Pyae Sone Win သူနာပြု ဝန်ဆောင်မှု (2025)

22/08/2022

#မေမေမြင်ခဲ့ရင်.......(Nurse..)
ု
~လူနာမျိုးစုံ ရောဂါမျိုးစုံ အနံ့မျိုးစုံ ကူးစပ်ရောဂါမျိုးစုံကြား ချွေးတရွဲရွဲနဲ့ ပြေးလွှားနေတဲ့ကျွန်တော် တို့ရဲ့ခြေလှမ်းတွေကို မေမေမြင်ခဲ့ရင်......

~အခြားဝန်ထမ်းတွေလို ထမင်းစားနားချိန်ဆိုပြီးတောင်းတမိဖို့ မဆိုပါနဲ့ အချိန်တွေကျော်စားရတာတောင် စားရင်းတန်းလန်းနဲ့ ထထပြေးနေရတဲ့ ကျွန်တော် တို့ကိုမေမေမြင်ခဲ့ရင်..

~စာနာစိတ်မရှိ ရပ်တည်ကာကွယ်ပေးဖို့မပြောနဲ့ အမှားလုပ်မှာကို အပြစ်တင်ဖို့စောင့်ကြည့်နေတဲ့ အချို့သူတွေရဲ့ မျက်လုံးတွေကို မေမေမြင်ခဲ့ရင်......

~အ်ိမ်မှာ ဘယ်လောက်ကောင်းတဲ့ အိပ်ယာနဲ့ အိပ်ရ အိပ်ရ..
ဆေးရုံမှာ ဆရာ/ဆရာမတွေအတွက် အခန်းတစ်ခန်းတောင် မရှိတဲ့အတွက် ကောင်တာဘေးကကြမ်းပြင်မှာ ဖျာခင်းအိပ်နေရတာကို မေမေမြင်ခဲ့ရင်....

~7am 4 pmဆိုပြီး သတ်မှတ်အလုပ်ချိန် တစ်နေ့ 9နာရီရှိပြီး လူအင်အားနည်းတာကြောင့် 7am to 7pmဆိုပြီး တစ်နေ့အလုပ်ချိန် 12နာရီကို အကြိမ်းပေါင်းမနည်း ဆင်းခဲ့ရတဲ့ ပင်ပန်းနွမ်းလျနေတဲ့ ကျွန်တော်တို့မျက်နှာကိုမေမေမြင်ခဲ့ရင်....

~အချို့လူနာတွေရဲ့ စော်ကားမှူတွေ၊ သူ့လူနာတစ်ယောက်တည်းအတွက် အတ္တတွေ၊ အထင်လွဲမှူတွေကြားမှာ
ခံစားချက်မျိုးစုံနဲ့ ဖြေရှင်းချက်တွေပေးနေတဲ့ ကျွန်တော် တို့မျက်နှာတွေကိုမေမေမြင်ခဲ့ရင်...........

သားယုံကြည်တယ်မေမေ....

"ကျွန်တော့်ကို သူနာပြုအရမ်းဖြစ်စေချင်တယ်''
ဆိုတဲ့စကားကိုအရင်ကလို မျက်နှာမှာအပြုံးအပြည့်နဲ့
မေမေပြောနိုင်မှာမဟုတ်တော့ဘူးဆိုတာကိုပေါ့........
...........

အချို့လူနာတွေရဲ့စကားတွေ သူတို့ရဲ့ဖြူစင်တဲ့မေတ္တာတွေ.. စာနာတတ်မှူတွေကြောင့် အတိုင်းမသိကြည်နှုးခဲ့ရသလို..

"သူနာပြု''ဆိုတာနဲ့ ဘယ်သူဘယ်ဝါမသိ ခေါက်ရိုးကျိုး သိမ်းကြုံးအပြစ်တင်နေကြတဲ့အချို့သူတွေကြောင့်''သူနာပြု"ဘဝ'ကို ဝမ်းနည်းစိတ်ပျက်ခဲ့ဖူးတယ်..... မေမေ........ 🙂🙂

...

@

20/08/2022

👤👤 #အာရုံကြောအားနည်းနေတဲ့လက္ခဏာ (၇) မျိုး

နေကောင်းလားမေးရင်နေကတော့ကောင်းပါတယ်။ ဟိုနားက တခုခုဖြစ်လိုက်၊ ဒီနားကတမျိုးဖြစ်လိုက်နဲ့ ဘာရောဂါအမျိုးအမည်တပ်ရမှန်းမသိအောင် အူကြောင်ကြောင်ဖြစ်ရပါတယ်။နေမကောင်းဖြစ်တာလည်းမဟုတ်၊ ဆရာဝန်သွားပြရင်တောင်ပြောပြရခက်တဲ့ လက္ခဏာအစုံတွေ ကိုယ့်မှာရှိနေတာမျိုး။

လူ့ခန္ဓါကိုယ်ရဲ့အာရုံကြောစနစ်ဟာ တကိုယ်လုံးကိုဖြန့်ကြက်ထားတာမို့ အရမ်းကိုအရေးပါပါတယ်။ သူ့ရဲ့လုပ်ဆောင်ချက်ကလည်း လှုပ်ရှားမှုကအစ ဦးနှောက်ဉာဏ်ရည်တွေအထိကို သက်ရောက်မှုကြီးမားတာမို့ အာရုံကြောစနစ်ကျန်းမာနေဖို့ လိုပါတယ်။

အာရုံကြောအားနည်းနေပြီဆို လူက တကယ်ကိုပေါက်ကရတွေဖြစ်ပြီး အလုပ်လုပ်နိင်စွမ်းတွေထိခိုက်ပါလိမ့်မယ်။

#အာရုံကြောအားနည်းရင်ဘယ်လိုလက္ခဏာတွေဖြစ်လာတတ်လဲ....??

#ထုံကျဉ်တာ

ခြေတွေ၊လက်တွေ ထုံကျဉ်တာဖြစ်ဖူးတယ်မလား။ ရာသီဥတုအေးလို့လည်းမဟုတ်ပါဘဲ မကြာခဏ ထုံကျဉ်တာနေရခက်ပါတယ်။ ဗီတာမင် B12 အားနည်းခြင်းက အာရုံကြောတွေကိုဖုံးအုပ်ပေးထားတဲ့ အကာအကွယ်အလွှာကို ထိခိုက်ပျက်စီးစေနိုင်ပါတယ်။Crohn’sရောဂါ သို့မဟုတ် တခြားအူလမ်းကြောင်းရောဂါတွေကြောင့်လည်း ဗီတာမင်စုပ်ယူနိုင်စွမ်းကို အနှောင့်အယှက်ဖြစ်စေနိုင်ပါတယ်။

