Aya El Sheikh (2025)

02/07/2025

دلوقتي عملتلك قناة جديدة علي التلجرام
بعد ما القديمة اتقفلت نزلتلك عليها
كل الكورسات والمحاضرات المجانية اللي عملتها
كورس كوني مطمئنة
كورس الوعي الأنثوي ، رحلة الروح. ،. حب الذات ، الاحتراق النفسي
ومحاضرات كتير كلها مجانا
لو حابة تستفادي منهم ابعتيلي علي رسائل الصفحة أو اكتبي لي
كومنت وهبعتلك لينك القناة الجديدة حالا❤️❤️

30/06/2025

التشتت مُتعب ومُهلك جدا
وبيخليكي تلفي حوالين نفسك
وتضاعفي مجهودك وبعدين ترجعي
لنفس النقطه بدون اي إنجاز .
التشتت بيظهر في الروتين اليومي بتاعك
وبيظهر في أفكارك
وبيظهر في علاقاتك حتي علاقتك بنفسك بتكون مشتته
وده
لو إنتي
معندكيش ضبط لمركزيتك بشكل سليم
و لو مش موجهه البوصلة صح
يعني موجهه بوصلتك أنهي إتجاه
لنفسك ولا للناس ولا لعيالك ولا لشغلك ولا لزوجك ولا الماديات
ولا موجهاها للذي أنعم عليكي بكل ده
واللي احنا جايين هنا عشانه أصلا
وعشان نعبده حق عبادته وهو الله سبحانه وتعالى
أول لما تخرجي من مركزية النفس إلي مركزية الله
هتلاقي الراحة والطمأنينة والتركيز وسلامك النفسي

بس السؤال هنا بقي إيه المعيار اللي هقيس عليه ضبطي للبوصلة إن كانت صح ولا غلط ؟؟؟

المعيار ده هو المشاعر
كل ما شعرت بالطمأنينة والسلام النفسي كل ما عرفت اني ماشية صح، كل ما كنت في قلق توتر ضغط وهكذا كل ما عرفت أن
في حاجه غلط ومحتاجه تتعدل .

07/06/2025

تعالي اقولك ازاي طلعت رايقة من موقف صعب ممكن يتعب ناس نفسيا شهور ومعايا خد ساعتين زمن ورجعت تاني لسلامي النفسي.

امبارح حصل معايا موقف يعتبر كده خدت صدمة جامدة في
ناس قريبين جدا مني بعتبرهم زي اخواتي بظبط وفي الاول
اتألمت وزعلت طبعا احترمت مشاعري وسبتها تخرج مكبتهاش
سبت نفسي احس الألم وبعد ما هديت
شيلت الموقف والأشخاص والمسميات والأحكام ،
وسألت نفسي سؤال ؟. هو انا ليه حاسه بالألم
وهنا بدأت توضح الرسالة وتنزل عليا التجليات لأنها طلعت
رسائل كتير مش رساله واحدة منها إني اكتشفت اني كنت
حاطه توقعات علي الأشخاص بدون وعي مني و فورا شيلت
كل التوقعات ، ده غير أن الأقنعة سقطت وكل شخص دواخلة انكشفت وظهرلي مين فعلا بيحب ليا الخيرومين كاره نجاحي ،
وده لما بتفعلي البصيرة ربنا بيكشفلك حقائق كتير حواليكي
( فكشفنا عنك غطاءك فبصرك اليوم حديد)
يالله علي لطف ربنا وهو بيطلعك من وسط دايرة مش بتاعتك
وبينجيك من حوارات وتبريرات انت ارتقيت عنها من زمان

المهم مجرد ما فهمت الرسالة والله كنت ممتنة فعلا للموقف ده وسجدت لله شكرا علي التطور اللي حصلي في يوم ،
فعلا كل ما يحدث في الكون ربنا مسخرة لمصلحتي ومن أجل تطوري في طريقي الى الله (وعجلت اليك رب لترضي)

