اخصائي العلاج الطبيعي Pt LaithAbuzaid

15/01/2021

يسعد مساكم جميعاً ، و جمعة مباركة يا رب 💜

حاب أحكي عن نقطة كثير مهمة بتواجه الناس لما يبلشوا بجلسات العلاج الطبيعي .. بالعادة بعد التقييم والفحص الدقيق بنشرح للشخص إذا بحاجة لعلاج طبيعي وعن مضمون الجلسات بالإضافة لمعلومة كثير مهمة وهي أنه أحياناً من الصعب جداً التحسن يكون كبير من أول اكمن جلسة بحكم طبيعة المشكلة ، فبتفاجئ من بعض المراجعين أنه مش شايف تحسن كبير من أول جلسة لمشكلته اللي بعاني منها من شهور مع أنه بتكون حاكيله من البداية أنه يحتاج لعدد محدد من الجلسات لحتى يتحسن .. ! دايماً بنأكد وبنحكي أنه العلاج الطبيعي مش سحر لحتى يعالج الأعراض والمشكلة الموجودة من شهور عديدة بجلسة وحدة أو جلستين أو عدد قليل من الجلسات! .. العلاج الطبيعي زي ما بعتمد على مهارة وعلم اخصائي العلاج بالمقابل هو أيضاً يعتمد على الاستمرارية والالتزام من المراجع بالجلسات والنصائح👌

كل حالة إلها تفاصيلها بالفحص والعلاج، وشغلات صغيرة ممكن أنها تزيد أو تقلل من عدد الجلسات ومدة العلاج واللي لازم نعرفه هو الالتزام بالتمارين والنصائح ومنها العدد المطلوب من الجلسات شيء ضروري للوصول إلى التحسن المطلوب ..

بتمنى تكونوا استفدتوا و الله يديم علينا وعليكم الصحة والعافية⁦❤️

27/12/2020

آلام اسفل الظهر و الانزلاق الغضروفي "الديسك" من اكثر المشاكل انتشارا بالمجتمع ..

ما هي اعراضه و أسبابه ؟؟ وكيف ممكن نتعامل معه !؟
تابعوا الفيديو لحتى تستفيدوا, والله يديم عليكم الصحة والعافية يا رب ...

للاستفسار والتواصل يرجى الاتصال على الرقم 0770708869 أو من خلال الماسنجر .




#فيزيائي #الديسك #الفقرات #معالج #عمان #الأردن

23/12/2020

موقف من المواقف بتحير فيه الشخص يضحك ولا يحزن 😅😅

اليوم واحد من اللي اخذوا جلسات علاج طبيعي بكذا مكان وما تحسن، كان يحكيلي عن قصة علاجه و ذكر أنه هالمكان عمل فيه ٢٦ جلسة علاج طبيعي بسعر جداً متدني للجلسة الواحدة، وبعد ما خلص ٢٦ جلسة صاروا يحكولوا أنه هيك خلص علاج طبيعي و لازم يوخذ كمان ١٠ جلسات علاج فيزيائي إضافة لجلسات العلاج الطبيعي ال٢٦ الماضية !!!😅😂

يخوان المضحك المحزن بالموضوع أنه العلاج الطبيعي هو نفسه العلاج الفيزيائي😅😅 يعني لما توخذ عشر جلسات علاج طبيعي انت هيك بتكون اخذت عشر جلسات علاج فيزيائي ما فيها أي اختلاف 😅

لكن للأسف فئة كثيرة من الناس بستغلوا جهل الناس بالمهنة لأسباب عدة ، لهيك نصيحة عشان مصلحتك حاول قبل ما تتوجه لأي اخصائي علاج طبيعي انك تتأكد أنه هو فعلاً معه مزاولة مهنة من وزارة الصحة وحامل لشهادة البكالوريس بالعلاج الطبيعي ..

و الله يديم عليكم الصحة والعافية يا رب 💙

20/12/2020

دور العلاج الطبيعي بعد اجراء بعض العمليات الجراحية جداً ضروري ومهم ..

