11/11/2025
ថ្ងៃទី ១១ ខែវិច្ឆិកា អាជ្ញាធរនៃនាយកដ្ឋានគ្រប់គ្រងឱសថ បានឲ្យដឹងថា ក្រសួងសុខាភិបាលបានចេញលិខិតអនុញ្ញាតឲ្យចេញលក់នៅវៀតណាមសម្រាប់ឱសថប្រឆាំងមហារីកមួយមានឈ្មោះ Pembroria ផលិតដោយប្រទេសរុស្ស៊ី។
ជាក់លាក់ទៅតាមសេចក្ដីសម្រេចលេខ 628/QĐ-QLD ចុះថ្ងៃទី ៣១ តុលា ដែលបានចេញដោយនាយកដ្ឋានគ្រប់គ្រងឱសថ នៃក្រសួងសុខាភិបាល មានវ៉ាក់សាំង និងផលិតផលជីវសាស្ត្រចំនួន ១៤ ប្រភេទ ត្រូវបានអនុញ្ញាតឲ្យចេញលក់នៅវៀតណាម ដោយមានសុពលភាពរយៈពេល ៣ ឆ្នាំ (ជាបញ្ជីលើកទី ៥៧)។
ក្នុងចំណោមនោះ មានឱសថ Pembroria (មានសារធាតុសកម្មសំខាន់គឺ Pembrolizumab ដោយមានខ្លឹមសារចំណុះ ១០០មីលីក្រាម/៤មីលីលីត្រ) ផលិតដោយក្រុមហ៊ុន Limited Liability “PK-137” (ប្រទេសរុស្ស៊ី) ហើយត្រូវបានចុះបញ្ជីដោយស្ថាប័នមួយនៅ សហព័ន្ធអារ៉ាប់អេមីរ៉ាត់ (UAE)។
ឱសថ Pembroria ត្រូវបានផលិតជាទម្រង់ដំណោះស្រាយខ្ចីសម្រាប់លាយជាមួយដំណោះស្រាយចាក់តាមសសៃឈាម ហើយមានអាយុកាលប្រើប្រាស់ ២៤ ខែ ចាប់ពីថ្ងៃផលិត។
គួរឲ្យចាប់អារម្មណ៍ តាមព័ត៌មានពីស្ថាប័នដែលចុះបញ្ជីឱសថ បានបញ្ជាក់ថា Pembrolizumab មានសេចក្ដីណែនាំប្រើប្រាស់ច្រើនជាង ១៤ ប្រភេទសម្រាប់ជំងឺមហារីកផ្សេងៗ (ដូចជា មហារីកសួត ប្រភេទ Melanoma មហារីកពោះវៀនធំ មហារីកមាត់ស្បូន មហារីកកោសិកាគ្រាប់តម្រងនោម មហារីកសុដន់ ជាដើម)។
ក្រៅពីការសហការផលិតវ៉ាក់សាំងនិងឱសថប្រឆាំងមហារីកនេះ រុស្ស៊ី និងវៀតណាម ក៏បានយល់ព្រមបន្ថែមការសហការនៅក្នុងវិស័យជាច្រើនទៀត ដូចជា៖ ផ្ទេរបច្ចេកវិទ្យាផលិតឱសថសម្រាប់ជំងឺកម្រនិងមហារីក និងផលិតផលជីវសាស្ត្រ; ផ្លាស់ប្តូរជំនាញរវាងអ្នកជំនាញ និស្សិត និងគ្រូបង្រៀនវេជ្ជសាស្ត្រ; សហការផ្នែកបណ្តុះបណ្តាលបុគ្គលិកវេជ្ជសាស្ត្រ វេជ្ជសាស្ត្របុរាណ ទេសចរណ៍សុខភាព វេជ្ជសាស្ត្រឌីជីថល និងការប្រើប្រាស់បញ្ញាសិប្បនិម្មិត (AI) ក្នុងវិស័យសុខាភិបាល។
ប្រភព៖ Báo Thanh tra (សារព័ត៌មាន Thanh tra)។
