သိလိုရာမေး ကလေးကျန်းမာရေး (2025)

02/03/2025

မနေ့က video လေး တစ်ခုတွေ့တယ်..... အကောင့် တစ်ခုက တင်ထားတာလေးပါ

ပြောပြချင်တာက တတ်နေတဲ့ ကလေးကို ဘာလုပ်ပေးရမလဲပေါ့

အဲဒါတွေ မပြောပြခင် ကလေး တစ်ယောက် ဘာကြောင့် တတ်နိုင်ပါသလဲ...
အကြောင်းအရင်းတွေကတော့ အများကြီးပါ
ဥပမာ အတတ်ရောဂါ ရှိတဲ့ ကလေးတွေ ဟိုအရင်ကတော့ ဝက်ရူးပြန်လို့ ခေါ်ကြတယ် အခုကတော့ အာ့လို လုံးဝမခေါ်တော့ပါဘူးနော်........

နောက် ရောဂါ မရှိဘဲ အဖြစ်များတာကတော့ ကလေးတစ်ယောက်ဟာ ကိုယ်ပူကြီးရင် တတ်တတ်ပါတယ်....... အဖျားကြီးတဲ့အခါမှာ ကလေး လေးတွေရဲ့ ဦးနှောက်ဟာ ကိုယ်ပူတဲ့ ဒဏ်ကို မခံနိုင်တဲ့အတွက် တတ် တတ်ပါတယ်

အဲတော့ ကလေးတွေ အဖျားကြီးလာရင် တစ်နည်း နည်း နဲ့ ကိုယ်အပူချိန် ချ ဖို့လိုပါတယ်

ရေပတ်တိုက်တာတွေ ဆေးတိုက်တာတွေကိုတော့ အရင်ပို့စ်မှာ ပြောထားလို့ မသိသေးရင် ရှာဖတ်ကြည့်ပါ
.......................................
အခုကတော့ ကလေးတစ်ယောက် တတ်ရင် ဘာလုပ်ရမလဲရယ် ဘာတွေ မလုပ်ရဘူးလဲရယ်

လုပ်ရမှာတွေက

၁. တတ်နေရင် ပထမဆုံး ကလေးကို ဘေးကင်းရာ နေရာကို ရွေ့ပေးထားရမယ် ဥပမာ ထပ်ပြီး ပြုတ်ကျတာမျိုးတွေ မဖြစ်အောင်လို့ပါ

၂. တတ်ပြီး ပါးစပ်က ချွဲတွေ အမြှုတ်တွေ ထွက်နေရင် ဘေးစောင်းပေးထားပါ..ပက်လက်မထားတာ အကောင်းဆုံးပါ... အချွဲတွေက အဆုတ်ထဲကို မြှိုချမိရင် ပိုကုရ ခက်တတ်ပါတယ်

၃. အဝတ်အစားတွေ တင်းကျပ်နေရင် လျော့ထားပါ ချွတ်ထားပေးပါ

၄. အရေးကြီးတခုက မိဘတွေပါ လုပ်ပေးနိုင်ရင်တော့ ကလေး တတ်နေတဲ့အချိန်မှာ video ရိုက်ပေးနိုင်ရင် ကုသမှု့မှာ တော်တော်လေးကို အကျိုးရှိစေမှာပါ

၅. ကလေးတစ်ယောက်က တတ်ရင် ၅ မိနစ် အောက် လောက်ပဲ တတ်တတ်ပါတယ်.... အဲတော့ စောင့်ကြည့်ပါ... တတ်တာက ကြာနေရင် ၅ မိနစိကျော်ရင်တော့ ကလေးကို ဘေးစောင်းအနေအထား ထားပြီးတော့ နီးစပ်ရာ ကလေးဆေးခန်း ဒါမှမဟုတ် ကျန်းမာရေးဝန်ထမ်းရှိတဲ့ ဆီကို အမြန်ဆုံးသွားပါ
... ကဲ လုပ်ပေးရမှာတွေက အများကြီးတော့ မရှိဘူးနော် အဲလောက်ဆိုရင်........ အရေးကြီးဆုံးအချက်ကတော့ နံပါတ် ၂. ပါ.... အာ့လေး လုပ်ပေးထားရင် ကလေး ဒုက္ခ အရောက်နည်းတာပေါ့နော

