Sense of Self

12/08/2025

Август го поврзуваме со зрелост и жетва на плодовите што ги расневме.
Гледаме во патот кој сме го поминале и се заблагодаруваме за она што ни се остварило.

Така е за некои.

За други, жетвата може да значи потсетник на нешто што не се остварило, на плод што не ја виде светлоста на денот, на празни раце. . Носи тага, чувство на загуба или потсетник што треба да жртвуваме за да се појави плодот.

Ако овој август за тебе е повеќе тежок отколку радосен, запомни си дека не си помалку вреден или помалку „успешен“.
Овој месец носи и радост и тага – за она што го држиме во раце и за она што моравме да го пуштиме. 🕯

🌾Да си дадеме дозвола да славиме каде што можеме, и да тагуваме таму каде што треба. Ние сме дел од природниот ритам, и ова е само еден од нејзините бранови. 🌾

01/08/2025

На точно половина од летото, застани на момент и забележи до каде си со твојата препбразба? Како се сменија нештата што ги започна пред 6 месеци, пред една година? Кој/а си ти сега наспроти таа од лани истото време? Земи момент да ги прославиш и големите, ама и малите победи на твојот пат кон себе.🌾✨️🌽

31/07/2025

Ги користите ли поладниве денови за да си дојдете на себе? Јас да, особено утрата.Ова е мојата утринска пракса, пробајте ја ако ви звучи изводливо во овој момент. Користам неколку минути за неа, а до мене е кафето, дневникот и приборот за цртање.

Поставете си ги овие 4 прашања:
🍄 Која е мојата прва мисла утрово? Ако се повеќе – запишете(илустрирајте ) ги сите кои ги регистриравте.
🍄 Како дишам додека седам вака? Длабоко, плитко, незабележливо? Треба ли да се поместам за повеќе воздух да влезе во телото
🍄 Какво чувство ми дава телото – повлекување, аларм или има простор за поврзување со себе или со други?
🍄 Што ми е потребно денес, во оваа состојба - која грижа или поддршка?

Оваа микро вежба за рефлексија помага да ја препознаеме состојбата на нашиот нервен систем на старт на денот. Па од таа точка да си асистираме и да се поддржиме на соодветен начин, нежно , со трпение кон себе.

13/07/2025

Застани за момент и забележи. Ако се чувствуваш отсечено, тивко, отсутно – твоето тело се обидува да те заштити преку повлекување. Оваа состојба настапува откако енергизираната активација ќе не истошти. Чувството кое во оваа сотојба е присутно е рамнодушност и безволност за било каква активност.

Забележи (запиши без критикување

☀️ Во кои ситуации телото ми вика „повлечи се“? (со кои луѓе, во каков контекст)

☀️ Како изгледа моето дишење во тие моменти?

☀️ Какви се моите мисли во оваа состојба?

☀️ Какви сеќавања ми навираат? Сум бил/а ли и претходно во слична состојба? Кога?

☀️ Што ќе ми помогне - ќе ми донесе олеснување во оваа состојба?

Оваа состојба на исклучување настапува споро, донесува пасивност и споро се излегува од неа. Важното за запомнување овде - дека сите мисли и чувства се ПРИВРЕМЕНИ , додека е оваа состојба активна. Штом ќе си донесеме малку повеќе енергија во телото, ќе се разбегаат и мрачните мисли, како црни облаци.

Размисли за движење, вежбање за да излезеш од оваа состојба. Движењето е најпотценетиот лек за потиштеност.

10/07/2025

Што се случува во твоето тело под стрес, кога се повлекуваш, или кога се чувствуваш безбедно и поврзано?

Во оваа и следните 2 објави, те поканувам на кратки вежби за саморефлексија од поливагалната терапија.
Секоја од нив ќе те доближи до една состојба на нервниот систем: активација (sympathetic), повлекување (дорсал) или поврзаност (ventral).

Пробај ги вежбиве за:
– да научиш како твоето тело реагира на предизвици
– да развиеш милост и љубопитност за себе.
– да откриеш нови начини на грижа за себе.

