31/01/2026
نصائح للحفاظ على مستويات السكر طبيعية
✅ المشى يوميًا حتى لو 20–30 دقيقة بيعمل فرق كبير لمريض السكرى النوع التانى 🚶♂️
الحركة بتزود حساسية الجسم للإنسولين وبتساعد على ضبط السكر بشكل طبيعى 💪
✅ شرب الميه بانتظام مهم جدًا لمريض السكرى النوع التانى 💧
الجفاف ممكن يرفع مستوى السكر فى الدم، فحافظ دايمًا على شرب الميه وقلّل العصاير والمشروبات المُحلّاة 👍
✅ النوم الكويس ليه تأثير مباشر على سكر الدم 😴
قلة النوم بتزوّد مقاومة الإنسولين، فحاول تنام 7–8 ساعات منتظمة عشان تحافظ على السكر متوازن 👌
✅ الخلّ (خصوصا خل التفاح) ممكن يساعد فى تقليل ارتفاع السكر بعد الأكل لو اتاخد بكميات بسيطة مع الوجبة 🥗
بس لازم يكون باعتدال ومع المتابعة، ومش بديل عن العلاج طبعًا 👍
✅ ترتيب الأكل بيفرق جدا لمريض السكرى 🍽️
ابدأ بالخضار ثم البروتين، وخلى النشويات فى الآخر—الطريقة دى بتقلّل ارتفاع السكر بعد الوجبة بشكل ملحوظ 👍
✅ التوابل الطبيعية زى القرفة والكمون والزنجبيل بتساعد على تحسين استجابة الجسم للإنسولين 🌿
استخدمها فى الأكل بدل الإكثار من الملح أو الصلصات الجاهزة 👍
✅ الضغط النفسى بيزوّد سكر الدم حتى لو الأكل مظبوط 😌
تمارين التنفّس، المشى، أو أى نشاط هادى بتحبه ممكن يقلّل التوتر ويساعد على استقرار السكر 💙
✅ أعشاب طبيعية ممكن تساعد مريض السكرى النوع التانى👇🏻
1️⃣ الحلبة ممكن تقلل امتصاص السكر بعد الأكل، وطبعًا لازم مع نظام غذائي متوازن ومتابعة طبية 👍
الزنجبيل: بيقلّل الالتهابات ويحسن حساسية الإنسولين 🌱
2️⃣ القرفة: بتساعد على ضبط السكر بعد الأكل وتقلّل مقاومة الإنسولين 🌿
3️⃣ المرمية: ممكن تساعد فى تنظيم مستويات السكر فى الدم 🍃
4️⃣ الكسبرة تساعد على خفض سكر الدم: بذور الكسبرة أو أوراقها ممكن تقلل مستوى السكر فى الدم بعد الأكل.
✳️ طبعًا كل ده مع النظام الغذائي والمتابعة الطبية، ومش بديل عن العلاج 🌸
#السكرى