#ပိုချမ်းတတ်တာ

အရင်ကဆို မှုလောက်မှာမဟုတ်တဲ့ အအေးဓါတ်လောက်ကို အခုမှအရမ်းချမ်းတတ်နေတာမျိုး။ နည်းနည်းအေးတာနဲ့ ကိုယ်က ခိုက်ခိုက်တုန်နေတာမျိုး ခံစားရတယ်ဆိုသွေးအားနည်းနေတာဖြစ်နိုင်ပါတယ်။ ဒီလိုဖြစ်ရတဲ့ အကြောင်းရင်းထဲမှာ B12 ဓါတ်မလုံလောက်လို့သွေးနီဥတွေ နည်းတာဖြစ်စေနိုင်ပါတယ်။ ဒါဆို ခြေဖျား၊ လက်ဖျားတွေအေးစက်ပြီး တဆတ်ဆတ်တုန်ပြီး ချမ်းတတ်တာပေါ့။

ဦးနှောက်လုပ်ဆောင်ချက်တွေ ကမောက်ကမဖြစ်တာ

စိတ်ဓါတ်ကျတာ၊ အာရုံရှုပ်ထွေးတာ ၊မေ့တတ်လာတာ၊ အာရုံစူးစိုက်မရတာတွေကB12 အားနည်းရာကနေ ဖြစ်လာတဲ့လက္ခဏာတွေပါ။

#အားနည်းတာ

လူကအားနည်းသလိုဖြစ်နေတယ်၊ ကြွက်သားတွေအားမရှိဘူး၊ ပင်ပန်းနုံးချိနေမယ်၊ခေါင်းမူးတယ်ဆိုရင် အာရုံကြောအားနည်းတာဖြစ်နိုင်ပါတယ်။ ဒီလက္ခဏာတွေ ပိုဆိုးလာတယ်၊ ကြာလာတယ်ဆိုရင် ဆရာဝန်ပြပြီး အားဆေးသောက်သင့်သောက်ရပါမယ်။

#နှလုံးခုန်မြန်တာ

နှလုံးခုန်မြန်တာလည်း အာရုံကြောအားနည်းတဲ့လက္ခဏာထဲမှာပါဝင်ပါတယ်။ ကြက်သား၊ ကြက်ဥ၊ ငါး တို့ကနေ ဗီတာမင်B12 ရရှိနိုင်ပါတယ်။B12 ချို့တဲ့တယ်ဆိုရင်သွေးအားနည်းခြင်း၊ စိတ်အတက်အကျမြန်ခြင်း၊ အာရုံကြောထိခိုက်ခြင်းနဲ့တခြားပြင်းထန်တဲ့ရောဂါတွေဖြစ်လာစေနိုင်ပါတယ်။

#ပါးစပ်အနာ

သွားဖုံး သို့မဟုတ် လျှာမှာ အနာလေးတွေဖြစ်လာတယ်ဆိုရင်B12 အားနည်းတာ၊သွေးအားနည်းခြင်း သို့မဟုတ် တခြားရောဂါအကြောင်းရင်းတစ်ခုခုကြောင့်ဖြစ်နေနိုင်ပါတယ်။

#ဗိုက်ပြဿနာ

ခံတွင်းပျက်တာ၊ အရမ်းပိန်သွားတာ၊ ဝမ်းချုပ်တာ စတဲ့ အစာအိမ်နဲ့အူလမ်းကြောင်းပြဿနာတွေဖြစ်လာနိုင်ပါတယ်။ ကိုယ်ထဲမှာ B12 ပမာဏချို့တဲ့လွန်းရင် ဆရာဝန်ပြပြီး အားဆေထိုးသင့်ထိုးရပါမည်။

စေတနာဖြင့်..

ကျန်းမာကြပါစေရှင် 🙏
#
Sone win #
&Nurse Servic #

01/08/2022

ကိုယ်ဝန်လွယ်ထားစဉ် မွေးသမိခင်က
Selfie ခဏခဏရိုက်သောအခါ 😍

01/08/2022

ပညာတွေလဲရပါတယ် 🙄

25/07/2022

သေသူက မြေမကျသေးဘူး။
သတ်တဲ့သူမိသားစု
နေစရာ မလုံခြုံတော့ဘူး။

သေသူက မပုပ်သေးဘူး။
သတ်တဲ့သူအပုပ်နံ့က ထောင်းထောင်းထလို့။

ခြွေခွင့်ရလို့ ကျေနပ်မနေနဲ့။
ကြွေလွင့်သွားတဲ့ဝိညာဉ်က
သွေးကြွေးတောင်းလိမ့်မယ်။

အဲ့ဒါ ကိုယ်ပြုတဲ့ကံပဲ။
သစ္စာရှိတယ်။ ။

ဦးသုမင်္ဂလ
ဒယ်အိုးဆရာတော်
်

24/07/2022

ဖြစ်တဲ့ ရောဂါနဲ့ သောက်တဲ့ဆေး

မလွဲရလေအောင် ဆေးအမည်တွေကို

အသံထွက်နဲ့တကွ ဘာသာပြန်ပြီး

ရေးသားဖော်ပြပေးထားပါတယ်။

24/07/2022

ဖြစ်တဲ့ ရောဂါနဲ့ သောက်တဲ့ဆေး

မလွဲရလေအောင် ဆေးအမည်တွေကို

အသံထွက်နဲ့တကွ ဘာသာပြန်ပြီး

ရေးသားဖော်ပြပေးထားပါတယ်။

👍👍👍

24/07/2022

✴ပေးချင် ကမ်းချင်သော စိတ်ကြောင့်ပင်
ပေးနိုင် ကျွေးနိုင်သော ဘဝကို ရောက်လိမ့်မည်

မနာလို ဝန်တိုသော စိတ်ကြောင့်ပင်
တောင်းရမ်းစားသောက်ရသော ဘဝသို့ ရောက်လိမ့်မည်

မှန်မှန်ကန်ကန်ပြောတတ်သော စိတ်ကြောင့်ပင်
ဆိုတိုင်းဖြစ်တဲ့ သစ္စာရှင် ဘဝသို့ ဘဝကို ရောက်
လိမ့်မည်

လိမ်ပြောတတ်သော စိတ်ကြောင့်ပင်
လူတွေ အယုံအကြည်မဲ့သွားသော ဘဝသို့
ရောက်လိမ့်မယ်

သူတစ်ပါးကို ကူညီချင်သော စိတ်ကြောင့်ပင်
အကူအညီပေးနိုင်သော ဘဝသို့ ရောက်လိမ့်မည်

သူများ အကျိုးစီးပွားကို ဖျက်ဆီးလိုသော
စိတ်ကြောင့်ပင် ပျက်စီးသော ဘဝကို
ရောက်လိမ့်မည်

လောကကြီးမှာ ဘာမဆို ဆိုးသည်ဖြစ်စေ
ကောင်းသည်ဖြစ်စေ အကြောင်းမဲ့သက်သက်
ဖြစ်နေတာ မဟုတ်ဘူး