ကဲ အခု လာပါပြီ....... မလုပ်ရမဲ့ဟာတွေ

၁. ဖိတာ နှိပ်တာ နင်းတာ
တတ်လို့ တတ်နင်းတဲ့အတွက် ပေါင်ကျိုးတဲ့ ကလေးတွေမှာ အများကြီးပါ...... လုပ်လဲ ကလေး အတတ်ကို မကျစေနိုင်ပါ

၂. ပါးစပ်ထဲကို လေမှုတ်သွင်းတာ
တတ်တဲ့အခါ ချွဲတွေ ထွက်တဲ့အတွက် မှုတ်လိုက်ရင် အဆုတ်ထဲကို ပိုးတွေ တမ်းရောက်ပြီး ကုရ ခက်တတ်ပါတယ်..... အဲတော့ ပါးစပ်ထဲက အရာတွေ အကုန်ရှင်း ဘာမှမရှိ.. ကလေးကလဲ အသက်လုံးဝမရှူမှ လုပ်သင့်ပါတယ်.... အဲတော့ အစပိုင်းမှာ မလုပ်တာ အကောင်းဆုံးပါ

၃. လူတွေ ဝိုင်းအုံနေတာတွေ
မလိုအပ်ဘဲ အုံနေချင်းအာဖြင့် ကလေးကို ပိုပြီး အသက်ရှူကျပ်စေပါတယ်

၄. ကျောပုတ်တာ ရင်ဘတ်ညစ်တာ
ဒါတွေက အရေးပေါ် အသက်ကယ်တဲ့နည်းတွေပါ

၅. ပါးစပ်ထဲ ဇွန်းထိုးတာ ပစ္စည်းထည့်တာ
စတာတွေကလည်း ပါးစပ်ကို ဒဏ်ရာရစေပြီး သွားတွေထိုး အဆုတ်ထဲဝင် ပြသနာတွေ ပိုကြီးစေပါတယ်

၆. အခု video ထဲကလို ခေါင်းပေါ်ရေတွေဖျန်း ခေါင်းပုတ်တာတွေလည်း မလုက်သင့်ပါဘူးနော်
ဒါမျိုးတွေကလှုပ်နှိုးရုံ ( stimulation) ဖြစ်ရုံသာပါပဲ

ကဲ အဲတော့ လုပ်ရမှာတွေရော မလုပ်ရမဲ့ အရာတွေရော ပြောပြီးပါပြီ.... ကျန်တာတွေ ဖြည့်စွက် မေးချင်း မေးနိုင်ပါတယ်
Video ကို post မတင်ပါရစေနဲ့......... ကြောက်လို့
မန့်မှာ လင့်လေး မန့်ပေးပါမယ်

26/02/2025

အယူအဆ အလွှဲလေးတွေများထဲက ၃ ခုကို ဒီနေ့ ပြောပြပါမယ်........

၁ တတ်တဲ့ ရောဂါပေါ့...... လူတယောက် / ကလေးတယောက် တတ်ရင် ဘာလုပ်ကြမလဲ???....... များသောအားဖြင့် ပါးစပ်ကို မှုတ်ကြ..... ငယ်ထိပ်ကို မှုတ်ကြ..... ခြေတွေ ချိူးကြ...... နောက်ဆုံး တတ်ပါ နင်းလို့..... ခါးကျိုးတဲ့ အဖြစ်တွေ ရှိပါတယ်........ အဲတော့ အာတွေက အကုန် အမှားပါ..... တတ်ရင် ဘေးစောင်းပေး...... လူများရင်.... အုံပြီး မနေပါစေနဲ့...... ၅ မိနစ်ကျော် တတ်ရငိ နီးစပ်ရာ ဆေးခန်းပြပါ

၂ ဖျားတဲ့အချိန် ရေမချိုးရ.......... ဒီကိစ္စကလည်း တော်တော်ကို ပြောတဲ့ ကိစ္စပါ......ငြင်းရခုန်ရတဲ့ ကိစ္စလည်း ............. ပြောချင်တာက ရေချိုးလို့ ရပါတယ်.....ကိုယ်ပူနေရင် အပူထွက်ဖို့အတွက် ပိုလို့တောင် လိုပါသေးတယ်..........အဲတော့ ယေဘုယျ အားဖြင့် ရေချိုးပေးလို့ ရပါတယ်နော်

၃ သနပ်ခါးလိမ်းရင် အရေပြားကောင်းတယ်........ မဟုတ်ပါဘူးနော.... မြန်မာပြည် ရာသီဥတု နဲ့ အရေပြားကို ပိုခြောက်စေပါတယ်.......ပြီးတော့ မှိုစွဲစေပါတယ်.... ဖြစ်နိုင်ရင် အထူးသဖြင့် အရေပြားခြောက်သော ကလေးများ မလိမ်းစေချင်ပါ

တခြားဟာလေးတွေလဲ မှ ဖော်ပြပေးသွားပါမယ်....

