Navoiy Abu Ali ibn Sino nomidagi jamoat salomatligi texnikumi

Navoiy Abu Ali ibn Sino nomidagi jamoat salomatligi texnikumi Sog‘lom jamiyat uchun zamonaviy ta'lim!

🇺🇿Madhiyamiz — millat g‘ururi va qalblar sadosi1992-yil 10-dekabr — O‘zbekiston Respublikasining Davlat madhiyasi qabul ...
15/12/2025

🇺🇿Madhiyamiz — millat g‘ururi va qalblar sadosi

1992-yil 10-dekabr — O‘zbekiston Respublikasining Davlat madhiyasi qabul qilinganligi munosabati bilan Navoiy Abu Ali ibn Sino nomidagi Jamoat salomatligi texnikumida madaniy tadbir tashkil etildi.

Tadbir davomida Davlat madhiyasining yaratilish tarixi, uning mazmun-mohiyati hamda milliy ramz sifatidagi ahamiyati haqida ma’lumotlar berildi. Shuningdek, talaba-yoshlar tomonidan vatanparvarlik ruhidagi she’rlar, sahna ko‘rinishlari va badiiy chiqishlar namoyish etildi.

Mazkur madaniy tadbir yoshlar qalbida Vatanga muhabbat, milliy g‘urur va davlat ramzlariga hurmat tuyg‘ularini yanada mustahkamlashga xizmat qildi.

Korrupsiyaning oldini olish va unga qarshi kurashish masalalariga bag‘ishlangan davra suhbati bo‘lib o‘tdiNavoiy Abu Ali...
15/12/2025

Korrupsiyaning oldini olish va unga qarshi kurashish masalalariga bag‘ishlangan davra suhbati bo‘lib o‘tdi

Navoiy Abu Ali ibn Sino nomidagi Jamoat salomatligi texnikumida korrupsiyaning oldini olish va unga qarshi kurashish masalalariga bag‘ishlangan reja asosidagi davra suhbati tashkil etildi.

Davra suhbati davomida talabalarga korrupsiyaga qarshi kurashish bo‘yicha amaldagi qonunchilik talablari, halollik va shaffoflik tamoyillarining ahamiyati hamda yoshlar o‘rtasida huquqiy ong va madaniyatni yuksaltirish masalalari yuzasidan batafsil tushuntirishlar berildi.

Shuningdek, ishtirokchilar tomonidan mavzu yuzasidan fikr-mulohazalar bildirilib, korrupsiyaga nisbatan murosasiz munosabatni shakllantirish va jamiyatda halollik muhitini mustahkamlash muhimligi alohida ta’kidlandi.

⚡️Talaba va o‘quvchilar uchun qishki ta’til 28-dekabrdan boshlanadiOliy taʼlim, fan va innovatsiyalar vazirligining t...
05/12/2025



⚡️Talaba va o‘quvchilar uchun qishki ta’til 28-dekabrdan boshlanadi

Oliy taʼlim, fan va innovatsiyalar vazirligining tegishli buyrugʻiga muvofiq, oliy, oʻrta maxsus va kasbiy taʼlim tashkilotlari (davlat, nodavlat hamda xorijiy) va akademik litseylar talaba hamda o‘quvchilarining joriy o‘quv yili uchun qishki taʼtil muddati belgilandi.

Unga ko‘ra, qishki taʼtil 2025-yil 28-dekabrdan boshlanib, 2026-yil 10-yanvariga qadar (shu kuni ham) davom etadi.

Talaba va o‘quvchilarning qishki taʼtil davrida doimiy yashash hududlariga (Qoraqalpogʻiston Respublikasi, viloyatlar va Toshkent shahriga) borib-kelishlarini qulaylashtirish maqsadida Transport vazirligi, “Oʻzbekiston temir yoʻllari” AJ hamda “Uzbekistan Airways” AJ bilan hamkorlikda qo‘shimcha imkoniyatlar yaratiladi.

Shunga muvofiq, 2025-yil 18-dekabrdan 2026-yil 12-yanvariga qadar (shu kuni ham) talabalar va o‘quvchilar uchun 50 foiz chegirma asosida yo‘l chiptalari sotuvi yo‘lga qo‘yiladi.

