Take It EC

Take It EC 我哋一班90後，睇唔開去咗讀醫療系
我哋會同大家分享唔同嘅健康資訊，有?

[心理系列]❤🧠 科學界一直都有好多唔同有關夢嘅理論，呢啲夢嘅理論雖然涉及咗好多唔同嘅科學研究，但係到而家都未能夠完全解釋到點解人會發夢！今日就講下幾個有關夢嘅理論！💭💭💭一啲比較流行嘅夢理論認為，我地發夢係為咗鞏固記憶、處理情緒、表達內心...
01/04/2026

[心理系列]❤🧠

科學界一直都有好多唔同有關夢嘅理論，呢啲夢嘅理論雖然涉及咗好多唔同嘅科學研究，但係到而家都未能夠完全解釋到點解人會發夢！今日就講下幾個有關夢嘅理論！💭💭💭

一啲比較流行嘅夢理論認為，我地發夢係為咗鞏固記憶、處理情緒、表達內心深處嘅渴望或者練習應對潛在危險。許多專家認為，發夢並非源於某一種特定嘅理論，而係多種因素共同作用嘅結果。另外，雖然好多研究人員認為發夢對心理、情緒同生理健康至關重要，但亦有一啲科學家認為夢根本冇任何實際意義。💭💭💭

其中一個歷史比較悠久嘅夢理論一定係西格蒙德·佛洛伊德(Sigmund Freud)嘅夢理論。佢嘅夢理論認為，夢代表左無意識嘅慾望、思想、願望嘅實現同動機。根據佛洛伊德嘅講法，人會受到被壓抑、無意識嘅渴望驅使，例如攻擊性和性本能。雖然呢個係比較早嘅理論，而且好多嘅論點都已經被駁斥，但係就幫咗好多科學家同埋研究人員開始諗其他嘅理論！💭💭💭

另一種夢理論叫做活化合成夢理論(Activation-Synthesis Dream Theory)，佢係由 約翰·阿倫·霍布森(J. Allan Hobson) 同羅伯特·麥卡利(Robert McCarley) 係1970 年代中期提出。呢個理論表示，係快速動眼睡眠期間，大腦中某啲迴路會被激活，觸發杏仁核同海馬體產生一系列電脈衝，導致夢境中出現嘅隨機想法、圖像同記憶組合。根據活化合成夢理論，夢係睡眠狀態下大腦所見到嘅隨機事物嘅集合，而當人醒嘅時候，就係呢啲隨機事物會以有意義方式組合一齊嘅時間。💭💭💭

除咗以上兩個理論之外，其實仲有幾個有關夢嘅理論出現，但係已經太長喇！我哋留返下次再講啦！😎😎😎😎

Resources：
• https://www.healthline.com/health/do-dreams-have-meaning
• https://www.verywellmind.com/why-do-we-dream-top-dream-theories-2795931
• https://www.psychologytoday.com/gb/basics/dreaming

#90後 #醫療 #脊骨 #香港 #脊醫 #發夢

【健康問題關注組】 什麼是清醒夢(Lucid Dreams) ？？🤔 有冇試過發夢嘅時候，喺夢裏面意識到自己係發緊夢呢？如果有，你可能有清醒夢！清醒夢係指你係夢中知道自己喺度發緊夢。清醒夢最常發生係快速動眼期睡眠嘅後期，做夢者意識到自己正在...
28/03/2026

【健康問題關注組】

什麼是清醒夢(Lucid Dreams) ？？🤔

有冇試過發夢嘅時候，喺夢裏面意識到自己係發緊夢呢？如果有，你可能有清醒夢！

清醒夢係指你係夢中知道自己喺度發緊夢。清醒夢最常發生係快速動眼期睡眠嘅後期，做夢者意識到自己正在睡覺，但能夠係一定程度上控制夢境中事件。

研究表示，大腦係清醒夢過程中會發生生理變化。功能性磁振造影（fMRI）研究顯示，當大腦開始做清醒夢時，前額葉皮質以及包括額葉、頂葉和顳葉在內嘅皮質網路會被活化，似乎同清醒夢所特有的「清醒意識」有關。

一項小型研究發現，患有渴睡症嘅人比其他參與者更容易有清醒夢。另一項研究就表示一啲需要玩家係遊戲中頻繁移動嘅電子遊戲，例如任天堂Wii遊戲，同呢種類型嘅夢境有關連。仲有一項研究表明，如果你富有創造力、樂於接受新體驗、感覺自己擁有好強嘅自控力，並認為自己沒有太多個人界限，咁你亦更容易做呢種生動嘅夢。