26/02/2025

ဂရုပြုစရာ ကလေးတီဘီရောဂါ

အခုတလော လာလာမေးနေတဲ့ မေးခွန်းလေးပါပဲ

ကူးတတ်လားဆိုရင်???
ကူးတတ်ပါတယ်..... အသက်ရှူလမ်းကြောင်းတဆင့်ပါ........ သူများချောင်းဆိုးထားတဲ့ သလိပ်ကို ကိုင်မိရင် ပြီးတော့ မျက်စိပွတ် နှာခေါင်းနှိုက် ပါးစပ်ကိုင်......... ဒါမျိုးတွေပေါ့....... အာ့မို့....... ဘာကိုင်ပြီးပြီး လက်ဆေးကြပါ ပြောတာပါ

ဘာတွေ ဖြစ်ရင် သံသယ ရှိရမလဲ ကလေးတီဘီကို?
၁ နာတာရှည် ချောင်းဆိုးနေတာ
၂ အဖျညးငွေ့ငွေနဲ့ ညနေတိုင် တတ်တတ်နေတာ
၃ အကြောင်းအရာ မရှိဘဲ ပိန်ကျသွားတာ...... ဒီ ၃ ခုရှိရင် နီးစပ်ရာ ကလေးဆရာဝန်နဲ့ ပြပါ...

မဖြစ်အောင် ဘာလုပ်ကြမလဲ???
နိုင်ငံတော် က မွေးကင်းစကတည်းကျ ကာကွယ်ဆေး ထိုးပေးပါတယ်........ အဲတော့ ကာကွယ်ဆေးကို အပြည့်ထိုးနှံနိုင်အောင် ကြိုးစားကြပါ.....

လက်ရှိ မြန်မာပြည်မှာ အဖြစ်များလျက် ရှိပါတယ်နော
....................
တခါတလေ မေးခွန်းတွေကို ချက်ချင်း မဖြေနိုင်ရင် ခွင့်လွှတ်ကြပါ
ဆရာတို့လဲ အလုပ်တွေ ရှိနေကြတော့... အားတဲ့အချိန်တော့ ပြန်ပေးနေကြပါတယ်....စကားချပ်လေးပါ :) :) :)

25/02/2025

သတင်းတွေမှာ တွေ့တာနဲ့ သိပ်မကြောက်ကြပါနဲ့

ကျွန်တော်တို့ ကလေးတွေ သိပ်မတွေ့သေးပါ

မဖြစ်အောင်တော့ ဆက်လက် သတိထားပါ
- တတ်နိင်သမျှ လမ်းဘေးစာ မစားပါနဲ့
-မစားခင် လက်ဆေး စားပြီးလက်ဆေး

23/01/2025

အခုတလော ဆေးရုံမှာ ဆုံဆို့နာ ခေါ်တဲ့ အသက်ရှူကျပ်ရောဂါ တခု ဆက်တိုက်တွေ ဆိုသလို ဖြစ်နေတာကို တွေ့ရလို့
မေမေတို့ ဖေဖေတို့ သတိထားကြပါအုန်း

သူက ဘာလို့ ဖြစ်တာလဲ ဆိုတော့ အဆုတ်ရောင်ပိုးလိုမျိုး ကိုဗစ်လိုမျိုး လေမှတဆင့် ၊ ကိုင်တွယ်ခြင်းမှ တဆင့် ကူးစက်ပြီးတော့ အသက်ရှူလမ်းကြောင်းမှာ အမြှေးပါးတစ်ခုပေါ်ကာ အသက်ရှူကျပ်စေတာ ဖြစ်ပါတယ်