Ushbu ma'lumot Oliy ta’lim, fan va innovatsiyalar vazirligining rasmiy Telegram kanalidan olingan.

Noyabr oyi kibermadaniyat oyligi doirasidagi navbatdagi muhim uchrashuv!Navoiy Abu Ali ibn Sino nomidagi Jamoat salomatl...
30/11/2025

Noyabr oyi kibermadaniyat oyligi doirasidagi navbatdagi muhim uchrashuv!

Navoiy Abu Ali ibn Sino nomidagi Jamoat salomatligi texnikumida noyabr oyi — kibermadaniyat oyligi doirasida tashkil etilgan davra suhbati yuqori saviyada o‘tkazildi. Tadbir davomida ishtirokchilarga internetdan oqilona va xavfsiz foydalanish, shaxsiy ma’lumotlarni himoya qilish, kiberxavf va uning oldini olish choralari, shuningdek, raqamli madaniyatning bugungi k***a tutgan o‘rni haqida batafsil ma’lumotlar berildi.

Uchrashuv talabalar uchun nafaqat nazariy bilim, balki amaliy ko‘nikmalarni shakllantirishga ham xizmat qildi. Bunday ma’rifiy tadbirlar yoshlarning raqamli makonda mas’uliyatli, ongli va madaniyatli foydalanuvchi sifatida shakllanishiga katta hissa qo‘shadi.

Navoiy Abu Ali ibn Sino nomidagi Jamoat salomatligi texnikumi talabalari o‘rtasida “Sog‘lom hayot sari — birgalikda” shi...
22/11/2025

Navoiy Abu Ali ibn Sino nomidagi Jamoat salomatligi texnikumi talabalari o‘rtasida “Sog‘lom hayot sari — birgalikda” shiori ostida “QUIZ–viktorina” tadbiri o‘tkazildi.

Tadbirning asosiy maqsadi — yoshlarning sog‘lom turmush tarzi, OIV/OITS bo‘yicha xabardorligini oshirish, jamoada birgalikda fikrlash va bilimlarni mustahkamlashga ko‘maklashishdan iborat bo‘ldi.

Viktorina davomida:
talabalarga sog‘lom hayot, profilaktika va OIV/OITS bo‘yicha savollar berildi;
jamoaviy fikrlash, tezkor javob berish va muloqot ko‘nikmalari rivojlantirildi;
eng faol va bilimdon ishtirokchilar rag‘batlantirildi.

Tadbir talabalar uchun nafaqat bilim sinovi, balki qiziqarli, jonli va motivatsion muhit yaratdi. Ushbu viktorina yoshlar ongida sog‘lom turmush tarzining ahamiyatini yana bir bor yoritib berdi.

⚡️Sog‘lom hayot sari birgalikda intilamiz!

Navoiy Abu Ali ibn Sino nomidagi Jamoat salomatligi texnikumida 1-dekabr — “Butunjahon OITSga qarshi kurash kuni” munosa...
22/11/2025

Navoiy Abu Ali ibn Sino nomidagi Jamoat salomatligi texnikumida 1-dekabr — “Butunjahon OITSga qarshi kurash kuni” munosabati bilan “Sog‘lom hayot sari — birgalikda” shiori ostida keng qamrovli mahorat darsi tashkil etildi.

Tadbirning asosiy maqsadi — yoshlar o‘rtasida OIV/OITS bo‘yicha xabardorlikni oshirish, salbiy stereotiplarni yo‘qotish, profilaktika choralariga jiddiy e’tibor qaratish hamda sog‘lom turmush tarzini targ‘ib qilishdan iborat bo‘ldi.

Mahorat darsida quyidagilar amalga oshirildi:
Mutaxassislar tomonidan OIVning yuqish yo‘llari va oldini olish bo‘yicha batafsil ma’lumotlar berildi.
Talabalar bilan interaktiv mashg‘ulotlar, savol-javoblar, amaliy ko‘nikma mashqlari o‘tkazildi.
Sog‘lom turmush tarzini shakllantirishga oid tavsiyalar taqdim etildi.
OIV bo‘yicha mavjud noto‘g‘ri tasavvurlar muhokama qilinib, ilmiy asoslangan fikrlar bilan izohlandi.