لان هناك الكثير من الأشخاص قد يعانوا بعد العملية من ضعف بالعضلات وعدم توازن حركي او محدودية بحركة بعض المفاصل ، العلاج الطبيعي من خلال التقييم الدقيق للحالة بالاضافة للعلاج اليدوي و التمارين العلاجية يعطي نتائج ممتازة و واضحة .

الحمدلله، الحالة بالفيديو لشخص تحسنت لديه حركة مفصل الكاحل بعد ما كان يعاني من ضعف ومحدودية بالحركة بعد اجراء العملية ..

للتواصل والاستفسار يرجى الاتصال على الرقم 0770708869

#الحركة #الكاحل #الفيزيائي

#الاردن #عمان

15/12/2020

بآخر هالسنة الصعبة بحب أحكي وخصوصي لزملائي بالعلاج الطبيعي أنه تذكر دايماً ، فشلك بالبدايات لا يعني النهاية، العبرة دايماً بالنهايات ..

خلينا نتعب ونصبر لحتى نستحق، و يا رب النجاح والتوفيق لمن يستحق ⁦❤️⁩

12/12/2020

الكثير من الأشخاص يعتقد ان العلاج الطبيعي هو مجرد حل بديل لبعض المشاكل لا أكثر .. !

وللأسف هذا الأعتقاد هو اعتقاد خاطئ، لان هناك الكثير من الحالات التي يتعامل معها اخصائي العلاج الطبيعي ليس من الممكن ان تتحسن بالشكل المطلوب الا بالعلاج الطبيعي ..

من المهم جداً معرفة أهمية العلاج الطبيعي وعلاجه وفوائده المتعددة مع الكثير من الاصابات ، فهذا شيء لخدمة الشخص المُصاب او الذي يعاني من مشكلة تُعالج بالعلاج الطبيعي بكل وضوح، لأنه بكل بساطة بوفر عليه الوقت والجهد وأحياناً التكلفة ..

و الله يرزقكم الصحة والعافية يا رب ❤️

27/11/2020

كان ﷺ إذا صافحه الرجل لا ينزع يدهُ من يده حتى يكون الرجل ينزع يده، وكان يُقبل بوجهه وحديثه على المرء ، ويُعامِل كل من يلقاه بالحفاوة والبشاشة حتى يظن ذلك الشخص بأنه أحبّ الناس إليه .

اللهم صلِ وسلم على خير خلقك 🧡

08/11/2020

الإنزلاق الغضروفي أو ما يسمى "الديسك"

موضوع شائع و مهم بمجتمعنا، والأغلبية بعاني منه في حياته اليومية وببحث على حلول لهاي المشكلة💔 .
فشو هي أبرز الأعراض وأشهرها للإنزلاق الغضروفي!؟ وكيف من الممكن التخفيف من الألم والأعراض؟ ..

بدايةً الغضروف أو ما يسمى بالديسك موجود بين فقرات العمود الفقري ويعمل على امتصاص جزء من الضغط الواقع على الفقرات وبساهم بمرونة العمود الفقري وحركته، ومع وجود وبذل جهد اضافي على الفقرات هذا الشيء يساهم بالضغط على الديسك ومع مرور الوقت و إستمرار الضغط عليه من الممكن ان يحدث انبعاج أو إنزلاق بالديسك وبعمل هاذ الإنزلاق بالضغط على المكونات المحيطة بالديسك من أعصاب طرفية وأوتار و أربطة مما يسبب هذا الخلل بألم وشدود عضلية بالإضافة لخدران وتنميل بالأطراف ..

لذلك في حال وجود هذه الأعراض ننصح فورا بمراجعة الطبيب المختص أو المعالج وعدم الاستهانة بالإصابة أو إهمالها، وطبعاً العلاج الطبيعي لديه الحلول المناسبة لعلاج الإنزلاق الغضروفي أو آلام الظهر و الرقبة، من خلال البرنامج العلاجي المناسب للحالة بتتضمن العلاج الكهربائي و اليدوي والتمارين العلاجية خلال عدد من الجلسات العلاجية 👌

و الله يديم عليكم الصحة والعافية⁦❤️⁩

للإستفسار والتواصل يرجى الاتصال على الرقم ( 0770708869 )
او ارسال رسالة عبر الماسنجر ....