ဘယ်လိုကာကွယ်မလဲဆိုရင်
ကလေးအသက် ၂လ ၄လ ၆လ မှာထိုးတဲ့ ကာကွယ်ဆေးအကုန်ထိုးရင်တော့ ကာကွယ်ပြီးသားဖြစ်မှာပါ
ဝယ်ထိုးစရာမလိုပါ
နိုင်ငံတော်က ထိုးတဲ့ ကာကွယ်ဆေးတွေမှာ ပါပြီးသားပါ

မထိုးရသေးရင်တော့ ပြန်ထိုးစေချင်ပါတယ်

နောက်ကာကွယ်လို့ရတာကတော့ ကျန်တဲ့ပိုးတွေလိုပဲ လူစုလူဝေးရှောင် ၊ တခုခုကိုင်ပြီး လက်ဆေး ဒါဆို ရပါတယ်

သူက ဘာလို့ အရေးကြီးလဲဆိုတော့ မေးခိုင်လိုမျိူး ခွေးရူးလိုမျိုး ဖြစ်သွားရင် အဖတ်ဆယ်လို့ မရလို့ပါ

အဲတော့ ကာကွယ်လို့ ရရဲ့သားနဲ့ သတိ မလွတ်စေချင်ပါ

အဲလောက်ပြောရင် မေမေတို့ ဖေဖေတို့ နားလည်မယ် ထင်ပါတယ်...........

30/11/2024

ပုံမှန်ကလေး တယောက်ရဲ့ ကိုယ်အလေးချိန် တတ်ပုံက ဘယ်လိုလဲ ???

၆ လမှာ မွေးတုန်းက ကိုယ်အလေးချိန်ရဲ့ ၂ဆ ဖြစ်သင့်ပါတယ်........ မွေးတုန်းက ၇ ပေါင်ဆို ၆လ မှာ ၁၄ ပေါင်ပေါ့

၁ နှစ်မှာ ၃ဆ ဖြစ်သင့်ပါတယ်......... အဲဒါဆို ပေါင် ၂၀-၂၂ ပေါင်လောက်ပေါ့

ဒါလေးတွေက အကြမ်းဖျင်းမှတ်ထားပါ
နောက်ရက်တွေမှ ပေါင်ဘယ်လိုတတ်အောင်ကျွေးရမယ်
မေမေတို့သိတဲ့ ရှောင်ရန် ဆောင်ရန် အချက်လေးတွေလည်း ရေးသွားပေးကြပါအုန်း

28/11/2024

Dental hygiene in congenital heart diseases

သွားကျန်းမာရေး နဲ့ မွေးရာပါ နှလုံးရောဂါ ပြသနာ

အခုတလောတွေ့တွေ့နေရပြီး နိုင်ငံတကာမှာလည်း ဒါကို ခဏခဏပြောနေကြလို့ ဒါလေးရေးပေး လိုက်ပါတယ်

အရင်ဆုံးက သွားကျန်းမာရေးအကြောင်းပြောမယ်နော်
- ၆ နှစ်မတိုင်ခင် ကလေးတွေရဲ့ တဝက်ကျော်ဟာ သူတို့ဘဝမှာ သွားတခုခုဟာ cavity လို့ ခေါ်တဲ့ ပိုးစားခြင်းကြောင့် သွားအပေါက် ရှိခဲ့ကြတယ်တဲ့
- ၁၂ နှစ်အတွင်းကလေးတွေရဲ့ တဝက်နီးနီးဟာလဲ သူတို့မှာ အနည်းဆုံး သွားအပေါက်တခုမက ရှိနေကြတာကို တွေ့ထားကြတယ်တဲ့

အဲတော့ သွားရောဂါက ဘာအရေးကြီးလဲ
- သွားမကောင်းရင် ကလေးက မစားနိုင်ဘူး စကားမပြောနိုင်ဘူး
- နောက် ကျောင်းပျက်မယ် မဆော့နိုင်ဘူး
- ကြာရင် သင်ကြားရေးကို ထိခိုက်လာစေနိုင်ပါတယ်........ ဆိုးတာက အဲဒီ သွားပြသနာကြောင့် ပုံမှန်ကလေးနှလုံးဆိုရင်တောင်မှ ရောင်ရမ်းမှု့တွေ နှလုံးအတွင်းနံရံထူတာတွေ ဖြစ်စေတတ်ပါတယ်...... မွေးရာပါ နှလုံးရောဂါ ပါတဲ့သူတွေဆိုရင် ကုရခက်တာတွေ ဆေးနဲ့ထိန်းရတာခက်တာတွေ ခွဲစိတ်ဖို့နောက်ကျတာအပြင် ခဏခဏ နှလုံးအမောဖောက်စေတတ်ပါတယ်