Овие вежби се суптилна покана да го слушнеш својот организам. Започни со првата 👇

1/3
Кога внатрешниот аларм се вклучува, телото е напнато, срцето ти чука побрзо, а низ умот трчаат мисли – тогаш си во симпатичка активација, телото се подготвува за акција и произведува многу енергија.

Постави си ги овие прашања и запиши си ги одговорите во твојот дневник:

🪴 Во кои ситуации реагирам со борба, а кога со избегнување?

🪴 Какви мисли имам кога сум тука (какви во борба а какви во бегање)?

🪴 Какви сензации чувствува моето тело – топлина, притисок, брзина? Каде се овие сензации?

🪴 Што е мојата автоматска заштита во овие моменти,како се однесувам (како постапувам) кога ги доживувам сите овие промени во телото?

Запомни дека во овие вежби се следиш и забележуваш, не мериш дали твоево е "добро" или дали "така треба".

Тука сум за прашања. 🍀🤍

07/07/2025

Поттикната од темата со која многу клиенти ми дојдоа овие денови, внатрешниот критичар, споделувам снимка на располагање за сите кои сакаат да го стартуваат дијалогот и трансформирањето на овој дел од себе. Овој вебинар го одржав пред повеќе од една година и беше еден од најпосетените вебинари и поттикна многу дискусија и работа на себе.

На располагање го оставам во следниве 7 денови, коментирај ВЕБИНАР за да добиеш пристап до снимката.

Сите го слушаме овој глас во себе – што критикува, понижува, се сомнева, споредува. Тоа е внатрешниот критичар – дел од нашата психа кој искрено верува дека со суровоста нè штити од срам и одбивање, но всушност нè блокира, демотивира и повредува.

Во овој бесплатен едночасовен вебинар, низ креативна вежба ќе ти помогнам:

🍉 да го виуелизираш внатрешниот критичар и да сфатиш од каде доаѓа,

🍉 да ги слушнеш неговите намери за тебе, како се обидува да ти помогне

🍉 да го започнеш спријателувањето со него, со цел да се промени нековиот разорувачки ефект врз твојата самодоверба

Ако сакаш да работиш на самодовербата, самоприфаќањето и внатрешниот мир – ова видео е одлична почетна точка.

Коментирај ВЕБИНАР за да добиеш пристап до снимката.

Успешна креативна работа !

09/06/2025

Разговор во Наш Подиум на темата "Стрес и прегорување", непресушна дискусија.

Благодарност до Јаглика и МРТ за поканата. Разговорот можете да го погледнете овде https://play.mrt.com.mk/play/585295

05/06/2025

Thank you Inscale for the cooperation

20/05/2025

Неколку слајдови од вчерашниот вебинар за стресно прегорување.
Доживувањето на стресот, начинот на кој го манифестираме, механизмите со кои се обидуваме да се справиме со стресот и прегорувањето - сите тие чекаат на нас да ги освестиме и да ги трансформираме во поефикасни и поадекватни.
Не заборавајте дека справувањето со стрес и прегорување е активна работа на себе, не е еднократен чин.

Онлајн работилницата за намалување на стресните реакции и прегорувањето е во најава, биди во тек ако е нешто што те засега. 🍀

08/05/2025

„Сега кога веќе не морам да бидам совршен, можам да бидам добар.“
– Џон Стајнбек

Многу го сакам овој цитат, ако се прашувам јас, повеќе од половина од нашето ментално здравје гладно ја чека оваа дозвола.
Кога ги читам овие зборови, ми звучат топло и ми носат некаква утеха, дека е одобрено да застанам на “ ова е доволно“. Личи и доста едноставно кога ќе го прочитаме, ама не е. Ако навлеземе подлабоко, ќе откриеме убаво поплочен пат кој води право до стресно прегорување.