مجرد ما فهمتي الرسالة من العلاقة أو المشكلة أو المشاعر المؤلمة
فورا الموضوع بيخلص وساعتها بتحسي فعلا يتقال عليكي
زي ما يتقال انتي مش لازم تبرري دع سئ الفهم بسوء فهمه
المهم رب العباد المطلع علي قلبك
ومن اجمل الحاجات اللي حصلت من الموقف اني زودت كورس
القلب السليم محاضرة زيادة بمعلومات جديدة جاتلي بسبب
الموقف ده .
الحمدلله رب العالمين

آيه الشيخ

20/04/2025

في طريقك للسعي…
في طريقك لنشر النور…
في طريقك لاختيار قرارات مصيرية…
في كل ده، هتلاقي سؤال مهم بيظهرلك:

"هو أنا ماشية في الطريق الصح؟ ولا ده بس اجتهاد مني وخلاص؟"

فيه فرق كبير بين إنك تمشي…
وبين إنك تمشي وعندك "بصيرة".

الآية بتقول:
"قل هذه سبيلي، أدعو إلى الله على بصيرة"
يعني مش بس سبيلي… ده سبيلي وأنا شايفه،
وأنا فاهمه،
وأنا قلبي منور بنور ربنا.

البصيرة مش مجرد معلومة أو تحليل عقلي…
دي هبة بيديهالك ربنا لما يكون قلبك سليم،
نضيف…

فاضي من الغل والحيرة والضباب.

القلب السليم مش بينور فجأة،
ولا بيصحى في يوم كده على وعي…
ده بيتربى،
وبيتهذب،
وبيتعلم يسمع،
ويفهم،
وبيعدي باختبارات كتير أوي لحد ما يبقى أهل للبصيرة.

في ورشة "القلب السليم"،
هنمشي سوا في طريق تربية القلب،
علشان تبقي من الناس اللي لما تاخد قرار…
تبقي شايفة الطريق،
مش بس ماشية فيه.

لو نفسك توصلي للحالة دي…
ابعتيلي "مهتمة"، وهبعتلك التفاصيل.

19/04/2025

مين هي الشخصية السويّة؟

هي اللي أول ما تدخل مكان، تحسّي إن فيه هدوء
اللي كلامها يطبطب مش يوجّع
اللي لما تحب… تحب بصدق، من غير انتظار للمقابل
اللي لما تزعل… ما تأذيش، وما ترميش وجعها على حد

الشخصية السويّة مش صوت عالي ولا سيطرة
هي اللي كلامها قليل… بس بيوصل
حضورها بسيط… بس بيسيب أثر

هي اللي سندت نفسها لما ملقتش حد
اللي قررت تتشافى، علشان ما تورّثش الألم للي حواليها
اللي شافت جروحها… وحبّت تعالجها مش تنكرها

قلبها؟
قلبها سليم…
مش علشان الحياة كانت سهلة
لكن علشان قررت تشتغل على نفسها
طهّرت قلبها من الكراهية، من الغِل، من الحزن القديم
علّمته يسامح، يحب، ويرتاح

الشخصية السويّة مش مثالية
هي إنسانة… بس واعية
بتعرف توقف وسط الزحمة وتسمع صوت قلبها
بتختار السلام، كل مرة، حتى لو الطريق أصعب

لو بتحسّي إن جواكي النسخة دي…
بس لسه ما طلعتش للنور
ورشة "القلب السليم" هتكون بداية حقيقية ليكي
بداية تطلعي فيها من الحيرة… وتدخلي الطمأنينة
يالا بدأنا الحجز للورشة استغلي فرصة الحجز المبكر بخصم
اكتر من 50% وبعد انتهاء الموعد هيتشال الخصم
لتفاصيل الحجز ابعتي علي رسائل الصفحة أو اكتبي
كومنت بكلمة قلب وهيتم التواصل معاكي فوراً 🤍🤍🤍🤍

17/04/2025

الجمال مش بس وردة فتحت في البلكونة،
أو غروب شمس على بحر هادي…

الجمال كمان إنك تقابلي الموقف الصعب بروح راضية،
الجمال إنك تشوفي الخير في اللي حواليكي،حتي لو كان الخير ده مستخبي ورا تعبهم أو تصرفاتهم اللي شكلها مش مريح، لسه فيه جواهم جمال…
الجمال ده محتاج اللي يقدر يشوفه، مش عين مستعجلة تحكم.