ကဲနော် ဘာမှမဟုတ်ဘဲ ဂရုမစိုက်မိတဲ့ သွားကျန်းမာရေးက ဘယ်လောက်ကြောက်စရာကောင်းသလဲ

အဲတော့ ဘယ်လိုဂရုစိုက်ကြမလဲ

ကလေးလေးတွေဆိုရင်...........
- အဝတ်အပျော့လေးနဲ့ သွားတွေကို မနက်/ည တနေ့ ၂ ကြိမ် ပွတ်/ ဆေးပေးပါတဲ့
- ညမအိပ်ခင်မှာလဲ သေချာပွတ်ပါတဲ့... အထူးသဖြင့် အချိုဓာတ်တွေက သွားပိုးစားစေတတ်လို့ပါ

ကလေးအကြီး / ၆ နှစ်ကျော်ပြီဆိုရင်......
- brush ကိုင်တတ်ပြီဆိုရင် တိုင်ခိုင်းပါ
- တနေ့ကို ၂ ကြိမ် မနက်/ည သတိထားပြီး သွားတိုက်ခိုင်းပါ
- ဖလိုရိုက်ပါတဲ့ သွားတိုက်ဆေးသုံးပါတဲ့

- နောက်ဆုံးကတော့ လိုအပ်ရင် သွားဆရာဝန်နဲ့ ပြသစစ်ဆေးရမှာပေါ့

ကဲ ဘာမှ မခက်ခဲတဲ့ သွားကျန်းမာရေးလေးကို ဂရုစိုက်လိုက်ရင်ကို အပေါ်က ပြောတဲ့ ပြသနာတွေ ရှောင်ရှားမိစေမှာ ဖြစ်ပါတယ်

မေမေတို့ ဖေဖေတို့ ဂရုစိုက်ပြီး သားသားမီးမီးတို့ကို သွားကျန်းမာရေး ဂရုစိုက်တဲ့ အလေ့အကျင့်လေးတွေ ပြုလုပ်ပေးကြပါနော

ကလေးတိုင်း ကျန်းမာ လန်းဖြာကြပါစေ
👩‍👩‍👦💑👩‍👩‍👦 ချစ်ခြင်းမေတ္တာတွေ ရရှိကြပါစေ 👩‍👩‍👦💑👩‍👩‍👦

31/10/2024

ဒါပုံမှာ ပါတာလေးက ဘာလေးပါလဲ ???
အခုလို ဖြစ်ရင် ဘာလုပ်ရမလဲ ???
ညှစ်ပစ်ရမလား ? ဒီအတိုင်းထားရမလား ?

သိတဲ့ မေမေတို့ ဖြေပေးကြပါအုန်း

မေမေတို့ ဖေဖေတို့ သိချင်တယ်ဆိုရင် ပြောပြပါမယ်

30/10/2024

အခုတလော လာလာမေးကြတာတွေရော
ဆေးခန်းမှာ အတွေ့များတာတွေရောကတော့

ပါးချိတ်ရောင် ရောဂါ ပဲ ဖြစ်ပါတယ် !!!

ရာသီဥတုကလည်း ဆောင်းရာသီ စ ဝင်ပြီဆိုတော့ အခုလို ဗိုင်းရပ်စ်ရောဂါတွေ ဖြစ်တတ်ပါတယ်.....

ခါတိုင်းနှစ်တွေကတော့ ရာသီတုပ်ကွေး အဆုတ်နဲ့ လေပြွန်ရောင်တာတွေ အဖြစ်များကပြီး အခုကတော့ တုပ်ကွေးကာကွယ်ဆေး ထိုးလာကြတော့ ဒီနှစ်မှာ ထူးထူးခြားခြား ပါးချိတ်ရောင်ကို တွေ့နေရပါတယ်

အဲတော့ ပါးချိတ်ရောင်က ဘာကြောင့် ဖြစ်တာလဲ? ???
ဗိုင်းရပ်စ် ပိုးကြောင့် ဖြစ်တာပါ.... ပါးချိတ်ရောင်စေတဲ့ ဗိုင်းရပ်ပိုး ကူးစက်ခံရလို့ ဖြစ်တာပါ

