Давлат тиббий суғуртаси жамғармаси

05/05/2026

⚡️Жисмоний фаоллик саратонни олдини олишда энг яхши восита

⚡️Европа Саратонга қарши кодекси (https://cancer-code-europe.iarc.who.int/)да жисмоний фаоллик аҳолининг соғлиғини сақлаш ва саратон касалликларининг олдини олишда муҳим омил сифатида эътироф этилган. Унга кўра, ҳар бир инсон кундалик ҳаётида фаол бўлиши, шунингдек, узоқ вақт ўтириб қолиш одатини чеклаши зарур.

✔️Илмий далилларга асосан, мунтазам жисмоний фаоллик айрим турдаги саратонлар, хусусан, кўкрак, ичак ва бачадон саратони ривожланиш хавфини камайтиради. Шу билан бирга, у ортиқча вазннинг олдини олиш, организмдаги гормонал мувозанатни сақлаш ва иммун тизимини мустаҳкамлашга хизмат қилади.

💬Жисмоний фаолликни кенг жорий этиш мақсадида қуйидаги чора-тадбирларни амалга ошириш тавсия этилади:

🔵аҳолини пиёда юриш ва велосипеддан фойдаланишга рағбатлантириш, бу йўналишда иқтисодий имтиёзларни жорий этиш;
⚪️барча аҳоли қатламлари, жумладан, имконияти чекланган шахслар учун қулай ва хавфсиз жамоат транспорти инфратузилмасини ривожлантириш;
🔵шаҳар ва қишлоқ ҳудудларида пиёдалар ва велосипедчилар учун мос муҳит яратиш, яшил ҳудудларни кенгайтириш;
⚪️таълим муассасаларида жисмоний тарбия машғулотларини кучайтириш ва уларни барча ўқувчилар учун очиқ ва қулай қилиш;
🔵иш жойларида ходимларнинг жисмоний фаоллигини қўллаб-қувватлаш ва бу борада иш берувчиларни рағбатлантириш;
⚪️бирламчи тиббий хизматда жисмоний фаолликни профилактика воситаси сифатида тавсия этиш;
🔵аҳолининг турли қатламлари, айниқса ҳимояга муҳтож гуруҳлар учун жисмоний фаолликка тўсқинлик қилувчи омилларни бартараф этиш;
⚪️жисмоний фаоллик бўйича миллий ва халқаро тавсияларни мунтазам янгилаб бориш;
🔵жамоатчилик ўртасида жисмоний фаолликнинг соғлиқ учун аҳамиятини тушунтирувчи ахборот кампанияларини кучайтириш.

🟢Хулоса қилиб айтганда, жисмоний фаоллик — ҳар бир инсон учун оддий ва самарали профилактика воситаси ҳисобланади. Кундалик ҳаётда кўпроқ ҳаракат қилиш орқали нафақат саратон, балки бошқа кўплаб сурункали касалликлар хавфини камайтириш мумкин.

🩺ДТСЖ Матбуот ва PR хизмати

29/04/2026

#онлайн
#семинар

📍 Давлат тиббий суғуртаси жамғармаси мажлислар залида “Тиббий суғурта тизимининг устуворликлари: муаммолар ва ечимлар” мавзусида давра суҳбати бошланди.

👥Унда Олий Мажлис Қонунчилик палатаси депутатлари, Соғлиқни сақлаш вазирлиги ҳамда Давлат тиббий суғуртаси жамғармаси вакиллари иштирок этмоқда. Тошкент шаҳри ва Сирдарё вилояти соғлиқни сақлаш бошқармалари ҳамда Жамғарманинг ҳудудий вакиллари ZOOM платформаси орқали онлайн кузатмоқда.

💬Тадбирда тиббий суғуртаси тизимини жорий этишда эришилган амалий натижалар, мавжуд муаммолар ва уларни самарали ҳал этиш йўллари муҳокама қилинади.

24/04/2026

#Самарқанд

🌠Жаҳонгир Ғуломов, Республика ихтисослаштирилган кардиология илмий-амалий тиббиёт маркази Самарқанд вилоят минтақавий филиали шифокори

🎙"Ўтган йилда давлат тиббий суғуртаси кўмагида 1 600 нафардан ортиқ беморда юқори технологияли жарроҳлик амалиётлари ўтказилди. Ушбу тизим нафақат беморлар, балки шифокорлар учун ҳам катта қулайлик яратмоқда. Энг муҳими — оғир аҳволда келган беморни даволашда молиявий масала биринчи ўринга чиқмайди. Аксинча, бемор келганида маблағ ҳақида ўйлаб ўтирмаймиз: текширув, даволаш, керак бўлса жарроҳлик амалиётини ҳам дарҳол амалга оширамиз.