Resources：
• https://www.healthline.com/health/do-dreams-have-meaning
• https://www.verywellmind.com/why-do-we-dream-top-dream-theories-2795931
• https://www.psychologytoday.com/gb/basics/dreaming
• https://www.betterhelp.com/advice/psychologists/the-psychology-of-dreams-what-do-they-mean/
• https://link.springer.com/article/10.1007/s11031-017-9656-0

#90後 #醫療 #脊骨 #香港 #脊醫 #發夢

[心理系列]❤🧠 大家琴晚瞓覺嘅時候有冇發到夢呢？如果有嘅話有又發咗啲咩夢呢？望到自己做咗公司主席？見到自己中咗六合彩？定係見到自己同愛人睇日落呢？但係究竟夢係咩嚟㗎呢？💭💭💭夢係大腦係快速動眼睡眠（Rapid Eye Movement, ...
25/03/2026

[心理系列]❤🧠

大家琴晚瞓覺嘅時候有冇發到夢呢？如果有嘅話有又發咗啲咩夢呢？望到自己做咗公司主席？見到自己中咗六合彩？定係見到自己同愛人睇日落呢？但係究竟夢係咩嚟㗎呢？💭💭💭

夢係大腦係快速動眼睡眠（Rapid Eye Movement, REM）階段所講述嘅故事。人通常每晚會做幾個夢，隨著睡眠接近尾聲，夢境會越來越長。夢境通常會包含一啲現實生活嘅元素，例如認識嘅人或熟悉嘅地方，但同時會帶有奇幻色彩。喺夢裏面，人可能會經歷一啲現實生活之中根本不可能發生嘅場景。💭💭💭

好多人都認為，我哋發嘅夢係一啲信號甚至可能預示咗我哋嘅未來，人一直試圖搞清楚夢嘅意義，而夢嘅解析直到1899年西格蒙德·佛洛伊德出版《夢的解析》之後，先正式出現作為一門心理學研究領域之一。如今，大多數專家並唔認同佛洛伊德嘅結論，有啲人甚至認為夢根本冇任何意義。💭💭💭

雖然夢可能冇我哋想像中咁夢幻，可以預知我哋嘅未來，但係就有可能可以反應到我哋嘅心理狀態！大家有冇試過發夢見到自己喺高處墮下呢？研究表示，某啲夢境主題，例如墜下，十分常見。而研究人員推測，呢啲主題可能反映左無助或被拒絕嘅感覺。夢見自己高處墮下可能意味你缺乏安全感或情緒不穩定、覺得自己能力不足或自卑、焦慮不安、不知所措或情緒失控等。💭💭💭

下次再講下唔同有關夢嘅理論啦！💭💭💭

Resources：
• https://www.healthline.com/health/do-dreams-have-meaning
• https://www.verywellmind.com/why-do-we-dream-top-dream-theories-2795931
• https://www.psychologytoday.com/gb/basics/dreaming
• https://www.betterhelp.com/advice/psychologists/the-psychology-of-dreams-what-do-they-mean/
• https://link.springer.com/article/10.1007/s11031-017-9656-0

#90後 #醫療 #脊骨 #香港 #脊醫 #發夢

[醫療系列]🥼💊🩺介紹完口吃，講咗有關嘅症狀，當然要講下有咩成因或者風險會導致口吃啦！👄👄首先講咗成因先！同好多嘅病症同症狀一樣，研究人員仲好努力咁樣搵出導致口吃嘅原因！而暫時佢哋就得出一啲結論。首先關於發育性口吃，有證據表示，言語運動控制...
21/03/2026

[醫療系列]🥼💊🩺

介紹完口吃，講咗有關嘅症狀，當然要講下有咩成因或者風險會導致口吃啦！👄👄

首先講咗成因先！同好多嘅病症同症狀一樣，研究人員仲好努力咁樣搵出導致口吃嘅原因！而暫時佢哋就得出一啲結論。首先關於發育性口吃，有證據表示，言語運動控制方面的問題，例如時機把握、感覺同運動協調能力，可能到口吃有關。口吃患者大腦某啲區域亦可能同一般人有差異，呢啲區域通常到控制講嘢肌肉或肌肉協調有關。患有注意力不足、過動症、自閉症或發展遲緩等發展障礙嘅兒童亦都更容易出現口吃。口吃似乎亦都同遺傳因素有關，具有家族遺傳傾向。如果你直系親屬，例如父母或兄弟姊妹有口吃，你患上口吃可能性就會係其他人嘅三倍。👄👄👄