#الفيزيائي #الديسك

05/11/2020

صداع الرأس المرتبط بالرقبة "Cervicogenic headache"

كثير ناس بعانوا من آلام بالرقبة بصاحبها وجع بالرأس وبشعروا بإنزعاج كبير وبزيد عندهم الألم والصداع أثناء قيامهم بمجهود أثناء حياتهم اليومية وخصوصي بالأمور اللي بكون فيها وضعية انحناء الرقبة للأمام لمدة طويلة مثل بعض الأعمال المكتبية والمنزلية ، فشو ممكن يكون سبب هالصداع وكيف ممكن نخفف من الأعراض والألم !؟

لازم نعرف أنه أنواع الصداع كثيرة ومتنوعة وأسبابها مختلفة..
لكن الصداع المرتبط بالرقبة بكون غالباً سببه مشاكل بالفقرات العنقية بمنطقة الرقبة مثل الإنزلاق الغضروفي "الديسك" ، التهاب ومحدودية بمفاصل الفقرات أو بسبب شدود عضلية بعضلات الرقبة..

ففي حال في مشكلة واضحة بمنطقة الرقبة ممكن أنه تسبب هالمشكلة ألم ينتقل من الرقبة للرأس من الخلف وبشكل جانبي وبعدها بصير الصداع وبكون مرتبط بمشاكل الرقبة ..

لهيك في حال عندك هالأعراض بننصحك "بجلسات العلاج الطبيعي" لأنه اله دور فعال وكبير بهيك مشاكل وبساهم بشكل واضح بتحسن الحالة وعلاج الألم والأعراض بإذن الله ، طبعاً الجلسة بتتضمن العلاج بالأجهزة الكهربائية الحديثة بالإضافة للعلاج اليدوي والتمارين العلاجية أو كاسات الهواء وغيرها من الطرق العلمية بالعلاج الطبيعي ..

بالنهاية إذا استفدت من المعلومات بتمنى تعمل مشاركة المنشور لحتى يستفيد أكبر عدد ممكن و الله يديم عليكم الصحة والعافية ⁦❤️⁩

للسؤال والاستفسار عن الجلسات يرجى الاتصال على الرقم "0770708869"
أو التواصل بالماسنجر



#فيزيائي #الديسك #الصداع

02/11/2020

الصداع المرتبط بمشاكل الرقبة ، بإذن الله عن قريب رح أشرح بفيديو عن هالموضوع...

إذا استفدتوا من الكلام وحابين تعرفوا أكثر عن الموضوع ادعموا المنشور بتفاعل ومشاركة 👌

صداع الرأس المرتبط بالرقبة "Cervicogenic headache"

عدد كبير من الأشخاص يعانوا من آلام بالرقبة يصاحبها ألم بالرأس وبشعروا بإنزعاج كبير ويزداد لديهم الألم والصداع أثناء قيامهم بمجهود أثناء حياتهم اليومية وخصوصي بالأمور اللي بكون فيها وضعية انحناء الرقبة للأمام لمدة طويلة مثل بعض الأعمال المكتبية والمنزلية ، فما هو سبب هالصداع وكيف ممكن نخفف من الألم !

أن أنواع الصداع كثيرة ومتنوعة وأسبابها مختلفة..
لكن الصداع المرتبط بالرقبة غالباً ما يكون سببه مشاكل بالفقرات العنقية بمنطقة الرقبة مثل الإنزلاق الغضروفي "الديسك" ، التهاب ومحدودية بمفاصل الفقرات أو بسبب شدود عضلية بعضلات الرقبة..