Авваллари эса кўп ҳолларда беморлар даволаниш учун маблағ топиш илинжида вақтни бой берган. Айримлар ҳатто уй-жойини сотишга мажбур бўлган. Бугун эса бундай ташвишлар камаймоқда — бемор ўз вақтида тиббий ёрдам олиш имконига эга.

Бу ўзгаришлар айниқса сурункали касалликлар мисолида яққол кўринади. Масалан, бизда сурункали буйрак етишмовчилиги бўйича статистика олиб борилади. Бундай касаллик беморни ҳаёт сифатини бузади. Олиб борилаётган тизимли ишлар натижасида ҳудудда касаллик кўрсаткичи 40 фоизга камайган. Бу дегани биз беморларни 40 фоиз ногиронликдан олиб чиқдик.

Бу эса фақат статистика эмас. Бу — юзлаб инсонларнинг ногиронликдан сақлаб қолингани, уларнинг ҳаёт сифати яхшиланди деганидир.

Демак, давлат тиббий суғуртаси нафақат даволаш тизими, балки инсон қадрини асрашга қаратилган муҳим ижтимоий механизм сифатида ўз самарасини бермоқда."

21/04/2026

#биласизми


🌾Артериал қон босимини меъёрлаштиради, камқонликнинг олдини олади, қариш жараёнини секинлаштиради. (https://www.sb.by/articles/normalizuet-arterialnoe-davlenie-predotvrashchaet-anemiyu-zamedlyaet-starenie-polza-kashi-iz-sorgo.html)
Сорго (жўхори) бўтқасининг фойдаси

➡️Соғлом овқатланиш инсон ҳаётида муҳим ўрин тутади. Табиий ва фойдали маҳсулотлар орасида сорго алоҳида аҳамиятга эга. У нафақат мазали, балки организм учун жуда кўп фойдали хусусиятларга эга дон маҳсулоти ҳисобланади.

🌽Сорго таркибида организм учун зарур бўлган оқсиллар, мураккаб углеводлар, клетчатка, темир, магний, калий каби минераллар ҳамда В гуруҳи витаминлари мавжуд. Ушбу бой таркиб инсон танасини энергия билан таъминлаб, умумий соғлиқни мустаҳкамлашга хизмат қилади.

🫀Мазкур дон маҳсулоти юрак-қон томир тизими учун айниқса фойдали. У қон босимини меъёрлаштиришга ёрдам беради ва гипертония ривожланиш хавфини камайтиради. Шунингдек, сорго темирга бойлиги сабабли қондаги гемоглобин миқдорини оширишга ёрдам беради ва анемиянинг олдини олишда самарали восита ҳисобланади.

✅Сорго антиоксидантларга бой бўлгани учун организмдаги эркин радикалларга қарши курашади. Бу эса ҳужайраларни ҳимоя қилиб, қариш жараёнини секинлаштиради. Шу билан бирга, у қондаги қанд миқдорини барқарор ушлаб туришга ёрдам беради, чунки унинг таркибидаги углеводлар секин ҳазм бўлади.

❤️‍🔥Клетчаткага бойлиги туфайли сорго ҳазм тизими фаолиятини яхшилайди, ичакларни тозалайди ва ич қотишининг олдини олади. Яна бир муҳим жиҳати — у глютенсиз маҳсулот бўлиб, глютенга сезгир инсонлар учун ҳам хавфсиз ҳисобланади.

✔️Хулоса қилиб айтганда, сорго бўтқаси — соғлом турмуш тарзини қўллаб-қувватловчи, табиий ва фойдали таомдир. Уни кундалик рационга киритиш орқали организмни зарур моддалар билан таъминлаш ва кўплаб касалликларнинг олдини олиш мумкин.

20/04/2026

Реимбурсация
видеоролик

Реимбурсация дастури орқали дорихонадан бепул дори олаётганда, кўпчилик бир муҳим нарсага эътибор бермайди.
Шифокор беморга Соғлиқни сақлаш вазирлиги томонидан тасдиқланган рўйхат асосида электрон рецепт ёзиб беради.
Унда дорининг: номи, дозаси ва миқдори аниқ кўрсатилган бўлади. Бемор бу дориларни давлат ҳисобидан бепул олади.

❗️ Энг муҳими — дорихонадан чиқмасдан чек билан рецептни солиштиринг. Дорининг номи, дозаси ва сони бир хил эканлигига ишонч ҳосил қилинг. Агар фарқ бўлса — дарҳол аниқлаштиринг!

🤝 Унутманг, саломатлигингиз ўз қўлингизда. Давлат тиббий суғуртаси эса ишончли кўмакчи.

17/04/2026

Касалликни ҳеч ким олдиндан режалаштирмайди. Бир куни ўзингиз ёки яқинингизга шифокор ёрдами керак бўлиб қолиши мумкин. Шу пайтда ихтиёрингизда иккита йўл бўлади: пул излаш… ёки тайёр (бепул) тиббий ёрдамдан фойдаланиш.