除咗發育性口吃，口吃亦都有機會因為後天原因而引致！中風、腦部外傷或其他腦部疾病會導致言語緩慢、停頓或重複發音。雖然唔太常見，但係口吃都有機會出現喺一啲心理創傷之後！而我哋嘅情緒亦都有機會令到講嘢流暢度受到影響。平常唔口吃嘅人係緊張或感到壓力時，可能都會出現短暫出現說話唔流暢嘅問題。呢啲情況亦會加重口吃患者之後嘅講嘢流暢度，引致長期性嘅口吃。👄👄👄

而有口吃問題，亦都有機會導致患者同其他人有溝通困難，令佢哋唔願意開口講嘢或迴避需要講嘢嘅場合，引致無法參與社交、學校或工作活動，錯失唔同嘅機會。亦都有機會增加佢哋遭受霸凌或嘲笑，從而導致佢哋自卑嘅機會。👄👄👄

有時對住口吃嘅人，需要嘅係多一點嘅耐性，畀足夠嘅空間佢哋將自己想講嘅嘢講出嚟，呢個已經係作為身邊嘅人可以幫到佢哋最大嘅地方！👄👄👄

Resources：
• https://www.nhs.uk/conditions/stammering/
• https://my.clevelandclinic.org/health/diseases/14162-stuttering
• https://www.mayoclinic.org/diseases-conditions/stuttering/symptoms-causes/syc-20353572
• https://www.asha.org/practice-portal/clinical-topics/fluency-disorders/?srsltid=AfmBOorwqkZk6V7xjhJKya3vH7Awz6YYyxKKyGB4wrb4jngS8RED2cKK

#90後 #醫療 #脊骨 #香港 #脊醫 #口吃

【健康問題關注組】 口吃有什麼症狀 ？？🤔 口吃最常見嘅症狀當然係講嘢口窒窒啦！但係除此之外仲有啲乜嘢症狀呢？口吃有七個主要症狀，病人必須至少滿足其中一項先可以被診斷為口吃：• 重複發音或音節：呢種情況通常發生係單字的第一個音節上。病人會反...
18/03/2026

【健康問題關注組】

口吃有什麼症狀 ？？🤔

口吃最常見嘅症狀當然係講嘢口窒窒啦！但係除此之外仲有啲乜嘢症狀呢？

口吃有七個主要症狀，病人必須至少滿足其中一項先可以被診斷為口吃：

• 重複發音或音節：呢種情況通常發生係單字的第一個音節上。病人會反覆重複第一個音節或音節，直到佢哋能夠完整地講出整個單詞，然後再繼續說話。
• 拉長某些音節或發音：指病人卡係某個音節或音節上，刻意拉長發音。
• 單字中間停頓：指病人喺單字中不必要地方停頓過長。
• 語言阻塞：指說話時頻繁停頓，可能係無聲嘅，亦可能會發出聲音，例如「嗯」或「啊」等。
• 詞語轉換：指病人喺一個單字或片語上口窒，然後切換到另一個單字或片語黎避開嗰個字。
• 過度強調：意味著病人對某個單字嘅部分或全部施加過多嘅強調或加重音量。
• 重複單音節詞：重複由單一音素組成嘅單字，例如英文嘅「I」或「the」。

如果你身邊有人口窒，同時有以上嘅症狀，記住叫佢快啲去尋求幫助喇！

Resources：
• https://www.nhs.uk/conditions/stammering/
• https://my.clevelandclinic.org/health/diseases/14162-stuttering
• https://www.mayoclinic.org/diseases-conditions/stuttering/symptoms-causes/syc-20353572
• https://www.asha.org/practice-portal/clinical-topics/fluency-disorders/?srsltid=AfmBOorwqkZk6V7xjhJKya3vH7Awz6YYyxKKyGB4wrb4jngS8RED2cKK