Како е ова патот до прегорување? Еве вака – бркањето на совршенство е бркање на невидлив стандард. Бескрајно трчање по замисла за перфекција, живеење во бескрајна форма на притисок.
Клиентите кои ми доаѓаат на терапија, честопати доаѓаат со направен заклучок за себе – јас сум перфекционист, јас сакам сè да ми биде по одреден стандард. Оваа констатација за себе не доаѓа само од работа и претпоставените, од нашето воспитание, од социјалните мрежи или културата – ако сте дошле до точката да се наречете перфекционисти, тогаш го чувствувате како притисок кој доаѓа од самите вас. Го слушам од клиентите секојдневно, го цитираат својот внатрешен глас:

„Само уште ова, па ќе одморам.“
„Или ќе го сработам ова перфектно или воопшто не го почнувам“
„Можеш подобро од ова да сработиш.“
„Вака не прават добрите родители“
„Не смеам да згрешам.“..

И така, трчаме. Сакаме да ПОСТИГНЕМЕ, да бидеме ПРОДУКТИВНИ, ДОСТАПНИ, ОРГАНИЗИРАНИ, ВЕДРИ, УБАВИ.... совршени. Сè додека не сфатиме дека ниеден систем не може да издржи континуирана „максимална изведба“ и континуиран стрес кон „подобро“, особено не ние луѓето.

Стресот е и природен и корисен, во одредена доза. Но, ако жртвуваме паузи, одмор, не поставуваме граници и ако не си дадеме дозвола да не бидеме совршени, тој преминува во прегорување.
Прегорувањето не е само физичка исцрпеност – поблиску е до очајување отколку до замор, губење на ентузијазмот, мотивацијата и чувството дека сме „доволни“.

Дојдете на вебинарот на 19ти – ќе се прошетаме заедно по мостот помеѓу перфекционизмот и прегорувањето. Ќе го истражиме овој концепт на ДОВОЛНО ДОБРО.

Учеството е бесплатно, но е потребно да го пријавите своето присуство. https://forms.gle/nFwJEjMns7A5p27cA

Send a message to learn more

14/02/2025

Да работиш на себе преку терапија не значи само дека си пошол да се "смириш".
На терапија честопати работиме на спротивното, на енергизирање, да му дадеме простор на огнот да се покаже, да го распалиме - да и дадеме дозвола на лутината да се појави, да каже што не е во ред, да раскаже кои граници ни се поминати и да донесе акција. Лутината ни ги чува границите и донесува трансформација, но учиме како да ја манифестираме на безбеден начин за нас и другите. Работете на себе, запознавајте ги сите свои аспекти. здрави сме кога сме целовити ✨️

06/02/2025

Купче информации на мрежите за тоа како до подобро ментално здравје - како да ни стане подобро, да се излечиме, да се исцелиме, да ја заборавиме траумата, да се самодијагностицираме.. Читаме книги, следиме објави, слушаме подкасти.

Многу од овие препораки се и засновани, и корисни и едноставни за примена, ама не се магични и не се инстантни. А ние многу сакаме магија и инстант.

Ова го нагласувам на секој клиент - до добро ментално здравје се стигнува со напорна работа на себе, конзистентност и континуирана посветеност, исто како и до доброто физичко здравје. Нема мускули без вежбање, нема слабеење и здравје без да исфрлиме токсична прехрана.

Мојот совет е овој - слободно читајте и едуцирајте се за своето ментално здравје, слушајте и бидете инспирирани да направите нешто за себе. Пробајте ги вежбите што ги видовте на инстаграм и тикток и нека ви донесат регулација.

НО, ставете го во акција тоа што го освестивте за себе, пробајте го во пракса, повторете го МНОГУ пати, не само 2 пати и толку, нема промена.
Одржете посветеност на подолги стази на себе за да видите промена, исто како и со телото - едното одење во теретана не може да ни ги креира стомачните мускули и еден час по јога не ни ја “излечи “ нервозата.

Кој сака да има подобро ментално здравје, има решенија ама НЕМА ИНСТАНТ, ќе засука ракави и ќе работи на себе посветено.
Јас лично , верувам само во инстант кафе.
#психотерапија #менталноздравје #стрес #стреснаработа