ففي حال وجود مشكلة واضحة بمنطقة الرقبة من الممكن أن تسبب هذه المشكلة ألم ينتقل ويمتد من الرقبة للرأس من الخلف وبشكل جانبي...

لذلك في حال عندك هالأعراض بننصحك بجلسات العلاج الطبيعي لدوره الفعال والكبير بعلاج الصداع المرتبط بالرقبة من خلال مساهمته بشكل واضح بتحسن الحالة وعلاج الألم والأعراض بإذن الله ، وطبعاً الجلسة تتضمن العلاج بالأجهزة الكهربائية الحديثة بالإضافة للعلاج اليدوي والتمارين العلاجية ..

و الله يديم عليكم الصحة والعافية ⁦❤️⁩

مركز العلاج الطبيعي والتأهيل/ مجمع البيت العتيق الطبي الشامل .

جاوا _الشارع الرئيسي - عماره رقم ٢٩ .

للسؤال والاستفسار يرجى الاتصال على الارقام:-

064166063
0780817837
0798752365



#فيزيائي #الديسك #الصداع

29/10/2020

29/10/2020

هذا هو محمد البسيط المتواضع ..

و رأيته في بيته يغسل ثوبه و يرقع بردته و يحلب شاته و يخصف نعله ..

و رأيته يأكل مع الخادم و يعود المريض و يعطي المحتاج ..

و رأيته و هو يصلي و حفدته يتسلقون ظهره و هو ساجد فيتركهم حتى إذا وقف حملهم و استمر في صلاته .

كان الحنان و الحب مجسدا ..

أحب الإنسان و الحيوان .. حتى النبات حنا عليه فكان يوصي بالشجر ألا يقطع .
حتى الجماد شمله بالحب فكان يقول عن جبل أحد .. " هذا جبل يحبنا و نحبه "

حتى تراب الأرض كان يمسح به وجهه متوضئا في حب و هو يقول "تمسحوا بالأرض فإنها بكم برة "

هذا هو العظيم الذي كان يكره التعظيم و كان يقول لأصحابه حينما يقفون له .. " لا تقوموا لي كما تقوم الأعاجم يعظمون ملوكهم "

و كان الكريم الذي وصفه أصحابه بأنه ينفق في سخاء من لا يخشى الفقر أبدا ..
لم يحدث أنه أدخر درهما ..
و قد مات كما هو معلوم و درعه مرهونة عند يهودي .

و عاش لم يشبع قط .. و لم يذق خبز الشعير يومين متتالين .. و مع ذلك لم يكن يرفض الهدية تأتيه بالشهي من المأكل و الناعم من الملبس و لكنه يرفض أن يسعى لهذا العيش اللين أو يفكر فيه أو ينشغل به .. و لهذا كان يربي نفسه و يروضها على الفقر و الجوع و القصد في المطالب و الرغبات ، ليكون المثل و القدوة لما أراده الإسلام ..

دين الإعتدال و التوسط .. فلا رهبانية و قتل للنفس .. و لا تهالك و إطلاق للشهوات .. و إنما توسط و اعتدال

د. مصطفى محمود رحمه الله
كتاب / الطريق إلى الكعبة

كل عام وأنتم والأمة الإسلامية بخير بمناسبة المولد النبوي الشريف. ⁦
اللهم صل وسلم على سيدنا محمد ❤️⁩⁦❤️⁩

28/10/2020

الحمدلله، هاي الرسائل هي اللي بتحفزك على الاستمرار والشغل... ⁦❤️⁩

07/08/2020

الشهادة الطيبة من الناس وبعض المرضى بترفعلك المعنوية وبتحفزك أكثر للإجتهاد . الحمدلله دائماً و أبداً 💜

للإستفسار عن سعر الجلسات يرجى الإتصال على الرقم 0770708869
أو عن طريق الرسائل .
و الله يرزقكم الصحة والعافية ⁦❤️⁩

30/07/2020

عيد أضحى مبارك..
كل عام وأنتم بخير وصحة وسعادة ⁦❤️⁩

30/07/2020

اللي بجعل من عِلمه ومهنته وسيلة للخير ربنا رح يباركله بحياته وأعماله⁦💜 بالمقابل اللي بعمل من علمه ومهنته الإنسانية وسيلة لكسب المال فقط فما رح يكسب إلا الماديات لا أكثر .

