22/05/2025
يسعدنا أن نعلن عن انطلاق صفحة "ركن الأمهات"
الصفحة الرسمية المعتمدة من الجمعية المصرية لاستشاريي الرضاعة الطبيعية،
والمُصمّمة خصيصًا لمخاطبة الأمهات و المجتمع بالغة العربية لتكون مرجع توعوي موثوق، علمي، وبأسلوب بسيط يوصل للأم معلومة صحيحة موثوقة … معتمده على احدث و ادق الابحاث و البروتوكلات الطبيه.
ليه مهم تتابعوها وتشاركوها مع امهاتكم؟
لأنها بتساعد في نشر الوعي، وتوضيح المفاهيم الطبية اللي بنقابلها يوميًا في شغلنا
محتوى الصفحة متراجع بدقة و تحت اشراف استشاريين دوليين معتمدين… يعني الأم تقرأ و حضرتك تبقى متطمّن.
أداة دعم لكل استشاريين الرضاعه عشان قريبا جدا هيكون عليها رابط منظَّم يحتوي على أسماء وعناوين استشاريين الرضاعة المعتمدين في مصر،
لتسهيل وصول الأمهات ليهم بشكل منظم وموثوق.
"ركن الأمهات" مش صفحة عامة… دي أداة مهنية موثوقة هتفيد كل اللي شغله في دعم صحة الأم و الطفل.
ادعموها – تابعوها – وشاركوها على صفحاتكم بثقة.
تعرفي إن 8 من كل 10 أمهات بيواجهوا صعوبة في الرضاعة الطبيعية أول أسبوع ؟
بس الأهم أن مع الدعم الصح والمناسب 7 منهم بيكملوا رضاعة ناجحة بدون ألم، بدون دموع، وبدون حيرة 🤱🏻❤️
مش لازم تتعلمي بالطريقة الصعبه ، لأنك مش لوحدك.
ولأن مش كل حاجة محتاجة "تجربة".
تابعينا عشان تحصلي على المعلومة السليمة من مصدر موثوق 🩺💯
هنتكلم في كل حاجة ممكن تشغل بالك 🤔
إزاي ترضّعي من أول لحظة بشكل مريح
وتتجنبي المشاكل الشائعة زي تشققات الحلمة أو ضعف الإدرار
ترجعي الشغل وتكملي رضاعة
تفهمي جسمك، ونفسية طفلك، وتخطي لحظات التوتر
مهمتنا نسهل عليكي المشوار سواء لسه حامل، أو في أول أيام الولادة، أو حتى بعد شهور من الرضاعة
الرضاعة مش لازم تكون معاناة.
ممكن تكون تجربة قوية، مطمئنة، ومليانة حب ، لو لقيتي اللي يفهمك ويمشي معاكي خطوة بخطوة.
تابعينا دلوقتي
علشان أول خطوة صح تفرق 👌🏻