စိတ်စေခိုင်းတဲ့ အပြုအမူတွေကြောင့်
အကောင်းအဆိုးတွေ ကွဲနေကြတာပါ

ဒါကြောင့် စိတ်ကောင်းစိတ်မြတ်တွေ မွေးပြီး
စိတ်လှလို့ ဘဝလှတဲ့ ဘဝမျိုးဖြစ်အောင်
ကြိုးစားကြရမယ်၊၊

မိမိ စိတ်နှင့်တန်သော ဘဝ ကို သာ ရကြပါလိ့မ်မည်

Credit #

22/07/2022

Vitaminနှင့် အာရုံကြောဆေးလေးတွေ😍😍 အားလုံအတွက်အကျိုးရှိမယ်ထင်လို့ မျှဝေပေးလိုက်ပါပီရှင့် ဒီ😘 Pageလေးက မိဘပြည်သူများအတွက် ကျန်းမာရေးနဲ့ အသိပညာ ဗဟုသုတတွေကို ဝေမျှပေးမှာမို့
Like&Sharesလုပ်ဖို့မမေ့နဲ့နော်🙏🙏🙏😍😍😍
Crd #

16/07/2022

အားလုံးမင်္ဂလာပါရှင့် အခုသလော တွေ့ကြုံနေရတဲ့သူနာပြုဆရာမလေးတွေရဲ့ပြဿနာပေါ့ အဲဒါကဘာလည်းဆိုတော့? ကိုယ့်အချင်းချင်း လက်တွဲမခေါ်ကြတဲ့ပြဿနာပေါ့
အလုပ်ခြင်းတူ ရန်သူလို့ ထင်နေကြတာ ပင်လယ်ရေကြီး ဘယ်သူခပ်သောက်သောက် သောက်မကုန်ပါဘူး ကိုယ့်အချင်းချင်း မေတ္တာ စေတနာလေးထား စိတ်ကောင်းလေးတွေထားပြီး ဖေးမကူညီကြပါ့လားကွယ် စီနီယာ တွေကလည်း လက်တွဲ ပြီးခေါ်ရမှာလေ ငါကသူ့ထက် ဝါကြီးတယ်ဆိုပြီး ဂျူနီယာလေးတွေအပေါ် အထက်စီးက မဆက်ဆံမိပါစေနဲ့ ကိုယ်လည်း တစ်ချိန်တုန်းက သူတို့လို ဂျူနီယာဖြစ်ခဲ့တာပဲလေ အငယ်လေးတွေ ဂျူနီယာတွေကလည်း စီနီယာအမတွေစကားကို နားထောင်ရမှာလေ အခုအငယ်လေးတွေကလည်း တွေ့နေရတယ် လုပ်သက်လေး တစ်လ နှစ်လ အများဆုံး ခြောက်လလောက်ပဲ ရှိသေးတယ် ဆရာကြီးတွေစတိုင်နဲ့ အကြီး အကြီးမှန်းမသိ သူတို့သိ သူတို့တတ်တွေဖြစ်နေကြတာ အဲတော့ အချင်းချင်းမသင့်မြတ်ကြတော့ဘူးး ဆေးရုံတွေမှာ ဝင်တဲ့သူတွေဆို အခု ကျွန်မပြောနေတဲ့ အကြောင်းအရာတွေကို သိကြမယ်ထင်ပါတယ် အဓိက ကျွန်မပြောချင်တာက အချင်းချင်းဖေးမကူညီကြပါ သူကစီနီယာမို့ ငါက ဂျူနီယာမို့ဆိုတာထက် တစ်ယောက်နဲ့တစ်ယောက် လက်တွဲပြီး ကုိယ်သိတာ ပြောပြ မျှဝေ ပြီး မသိတဲ့သူကလည်း သေချာလေးလေးစားစားနဲ့လိုက်နာပြီး အတူလက်တွဲလုပ်ကိုင်ကြမယ်ဆိုရင် ကျွန်မတို့ သူနာပြုလောကကြီးက ပိုပြီးတိုးတတ်မှာပါရှင့်။

ဒါက ကျွန်မတွေ့ကြုံပြီး အခုလက်တလော မန်ဘာဝင် ညီမလေးတွေဆီကပြန်ကြာရတာလေးတွေပါ ပြောစရာတွေတော့အများကြီး နောက်ရက်မှဆက်ရေးမယ် အားလုံးပဲ အလုပ်အကိုင်အဆင်ပြေကြပါစေရှင့်🙏🙏🙏

16/05/2022

ဆီးပိုက်ထည့်ထားတဲ့ သူတွေ သိထားသင့်တဲ့ အချက်များ ။ ။

====================
====================

ဆီးမသွားနိုင်လို့ ဘယ်သူကတော့ ဆီးပိုက်ကြီးနဲ့ နေရတာ၊ ဆီးမထိန်းနိုင်လို့ ဆီးပိုက်တန်းလန်းနဲ့နေမှ အဆင်ပြေတယ်ဆိုတာမျိုးတွေ ကြားဖူးမှာပါ။ တကယ်တော့ ဆီးပိုက်ထည့်တယ်ဆိုတာ အထည့်ခံရတဲ့သူအတွက် တကယ်ကို နေရထိုင်ရတာ သက်တောင့်သက်သာ မရှိစေတဲ့ အရာတစ်ခုပါ။ ခံစားနေရတဲ့ ဝေဒနာသက်သာအောင် လုပ်ပေးတယ်ဆိုပေမယ့် ဆီးပိုက်ကို သေချာ ဂရုမစိုက်ရင် ဖြစ်လာနိုင်တဲ့ ဆိုးကျိုးတွေ ကလည်း အများကြီးပါ။ ဘာဆိုးကျိုးတွေ ရှိလဲဆိုတာသိမှ သေချာ ဂရိုစိုက်လို့ရမှာဖြစ်တာကြောင့် ဆီးပိုက်ထည့်ခြင်းရဲ့ နောက်ဆက်တွဲဆိုးကျိုးတွေက ဘာတွေလဲဆိုတာ ကြည့်ရအောင် ။ ။

ဆီးပိုက်ထည့်ထားတာကို သေချာ ဂရုမစိုက်ရင် ရလာနိုင်တဲ့ ဆိုးကျိုးတွေ ။ ။
ဆိုးကျိုးတွေကို အရင်မပြောခင် ဘာကြောင့် ဆီးပိုက်ထည့်ရတာလဲဆိုတာကို အရင်ပြောရအောင် ။ ရောဂါအခံကြောင့်၊ ဆီးကျောက်တည်နေလို့၊ ဆီးအိမ်ကြွက်သားအားမကောင်းလို့၊ အသက်ကြီးလာလို့ ဆီးလမ်းကြောင့် မလုံလို့နဲ့ ခွဲစိတ်ပြီးခါစမှာ