نستذكر بهاذ اليوم المُبارك هذا الطبيب القدوة ونسأل الله ان يرحمه ويغفرله يا رب...
يا رب اجعلنا بقدرتك و رحمتك وسيلة للخير والعطاء والكرم يا كريم 💜

22/07/2020

الحمدلله، اليوم اللي ببدايته بتشوف فيه نتائج ممتازة لشغلك اكيد رح يكون يوم حلو ⁦❤️⁩

الحمدلله تحسن كبير لحالة كانت بتعاني من ألم حاد بأسفل الظهر ..

12/07/2020

يسعد مساكم جميعاً اصدقائي، وبتمنى دايماً تكونوا بخير .

كثير ناس الفترة الماضية طلبت مني احكي عن كثير إصابات وطرق العلاج،
وأنا رح ارجع عن قريب ومن جديد بإذن الله، لتصوير ونشر مقاطع فيديو تهتم بشكل أساسي بأهم المشاكل والاحتياجات اللي بتسأل ويتعاني منها كثير من الناس .

رح يكون في فيديوهات علمية بتشرح عن طبيعة بعض الإصابات والأمراض وكيفية تعامل العلاج الطبيعي معها، بالإضافة لفيديوهات بتحكي عن بعض التمارين المحددة و المفيدة اللي ممكن تطبيقها عند حالات كثيرة وشائعة .

شو هي هاي الإصابات والأمراض!!؟ وايش ممكن تكون هاي التمارين وشو فائدتها ومتى نستعملها !؟؟ كل هاي الأمور رح تعرفوها إن شاء الله خلال المنشورات ومقاطع الفيديو القادمة .

تابعونا، وكل الاحترام والتقدير لكم جميعاً.

09/05/2020

مهما كان مُر، سيمُر بإذن الله ❤

23/04/2020

‏ وأنتم بخير أصدقائي ينعاد علينا وعليكم بالخير والسعادة 🌙

‏⁧‫ ‬⁩

14/04/2020

- قد تثبت لك الأيام أن ما ظننته قلاع من صخور إنما هي حصون من ورق .

لا تستسلم، واحسن الظن بالله❤

12/04/2020

يسعد اوقاتكم جميعا اصدقائي، بتمنى تكونوا بخير وسعادة دايماً يا رب❤

حاب احكي عن شغلة مهمة لاحظتها خلال الايام بفترة الحجر والحظر، وهو انه في كثير ناس بتبحث من دون استشارة المختص عن تمارين علاجية بتنعمل بالبيت لتخفيف ألم الظهر، الرقبة، الركبة وغيره .. وبتلاقيهم كثير ببحثو على اليوتيوب وغيره من مواقع التواصل عن هاي التمارين!

وبدي هان اذكر بشغلة مهمة، واللي هي انه صح كثير حلو انك تهتم بصحتك وخصوصي بهيك ظرف، بس فعليا ما بنصحك تعمل اي تمارين من دون استشارة المعالج او المختص ،
لأنه مش كل التمارين اللي انت بتشوفها على النت او اليوتيوب ممكن تفيدك، واحيانا لا سمح الله ممكن اتضرك..
لأنه ببساطة أعراض الإصابات والحالات (زي الألم مثلاً) قد تتشابه لكن سبب الوجع او الألم ممكن يختلف بإختلاف الإصابة او سببها ..

يعني مثلا مش كل وجع ظهر سببه شد عضل ، ومش كل ألم بالرقبة سببه الديسك .. ولكل إصابة او حالة بكون الها تمارين علاجية مناسبة إلها ومش شرط هالتمارين نفسها تكون مناسبة لإصابتك او حالتك .. يعني ما بنفع تعتمد اي تمرين علاجي بتشوفه قدامك على انه التمرين المناسب الك إلا بعد استشارة معالجك ، الموضوع بده استشارة معالجك او طبيبك بالإضافة لتقييم وضع حالتك .. لهيك اهتم بصحتك بس لا تتهور ..

