasida tekshirish uchun namunalar olinib, ulardan 7 nafarida enterobioz aniqlandi.

📝 Tadbir yakunida tashkilot mas’ul xodimlariga bolalar o‘rtasida parazitar kasalliklarni oldini olish yuzasidan e’tibor qaratishlari lozim bo’lgan jihatlar tushuntirilib, zarur tavsiyalar berildi.

15/03/2024

❇️ MAKTABGACHA TA’LIM TASHKILOTIDA NAZORAT TADBIRLARI O‘TKAZILDI

🏘 Sanitariya-epidemiologiya qo‘mitasining Jizzax viloyati boshqarmasi hamda uning quyi tizimlari tomonidan maktabgacha ta’lim tashkilotlarida sanitariya qoida va me‘yorlariga rioya etilishining ahvoli muntazam ravishda o’rganib kelinmoqda.

📌 Xususan, Sanepidqo‘mitaning Forish tuman bo’limi mutaxassislari tomonidan tumanning Osmonsoy mahallasida joylashgan 11-sonli Davlat maktabgacha ta’lim tashkilotida o’tkazilgan nazorat tadbirlari davomida muassasadagi oziq-ovqat mahsulotlari va tayyorlanayotgan taomlar, shuningdek, ularda foydalaniladigan texnologik jihozlarning sanitariya qoidalari, normalari va gigiyena normativlariga mosligi, oshxonalar xodimlari tomonidan sanitariya-gigiyena tadbirlari bajarilishi, tarbiyalanuvchilarni oziq-ovqat mahsulotlari bilan ta’minlashni belgilovchi sanitariya qoidalari, normalari va gigiyena normativlariga rioya etilish ahvoli o’rganilib, mas’ul xodimlarga zarur tavsiyalar berildi.

📃 Shuningdek, sanitariya-gigiyena hamda bakteriologiya laboratoriyalari mutaxassislari tomonidan tegishli tartibda labarotoriya instrumental tahlillar o‘tkazilib, tegishli tartibda suv, tuproq hamda oziq-ovqat mahsulotlaridan namunalar va bakteriologik tekshirish uchun surtmalar olindi.

📝 Bundan tashqari, bolalar orasida yuqumli kasalliklarni oldini olish, muassasada zararsizlantirish ishlarini o’tkazish qoidalari, kuz-qish mavsumida e’tibor qaratilishi lozim bo’lgan jihatlar borasida tushuntirish ishlari olib borildi.

12/03/2024

❇️ O‘QUV TAKTIK MASHG‘ULOTI O‘TKAZILDI

📎 Jizzax shahrida “Qrim-Kongo gemorragik isitma kasalligidan saqlaning!” mavzusida ko‘rgazmali maxsus-taktik o‘quv mashqlari o‘tkazildi.

👥 Mazkur o‘quv mashg‘ulotida viloyat favqulodda vaziyatlar, sog‘liqni saqlash, ichki ishlar hamda veterinariya va chorvachilikni rivojlantirish boshqarmalari, mahalla fuqaro yig‘inlari va mahalliy aholi vakillari ishtirok etdilar.

📜 Mashg‘ulotlar davomida mas’ul tashkilotlarning kuch va vositalari ishtirokida saf ko‘rigi o‘tkazilib, mas’ul xodimlarga yo‘riqnoma berildi hamda kasallik bo‘yicha vaziyat, ushbu kasallikning odamlarga yuqish yo‘llari, klinikasi, kasallikning oldini olish bo‘yicha ko‘rgazmali slaydlar yordamida taqdimotlar o‘tkazildi.

📣 Tadbir yakunida ishtirokchilarga kasallikni oldini olish bo‘yicha zarur tavsiyalar berilib, mavzuga oid eslatma va bukletlar tarqatildi.

04/03/2024

❇️ MAHALLABAY ISHLASH TIZIMI AMALDA

📎 Sanepidqo’mitaning Jizzax viloyati Forish tumani bo’limi tomonidan aholi muammolarini joyida bartaraf etish, fuqarolarning tibbiy madaniyatini yuksaltirish va turli yuqumli va yuqumli bo’lmagan kasalliklarning oldini olish borasida mahallabay va xonadonbay ishlar samarali tashkil etilmoqda.

📌 Jumladan, mutaxassislar tomonidan tumandagi mahalla va qishloqlarda joylashgan aholi xonadonlarida hamda tadbirkorlik subyektlarida mahallabay asosda o’tkazib kelinayotgan sanitariya-targ’ibot tadbirlari davomida aholining sanitariya-epidemiologiya sohasiga oid murojaatlari joyida hal etilib, ijobiy yechim topmoqda.

📝 Mahallabay tadbirlar davomida fuqarolarning turli yuqumli va yuqumli bo’lmagan kasalliklarning oldini olish yuzasidan tibbiy madaniyatini oshirishga ham alohida e’tibor berilib, bu borada zarur tavsiyalar va amaliy ko’nikmalar berilmoqda.