ဆီးလုံးဝ မပေါက်နိုင်တဲ့သူတွေ
ဆီးမထိန်းနိုင်တဲ့သူတွေ
ဆီးသွားရခက်နေတဲ့သူတွေ အတွက် ဆီးပိုက်သည့်သာ အကောင်းဆုံး ပြဿနာဖြေရှင်းနိုင်တဲ့ အရာတစ်ခုပါ။
ဆီးပိုက်ထည့်ခြင်းကြောင့် ရနိုင်တဲ့ဆိုးကျိုးများ ။ ။
ဆီးလမ်းကြောင်းပိုးဝင်ခြင်း – ဆီးပိုက်ထည့်တာကြောင့် ရလာနိုင်တဲ့ အဖြစ်အများဆုံး ဆိုးကျိုးတစ်ခုပါ။ ဆီးလမ်းကြောင်းပိုးဝင်တာရဲ့ လက္ခဏာတွေကတော့

ချမ်းတုန်ပြီဖျားမယ်
ခေါင်းကိုက်မယ်၊ ဆီးစပ်တစ်ဝိုက်မှာလည်း ကိုက်ခဲနေမယ်
ဆီးထဲမှာလည်း ပြည်တွေ သွေးတွေ ပါတတ်ပြီး
ဆီးပိုက်ကနေ မဟုတ်ဘဲ ဆီးတွေထွက်နေမယ်။ ဒါတွေကတော့ ဆီးပိုက်ကို သေချာ မသန့်ရှင်းတာ၊ ဆီးပိုက်ကို မှန်မှန်မလဲတာတွေကြောင့် ရလာတဲ့ ဆီးလမ်းကြောင့်ပိုးဝင်ခြင်းဆိုးကျိုးတွေ ဖြစ်ပါတယ်။
ဆီးပိုက်ထည့်ထားတာကြောင့် အခြားရနိုင်သေးတဲ့ နောက်ဆက်တွဲဆိုးကျိုးတွေက

ဆီးပိုက်မှာသုံးထားတဲ့ latex ( ရော်ဘာ တစ်မျိုး) နဲ့ ဓာတ်မတည့်ခြင်း
ဆီးတွေအနည်ကျပြီး ဆီးကျောက်တည်ခြင်း
ဆီးပိုက်ထည့်တဲ့အချိန် ထိခိုက်မိသွားပြီး ဆီးထဲသွေးပါတာ
ကျောက်ကပ်ထဲကိုပါ ပိုးတွေဝင်သွားနိုင်ပြီး ကျောက်ကပ်ရောင်ခြင်း
ဆီးလမ်းကြောင်း ပိုးဝင်ပြီး သွေးဆိပ်တက်ခြင်း တွေက ဆီးပိုက်ထည့်ခြင်းရဲ့ နောက်ဆက်တွဲဆိုးကျိုးတွေ ဖြစ်ပါတယ်။
ဆီးပိုက်ကို ဘယ်လို ဂရုစိုက်ရမလဲ။ ။
မထည့်လို့ကလည်းမရတော့ ဆီးပိုက်ထည့်လိုက်ရပြီ ဆိုပါတော့။ အပေါ်မှာ ပြောထားတဲ့ ဆီးပိုက်ထည့်ခြင်းရဲ့ နောက်ဆက်တွဲဆိုးကျိုးတွေ မရအောင် ဆီးပိုက်ကို ဘယ်လိုဂရုစိုက်ရမလဲ။ ။

ဆီးပိုက်တွေမှာ တစ်ခါသုံး ဆီးပိုက်နဲ့ ပြန်ဆေးပြီး သုံးလို့ရတဲ့ ဆီးပိုက်ဆိုပြီး ၂ မျိုးရှိပါတယ်။

တစ်ခါသုံး ဆီးပိုက်တွေကတော့ ရှင်းပါတယ်။ သုံးပြီးတာနဲ့စွန့်ပစ်လိုက်ရုံပါပဲ။

ပြန်ဆေးပြီးသုံးလို့ရတဲ့ ဆီးပိုက်ထည့်တဲ့ သူဆိုရင်တော့ ဆီးပိုက်ကို ရေတွေ၊ ဆပ်ပြာတွေနဲ့ သေချာသန့်စင်နေအောင် ဆေးဖို့ဆိုတာ တော်တော်လေးကို အရေးကြီးပါတယ်။ ဆီးပိုက်တင်မဟုတ်ပါဘူး။ ဆီးပိုက်ထည့်ခါနီးတိုင်း ဆီးခုံနားတစ်ဝိုက်ကိုလည်း သေချာ သန့်ရှင်းပေးဖို့လိုပါတယ်။ ဒါမှဆီးလမ်းကြောင်းပိုးဝင်တာကို ကာကွယ်နိုင်မှာပါ။

ဆီးပိုက်နဲ့ဆက်ထားတဲ့ ဆီးအိတ်ကို ၈နာရီတစ်ခါ ဒါမှမဟုတ် ဆီးအိတ်ပြည့်သွားတိုင်း အထဲက ဆီးတွေကို ဖောက်ထုတ်ပေးပါ။ ရှာလကာရည် + ရေ ( ဒါမှမဟုတ်) အရောင်ချွတ်ဆေး + ရေ ရောပြီး ဆီးအိတ်ကို သန့်စင်ပေးလို့ရပါတယ်။

နောက်တစ်ခုကတော့ ရေများများသောက်ဖို့ပါ။ ရေများများသောက်မှ ဆီးများများသွာြး့ပီး ဆီးအနည်ထိုင်တာ၊ ဆီးလမ်းကြောင်းပိုးဝင်တာတွေ နည်းသွားမှာပါ။

==========

ရေးသားသူ Dr. Thin Yadanar @ Frances
ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win

Hello ဆရာ၀န်

#

03/05/2022

💉💉Covid vaccine 3rd dose and booster dose ဘယ်လို ထိုးကြမလဲ
******************************************
♦️Covid ကာကွယ်ဆေး booster dose ကို သက်ကြီးရွယ်အိုတွေ အဓိကထားပြီး ထိုးနှံ သင့်ပါတယ်။ WHO ကတော့ အသက် ၁၈ နှစ်နှင့် အထက်မှ စပြီး လူတိုင်း booster dose ကို ထိုးသင့်တယ် လို့ ပြောထားပါတယ်။

♦️Covid ကာကွယ်ဆေး 3rd dose ကိုတော့ ကိုယ်ခံအားနည်းသူတွေ၊ ကိုယ်ခံအားကျသည့်ရောဂါ တခုခု ရှိသူတွေ (ဥပမာ - သွေးကင်ဆာ) နှင့် အခြားကိုယ်ခံအားကျစေသည့်ဆေးသွင်းနေရသောလူနာများ တွင် ပိုမိုဦးစားပေး၍ ထိုးနှံသင့်ပါသည်။ ၄င်းကိုတော့ ကာကွယ်ဆေး 2nd dose ထိုးပြီး အနည်းဆုံး ၄ ပတ် (4 weeks) အကြာမှာ 3rd dose စထိုးလို့ရပြီဟု ပြောပါတယ်။