اتذكروا دايماً انه "صحتكم هي مسؤوليتكم" وهي نعمة ولازم اتحافظوا عليها 👌

بتمنى تكونوا استفدتوا من هالنصيحة، وكل الشكر والاحترام للجميع❤🌸

02/04/2020

الحفاظ على صحتنا بهاي العطلة واحنا قاعدين بالبيت هو واجب علينا، وخصوصي بهيك ظرف استثنائي.. اكيد كثير ناس بتعرف ايش هو االجهاز التنفسي ،
وبنفس الوقت كثير اشخاص للاسف بعانوا من مشاكل مزمنة بالرئتين، شو ممكن يكون دور العلاج الطبيعي معهم!؟
معقول يكون في علاقة بين مشاكل الجهاز التنفسي او النمط الخاطئ بالتنفس مع الم العضلات بالرقبة او الظهر؟

كيف ممكن نقلل من خطورة امراض الجهاز التنفسي ونحسن من ادائه واحنا بالبيت؟ واكيد رح نحكي عن اهمية الرياضة بهاذ الموضوع..

طب شو اهمية العلاج الطبيعي مع بعض حالات مرضى الجهاز التنفسي!

15/03/2020

لازم نتذكر انه الوقاية خير من قنطار علاج، وهذول الاسبوعين مش عبارة عن عطلة وإجازة للترفيه، واكبر خطأ انك تستهين بالموضوع وتهمل وقاية نفسك..
يا جماعة هاذ وباء ومش مزحة، يعني لازم نتعاون مع بعض.. واذا انت مناعتك قوية فلازم تعرف انه غيرك مناعته ضعيفة وغير قادر على مقاومة المرض لا سمح الله..
إلزم بيتك، عقم نفسك واهتم بنظافتك، وخذ مسافة متر او اكثر لما تحكي مع حدا في حال انك طلعت من البيت للضرورة القصوى، واكيد لا تسلم لا بالتبويس ولا بالمصافحة..
لازم نوخذ الأمور بجدية عالية، بالنهاية هاي ازمة و رح تمر على خير بإذن الله، والله يسلم ويعافي الجميع يا رب..

11/03/2020

نشر الوعي عن مضمون العلاج الطبيعي واهميته بحياتنا، بالنسبة لي هو واجب..
قمت بعمل محاضرة توعوية بعنوان "أهمية العلاج الطبيعي بحياتنا" للطلاب بمدرسة سحاب الثانوية للبنين..
الشكر الكبير لمدرسة سحاب الثانوية على هذه الإستضافة الرائعة، وكل الاحترام والتقدير للمدير أ. زياد أبوزيد ، مساعد المدير أ. علي زعل، أ. حمزة العبادي بالإضافة للإستاذ شايش أبوزيد واستاذ عبد الفتاح، وجميع الهيئة الإدارية والكادر التعليمي..

وبإذن الله سيكون هناك المزيد من المحاضرات التوعوية عن أهمية العلاج الطبيعي و دوره المهم بحياتنا ❤

19/01/2020

يسعد أوقاتكم.. بتمنى انه تكونوا دايماً بخير وسعادة ...

حبيت انشر المعلومة لاول مرة عن طريق فيديو بسيط, عشان المعلومة توصل الكم بشكل افضل
الفيديو بحكي عن ال Degenerative Disk Disease اي يعني مرض " تآكل الديسك " , شرح عن طريقة الاصابة وعن مضاعفات الاصابة وأسبابها وأيضاً عن الاعراض وطريقة التعامل معها ..
بتمنى تستفيدوا من هالفيديو ويا ريت اذا عجبكم تعملوا "مشاركة ومتابعة" للصفحة.. أنا بالخدمة لأي أستفسار , وكل الاحترام والتقدير لكم ..