الجمال إنك لما تتعصبي، تختاري تهدي،
وإنك لما تتألمي، تختاري ما تكسريش حد حوالكي بكلمة.

الجمال مش بس بيتشاف… الجمال بيتحس.

جمال القلب إنك تختاري تشوفي الحلو، حتى لو حواليكي في ضلمة.
تشوفي النعمة وسط الابتلاء، والرسالة وسط الألم،
والحكمة وسط الحيرة.

ربنا بيحب القلوب اللي بتختار الجمال حتى لو حوالين قلبها غبار.

قوليلي...
لو اخترتي النهارده تشوفي الجمال في موقف صعب،
هيكون إيه؟؟

16/04/2025

كل يوم بنتحط في مواقف لازم نختار فيها…

أكمّل العلاقة دي؟ ولا أنهيها؟
أوافق على العريس ده؟ ولا أستنى؟
أكمل في الشغل؟ ولا أركز في بيتي؟
أسافر؟ ولا أستنى؟

والقرارات دي ساعات بتكون تقيلة…
تحسي إنك تايهة، خايفة، ومش عارفة تمشي في أي طريق.

بس عارفة إيه السر؟
إنك تسمعي صوت قلبك…

بس استني مش أي قلب!

القلب السليم…
هو اللي تعرفي تمشي وراه وإنتي مطمئنة…
مرتاحه…
وواثقة إن القرار اللي هتاخديه هيوصلك للمكان اللي ربنا كاتبهولك.
القلب السليم مش بس قلب نضيف من الحقد والغضب…
القلب السليم قلب واعي، بيسمع، وبيشوف…
قلب متصل بربنا…
قلب عارف يستقبل الإلهام والهدايا والنور.

﴿إِلَّا مَنْ أَتَى اللَّهَ بِقَلْبٍ سَلِيمٍ﴾

لو انتي:

– حاسة بالحيرة ودايمًا خايفة تغلطي
– محتارة في علاقة أو شغل أو قرار مهم
– تعبتي من التردد وعايزة ترتاحي وعايزا تعيشي السلام الداخلي

لو الكلام ده لمس قلبك،

وحسيتي إنك محتاجة تعيشي الرحلة دي جواكي،
أنا برشحلك ورشة عمل “القلب السليم”…
ورشة هتمشي معاكي خطوة بخطوة…
علشان توصلي لقلبك، وتاخدي كل قرار وانتي مطمئنة.

اضغطي على اللينك ده وسجلي دلوقتي عشان تستفيدي
بخصم الدفع المبكر.

https://forms.gle/u9CVstbqcoYXN1D7A

09/04/2025

القلب♥️
(الإحسان ، التقوي ، اليقين ) كله شغل علي القلب
قريبا في.

07/04/2025

مين فيهم سيد القرار؟
قلبك؟ ولا عقلك؟

ساعات بنقف في مواقف محتارين ناخد قرار...
نسمع كلام عقلنا ولا قلبنا؟

العقل بيحسبها بالأرقام والمعطيات، يشوف المصلحة،
والأمان، والاستقرار.
إنما القلب... بيشاور على اللي يفرّحنا، اللي نرتاحله،
اللي نحسه "ده الطريق".

بس مين فيهم سيد القرار؟

اللي بيخلينا نرتبك ونتوه إننا بنحاول نمشي بعقل لوحده أو قلب لوحده.
والحقيقة كلها في القلب.

سيد القرار الحقيقي هو القلب المطمئن.
لما القلب يكون مطمئن بيكون جواه عقل واعي

وساعتها القلب يوجه، والعقل ينظم...
القلب يحس، والعقل يخطط...
القلب يقول "أنا عايز"، والعقل يقول "طيب، إزاي؟"

سيد القرار مش شخص جواك...
ده حالة وعي لما كل أجزائك تتكلم بلغة واحدة:
الراحة، والوضوح، واليقين.
لما تكون في سلام وتناغم مع نفسك ،وقلبك ،وروحك

وساعتها... القرار بيطلع كأنه هو اللي اختارك، مش انت اللي اختارته.