✅ကာကွယ်ဆေး အမျိုးအစားကို လိုက်ပြီး Booster dose ထိုးရမယ့်အချိန်ကွာခြားမှုတွေတော့ ရှိပါတယ်။

🟩Pfizer ဆိုရင်တော့ booster doseကို 2nd dose ထိုးပြီး ၅လ (5 months) အကြာမှာ ထိုးခိုင်းပါတယ် (အသက် ၁၂ နှစ်နှင့် အထက်မှ စ၍ ထိုးနိုင်)

🟩Moderna ဆိုရင် booster dose ကို 2nd dose ထိုးပြီး ၅လ (5 months) အကြာ မှာ ထိုးနိုင်ပါတယ် (အသက် ၁၈ နှစ်နှင့် အထက် ထိုးနိုင်)

🟩Johnson&Johnson ကတော့ တကြိမ်သာ (Single dose) ထိုးပြီး booster dose ကို ပထမအကြိမ်ထိုးပြီး ၅ လ (5 months) အကြာမှာ ထိုးရန် တိုက်တွန်းထားပါတယ်

🟩Covidshield မှာတော့ booster dose ကို 2nd dose အပြီး ၅ လ (5 months) အကြာတွင် ထိုးခိုင်းထားပါတယ်

🟩Sinopharm တွင် booster dose ကို 3rd dose အပြီး ၃ လ (3 months) အကြာ ထိုးသင့်ကြောင်း တိုက်တွန်းထားပြီး

🟩Sinovac တွင်တော့ booster dose ကို 3rd dose အပြီး ၃ လ (3 months) အတွင်း ထိုးရန် တိုက်တွန်းထားပါတယ်

✅Booster ထိုးရာတွင် ပိုကောင်းတဲ့ vaccine ကို Mix Match လုပ်ပြီးထိုးရာမှာ effective ပိုဖြစ်တယ်လို့လည်း သုတေသနအချို့မှာ ဖော်ပြထားပါတယ်။
ဥပမာ ရှေ့ ၂ ကြိမ် ကို Sinopharm/Sinovac ထိုးထားရင် Covishield ကို booster အနေနဲ့ထိုးတာမျိုး၊ ရှေ့ ၂ ကြိမ်ကို Covishield ထိုးထားရင် Moderna/Pfizer ကို booster အနေနဲ့ထိုးတာမျိုးကို ဖြစ်ပါတယ်