#90後 #醫療 #脊骨 #香港 #脊醫 #口吃

[醫療系列]🥼💊🩺大家身邊有冇啲朋友或者親人講嘢成日都「1999」呢？通常我哋話人講嘢一舊舊、口窒就咁樣就會話佢「1999」，但係喺醫學上如果呢個情況出現係一個病人身上，又代表咗啲乜嘢呢？👄👄👄口吃，英文稱為「Stammering」或者「S...
14/03/2026

[醫療系列]🥼💊🩺

大家身邊有冇啲朋友或者親人講嘢成日都「1999」呢？通常我哋話人講嘢一舊舊、口窒就咁樣就會話佢「1999」，但係喺醫學上如果呢個情況出現係一個病人身上，又代表咗啲乜嘢呢？👄👄👄

口吃，英文稱為「Stammering」或者「Stuttering」。有口吃嘅人通常會因為講嘢嘅時候，肌肉會控制唔到自己咁樣抽搐或郁動，從而打斷言語流暢性，導致停頓、發出不自然嘅聲音以及單字黏滯。呢種情況通常影響兒童，但任何年齡層嘅人都可能受到影響。呢種情況通常係可以治療的，而且大多數患者最終都能夠完全康復。👄👄👄

口吃有幾種唔同嘅種類：

• 發育性口吃(Developmental stuttering)/兒童期發育性口吃(Child-onset fluency disorder)：呢個係一種種神經性發育障礙，意味著佢嘅發生係源於大腦發育異常。呢種口吃通常會係兒童時期開始出現。
• 持續性口吃(Persistent stuttering)：呢種係發育性口吃持續到成年嘅症狀。
• 後天性口吃(Acquired stuttering)：由於疾病或損傷影響大腦而導致嘅口吃。

任何人都有可能出現口吃，但係男性患口吃嘅幾率係女性嘅四倍。除此之外，年齡亦都會影響患者擁有嘅口吃種類，例如發育性口吃通常都會係兒童時期出現嘅問題。最早可能兩歲，最遲可能七歲。平均發病年齡大約三歲，95%兒童係4歲前開始出現口吃。而後天性口吃就可以影響任何年齡層的人，因為佢通常因為大腦損傷或疾病導致特定區域受損嘅情況下而發生。👄👄👄

下次再講下口吃有啲咩症狀啦！👄👄👄

Resources：
• https://www.nhs.uk/conditions/stammering/
• https://my.clevelandclinic.org/health/diseases/14162-stuttering
• https://www.mayoclinic.org/diseases-conditions/stuttering/symptoms-causes/syc-20353572
• https://www.asha.org/practice-portal/clinical-topics/fluency-disorders/?srsltid=AfmBOorwqkZk6V7xjhJKya3vH7Awz6YYyxKKyGB4wrb4jngS8RED2cKK

#90後 #醫療 #脊骨 #香港 #脊醫 #口吃

[醫療系列]🥼💊🩺上次就講咗有關不寧腿症候群嘅唔同資訊，但係唔係個個有郁自己對腳嘅衝動嘅人都有呢種病症嘅！有啲人只不過係純粹鍾意或者習慣係一啲場合嘅時候䟴腳。由細到大，我諗好多人都會畀人話過唔好䟴腳，係好多人眼中䟴腳亦都係一個唔好嘅習慣！但...
11/03/2026

[醫療系列]🥼💊🩺

上次就講咗有關不寧腿症候群嘅唔同資訊，但係唔係個個有郁自己對腳嘅衝動嘅人都有呢種病症嘅！有啲人只不過係純粹鍾意或者習慣係一啲場合嘅時候䟴腳。由細到大，我諗好多人都會畀人話過唔好䟴腳，係好多人眼中䟴腳亦都係一個唔好嘅習慣！但係事實係咪咁樣呢？🦵🦵🦵

䟴腳喺唔同嘅亞洲文化裏面都係一種冇乜禮貌嘅動作，喺日本甚至會叫佢做「貧乏ゆすり」，日文直譯為「貧窮嘅搖晃」。喺文化上，好多人都會覺得呢個係一種唔好嘅嘢。但係喺生理上又係咪咁呢？根據英國一個研究長時間坐係到同第2型糖尿病、心血管疾病發生同死亡風險增加有關。長時間坐喺度亦都同代謝健康狀況不佳，例如，腰圍增大、血壓升高、血糖升高有關。而現代人好多時都需要長時間坐喺度，無論係工作或者日常生活嘅習慣都好！🦵🦵🦵

