𝗦𝗮𝗺𝗮𝗵 𝗔𝗹𝗹𝗮𝗺 "𝓛𝓲𝓯𝓮 𝓬𝓸𝓪𝓬𝓱"

23/09/2024

كل اللي زرعته هتحصده...

كل حاجة بتعملها في الدنيا بتاخد لفة ورجعالك..
كل اللي هتقدمه للي حواليك هيتردلك مع الأيام..

اللى هتعمله هتلاقيه، اللى هتتمناه لغيرك هيحصلك، اللى بتبحث عنه بيبحث عنك..

في العلاقات ممكن تقدم خير وتساعد وتسند وتقف جنب حد
ووقت ما تحتاجه ماتلاقيهوش جنبك..
ممكن تحب من قلبك وتطبطب وتهون وتكون آمين ومستودع أسرار الناس...
وتلاقيهم هما اللي أذوك واتكلموا عليك في ضهرك بالسوء وبيكيدوا ليك..

ماتزعلش عشان حسابات الله مختلفة.. 🤍

"هَلْ جَزَاءُ الإحْسَانِ إِلا الإحْسَانُ"..
قاعدة ربانية وعداله إلاهية كل حاجه بتعملها مع غيرك حتمًا هتتردلك مهما اتغيرت الطُرق هتلاقيها في حياتك..

ومش لازم تحصد في نفس العلاقة ولا تُرزق من نفس الأرض اللي تعبت وإنت بتزرعها..
لكن صدقني اللي عند ربنا مش بيضيع ولا بينسى ولا بيتنكر..
كل خير ونقاء قلبك هيرجعلك في وقت تاني ومش ضايع وفي مكان أحلى ومن ناس أنقى وأطيب..

"لِّلَّذِينَ أَحْسَنُوا الْحُسْنَىٰ وَزِيَادَةٌ"

أنت في الأساس بتعمل لنفسك ..
فاستثمر حياتك مع ربك و انتظر الرزق والبركة والسكينة والسلام من الله ..

أنت تجني ثمار ماتواظِب على تكراره وتقديمه لغيرك..

03/09/2024

لو متخيلة انك عشان اتطلقتي او بقيتي أرملة أو زوجك مسافر، وبتربي اولادك لوحدك؛ يبقى لازم تقومي بدور الأم والأب؛ تبقي غلطانة.
انتي عمرك ما هتقدري تقومي بدور الأب، لكن تقدري تقومي بدور أم حنونة، داعمة، واثقة، مستقلة وطبيعية في نفس الوقت. بتتعب وتعيط وتحتاج الدعم.
تقدري توفري لاولادك مناخ صحي يكبروا فيه، لكن عمره ما هيبقى نفس المناخ اللي فيه أب.
حاجة مؤسفة. لكن دي الحقيقة اللي كل أم "سينجل" محتاجة تقبلها.
انتي هتعملي كل اللي تقدري عليه، لكن ده مش معناه انك هتعملي كل حاجة. عشان لو عملتي كل حاجة هتبقي مضغوطة ومتوترة وعصبية، وأكيد مش هي دي الأم اللي الاولاد محتاجينها عشان يقدروا يجتازوا تجربة صعبة زي الطلاق.
مهم قوي انك تحافظي على سلامك النفسي وتقبلك لطبيعة حياتك الجديدة وانك تقدري تفصلي مشاعرك ناحية الزوج عن مشاعر اولادك ناحيته.

26/08/2024

لا تلوموا أحداً إذا رأيت أولاده على غير تربيته و لا شاكلته
ولا تسخر منه او تنهره او تغتابه بحجة أنه قصّٓر في تربية أولاده .

فأبونا آدم عليه السلام لم يقصّر في تربية ولديه ، وبالرغم من ذلك قتل أحدهما الآخر .

ونوح عليه السلام لم يقصّر فى تربية أبنائه وبالرغم من ذلك مات أحدهم كافراً .

ويعقوب عليه السلام لم يقصّر في تربية أبنائه الذين حقدوا على أخيهم يوسف عليه السلام وألقوه في غيابة الجب ليتخلصوا منه . .

كل ما فى الأمر أنك ( لَا تَهْدِي مَنْ أَحْبَبْتَ وَلَٰكِنَّ اللَّهَ يَهْدِي مَن يَشَاءُ ۚ وَهُوَ أَعْلَمُ بِالْمُهْتَدِينَ ) .

فإذا رزقك الله بأبناء صالحين فإحمد الله واشكره كل يوم ، ولا داعى للإفتخار بأنك أحسنت تربية أولادك وغيرك لم يحسن . .

فخير البشرية محمد صلّى الله عليه وسلّم رباه جده وعمه الكافران ، وفي النهاية مدحه ربّه ( وَإِنَّكَ لَعَلَىٰ خُلُقٍ عَظِيمٍ) فمن أين جاء الخلق العظيم ، إنه إعداد الله لمحمد صلّى الله عليه وسلّم ليكون خاتم الأنبياء والمرسلين .

(فلا تنسب هداية وأدب إبنك لنفسك)، وتنس أن هذا توفيق من الله سبحانه .

ولا تجلد ذاتك ، لأن إبنك الذي بذلت جهدك ومالك وعمرك في تربيته مازال بعيداً عنك وعن الهداية ، لكن ( استمر و اجتهد في الدعاء له ) ، والله يأتي بالهداية في الوقت الذي يريده سبحانه .

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
آمـــــــين يارب العالمين

15/08/2024

عليك ألا تنسي أن العمر ليس سوي مجرد رقم، فلا تتخذه سببا لتقنع نفسك انك قد تم استنفاذك قبل أوانك. العالم قادر على منح كل منا مفاجأة مثيرة و طازجة، و قد تنالها سواء كنت في سن المراهقة أو متقاعدا.
"جيف تشيغوين"

15/08/2024

احنا مانقدرش نغَيَّر الناس، لكن نقدر نشتغل على توقعاتنا منهم ونخليها متناسبة مع اللي يقدروا يدّوه فتكون علاقاتنا أحسن ومانحسش كتير بالإحباط

10/08/2024