✅လူသားအားလုံး covidကဒ်ရောဂါဆိုးကြီးမှကင်းဝေကြပါစေ။
#

15/04/2022

💜 သားဥအိမ်တွင် ရေအိတ်တည်ခြင်း၊ သွေးအိတ်တည်ခြင်း 💜
🖤 ဒေါက်တာစိုးလွင် 🖤
သားဖွားမီးယပ် အထူးကုဆရာ၀န်ကြီး
Good Health Journal
💎 သားဥအိမ်မှာ ရေအိတ်ဖြစ်ရတဲ့ အကြောင်းတွေက မျိုးစုံဖြစ်နိုင်တယ်။ ဘာဆိုဘာမှ အန္တရာယ်မပေးတတ်တဲ့ သူ့အလိုလို ပျောက်ကင်းသွားနိုင်တဲ့ ရေအိတ်လေးတွေကစပြီး အသက်အန္တရာယ်နဲ့ ကြုံရပြီး ကိုယ့်ကို သေမင်းခေါ်ရာနောက် ကောက်ကောက်ပါအောင် လိုက်သွားစေမယ့် အလုံးအကျိတ်တွေလည်း ဖြစ်နိုင်ပါတယ်။
♦ သားဥအိမ်တွင် အလုံးအကျိတ်တွေ့လျှင်
သားဥအိမ်မှာ တစ်ခုခု တွေ့ပြီပေါ့ . . . အလုံးတွေ့ပြီ၊ ကြီးနေပြီဆိုရင် လူနာတစ်ယောက်ချင်းစီကို သေချာကြည့်ဖို့တော့ လိုပါတယ်။ အသက်အရွယ် ဘယ်လောက်လဲ၊ ရေအိတ်ရဲ့အရွယ်အစားက ဘယ် လောက်လဲ၊ အကြည်လေးပဲလား။ အာထရာဆောင်း ရိုက်ကြည့်လိုက်ရင် ရေအိတ်က အကြည်လေးပဲလား၊ အထဲမှာ အစိုင်အခဲ အဖုအကျိတ်တွေ ရှိနေလား၊ တချို့လည်း အမှုန်လေးတွေ တွေ့ရတဲ့ သွေးခဲတွေ ရှိနေလား။ ရေအိတ် ဖြစ်နိုင်သလို၊ သွေးအိတ်လည်း ဖြစ်နိုင်တယ်။ တချို့တွေမှာ ရိုးရိုးအကျိတ်ကနေ ကင်ဆာတွေအထိလည်း ဖြစ်နိုင်တယ်။
♦ သားဥအိမ်တွင် ရိုးရိုးရေအိတ် တည်ခြင်း
ရိုးရိုးရေအိတ် သေးသေးလေးတွေကတော့ Functional Cyst လို့ခေါ် တယ်။ Reproductive Life လို့ခေါ်တဲ့ အမျိုးသမီးတစ်ယောက် ရာသီလာနေတဲ့အချိန်မှာ တစ်လကို သားဥတစ်လုံး ကြွေသွားတဲ့အခါ ကျန်ခဲ့တဲ့ အခွံက အရည်အိတ် တည်တတ်တယ်။
အဲဒီအရည်အိတ်က ၅ စင်တီမီတာထက် မကြီးတတ်ဘူး။ အရည်ကြည်အိတ်လေးပဲ၊ ဘာမှ အစိုင်အခဲတွေ မပါဘူးဆိုရင် သူ့အလိုလို ဖြစ်တာပါ။ ဟော်မုန်းတွေ ထုတ်လုပ်ပေးတဲ့ သားဥအိမ်ကနေ သားဥတွေ ထုတ်လုပ်ရင်းက အရည်ကြည်အိတ် တည်တာဆိုရင် ဘာမှလုပ်စရာ မလိုဘူး။ ဒီတိုင်းပဲ စောင့်ကြည့်နေရင်းနဲ့ နှစ်လ၊ သုံးလနေရင် သူ့အလိုလို ပျောက်သွားပါတယ်။ အဲဒါမျိုးကို တချို့က အရေးကြီးတယ်ထင်ပြီး ခွဲစိတ်တာတွေ လုပ်တဲ့သူတွေလည်း တွေ့ရပါတယ်။
♦ သားဥအိမ်တွင် သွေးအိတ်တည်ခြင်း
တချို့တွေမှာတော့ သွေးအိတ်တွေ ဖြစ်တတ်ပါတယ်။ အဲဒါကို နေရာလွဲမှား သားအိမ်အတွင်းသားလို့ ခေါ်တယ်။ ရာသီလာတဲ့ သားအိမ်အတွင်းမြှေး ဆဲလ်လေးတွေက တခြားနေရာကို ရောက်နေတာပါ။ ဥပမာ – သားအိမ်အတွင်းမြှေး ဆဲလ်တွေက သားဥအိမ်ထဲ ရောက်နေတာပါ။ အဲဒီအခါ လစဉ် ရာသီလာရင် အဲဒီနေရာမှာပါ ရာသီလာပြီး ရာသီသွေးတွေစုကာ သွေးလုံး၊ သွေးအိတ် ဖြစ်လာတာပါ။ အဲဒီ လူနာတွေမှာ ရာသီလာတဲ့အခါ အရမ်းကို နာကျင်ကိုက်ခဲတယ်။ ကင်ဆာတော့ မဟုတ်ဘူး၊ ဒါပေမဲ့ ဆေးကုဖို့ လိုလိမ့်မယ်။ အရွယ်အစားပေါ်မူတည်ပြီး ဟော်မုန်းဆေးတွေပေးကာ ကုသရပါတယ်။ ကြီးလာတယ်ဆိုရင်တော့ ခွဲစိတ်ဖယ်ရှားပစ်ရတာတွေ ရှိပါတယ်။
♦ မျိုးရိုးရာဇဝင်ရှိနေခြင်း
ဆရာတို့ဆီရောက်လာတဲ့ လူနာတစ်ယောက်ကို ရာဇဝင်မေးလိုက်တဲ့အခါ မိခင်မှာ၊ အဒေါ်မှာ စတဲ့ ဆွေမျိုးတွေထဲမှာ သားဥအိမ်ကင်ဆာ ဖြစ်ဖူးတယ်ဆိုရင် သတိထားဖို့ လိုပါတယ်။ ဘာကြောင့်လဲဆိုတော့ သားဥအိမ်ကင်ဆာက မျိုးရိုးလိုက်တတ်တာကြောင့်ပါ။ ပေါ့ဆလို့တော့ မရပါဘူး။
♦ ကင်ဆာရောဂါ သံသယရှိခြင်း
ရေအိတ်ရဲ့ အရွယ်အစား၊ အဖုအကျိတ်တွေ ရှိလား၊ CA125 (သွေးထဲမှာ တွေ့ရတတ်တဲ့ ကင်ဆာရှိတဲ့အခါ မြင့်တက်တတ်တဲ့ ဓာတ်တစ်မျိုး) ရှိ၊ မရှိ စစ်ဆေးရပါတယ်။ ရေအိတ်အရွယ်အစားက ကြီးနေမယ်၊ အဖုအကျိတ်တွေကလည်း ကင်ဆာလို့ မသင်္ကာဘူး၊ CA125 လည်း များနေမယ်ဆိုရင် အချိန်မဆွဲဘဲ မြန်မြန်ဆန်ဆန်ပဲ ခွဲစိတ်ဖယ်ရှားရတာမျိုးတွေ ရှိပါတယ်။
♦ ကင်ဆာဘက်သို့ ပြောင်းသွားခြင်း
တချို့တွေရဲ့ သားဥအိမ်မှာ အလုံး အကျိတ် ဖြစ်လာတယ်၊ အဲဒီအလုံးထဲမှာ ဆံပင်မွေးတွေ၊ သွားတွေ၊ အရိုးတွေနဲ့ ပြည့်နေတယ်။ အဲဒီလို အဖုအကျိတ်မျိုးကို လူတချို့က အပင်းသွင်းထားတယ်လို့တောင် ထင်တတ်ကြပါတယ်။ တချို့လည်း အရည်အိတ်ထဲမှာ ဘာမှမရှိဘဲ အရည်ကြည်တွေပဲ ရှိနေတာ ဖြစ်နိုင်ပေမယ့် တချို့မှာကျတော့ ချွဲချွဲ ချွဲချွဲတွေ ရှိနေနိုင်တယ်။ တစ်ခါတလေမှာ အဲဒီကနေ ကင်ဆာအဖြစ်လည်း ပြောင်းသွားနိုင်ပါတယ်။
♦ ပေါ့ဆမနေသင့်ပါ
ဒီလို အရည်အိတ်တွေ၊ အကျိတ်တွေ ဖြစ်လာပြီဆိုရင် ပေါ့ဆလို့ မရပါဘူး။ ဆရာဝန်နဲ့ သေချာစွာ ပြသသင့်ပါတယ်။ အန္တရာယ်မရှိတဲ့ အရည်အိတ်ဆိုရင်လည်း မရှိသလိုထားပြီး ကုသမယ်၊ အန္တရာယ်ရှိတာဆိုရင်လည်း ရှိနိုင်သလို ဆေးပေးပြီး ကုသတာ၊ ခွဲစိတ်ကုသတာတွေကို ပြုလုပ်ရပါတယ်။
♦ အကြံပြုချက်
ရေအိတ်လေး တွေ့တယ်ဆိုရင် ဘာမှ မဖြစ်နိုင်တာကနေ အသက်အန္တရာယ်ရှိနိုင်တဲ့ ကင်ဆာအထိ ဖြစ်နိုင်တယ်ဆိုတာကို မမေ့မလျော့ဘဲ သတိထားပြီး တတ်ကျွမ်းနားလည်တဲ့ ဆရာဝန်နဲ့ ကုသဖို့ ပြောချင်ပါတယ်။

Credit : Dr. Soe Lwin
https://www.facebook.com/permalink.php?story_fbid=2813176938771200&id=242727989149454

06/04/2022

🛑မိမိခန္ဓာကိုယ်ကိုကြည့်ပြီး
ကိုယ်တွင်းရောဂါများအား
ခန့်မှန်းခြင်း 🛑

🎈၁. မနက်စောစော အိပ်ယာမှ ထရင် ဘေးမစောင်းပဲ ပက်လက်အနေအထားအတိုင်း ထကြည့်လိုက်လို့ မောမယ် မထနိုင်ဘူးဆိုရင်..
အဆုတ်
နှလုံး ရောဂါ
ရှိနိုင်သည်။

🎈၂. မနက်အိပ်ယာထတွင် ခြေလက်များ ထုံကျဉ် သလိုလို လေးလံသလိုလို ဖြစ်နေရင်..
ဆီးချိုရောဂါ
ကျောက်ကပ်ရောဂါ
ရှိနိုင်သည်။