咁䟴腳對於現代人又有啲咩好處呢？一項研究發現，當你坐得耐嘅時候，做一啲簡單、低強度腿部活動，例如䟴腳，可以促進肢體血液循環，亦可以改善肥胖者嘅餐後血糖控制，而另一項密蘇里大學哥倫比亞分校(University of Missouri-Columbia)嘅研究亦都有出現相同嘅結論！另外亦都有一個另一項研究比較坐喺度唔郁同持續䟴腳20分鐘，結果顯示䟴腳顯著增加能量消耗大約 16.3%，同時增加呼吸率、氧氣攝取量及血氧飽和度，但對心率同血壓冇明顯影響，更進一步證明咗䟴腳可以增加腿部血液循環！🦵🦵🦵

其中一個令小編寫呢個題目嘅原因係因為小編喺網上面見到有啲人話日本中京大學有研究亦都表示䟴腳有好多唔同嘅好處，但係小編做研究嘅時候就搵唔到相關嘅研究所以冇辦法證明呢個資訊係咪真，但係就確實搵到日本有啲醫生提倡用䟴腳作為一個運動去增加血液循環以及減低一啲痛症嘅出現，當然呢方面都需要更加多嘅研究去證實啦！🦵🦵🦵

雖然䟴腳一路以嚟都畀人一種冇禮貌嘅感覺，而確實如果你喺人講緊嘢嘅期間係咁䟴腳的確係有少少冇禮貌，但係如果你嘅工作需要你長時間坐喺度，而你又已經獨自工作咗一段長時間，的確可以試下用䟴腳作為一種小嘅運動，改善一下自己雙腿嘅血液循環！😎😎👍👍

Resources：
• https://academic.oup.com/bmb/article/137/1/42/6168546?u
• https://www.sciencedaily.com/releases/2016/08/160804141254.htm?utm
• https://pubmed.ncbi.nlm.nih.gov/34159757/
• https://pmc.ncbi.nlm.nih.gov/articles/PMC11045920/
• https://shiseimedical.jp/english/

#90後 #醫療 #脊骨 #香港 #脊醫 #不寧腿症候群 #䟴腳

【健康問題關注組】 什麼因素會引致不寧腿症候群 ？？🤔 不寧腿症候群可發生於任何年齡，而隨著年齡增長，發生率亦會增加。女性發生率亦都高於男性。不寧腿症候群通常同嚴重潛在疾病無關。然而，佢有時會伴隨其他疾病出現，例如：• 週邊神經病變：手腳神...
07/03/2026

【健康問題關注組】

什麼因素會引致不寧腿症候群 ？？🤔

不寧腿症候群可發生於任何年齡，而隨著年齡增長，發生率亦會增加。女性發生率亦都高於男性。不寧腿症候群通常同嚴重潛在疾病無關。然而，佢有時會伴隨其他疾病出現，例如：
• 週邊神經病變：手腳神經損傷有時是由糖尿病和酒精使用障礙等慢性疾病引起。
• 鐵含量過低：體內鐵含量過低會導致或加重不寧腿症候群 。有胃腸道出血史的人可能有缺鐵。月經量過多或經常捐血的人也可能出現缺鐵。
• 腎衰竭：如果您患有腎衰竭，也可能出現缺鐵，通常伴隨貧血。當腎臟功能不正常時，血液中的鐵儲備會減少。這種情況以及其他體內化學成分的變化都可能導致或加重不寧腿症候群 。
• 脊髓疾病：脊髓損傷與不寧腿症候群有關。
• 柏金遜症：患有帕金森氏症的人患不寧腿症候群的風險可能會增加。

Resources：
• https://www.mayoclinic.org/diseases-conditions/restless-legs-syndrome/symptoms-causes/syc-20377168
• https://www.webmd.com/brain/restless-legs-syndrome/restless-legs-syndrome-rls
• https://www.nhs.uk/conditions/restless-legs-syndrome/

#90後 #醫療 #脊骨 #香港 #脊醫 #不寧腿症候群

04/03/2026

[醫療系列]🥼💊🩺

大家有冇試過夜晚瞓覺嘅時候，唔知點解好想郁隻腳，好想踢嘢，唔踢嘅話完全瞓唔著呢？如果有你可能有不寧腿症候群(Restless Legs Syndrome, RLS)！🦵🦵🦵