Tadbir ishtirokchilari faol, qiziqarli va samimiy muhitda o‘z bilimlarini boyitdilar.Bu kabi loyihalar yoshlar ongida mas’uliyatni oshirish, jamiyatda sog‘lom muhitni yaratish hamda OIV/OITSga qarshi kurashda birlashish uchun muhim ahamiyatga ega.

🔥Sog‘lom hayot sari birgalikda qadam tashlaymiz!

Navoiy Abu Ali ibn Sino nomidagi jamoat salomatligi texnikumida “Zo‘ravonlikka uchragan xotin-qizlar va bolalarga psixol...
21/11/2025

Navoiy Abu Ali ibn Sino nomidagi jamoat salomatligi texnikumida “Zo‘ravonlikka uchragan xotin-qizlar va bolalarga psixologik yordam ko‘rsatish” mavzusida viloyat miqyosidagi seminar o‘tkazildi.

Ushbu tadbirda bir qator hamkor tashkilotlar, psixologlar, huquqshunoslar va profilaktika mutaxassislari ishtirok etib, zo‘ravonlikning oqibatlari, uning oldini olish choralari hamda jabrlanganlarga ko‘mak berishning zamonaviy usullari muhokama qilindi. Seminarda xotin-qizlar bilan ishlashda empatiya, to‘g‘ri psixologik yondashuv, xavfsizlik rejasi tuzish kabi muhim jihatlar bo‘yicha amaliy mashg‘ulotlar ham tashkil qilindi.

Shuningdek, zo‘ravonlikka uchragan ayollar va bolalarning huquqiy himoyasi, tezkor murojaat kanallari va davlat tomonidan yaratilgan imkoniyatlar haqida batafsil ma’lumot berildi.

Maqsad: tazyiq va zo‘ravonlik holatlarini erta aniqlash, ayollar va qizlarning huquqiy savodxonligini oshirish, ularni har tomonlama qo‘llab-quvvatlash va jamiyatda xavfsiz muhitni shakllantirish.

🔥 Zo‘ravonlikka befarq bo‘lmaslik — har birimizning fuqarolik burchimizdir.

“Bir Vatan, bir el, bir bayroq!” “Bir Vatan, bir el, bir bayroq!” shiori ostida Navoiy Abu Ali ibn Sino nomidagi Jamoat ...
18/11/2025

“Bir Vatan, bir el, bir bayroq!”

“Bir Vatan, bir el, bir bayroq!” shiori ostida Navoiy Abu Ali ibn Sino nomidagi Jamoat salomatligi texnikumida yuksak ruhda o‘tkazilgan tadbir barchaga katta taassurot qoldirdi.

Tadbir davomida talabalarga yurtimiz mustaqilligi, davlat ramzlarimizning qadr-qimmati, xalqimizning birdamlik va mehr-oqibat an’analari haqida chuqur ma’lumotlar berildi. Yoshlarda vatanparvarlik ruhini oshirishga qaratilgan sahna chiqishlari, jonli suhbatlar va ma’naviy-ma’rifiy dasturlar tadbirga yanada ko‘tarinki kayfiyat bag‘ishladi.

Bu kabi uchrashuvlar yosh avlodning ongida Vatanga muhabbat, fidoyilik va mas’uliyat tuyg‘ularini mustahkamlashda muhim ahamiyat kasb etadi.

Yurt ravnaqi yo‘lida birlashgan yoshlar — kelajagimiz poydevori!

Hurmatli tibbiyot sohasining fidoyi vakillari, aziz ustozlar va qadrli talabalar!💐Sizlarni “Tibbiyot xodimlari kuni” bil...
09/11/2025

Hurmatli tibbiyot sohasining fidoyi vakillari, aziz ustozlar va qadrli talabalar!

💐Sizlarni “Tibbiyot xodimlari kuni” bilan samimiy muborakbod etaman!