🎈၃. မနက်အိပ်ယာထ ခေါင်းတွေအုံ မျက်စိတွေ ကြည့်မကောင်း အကြောတွေတက် ဖြစ်နေလျင်..
သွေးတိုးရောဂါ
နှလုံးသွေးကြောကျဉ်းရောဂါ
ရှိနိုင်သည်။

🎈၄. ပူပန်စရာ အထူးမရှိပဲ ညစဉ် အိပ်မပျော်သလို အိပ်ရေးမဝသလို ဖြစ်နေလျင်..
အစာအိမ် နှင့်
သည်းခြေအိတ် ရောဂါ
ရှိနိုင်သည်။

🎈၅. အမြဲ တခုခုအလိုမကျခြင်း ဒေါသအထွက် မြန်ခြင်း စိတ်တိုခြင်း ဝမ်းနည်းခြင်း ငိုချင်နေခြင်း တို့ဖြစ်နေလျင်..
စိတ်ကျရောဂါ
အသည်းအားနည်းရောဂါ
ရှိနိုင်သည်။

🎈၆. ရင်းသားအရွယ်အစားပုံမှန်ထက်ကြီးသော မိန်းခလေးများ..
ရင်သားကင်ဆာ
ဖြစ်နိုင်သည်။

🎈၇. လက်မောင်း ခြေသလုံး
ပုံမှန်ထက် တုတ်လွန်း ဝလွန်းသော
မိန်းခလေးများ..
သားအိမ်
အသည်း
သရက်ရွက်
ရောဂါရှိ နိုင်ပါသည်။

🎈၈. မျက်လုံးမို့အစ်ခြင်း မျက်နှာ အဆီပြန်လွန်းပါက
လိင်ပိုင်းဆိုင်ရာရောဂါနှင့်
အသည်းအဆီဖုံးရောဂါ
ရှိနိုင်ပါသည်။

🎈၉. ပုံမှန်လက်စွပ်များ ဝတ်မရ ၊
ချွတ်မရတော့သည်အထိ လက်ချောင်းပြည့်ဖောင်းလွန်းပါက..
ဂေါက်ရောဂါ ကဲ့သို့
အဆစ်မြစ်ရောင်ရောဂါ
ရှိ နိုင်ပါသည်။

🎈၁၀.သွားများ မျက်စိများ ဝါလာခြင်း လက်သည်း ခြေသည်းခွံများ ဝါလာပါက..
အသည်းရောင် အသားဝါ
B ပိုး C ပိုး
ရှိနိုင်ပါသည်။

🎈၁၁. မိန်းခလေးများ ဆီးကျဉ်ခြင်း မွေးလမ်းကြောင်း အနံ့အသက်မကောင်းခြင်း ရေအိတ် အလုံး တည်ခြင်းများ ဖြစ်နေပါက..
သားအိမ်ကင်ဆာ
ဖြစ်နိုင်ပါသည် ။

🎈၁၂.ယောက်ျားလေးများ ညဘက် ဆီးခဏခဏ သွားခြင်း ဆီးမထိမ်းနိုင် ဖြစ်ပါက..
ဆီးကျိတ်ကြီးခြင်း
ကျောက်ကပ် နှင့်
ဆီးကျိတ်ကင်ဆာ
ဖြစ်နိုင်သည်။

🎈၁၃.ထိုင်ရာမှ ထ ရာ၌ မူးခြင်းမိုက်ခြင်း ဖြစ်ပါက.
သွေးအားနည်းရောဂါ
အဆုတ်ရောဂါ
ရှိနိုင်ပါသည်။

🪴အသက်ကိုဥာဏ်စောင့်တာမို့
သတိနဲ့ယှဉ်၍ ရောဂါမဖြစ်ခင်
အချိန်မှီကာကွယ်နိုင်ကြပါစေ။❤️

💗ဗဟုသုတ
✒️
𝓟𝓻𝓮𝓼𝓮𝓷𝓽𝓮𝓭 𝓫𝔂
𝗛𝗲𝗮𝗹𝘁𝗵𝘆 𝗖𝗼𝘂𝗻𝘀𝗲𝗹𝗼𝗿™
Healthy Bounty™

31/03/2022

“ကလေးငယ်လေးတွေ တစ်ခုခုဖြစ်ရင် မသိလိုက်မှာကို စိုးရိမ်နေတဲ့ မေမေတွေအတွက်”

''နီ နွေး ကွေး စို့ အော်'' တဲ့။

✅ နီ - နီဆိုတာက မွေးကင်းစကလေးငယ်လေးတွေကို ကြည့်လိုက်ရင် အသားလေးတွေ ပန်းသွေးထနေတတ်တယ်။ နီနီထွေးထွေး ချစ်စရာလေးပေါ့။ အဲဒါ ကျန်းမာတဲ့ လက္ခဏာတစ်ခုပဲ။ အဲလိုမဟုတ်ဘဲ ကလေးက ဖြူဖျော့လာမယ်, ကလေးလေးရဲ့ ပါးစပ် ပါးစောင်လေးတွေ မနီတော့ဘဲ ပြာတာတာဖြစ်မယ်, လက်ဖျားခြေဖျားလေးတွေ ပြာတာတာဖြစ်မယ် ဆိုရင် ဒါအရေးကြီးတဲ့ လက္ခဏာတစ်ခုပဲ။ (လက်ဖျားဖြေဖျားလေးတွေက မွေးစ နာရီပိုင်းအတွင်းမှာ ပြာတာကတော့ ပုံမှန်ပါပဲ။)

✅ နွေး - ကျန်းမာတဲ့ ကလေးငယ်လေးဟာ နွေးနွေးထွေးထွေး ရှိနေရမယ်။ နွေးထွေးအောင်ထားရမယ်။ ခြေဖျားလက်ဖျားလေးတွေ အေးလာရင် အမြန်ဆုံးနွေးအောင် လုပ်ပေးရမယ်။ အဲဒါကိုမှ မနွေးလာဘဲ အေးနေမယ်ဆိုရင် စိုးရိမ်ရတယ်။ ဒါကြောင့် မွေးစရက်တွေမှာ ဦးထုပ် ခြေအိတ် လက်အိတ်လေးတွေစွပ်ပေးရတယ်။ အနှီးလေးနဲ့ထွေးထားလို့ရတယ်။ ဆံပင်လေးတွေက ခေါင်းကလေးမအေးအောင် ကာကွယ်ပေးတာမို့ သုံးလအထိ ကတုံးမတုံးဘဲ ထားရမယ်။