♻️ Shuningdek, tumanning A.Temur hamda Xonbandi mahallalarida o’tkazilgan tadbirlar davomida kasalliklar aniqlangan o‘choqlarda yakuniy zararsizlantirish ishlari o‘tkazilib, kasallikni oldini olish yuzasidan xonadon egalariga zarur tavsiyalar berildi.

04/03/2024

❇️ HAMKORLIKDAGI SANITARIYA-TARG’IBOT TADBIRI O’TKAZILDI

📎 Jizzax viloyatining Do’stlik tumanida Favqulodda vaziyatlar boshqarmasi xodimlari bilan hamkorlikda is gazidan zaharlanish hamda botulizm kasalligining oldini olish yuzasidan sanitariya-targ’ibot tadbirlari o‘tkazildi.

📜 Tadbir davomida mas’ul tashkilotlarning is gazidan zaharlanish hamda botulism kasalligi bo‘yicha vaziyat, ushbu kasallikning odamlarga yuqish yo‘llari, klinikasi, kasallikning oldini olish bo‘yicha tushuntirish ishlari olib borilib, zarur tavsiyalar berildi.

⛔️ Shuningdek, tadbir davomida aholiga qo’lbola usulda uy sharoitida tayyorlangan konserva mahsulotlarini iste’mol qilmaslik, iste’molga yaroqliligi gumon qilingan konserva mahsulotlarini tegishli tartibda yo’q qilish yuzasidan alohida tushuntirishlar berildi.

🗓 Tadbir yakunida mavzuga oid eslatma va bukletlar tarqatildi.

26/02/2024

❇️ QO‘ZIQORINDAN ZAHARLANISHNING OLDINI OLING!

⚠️ Bahor faslida yog‘ingarchilik ko‘p bo‘lishi zamburug‘lar, sodda qilib aytganda "qo‘ziqorinlar" ko‘payishiga olib keladi. Tabiatda qo‘ziqorinlar iste’molga yaroqli va yaroqsiz turlarga bo‘linadi. Yer yuzida qo‘ziqorinlarning 100 000 dan ortiq turlari mavjud bo‘lib, O‘zbekiston hududida ularning 300 dan ziyod turi mavjud. Biroq shulardan atiga 25 turigina iste’mol uchun yaroqli hisoblanadi. Iste’mol uchun yaroqli qo‘ziqorinlar mikroelementlar, oqsil, C va V guruhlariga mansub vitaminlarga juda boydir.

🔴 Yeyiladigan qo‘ziqorinlar turlariga: plastinkali, shampinon, volnushka, gruzdi, svinuka, lisinka, sroyejkalar, yeyilmaydigan zaharli qo‘ziqorinlar turlariga: oq paganka, qizil va kulrang muxomor, chortov qo‘ziqorinlari kiradi.

‼️ Shunisi xavfliki, ayrim qo‘ziqorinlarni tatib ko‘rganda ham zaharlanish sodir bo‘lishi mumkin. Qo‘ziqorindan zaharlanish ham huddi ovqatdan zaharlanish kabi oddiy kechadi. Zaharli qo‘ziqorinni bilmay iste’mol qilgan kishilar 6-12 soat vaqt o‘tganidan so‘ng ko‘ngli aynib, tez-tez qayt qiladi. Oshqozon-ichak faoliyati buzilib, qorinda og‘riq paydo bo‘ladi va butun a’zoyi badani bo‘shashib ketadi.

🫀Agar o‘z vaqtida tibbiy yordam ko‘rsatilmasa oqibati hunuk bo‘lishi ehtimoldan holi emas. Uning zahari avvalo insoning asab tizimlarini, oshqozon-ichak yo‘llari, yurak-qon tomirlari, harakat a’zolarini zararlaydi.

🥘 Qo‘ziqorindan zaharlanish yaxshi tayyorlanmagan yoki eskirib qolgan qo‘ziqorinlarni iste’mol qilish natijasida kelib chiqadi. Shuningdek, qo‘ziqorin ikrasi va qiymasini tayyorlashda sanitariya talablariga rioya qilinmasa, zaharlanish kuzatiladi. Madaniy sharoitda yetishtirilayotgan qo‘ziqorinlar va ulardan tayyorlangan konserva mahsulotlariga sanitariya-epidemiologiya xizmatining laboratoriyalarida tahlil qilinib, inson sog‘ligi uchun zararsiz, deb topilgan taqdirda gigiyenik sertifikat beriladi. Ana shunday qo‘ziqorinlar va ulardan tayyorlangan mahsulotlarni savdo shoxobchalaridan xarid qilish hech qanday xavf tug‘dirmaydi.

🆘 Qo‘ziqorindan zaharlanish alomatlari vujudga kelgan taqdirda bemorga 1-2 litr osh tuzi eritmali iliq suv ichirilib, sun’iy qayt qildiriladi, me’dasi yuviladi. Agar me’da yuvilib, undagi zaharli moddalardan xalos etilmasa, ular qonga so‘riladi va zaharlanish yanada og‘irlashadi. Qo‘ziqorindan zaharlanishning dastlabki belgilaridayoq zudlik bilan shifokorga murojaat qilish zarur.

