13/11/2021
" သတိထားသင့်တဲ့ ဒူးကျီးပေါင်း "
🦴' အသက်ကြီးလာရင် ဟိုနား ဂျွတ်ဂျွတ် ဂျွတ်ဂျွတ်၊ ဒီနား ဂျွတ်ဂျွတ် ဂျွတ်ဂျွတ် ' နာနေတာပဲလို့စာရေးသူအမေကတော့အမြဲပြောပါတယ်။ အထူးသဖြင့် ကိုယ့်ခန္ဓာကိုယ် အလေးချိန်ကို သယ်ထားရတဲ့ ဒူးဆစ်ကလေးတွေ ပိုဆိုးပါတယ်။ အထိုင်အထတွေ၊ လှေကားတက်ရတာတွေ ခက်ပြီး ညနေပိုင်းတွေဆို ပိုနာတတ်ပါတယ်။ ဒါကိုတော့ ဒူးကျီးပေါင်းလို့ ခေါ်လို့ရပါတယ်။
🦴ပုံမှန်ဆိုရင် အရိုးနှစ်ခုကြားမှာ တစ်ခုနဲ့ တစ်ခု မပွတ်အောင် အရိုးနုလေးတွေနဲ့ ခြားထားပါတယ်။ ဒီအရိုးနုလေးတွေ ပွတ်တိုက်ပြီး ပျက်ဆီးသွားတဲ့ အခါ အဆစ်နှစ်ခုထိခိုက်မိပြီး လှုပ်ရှားနိုင်မှာ နာလာတာ၊ အဆစ်ပုံပျက်တာမျိုးဖြစ်တတ်ပါတယ်။ အသက်ကြီးတာ၊ အဝလွန်တာ၊ အဆစ်ရောဂါနဲ့ အခြားသော အကြောင်းအမျိုးမျိုးကြောင့် ဒူးကျီးပေါင်းဖြစ်ပေါ်တတ်ပါတယ်။
အသက် ၅၀ ကျော်လာရင် ပိုအဖြစ်များပြီး အမျိုးသမီးတွေက ပိုဖြစ်တတ်ပါတယ်။
🦴ဒူးကျီးပေါင်းဖြစ်လာပြီဆို ဘယ်လိုတွေလုပ်ကြမလဲ?
🦵သက်သာအောင် ကုသနည်းတွေအမျိုးမျိုးရှိပေးမယ့် အဓိကကတော့ တတ်ကျွမ်းတဲ့ ဆရာဝန်နဲ့ တိုင်ပင်သင့်ပါတယ်။ အမြစ်ပြတ်ကုသ တာမျိုး မရပေမယ့် ရောဂါလက္ခဏာသက်သာစေတဲ့ နည်းလမ်းတွေတော့ ရှိပါတယ်။
🦵X -ray ရိုက်ကြည့်တာ အရမ်းနာလာရင် အကိုက်အခဲပျောက်ဆေးသောက်တာမျိုးလုပ်လို့ရပါတယ်။
🦵ကိုယ်အလေးချိန်ချတာ ၊ ကြွက်သားတွေကို သန်မာစေဖို့ပုံမှန် လေ့ကျင့်ခန်းတာမျိုး လုပ်ပေးရပါမယ်။
🦵အဆစ်ကြားကို ဆေးထိုးတာမျိုးလည်းရှိပါတယ်။ ဒါပေမယ့် အန္တရာယ်များတဲ့ အတွက် ဆရာဝန်နဲ့ တိုင်ပင်ပြီးမှ လုပ်သင့်ပါတယ်။
🦵Glucosamine တွေ၊ ငါးကြီးဆီတွေသောက်ရင် ကတော့ အချို့မှာ သက်သာပေမယ့် ထူးခြားတဲ့ပြောင်းလဲမှုတွေမဖြစ်တာကိုလည်း သုတေသနစာတမ်းတွေမှာ တွေ့ရပါတယ်။
🦵အကယ်၍ ရောဂါအခြေအနေက ရင့်လာတယ်၊ ဆိုးလာတယ် ဆိုရင်တော့ ဒူးအစားထိုး ကုသတာမျိုးလုပ်နိုင်ပါတယ်။
👩🏻⚕️အသက်ကြီးရင် ဒူးနာတယ်ဆိုတာ ဖြစ်လေ့ဖြစ်ထရှိတဲ့ အကြောင်းအရာပါ။ ဒါပေမယ့် ဖေဖေမေမေ၊ ဖိုးဖိုးဖွားဖွားတွေပဲဖြစ်ဖြစ်၊ ကိုယ်တိုင်ပဲဖြစ်ဖြစ် ဒူးနာပြီဆိုရင်တော့ မပေါ့ဆပါနဲ့။ ရောဂါ အခြေအနေမဆိုးခင်မှာ ဆရာဝန်နဲ့ သေချာတိုင်ပင်ဆွေးနွေးဖို့လိုအပ်ပါတယ်။
_______________________
ကျန်းမာရေးနဲ့ ဆိုင်တဲ့ မေးခွန်းများမေးမြန်းလိုပါက HOPE မှ ဆရာဝန်တွေကို မနက် ၈ မှ ည ၁၀နာရီ အတွင်း အခမဲ့ မေးမြန်းဆွေးနွေးနိုင်ပါတယ်ရှင့်..
𝗛𝗢𝗣𝗘 𝗮𝗽𝗽 ဒေါင်းရန် :(For Android)
🤍 https://bit.ly/3sTy2sJ
#ဒူးကျီးပေါင်း #ကျီးပေါင်း #ဒူးနာရောဂါ