✅ ကွေး - အမေ့ဝမ်းထဲမှာ ကွေးကွေးလေးနေခဲ့တာမို့ မွေးကင်းစကလေးတွေရဲ့ ကိုယ်နေဟန်ထားလေးကို ကြည့်လိုက်ရင် ခြေလက်လေးတွေ ကွေးနေတတ်တာ ကျန်းမာတဲ့လက္ခဏာဖြစ်တယ်။ ဆန့်ကြည့်ပြီး ပြန်လွှတ်လိုက်ရင်လည်း ကွေးကွေးလေး ပြန်ဖြစ်သွားရမယ်။ အဲလိုမဟုတ်ဘဲ ခြေလက်ကလေးတွေက ပျော့ဖတ်ဖတ်နဲ့ ဘေးမှာပုံကျနေခဲ့ရင် ပုံမှန်လှုပ်ရှားမှုလေးတွေ လျော့နည်းသွားရင် ငြိမ်သွားရင် ဒါ အရေးကြီးတဲ့လက္ခဏာပါပဲ။

✅ စို့ - ဒါကတော့ ရှင်းပါတယ်။ ကျန်းမာတဲ့ ကလေးငယ်လေးဟာ မိခင်နို့ကို ကောင်းကောင်းစို့နိုင်ရမယ်။ နို့စို့နည်းလာရင်, မစို့နိုင်ရင် သိပ်ကိုအရေးကြီးတဲ့ လက္ခဏာတစ်ရပ်ဖြစ်ပါတယ်။ နို့တိုက်ပုံတိုက်နည်း, ကလေးအနေအထာ, နို့ငုံတဲ့ပုံစံ ဒါတွေ မှန်ကန်ဖို့တော့လိုတယ်နော်။

✅ အော် - ကလေးငယ်လေးတွေက အော်တယ် ငိုတယ် ဆိုတာ ပုံမှန်ပါပဲ။ တနေ့ကိုနှစ်နာရီလောက် ငိုလေ့ရှိပါတယ်။ တလခွဲနှစ်လအရွယ်မှာဆိုရင် အငိုဆုံးအချိန်လို့ပြောလို့ရတယ်။ သုံးလသားလောက်ကစလို့ ငိုတာတဖြည်းဖြည်းလျော့လာပါလိမ့်မယ်။ နို့ဆာလို့လား … လေထိုးလို့လား … ရှူးရှူး အီးအီးစိုနေလို့လား … ပူလွန်းအေးလွန်းလို့လား … အိပ်ချင်လို့လား … ဆိုပြီး အမေတွေခေါင်းခြောက်အောင် စဉ်းစားကြရတာလည်း သဘာဝပါပဲ။ ငိုတာအော်တာ သဘာဝဆိုတော့ မအော်နိုင်တာ မငိုနိုင်တာက အရေးကြီးတဲ့လက္ခဏာတစ်ရပ်လို့ မှတ်ထားရမယ် သတိထားရမယ်နော်။

🆗 ကဲ … ကလေးငယ်လေးအတွက် အရေးကြီးတဲ့လက္ခဏာလေးတွေ သိသွားပြီနော်။ ကိုယ့်ကိုယ်ကို အထိုက်အလျောက်တော့ ယုံကြည်မှုရှိသွားပြီ မဟုတ်လား။ ဒီလက္ခဏာတွေ တစ်ခုခုတွေ့ရင် နားလည်တတ်ကျွမ်းတဲ့ ကျန်းမာရေးဌာနတစ်ခုခုဆီ အမြန်ဆုံးသာသွားပေတော့ မေမေရေ။

မေမေတို့ ချစ်စရာရင်သွေးကလေးတွေကို စောင့်ရှောက်နိုင်ပါစေ။ ။

မူရင်း စာ Crd

25/03/2022

ဆီးကျောက်တည်ရောဂါ မဖြစ်စေရန် ကြိုတင်ကာကွယ် ဆောင်ရွက်သင့်သည့် အကြံပြုချက်များ

✅ ရေများများသောက်ပါ။ ရေကို သန့်စင်ပြီး (သို့မဟုတ်) ကျိုချက်ပြီးမှသောက်ပါ။

✅ ဗီတာမင်အေ ကြွယ်ဝသော အဝါရောင်အသီးအနှံ (ဥပမာ-သင်္ဘောသီး၊ သရက်သီး၊ မုန်လာဥနီ) များကို မကြာခဏစားပါ။

✅ အစိမ်းရောင်ရှိသော ဟင်းသီးဟင်းရွက် (ဥပမာ-ဟင်းနုနယ်၊ မုန်ညင်းစိမ်း၊ ဂေါ်ဖီထုပ်) များကို များများ စားပါ။

✅ အသား၊ ငါးတို့ကို ပုံမှန်သင့်တင့်စွာ စားပါ။ အသား၊ ငါးစားတိုင်း အသီးအရွက်နှင့် တွဲဖက်စားပါ။

✅ ဗီတာမင်စီ ကြွယ်ဝသည့် အရည်ရွှမ်းပြီး ချဉ်သောအသီး (ဥပမာ-သံပရာသီး၊ ရှောက်သီး၊ ပန်းသီး၊ လိမ္မော်သီး၊ ဆီးဖြူသီး) များကိုစားပါ။

✅ နွားနို့နှင့် ဒိန်ချဉ် တို့ကို ပုံမှန်သောက်ပါ။

✅ သွားနှင့် ခံတွင်း ကျန်းမာရေးကို ဂရုစိုက်ပါ။

✅ နေ့စဉ် ကိုယ်လက်လှုပ်ရှားမှု အနည်းဆုံး မိနစ် (၃၀) ခန့် ပြုလုပ်ပါ။

✅ ဝမ်းတွင်းကလီစာနှင့် အနီရောင်ရှိသော အသားများ (ဥပမာ-ဝက်သား၊ အမဲသား) ကို လျှော့စားပါ။

✅ အငန်ဓာတ်များသော အစားအစာ (ဥပမာ-ငါးပိရည်၊ ငံပြာရည်၊ ငါးခြောက်) များကို လျှော့စားပါ။

✅ ကော်ဖီ၊ လက်ဖက်ရည်ကို အလွန်အကျွံ မသောက်ပါနှင့်။

❌ အချိုမှုန့် (Monosodium glutamate) မသုံးပါနှင့်။

❌ အချိုဓာတ်များသည့် အချိုရည်၊ ဂလူးကို့စ်၊ သကြားစသည်တို့ကို ရှောင်ပါ။

❌ ကွမ်းယာစားသည့်အကျင့်ကို ရှောင်ကြဉ်ပါ။

ဒေါက်တာခင်မောင်လွင် (FAME)

ကိုးကားချက် - "ဆီးကျောက်တည်ရောဂါ" စာအုပ်မှ ထုတ်နုတ်ဖော်ပြသည်။

👉https://t.me/drkhinmaunglwin
👉https://t.me/drkhinmaunglwingroup

Pyae Sone Win သူနာပြု ဝန်ဆောင်မှု

22/08/2022

20/08/2022

01/08/2022

01/08/2022

25/07/2022

24/07/2022

24/07/2022

24/07/2022

22/07/2022

16/07/2022

16/05/2022

03/05/2022

15/04/2022

06/04/2022

31/03/2022

25/03/2022

Address

Website

Alerts

Shortcuts

Share