26/02/2024

❇️ EMLASHNING AHAMIYATI YUZASIDAN TARG’IBOT TADBIRLARI O’TKAZILMOQDA

📎 Ko‘pgina yuqumli kasalliklarga qarshi profilaktik emlash aholi orasida uzoq yillardan buyon qo‘llanilib kelinayotgan samarali tadbir hisoblanadi. Emlash tufayli insoniyat orasida poliomiyelit, difteriya kabi yuqumli kasalliklar batamom tugatilgan, qoqshol, parotit kabi kasalliklar keskin kamaytirilgan.

✅ Yuqoridagilarni inobatga olib, yuqumli kasalliklarga qarshi kurashda emlashning ahamiyatini aholining barcha qatlamiga keng targ’ib qilish muhim ahamiyat kasb etadi.

🏢 Bu borada Sanepid qo’mitaning Jizzax viloyati Forish tumani bo’limi mutaxassislari tomonidan mutazam ravishda targ’ibot tadbirlari olib borilmoqda.

💉 Jumladan, tumanning Xonbandi mahallasida o’tkazilgan bu kabi tadbirlar davomida mutaxassislar maktabgacha ta’lim tashkiloti mas’ul xodimlari o’rtasida yuqumli kasalliklarga qarshi kurashda emlashning ahamiyati to’g’risida tushsuntirish ishlarini olib bordilar.

🔖 Tadbir davomida mas’ul shaxslar uchun yuqumli kasalliklarga qarshi kurashda emlashning ahamiyati yuzasidan zarur tavsiyalar aks etgan eslatma varaqalar tarqatildi.

26/02/2024

❇️MAKTABGACHA TAʼLIM TASHKILOTLARIDA TO’G’RI OVQATLANISHNI TASHKIL ETISH YUZASIDAN NAZORAT TADBIRLARI OʻTKAZILMOQDA

🏢 Sanepidqoʻmitaning Jizzax viloyati Mirzacho’l tumani boʻlimi tomonidan tumandagi maktabgacha taʼlim tashkilotlarida to’g’ri ovqatlanishni tashkil etish yuzasidan sanitariya-nazorat tadbirlari olib borildi.

📎 Tadbirlar davomida maktabgacha taʼlim tashkilotlarining oshxona va ovqatlanish zallari, oshxona anjomlari, oshxonalarda sanitariya-gigiyena qoidalariga rioya etilishining ahvoli koʻzdan kechirildi.

📝 Shuningdek, tadbirlar davomida sogʻlom ovqatlanishni tashkil etish, taqiqlangan mahsulotlarni tashkilot hududiga kiritmaslik, ovqatdan zaharlanish holatlariga yoʻl qoʻyilmasligi yuzasidan mas’ul xodimlarga zarur tavsiyalar berildi.

21/02/2024

❇️OZIQ-OVQAT MAHSULOTLARINING SIFATI O‘RGANILMOQDA

📌 Sanepid qo‘mitaning Jizzax viloyati Yangiobod tumani bo‘limi xodimlari tomonidan tumandagi “Yangiobod dehqon bozori” mas’uliyati cheklangan jamiyati hududida joylashgan savdo rastalari va do‘konlarda sotilayotgan mahsulotlar sifatini o‘rganish bo‘yicha nazorat tadbirlari o‘tkazildi.

📌 Nazorat tadbirlari davomida tadbirkorlarga sifati tez buziluvchi mahsulotlarni sotish uchun zarur shart-sharoitlar yaratish, oziq-ovqat mahsulotlari savdosini sanitariya qoidalariga amal qilgan holda tashkil etish, uy sharoitida tayyorlangan, sanitariya talablariga javob bermaydigan oziq-ovqat mahsulotlari bilan savdo qilmaslik bo‘yicha tavsiyalar berildi.

📜 Barcha sotuvchilarga savdo faoliyati davomida mutaxassislar tomonidan berilgan tavsiyalarga qat’iy amal qilishlari yuzasidan ogohlantirish xatlari tarqatildi.

Address

O. Azimov 1A-uy

130100

Opening Hours

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00
Saturday	08:00 - 12:00

Telephone

+998722223786

Website

http://www.sanepidjizzax.uz/

Alerts

Be the first to know and let us send you an email when Jizzax viloyati San-epid boshqarmasi posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Jizzax viloyati San-epid boshqarmasi:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic?

Country:

City:

06/05/2024

22/04/2024

19/03/2024

15/03/2024

15/03/2024

12/03/2024

04/03/2024

04/03/2024

26/02/2024

26/02/2024

26/02/2024

21/02/2024

Address

Opening Hours

Telephone

Website

Alerts

Contact The Practice

Shortcuts

Share