القلب مليان اسرار كتير لا حصر لها وعشان كده حضرتلكم
مفاجأة قوية هقولكم عليها البوست الجاي 🤍🤍

30/03/2025

عيدكم مبارك وروحكم مطمئنة لكل خطوة جديدة ،
يارب اجعل هذا العيد بداية لنسخة افضل وانقي واقوي مننا،
وافتح قلوبنا للبهجة والسلام والنور والطمأنينة .

25/03/2025

الغيرة سلاح ذو حدين ، بس بتستخدميه ازاي ؟

الغيرة شعور طبيعي، كلنا بنحسه في وقت من الأوقات.. المشكلة مش في الغيرة نفسها، المشكلة في "إزاي بنتعامل معاها"!
لو سيبتيها تاكلك من جوه، هتعيشي في إحساس بعدم الكفاية، وهتفضل عيونك على نجاح غيرك بدل ما تبص لنفسك، لكن لو استغلتيها صح، هتبقى دافع للتطور.

✔️ الغيرة السلبية: بتخليكي تركزي على إنجازات غيرك وتحسي بالنقص، ممكن توصلك للحقد أو الإحباط.
✔️ الغيرة الإيجابية: بتخليكي تشوفي نجاح غيرك كمصدر إلهام، وتسألي نفسك "إيه الخطوات اللي ممكن أخدها عشان أحقق اللي نفسي فيه؟".

المقارنة في حد ذاتها مش دايمًا غلط، لكن لازم تكون مقارنة ذكية، مقارنة تخليكي تتعلمي وتكبري، مش مقارنة تسحبك للخلف.
وممكن تخليكي حقودة وحسودة.
كل واحدة فينا ليها طريقها، ليها وقتها الخاص، ولو ركزتِي على خطواتك، هتوصلِي لحاجة تخصّك إنتي بس، مش صورة مكررة من حد تاني!

22/03/2025

"قولٌ معروفٌ خيرٌ من صدقةٍ يتبعُها أذى"

تخيّل معايا… شخص في أزمة،
وبتقدم له مساعدة سواء مادية أو معنوية، لكنه بمجرد ما تقف جنبه، يسمع منك كلمات تقلل منه:
"أنا اللي شلتك"، "افتكر دايماً إني وقفت جنبك"،
"بص حواليك، محدش مد إيده ليك غيري".
"وتروح تحكي للناس كلها إنك وقفت جنبه وساعدته".

هنا العطاء اللي كان ممكن يكون طوق نجاة، تحول لحمل ثقيل على الروح! الإنسان اللي محتاج مش بس بيكون في أزمة , ده كمان بيكون في حالة ضعف نفسي، وآخر حاجة يحتاجها هو نظرة استعلاء أو كلمة تجرحه.

الأذى مش بس بالكلام، الأذى ممكن يكون بالنظرة، بالإحساس، بالشعور بالمنة، بالتذكير المستمر، وحتى بعدم احترام خصوصية المحتاج.
لو أدّيت وساعدت وقللت من الشخص، أو جرّحته ولو بدون قصد، المساعدة دي فقدت معناها، وفقدت بركتها.

كلمة طيبة وصادقة، ممكن يكون وقعها على القلب أقوى من مال أو مساعدة مصحوبة بألم!

العطاء الحقيقي هو اللي بيخرج منك وانت مش مستني حاجة ترجعلك، لا شكر، لا مقابل، لا حتى تقدير. هو اللي بتقدمه بصدق، من قلبك، لمجرد إنك عايز تساعد، عايز تفرّح، عايز تدي… مش عشان تستنى مردود.

السؤال اللي لازم نسأله لنفسنا:
هل إحساننا للناس فعلاً نقي وخالص، ولا مشروط بالشعور بالفوقية والاستعلاء؟
وهل بنساعد بقلوبنا قبل أيدينا، ولا المساعدة وسيلة نخلي اللي قدامنا مديون لنا طول عمره؟
اوعي تكون بتساعد عشان يتقال عليك جامد وجدع،
وشايل ربك من الحسبه.

Aya El Sheikh