17/04/2026

Касалликни ҳеч ким олдиндан режалаштирмайди. Бир куни ўзингиз ёки яқинингизга шифокор ёрдами керак бўлиб қолиши мумкин. Шу пайтда ихтиёрингизда иккита йўл бўлади: пул излаш… ёки тайёр (бепул) тиббий ёрдамдан фойдаланиш.

16/04/2026

📶Сўнгги йилларда соғлиқни сақлашни молиялаштиришда рақамлаштириш ва сунъий интеллектга алоҳида эътибор қаратилмоқда.

✅Манила шаҳрида ўтказилган халқаро форумда Ўзбекистон тажрибаси тақдим этилиб, амалга оширилаётган ислоҳотлар ва келгуси режалар муҳокама қилинди.

🧷Давлат тиббий суғуртаси жамғармаси эксперти Мирча Буга “Health Tech Asia” сайтига берган интервьюсида бу янгиликлар аҳолини молиявий ҳимоя қилишни кучайтиришга хизмат қилишини таъкидлади.

➡️Батафсил ўқиш учун:

Digital systems within Uzbekistan's State Health Insurance Fund offer a platform for AI integration, including modules for clinical records, hospital payments, and claims processing.

15/04/2026

🤝Давлат тиббий суғурта жамғармаси ҳамда Бухоро инновацион таълим ва тиббиёт университети ўртасида ўзаро ҳамкорлик тўғрисидаги меморандум имзоланди

✅Мазкур ҳужжат икки томон ўртасида таълим, илм-фан ва тиббиёт соҳаларида ҳамкорликни янада ривожлантиришга қаратилган бўлиб, талабалар учун амалиёт имкониятларини кенгайтириш ва малакали кадрлар тайёрлашга хизмат қилади.

📃Меморандум доирасида илмий-амалий тадқиқотлар олиб бориш, инновацион лойиҳаларни амалга ошириш ҳамда замонавий ёндашувлар асосида тажриба алмашиш режалаштирилган.

14/04/2026

Шифохоналар энди қандай молиялаштирилади?

✅Жавоб: Давлат тиббий суғуртаси жамғармаси (Жамғарма) орқали шифохоналарга пул тўлашнинг янги ва адолатли тизими жорий этилмоқда. Бу тизимнинг асосий мақсади — маблағларни беморнинг соғлиғи учун тўғри ва манзилли сарфланишини таъминлашдир.

Асосий ўзгариш нимада? Илгари шифохоналарга пул у ердаги койкалар (ўрин-жой) сонига қараб берилган бўлса, энди ҳақиқатда даволанган ҳар бир бемор учун алоҳида пул тўланади. Бунда беморга кўрсатилган кафолатланган ҳажмдаги тиббий хизматлар ва берилган дори воситалари тўлиқ ҳисобга олинади.

"Кўп бемор — кўп пул" деганими?
Йўқ. Тизим шунчаки "одам сони"га эмас, балки ишнинг сифати ва мураккаблигига асосланган.
Бу қандай ишлайди?
Ҳар бир касалликнинг ўз "қийинлик даражаси" бор. Масалан, жарроҳликни амалга ошириш оддий муолажадан кўра кўпроқ маблағ талаб қилади ва Жамғарма буни алоҳида коэффициентлар асосида ҳисоб-китоб қилади ва қоплаб беради.

Шифохона "пул ишлаш" учун одамларни шунчаки ётқизиб қўя олмайди. Ҳар бир бемор тасдиқланган даволаш стандартлари ва клиник протоколларга мувофиқ даволаниши шарт. Бунда даволанган ҳар бир бемор ҳақидаги маълумот тиббий ахборот дастурига киритилади. Ушбу маълумотлар асосида Жамғарма тўловларни амалга оширади.

Шифохоналар фаолияти тўхтаб қолмаслиги учун пул икки босқичда берилади:
1. Олдиндан тўлов: Ой бошида керакли маблағнинг 85 фоизи берилади.
2. Якуний ҳисоб: Қолган маблағ ҳақиқий даволанган беморлар ҳисоботи тасдиқлангач, кейинги ойнинг 20-санасигача ўтказилади.

Агарда шифохона беморларни сифатли даволаб, маблағларни тежаб ишлатса, қолган пул Жамғармага қайтарилмайди. Уни шифокор ва ҳамшираларга мукофот пули сифатида бериши, шифохонага янги ускуналар ва дорилар сотиб олишга сарфлаш мумкин.

Янги тизим шифокорларни янада маъсулиятли бўлишга, беморни шунчаки "ётқизиб қўйиш" эмас, балки уни сифатли даволашга ва маблағларни бемор учун ишлатишга ундайди.