不寧腿症候群係一種神經系統疾病，通常會導致患者產生強烈嘅腿部運動嘅衝動。醫生將佢視為一種睡眠障礙，因為佢通常係休息時發生或加劇，但同時佢亦係一種運動障礙。呢種症候群可能會令到患者難以入睡或長時間保持坐姿。如果唔接受治療，病情可能會惡化。隨著時間推移，睡眠不足亦有可能導致工作或家庭生活出現問題。🦵🦵🦵

有不寧腿症候群嘅人，除咗會好想喺夜晚瞓覺嘅時候或者長時間坐喺度嘅時候郁隻腳，亦有可能喺休息時腿部出現一啲不適感，例如爬行感(Crawling)、蠕動感(Creeping)、拉扯感(Pulling)、搏動感(Throbbing)、疼痛感(Aching)、搔癢感(Itching)及觸電感(Electric)。不過以上嘅不適感覺以及想郁隻腳嘅嗰種衝動通常都可以靠活動減輕。動作例如伸展運動、抖腿、踱步或散步都可能可以改善症狀。🦵🦵🦵

下次再講下有咩成因會導致呢種病啦！🦵🦵🦵

Resources：
• https://www.mayoclinic.org/diseases-conditions/restless-legs-syndrome/symptoms-causes/syc-20377168
• https://www.webmd.com/brain/restless-legs-syndrome/restless-legs-syndrome-rls
• https://www.nhs.uk/conditions/restless-legs-syndrome/

#90後 #醫療 #脊骨 #香港 #脊醫 #不寧腿症候群

[醫療系列]🥼💊🩺閉鎖症候群主要係有由一個叫腦橋(Pons)嘅腦幹特定部位受損而引致。🧠🧠🧠腦橋係一個寬闊嘅馬蹄形神經纖維團，連接著延髓同小腦。小腦主要負責幾乎所有身體運動，尤其係協調運動嘅關鍵部分。🧠🧠🧠腦橋包含左大腦、脊髓同小腦之間重要...
28/02/2026

[醫療系列]🥼💊🩺

閉鎖症候群主要係有由一個叫腦橋(Pons)嘅腦幹特定部位受損而引致。🧠🧠🧠

腦橋係一個寬闊嘅馬蹄形神經纖維團，連接著延髓同小腦。小腦主要負責幾乎所有身體運動，尤其係協調運動嘅關鍵部分。🧠🧠🧠

腦橋包含左大腦、脊髓同小腦之間重要嘅神經路徑。閉鎖症候群中，腦橋受損會導致所有從大腦經脊髓到達身體肌肉的神經路徑中斷，進而導致身體癱瘓。腦橋受損也會影響腦幹中負責臉部控制及語言表達嘅重要中樞，令患者無法做出臉部表情、咀嚼、吞嚥以及說話。🧠🧠🧠

一啲特定嘅疾病同情況會損傷腦橋，導致閉鎖症候群。最常見嘅原因係缺血性或出血性中風，影響腦幹中嘅皮質脊髓束、皮質腦橋束同皮質延髓束。缺血性中風指腦血管形成血栓，阻斷腦部供血，而出血性中風指動脈血突然流入腦組織。🧠🧠🧠

其他一啲唔太常見嘅腦橋損傷原因包括：

• 腦部特定區域受感染
• 腦橋或腦幹上有腫瘤或腫塊
• 脫髓鞘(Demyelination)：即神經細胞周圍保護性絕緣層-髓鞘缺失
• 肌萎縮側索硬化症(Amyotrophic Lateral Sclerosis , ALS)
• 格林-巴利綜合症(Guillain-Barre syndrome)
• 腦橋外傷
• 藥物濫用

以上就係引致閉所症候群嘅主要原因！🧠🧠🧠

Resources：
• https://my.clevelandclinic.org/health/diseases/22462-locked-in-syndrome-lis
• https://rarediseases.org/rare-diseases/locked-in-syndrome/
• https://www.webmd.com/brain/what-is-locked-in-syndrome

#90後 #醫療 #脊骨 #香港 #脊醫 #閉鎖症候群

【健康問題關注組】 閉鎖症候群與植物人狀態(Vegetative State)有何分別？？🤔 講解閉鎖症候群嘅時候，有冇意識到好似同另一個成日聽到嘅狀態好似有啲相似呢？冇錯我講緊嘅就係植物人狀態！咁究竟呢兩種狀態有冇分別嘅呢？首先講下植物人...
25/02/2026