ဘယ်လိုကူးတတ်သလဲ ???
ပုံမှန် တုပ်ကွေးတို့လို ကိုဗစ် တို့လို အသက်ရှူလမ်းကြောင်းကတဆင့် ကူးဆက်စေနိုင်ပါတယ်

ဘာတွေ ဖြစ်စေတာလဲ ???
အဖျားကြီး အရေပြား အနီစက်ထွက် တခါတလေ အဆစ်နာ အခုတလောတွေ့နေရတာတော့ အာသီးရောင်တာတွေနဲ့ တွေ့နေရပါတယ်

ဘယ်လိုကာကွယ်မလဲ ???
အသက်ရှူလမ်းကြောင်းကတဆင့် ကူးတာဆိုတော့
ကိုဗစ်တုန်းကလိုပါပဲ
၁ လူစုလူဝေး ရှောင်ရမယ်
၂ အပြင်ကပြန်လာရင် လက်ဆေးရမယ်
၃ ချောင်းဆိုးရင် အုပ်ပြီး ဆိုးရမယ်
၄ ကိုယ်ခံအားကောင်းအောင် စားရမယ် အိပ်ရမယ်

နောက်တခုကတော့ ကာကွယ်ဆေးထိုးလို့ ရပါတယ်
ကျွန်တော်တို့ ကလေး ၉ လနဲ့ ၁ နှစ်ခွဲ မှာ နိုင်ငံတော်က ထိုးပေးတာက MR - measles and rubella ဝက်သက် နဲ့ ဂျိုက်သိုးပါတာပေါ့နော.....
တချို့ ကလေးတွေ ဝယ်ထိုးတဲ့ MMR - measles, mump and rubella သူ့မှာက ခုန ၂ ခုအပြင် ပါးချိတ်ရောင်ပါ ပါတဲ့အတွက် သူထိုးထားတဲ့ သူတွေကတော့ အခုဖြစ်နေတဲ့ ပါးချိတ်ရောင်ကို ကာကွယ်နိုငိမှာ ဖြစ်ပါတယ်

ပြီးတော့ ပါးချ်တ်ရောင်က ရေရှည်မှာ ဘာဖြစ်စေတာလဲ
သူကူးစက်ခံရရင် ရေရှည်မှာ ယောကျားလေးတွေမှာဆို ဝှေးစေ့ရောင်တတ်ပြီး မိန်းကလေးတွေမှာဆိုရင်တော့ ဥအိမ်ရောင်တတ်ပါတယ်
တခါတလေမှာ မုန့်ချိုအိတ်ရောင်တတ်လို့ နောက်ပိုင်း ဆီးချိုရဲ့ ရှေ့ပြေးတွေလည်း ဖြစ်တတ်ပါတယ်
အဲဒါတော့ ပေါ့ဆလို့ မရတဲ့ ရောဂါတခုပဲ ဖြစ်ပါတယ်

ပြောတာတွေလဲ များနေတော့ တခြားသိချင်ရှိလည်း မေးလို့ရပါတယ်

👨‍❤️‍💋‍👨 ကလေးတိုင်း ကျန်းမာ လန်းဖြာကြပါစေ 👨‍❤️‍💋‍👨
👩‍👩‍👧 ချစ်ခြင်း မေတ္တာတွေ ရရှိကြပါစေ 👩‍👩‍👧

27/10/2024

မွေးရာပါ နှလုံးရောဂါ ဆိုတာ ဘာလဲ ???

မွေးရာပါ နှလုံးရောဂါ ဆိုတာ မိခင် ဝမ်းအတွင်း သန္ဓေတည်စဥ်ကာလအတွင်း နှလုံးဖွံ့ဖြိုးမှု့ ဖြစ်စဥ် ပုံမှန်မဟုတ်ခြင်းကြောင့် ဖြစ်ပေါ်လာသော နှလုံးရောဂါ အခြေနေ ဖြစ်ပါသည် ။

မွေးရာပါ ကလေး နှလုံးရောဂါ ဖြစ်နိုင်ချေ မည်မျှရှိသလဲ ???
ကလေး အယောက် ၁၀၀၀ မွေးတိုင်း ကလေးမွေးရာပါ နှလုံးရောဂါ ပါနိုင်ခြေ ၈ ယောက်ကနေ ၁၂ ယောက်ထိ ရှိပါသည် ။

မွေးရာပါ နှလုံးရောဂါ အမျိုးအစား မည်မျှ ရှိပါသလဲ ???
မွေးရာပါ နှလုံးရောဂါ အမျိုးအစားမျိုးစွာရှိပြီး
အဓိက အဖြစ်များသော မွေးရာပါ နှလုံးရောဂါ များမှာ
၁. မွေးရာပါ နှလုံးသွေးဝင်ခန်း အပေါက်ပါခြင်း ( ASD )
၂. မွေးရာပါ နှလုံးသွေးထွက်ခန်း အပေါက်ပါခြင်း ( VSD )
၃. မွေးရာပါ နှလုံးသွေးကြော အပိုပါခြင်း ( PDA )
၄. ( TOF )
၅. နှလုံးသွေးကြောမကြီးများ နေရာလွှဲမှားခြင်းကြောင့် မွေးရာပါ နှလုံးပြာ ရောဂါ ဖြစ်ခြင်း ( TGA )
၆. အဆုတ်သွား အဆို့ရှင် ကျဥ်းခြင်း ( PS )
၇. ပင်မသွေးကြော အဆို့ရှင်ကျဥ်းခြင်း ( AS )
၈. သွေးကြောမကြီး နေရာတချို့ကျဥ်းခြင်း ( CoA )

မွေးရာပါ နှလုံးရောဂါ လက္ခဏာတွေက ဘာတွေလဲ ???
၁. အသက်ရှူမြန်ခြင်း
၂. နှလုံးခုန်မြန်ခြင်း
၃. မောပန်းလွယ်ခြင်း
၄. နှုတ်ခမ်း နှင့် ခြေထိပ်လက်ထိပ် ပြာနှမ်းခြင်း
၅. မိခင်နို့စို့စဥ် အသက်ရှုမြန် ခေါင်းချွေးပြန်ခြင်း
၆. မိခင်နို့အား အချိန်ကြာမစို့နိုင်ခြင်း
၇. ခန္ဓာကိုယ် ကြီးထွားဖွံ့ဖြိုးမှု့ နှောင့်နှေးခြင်း

ဘယ်လိုအရာတွေက မွေးရာပါ နှလုံးရောဂါ ဖြစ်စေနိုင်ပါသလဲ ???
အကြောင်းအရာမရှိဘဲ မွေးရာပါ နလုံးရောဂါ ဖြစ်စေနိုင်ပသည် ။ သို့သော်
အောက်ပါအကြောင်းရာများကြောင့် ဖြစ်စေနိုင်သော အခွင့်အရေး ပိုမိုးများပြားကြောင်း တွေ့ရှိရပါသည် ။
၁. ကိုယိဝန်ဆောင်စဥ်အတွင်း အရက်သောက်ခြင်း ၊ ဆေးလိပ်သောက်ခြင်း ၊ ဆေးရွက်ကြီး နှင့် မူးယစ်ဆေးဝါး သုံးစွဲခြင်း
၂. ကိုယိဝန်ဆောင်စဥ်အတွင်း ဆရာဝန် ညွှန်ကြားချက်မရှိဘဲ တားမြစ်ထားသော ပဋိဇီဝဆေးဝါးများ သောက်သုံးခြင်း
၃. ကိုယိဝန်ဆောင်စဥ်အတွင်း မိခင်အား ရောဂါပိုးကူးစက်ခံရခြင်း ဥပမာ ဂျိုက်သိုးရောဂါ ၊ ကိုဗစ်ရောဂါ ၊ အအေးမိတုပ်ကွေးဗိုင်းရပ်ရောဂါ
၄. ကိုယိဝန်ဆောင်စဥ်အတွင်း ဆီးချိုရောဂါ ဖြစ်ပွားခြင်းနှင့် ဆီးချိုမထိန်းနိုင်ခြင်း
၅. ကနဦး မိသာစုဝင်များတွင် မွေးရာပါ နှလုံး ပါရှိခြင်းကြောင့် မျိုးရိုးခိုက်ခြင်း

မွေးရာပါ နှလုံးရောဂါ ရှိ / မရှိ ဘယ်လို သိနိုင်မလဲ ???
- ကိုယိဝန်ဆောင်စဥ်ကာလအတွင်း သန္ဓေသား နှလုံးအား တီဗွီဓာတ်မှန်ရိုက်ကြည့်ခြင်း ( Fetal Echo )
- မွေးဖွားပြီးနောက်ပိုင်း ဆရာဝန်နှင့် စမ်းသပ် တိုင်ပင် ဆွေးနွေးခြင်း
- ဓာတ်မှန်ရိုက်ခြင်း
- နှလုံးခုန် စည်းချက်အား အီးစီဂျီ စက်ဖြင့် စမ်းသပ်ခြင်း ( ECG )
- နှလုံးပုံရိပ်ဖော်စက်ဖြင့် စမ်းသပ်ခြင်း ( Echocardiography )
- ပေါင်သွေးကြောမှတဆင့် နှလုံးလုပ်ငန်းဆောင်တာနှင့် ဖွဲ့စည်းပုံများအား စမ်းသပ် စစ်ဆေးခြင်း ( Cardiac Cath )
- သံလိုက်စက်ကွင်းဓာတ်မှန်စက်ဖြင့် ပုံရိပ်ဖော် စစ်ဆေးခြင်း ( Cardiac CT / MRI )

မွေးရာပါ နှလုံးရောဂါ ကို ဘယ်လိုကုသရပါမလဲ ???
ဖြစ်ပေါ်သော နှလုံးရောဂါ အခြေနေအပေါ်တွင် မူတည်ပါ၍ အောက်ပါနည်းလမ်းများဖြင့် ကုသနိုင်ပါသည်
၁. သောက်ဆေးအကူအညီဖြင့် ကုသခြင်း
၂. ခွဲစိတ်ရန်မလိုဘဲ ပေါင်မှတဆင့် ပစ္စည်းထည့် ပိတ် ကုသခြင်း
၃. ခွဲစိတ်ကုသခြင်း

မွေးရာပါ နှလုံးရောဂါအား မကုသဘဲထားလျှင် နောက်ဆက်တွဲ ဘာတွေ ဖြစ်နိုင်ပါသလဲ ???
မွေးရာပါ နှလုံးရောဂါအား မကုသဘဲထားပါက
- နှလုံးစည်းချက် မမှန်၍ ရင်တုန်ခြင်း
- နှလုံးတွင်း ပိုးဝင်၍ အဖျားကြီးခြင်း
- နှလုံး အမောဖောက်ခြင်း
- အဆုတ်သွေးကြော ဖိအားများခြင်း
- လေဖျန်းခြင်း / လေဖြတ်ခြင်း
- ရုတ်တရပ် နလုံးခုန်ရပ်ပြီး အသက်ရှုရပ် သေဆုံးခြင်း

တခြား ဘာတွေ လိုက်နာဆောင်ရွက်ပါသလဲ ???
- ဖြစ်ပေါ်နေသော ကလေးနှလုံးရောဂါ အခြေအနေအား နားလည်သိရှိအောင် လုပ်ခြင်း
- အဟာရ မျှတသော အစားအစာများ စားသုံးခြင်း
- လိုအပ်သော ကလေး နှလုံး သောက်ဆေးများ ပုံမှန်သောက်သုံးခြင်း
- ပုံမှန် ကာကွယ်ဆေးများ ထိုးနှံခြင်း
- တတ်ကျွမ်းသော ကလေးနှလုံးရောဂါ ဆရာဝန်ဖြင့် တိုင်ပင် ဆွေးနွေးခြင်း

👩‍👩‍👧 ကလေးတိုင်း ကျန်းမာ လန်းဖြာကြပါစေ 👩‍👩‍👧
ချစ်ခြင်းမေတ္တာတွေ ရရှိကြပါစေ

23/05/2024

မိုးတွင်းက မရောက်သေးဘူး
သွေးလွန်တုပ်ကွေး တွေ စနေပါပြီ
မေမေတို့ သတိရှိကြပါ

အဖျားကြီး
ကလေးမှိန်း
အစားမဝင်
ဆီး တနေ့ ၄ ခါအောက် နည်းရင်
နီးစပ်ရာ ကလေး အထူးကု နဲ့ ပြကြပါ

သိလိုရာမေး ကလေးကျန်းမာရေး

02/03/2025

26/02/2025

26/02/2025

25/02/2025

23/01/2025

30/11/2024

28/11/2024

31/10/2024

30/10/2024

27/10/2024

23/05/2024

Address

Website

Alerts

Contact The Practice

Shortcuts

Share