💐Inson salomatligini asrash yo‘lidagi mehnatingiz, mehringiz va mas’uliyatingiz tufayli jamiyatda ishonch va umid mustahkamlanmoqda. Ko‘plab insonlar aynan sizning sadoqatingiz sabab shifo topmoqda.

💐Texnikumimizning bo‘lajak kichik tibbiyot xodimlari bo‘lgan talabalariga ham minnatdorlik bildiraman. Sizning intilishlaringiz, bilimga chanqoqligingiz va ustozlar bergan tajribani o‘zlashtirishingiz kelajakda xalqimizga munosib xizmat ko‘rsatishingizga ishonch beradi.

💐Barchangizga sog‘liq, kuch-quvvat va faoliyatingizda yutuqlar tilayman. Har bir kuningiz bemorlarning duosi va kasb sharafining yorug‘ligi bilan to‘lsin.

💐Bayramingiz muborak bo‘lsin!

©️Hurmat bilan Navoiy Abu Ali ibn Sino nomidagi jamoat salomatligi texnikumi direktori.Tibbiyot fanlari doktori, dotsent Ergashev Vali Alimovich!

🇩🇪 NAVOIYDA “GERMANIYA TIBBIYOT AKADEMIYASI” FAOLIYATINI BOSHLADINavoiy shahridagi Abu Ali Ibn Sino nomidagi jamoat salo...
05/11/2025

🇩🇪 NAVOIYDA “GERMANIYA TIBBIYOT AKADEMIYASI” FAOLIYATINI BOSHLADI

Navoiy shahridagi Abu Ali Ibn Sino nomidagi jamoat salomatligi texnikumida Shveysariyaning “GLOBOGATE concept AG” kompaniyasi va O‘zbekiston Respublikasi Migratsiya agentligi hamkorligida Germaniyaga tibbiyot sohasida malakali kadrlarni jalb etish bo‘yicha qator istiqbolli loyihalar amalga oshirilmoqda.

Mazkur tashabbus doirasida texnikum negizida “Germaniya tibbiyot akademiyasi” ochildi. Ushbu akademiya orqali “Hamshiralik ishi” yo‘nalishida tahsil olayotgan 50 nafar talaba maxsus o‘quv dasturi asosida o‘qishga jalb etildi. Dastur doirasida talabalar Germaniya sog‘liqni saqlash tizimiga moslashtirilgan ta’lim asosida bilim va ko‘nikmalarini rivojlantiradilar hamda kelgusida Yevropa davlatlarida faoliyat yuritish imkoniyatiga ega bo‘ladilar.

Shu munosabat bilan texnikumda mas’ul tashkilotlar vakillari, o‘qituvchilar va talabalar ishtirokida uchrashuv bo‘lib o‘tdi. Tadbirda Navoiy viloyati Oliy ta’lim, fan va innovatsiyalar boshqarmasi boshlig‘i hamda “GLOBOGATE concept AG”, Migratsiya agentligi vakillari qatnashdilar.

Uchrashuv davomida loyihaning maqsad va vazifalari, o‘quv jarayonining mazmuni, chet tillarini o‘rganish jarayoni, Germaniyada ish faoliyatini amalga oshirish tartibi kabi masalalar haqida batafsil tushuntirishlar berildi.

Talabalar o‘zlarini qiziqtirgan savollar bilan murojaat qilib, barcha savollarga batafsil javoblar oldilar. Tadbir samimiy va ochiq muloqot shaklida o‘tib, yoshlar uchun xalqaro tajriba orttirish, kasbiy rivojlanish va kelgusidagi ish imkoniyatlarini kengaytirish yo‘lidagi muhim qadamlardan biri sifatida e’tirof etildi.

Address

S. Ayniy Ko'chasi 1-uy
Navoi
210100

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00
Saturday 08:00 - 14:00

Telephone

+998553516803

Website

Alerts

Be the first to know and let us send you an email when Navoiy Abu Ali ibn Sino nomidagi jamoat salomatligi texnikumi posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Navoiy Abu Ali ibn Sino nomidagi jamoat salomatligi texnikumi:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category