Be Balanced- كوني متوازنة

Be Balanced- كوني متوازنة التوازن مش حاجة بتلاقيها… إنتِ اللي بتخلقيه، خطوة بخطوة.
هنا هتلاقي دعم، أدوات، وحكايات حقيقية تساعدك تبني حياة متوازنة بصوتك الداخلي.

08/07/2025

درس اليوم✨
مش دايمًا لازم تواجهي… ومش غلط إنك تنسحبي.
في مواقف تستاهل كلامك،
وفي مواقف تستاهل سكوتك ومشيك من غير أي شرح
قوتك مش في رد فعلك،
قوتك في وعيك إمتى تتكلمي… وإمتى تمشي.



07/07/2025

درس اليوم✨
مش لازم تفهمي كل حاجة علشان تتحركي.
لو حسيتي إنك مش مرتاحة في مكانك،
ده لوحده سبب كفاية إنك تبدأي تغيري
كل تغيير بيبدأ بإحساس بسيط جواكي…
اسمعيه.



06/07/2025

درس اليوم✨
الشفا مش خط مستقيم… ده طريق رايح جاي
أوقات هتحسي إنك رجعتي لنقطة الصفر،
بس الحقيقة إنك بتتعلمي تعيدي المحاولة من وعي أعمق.
كل مرة “تقعي وتقفي” = خطوة قدام
خليكي رحيمة بنفسك في الطريق



05/07/2025

درس اليوم✨
اللي بتحسيه مش مبالغة، ده حقيقي بالنسبالك
بلاش تقللي من نفسك واحساسك علشان حد شايفك “حساسة”
الوعي مش إنك تطفي مشاعرك،
الوعي إنك تكوني صادقة مع نفسك وتحميها حتى لو محدش فاهمك



04/07/2025

درس اليوم✨
الراحة النفسية مش رفاهية… دي حق
لو كل وقتك رايح لعطاء مرهق،
هتخسري نفسك قبل ما تنقذي غيرك
ادّي نفسك راحة، من الناس، من التفكير، من العطاء الزايد
الراحة مش أنانية… دي إعادة شحن



03/07/2025

درس اليوم✨
الاحتياج مش ضعف… ده إنسانية
كلنا بنحتاج حضن، كلمة، طبطبة
الوعي مش إنك تلغي احتياجك…
الوعي إنك تطلبيه من المكان الصح، وبالطريقة الصحية



متقارنيش ساعتك بساعتهم🤍 #تعافي
03/07/2025

متقارنيش ساعتك بساعتهم🤍



#تعافي

02/07/2025

درس اليوم✨
في حاجات مش هتتغير… بس نظرتك ليها تقدر تتغير.
مش دايمًا الحل إن اللي حوالينا يتغيروا…
أوقات الحل إنك تتعلمي تحمي نفسك من تأثيرهم.
نفس الموقف… بس بوعي مختلف = شعور مختلف



01/07/2025

درس اليوم✨
اللي حصل مش ذنبك، لكن تعافيك مسؤوليتك.
التجارب المؤلمة مش من اختيارك…
بس الشفا والتوازن اختيار بتاخديه كل يوم.
اختاري تبني نفسك من اللي وجعك… مش تعيشي فيه.



30/06/2025

درس اليوم✨
مش مطلوب منك تكوني قوية طول الوقت.
القوة الحقيقية مش في إنك ما تضعفيش…
القوة في إنك ترجعي تقومي بعد كل مرة ضعفتِ فيها.
خلي لنفسك مساحة تبكي، تنهاري، وتوقفي تاني



29/06/2025

درس اليوم✨
اللي عملتيه زمان، مكنش ضعف…
كان الطريقة الوحيدة اللي عرفتي تتعاملي بيها وقتها



23/06/2025

الانسحاب مش دايمًا هروب.
والمواجهة مش دايمًا شجاعة.

فيه مواقف بنحس إننا لازم نواجه، نحط النقط على الحروف، نعبّر عن وجع أو نرسم حدود أو نقول “كفاية”.
وفيه مواقف تانية، بنحس إن الكلام ملوش معنى، وإن المواجهة مش هتغيّر حاجة، وإن الانسحاب هو الخيار الأهدى والأذكى.

المشكلة مش في المواجهة، ولا في الانسحاب.
المشكلة الحقيقية بتحصل لما ناخد قراراتنا من مكان خوف…
خوفي من الخسارة، من الرفض، من نظرة الناس، من الزعل، من الوحدة.
أو من مكان غضب… رغبة في الانتقام، في فرض السيطرة، في كسب الموقف.

لكن لما القرار يطلع من مكان وعي… من إحساس صادق باحتياجي، ومن احترام لنفسي،
وقتها بس بتكون المواجهة فعل ناضج…
والانسحاب مش هروب، لكنه شفاء.

أوقات هنواجه علشان نوضح
وأوقات هننسحب بهدوء، لأننا مش مستعدين نعيد نفس الحلقات المؤذية تاني.
وأوقات بننسحب مش لأننا ضعاف، لكن لأننا استهلكنا نفسنا في محاولات ما اتقدّرتش.

الأهم من القرار نفسه… هو نكون إحنا اللي اخترناه، مش الظروف أو الخوف أو التوقعات هي اللي فرضته علينا.

اسألي نفسك دايمًا:
هل أنا بواجه علشان أكون صادقة مع نفسي؟
ولا علشان أكسب معركة؟
هل أنا بانسحب علشان أرتاح وأحافظ على نفسي؟
ولا علشان بخاف أتكلم وأتسمع؟

خدي وقتك…
اسمعي صوتك…
واختاري من جوه، مش من برّه.

افهمي دوافعك…
وساعتها، سواء واجهتي أو انسحبتي، هتكوني متصالحة مع قرارك



#تعافي

Address

Alexandria

Website

Alerts

Be the first to know and let us send you an email when Be Balanced- كوني متوازنة posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category