【健康問題關注組】

閉鎖症候群與植物人狀態(Vegetative State)有何分別？？🤔

講解閉鎖症候群嘅時候，有冇意識到好似同另一個成日聽到嘅狀態好似有啲相似呢？冇錯我講緊嘅就係植物人狀態！咁究竟呢兩種狀態有冇分別嘅呢？

首先講下植物人狀態，佢係指一個人係清醒嘅，但冇任何意識跡象。處於植物人狀態嘅人可能會擘大眼睛，規律咁醒同瞓覺，並保留一啲基本反射，例如被巨響驚嚇時眨眼，或被用力握住時縮手。佢哋都可以自主調節心跳同呼吸。

然而，處於植物人狀態嘅人唔會表現出任何有意識嘅反應，例如用眼睛追蹤物體或對聲音做出反應。佢哋亦唔會表現出任何情感或認知功能，而呢一樣嘢就係同閉鎖症候群病人嘅最大分別。閉鎖症候群患者雖然冇辦法自由作出唔同嘅動作，但係佢哋係有意識嘅，對自己週圍嘅環境係有認知嘅！

Resources：
• https://my.clevelandclinic.org/health/diseases/22462-locked-in-syndrome-lis
• https://rarediseases.org/rare-diseases/locked-in-syndrome/
• https://brainfoundation.org.au/disorders/vegetative-state/

#90後 #醫療 #脊骨 #香港 #脊醫 #閉鎖症候群 #植物人狀態

[醫療系列]🥼💊🩺有冇諗過如果有一日你有意識，但係你身體一啲都郁唔到，想做咩都唔得，你會點樣呢？🔒🔓🔓今日要講嘅病症就係閉鎖症候群(Locked-in Syndrome)。閉鎖症候群係一種罕見且嚴重嘅神經系統疾病，當腦幹一部分受損時就有可能...
21/02/2026

[醫療系列]🥼💊🩺

有冇諗過如果有一日你有意識，但係你身體一啲都郁唔到，想做咩都唔得，你會點樣呢？🔒🔓🔓

今日要講嘅病症就係閉鎖症候群(Locked-in Syndrome)。閉鎖症候群係一種罕見且嚴重嘅神經系統疾病，當腦幹一部分受損時就有可能發生，通常係由中風引致。閉鎖症候群患者全身癱瘓，但仍保持意識同正常認知能力。其特徵係隨意肌(Voluntary Muscles)麻痺，令到佢哋冇辦法咀嚼、吞嚥同講嘢等動作，但控制眼球上下運動嘅肌肉就唔受影響。閉鎖症候群嘅病人冇辦法做出臉部表情，講唔到嘢，亦都郁唔到。🔓🔓🔓

患有閉鎖症候群嘅人可以聽到聲音，通常可以透過有意識嘅眼球運動、眨眼或兩者兼具嘅方式進行交流。佢哋亦可以使用輔助科技進行溝通。佢哋亦都理解人哋同佢講嘢或朗讀嘅內容，亦能夠好似患病之前咁思考同推理。閉鎖症候群患者亦都擁有正常嘅睡眠覺醒週期。🔓🔓🔓

閉鎖症候群主要分為三種或形式，包括：

• 經典型：呢種類型嘅閉鎖症候群患者完全缺乏自主運動，但可以上下移動眼球、眨眼，並維持正常認知能力。患者亦能聽到聲音

• 不完全型：呢種類型嘅閉鎖症候群同經典型類似，差異在於患者身體某啲部位仍保留一啲感覺同運動功能

• 完全不動型：呢種類型嘅患者會出現全身癱瘓以及眼球運動喪失，但認知能力正常。醫護人員可以透過腦電圖（Electroencephalogram,EEG）檢查大腦皮質功能來判斷此類患者是否仍具有認知功能

下次再講下點樣造成閉鎖症候群啦！🔓🔓🔓

Resources：
• https://my.clevelandclinic.org/health/diseases/22462-locked-in-syndrome-lis
• https://rarediseases.org/rare-diseases/locked-in-syndrome/
• https://www.webmd.com/brain/what-is-locked-in-syndrome

#90後 #醫療 #脊骨 #香港 #脊醫 #閉鎖症候群

Address


Website

Alerts

Be the first to know and let us send you an email when Take It EC posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Take It EC:

Shortcuts

  • Want your practice to be the top-listed Clinic?

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram