Brgy. Health Station- San Antonio, Laak

20/02/2026

⚠️ATTENTION mga Taga Brgy. San Antonio

🚨 LEPTOSPIROSIS ALERT🐭🐀🐁

Tungod sa padayon nga ulan ug pagbaha sa nagkalain laing lugar, taas karon ang risgo sa leptospirosis. Kini usa ka seryosong sakit nga makuha pinaagi sa baha o lapok nga nahugawan sa ihi sa ilaga ug uban pang hayop. Bisan gamay nga samad o garas mahimong agianan sa impeksyon kung malusong sa baha.

Kasagarang sintomas mao ang hilanat, kusog nga sakit sa lawas ug ulo, pagsuka, kalibanga, ug mapulang mata. Kini nga sakit mahimong mosamot ug mahimong delikado kung dili matambalan dayon.

⚠️ Gina-awhag ang publiko nga likayan ang paglusong o pag-expose sa baha.
⚠️ Kung dili malikayan, magsuot og botas ug siguruhong natabunan ang mga samad.

📌 Kung nakalusong sa baha, mamahimong muduol sa lamang sa inyung Barangay Health Worker (BHW) o Nurse/midwife sa Barangay Health Station (BHS) or Rural Health Unit (RHU).

Magmatngon ug mag-amping kanunay.

-pctto

13/02/2026

Maayong Buntag!

Adunay pagahitabuon na Active Case Finding
sa atong National Tuberculosis Program diin naay LIBRENG CHEST XRAY karong umaabot na Lunes February 16, 2026 sa Brgy. Kaligutan (gym) alas 8 sa Buntag hantod alas 2 sa hapon.

Priority groups:
Senior citizen, co morbidities (high blood, diabetic )
Ug Mga kauban sa pamilya na adunay patiente na TB ang sakit .

Sa dugang pangutana. Palihog lang mo ug duol sa atong health center onsa inyong BHW.

Daghang Salamat!

12/02/2026

PAHIBALO! Palihog kog basa

if naa kay mga patiente nga ipa screening like mg bukol s matres, bukol s liog, bukol s bisan asang part s lawas...for pap smear... Naay referral form dire sa atong center para na sa incoming Bulawanong Serbisyo Caravan nga pagahimoon dria s laak hospital karung March 4 2026.

Daghang Salamat!

Sa 𝗶𝗸𝗮-𝟭𝟵 𝗻𝗴𝗮 𝗕𝘂𝗹𝗮𝘄𝗮𝗻 𝗙𝗲𝘀𝘁𝗶𝘃𝗮𝗹, padayon ang 𝗣𝗿𝗼𝗯𝗶𝗻𝘀𝘆𝗮𝗹 𝗻𝗴𝗮 𝗚𝗼𝗯𝘆𝗲𝗿𝗻𝗼 𝘀𝗮 𝗗𝗮𝘃𝗮𝗼 𝗱𝗲 𝗢𝗿𝗼 sa paghatag og 𝗟𝗜𝗕𝗥𝗘𝗡𝗚 𝗦𝗘𝗥𝗕𝗜𝗦𝗬𝗢𝗡𝗚 𝗠𝗘𝗗𝗜𝗞𝗔𝗟 isip tinuod nga tabang sa 𝗕𝘂𝗹𝗮𝘄𝗮𝗻𝗼𝗻𝗴 𝗞𝗮𝘁𝗮𝘄𝗵𝗮𝗻.

Pinaagi sa giya ug pagpanguna sa atong 𝗚𝗼𝗯𝗲𝗿𝗻𝗮𝗱𝗼𝗿 𝗘𝗻𝗴𝗿. 𝗥𝗮𝘂𝗹 𝗠𝗮𝗯𝗮𝗻𝗴𝗹𝗼, ginahatagan og 𝗶𝗺𝗽𝗼𝗿𝘁𝗮𝗻𝘀𝘆𝗮 𝗮𝗻𝗴 𝗸𝗮𝗵𝗶𝗺𝘀𝗼𝗴 𝘀𝗮 𝗸𝗮𝘁𝗮𝘄𝗵𝗮𝗻, ilabi na ang mga pasyenteng dugay nang nagkinahanglan og operasyon apan walay igong ikagasto.

🗓 𝗠𝗮𝗿𝘀𝗼 𝟰, 𝟮𝟬𝟮𝟲
📍 𝗗𝗗𝗢𝗣𝗛–𝗟𝗮𝗮𝗸 ug 𝗗𝗗𝗢𝗣𝗛–𝗠𝗮𝗿𝗮𝗴𝘂𝘀𝗮𝗻

Ipahigayon ang 𝗟𝗜𝗕𝗥𝗘𝗡𝗚 𝗦𝗨𝗥𝗚𝗜𝗖𝗔𝗟 𝗢𝗣𝗘𝗥𝗔𝗧𝗜𝗢𝗡 alang sa mga pasyente nga adunay:
• 𝗕𝘂𝗴𝗼𝗻 𝘀𝗮 𝗺𝗮𝘁𝗿𝗲𝘀 / 𝗺𝗮𝘆𝗼𝗺𝗮
• 𝗕𝘂𝗸𝗼𝗹 𝘀𝗮 𝗹𝗶𝗼𝗴 / 𝗴𝗼𝗶𝘁𝗲𝗿

Tumong sa maong programa nga mapaduol ang serbisyong panglawas sa komunidad ug mapagaan ang kahimtangan sa mga pamilyang naglaum og tabang medikal.

Kini nga kalihokan usa ka pamatuod nga ang Bulawan Festival dili lang kasadya, kundili serbisyo nga makapabag-o sa kinabuhi. Giawhag ang tanang angay nga pasyente ug ilang pamilya nga moduol ug magpahibalo aron makabenepisyo niini nga libre nga operasyon.

📞 Alang sa dugang impormasyon, palihog kontaka:
• 𝗠𝘀. 𝗗𝗮𝗶𝘀𝘆 𝗔𝗺𝗯𝗮𝘆𝗲𝗰, 𝗥𝗡 – DDOPH Laak
Cellphone number: 09989910974
• 𝗠𝘀. 𝗠𝗲𝗿𝗰𝘆 𝗟𝗶𝘄𝗮𝗴𝗼𝗻, 𝗥𝗡 – DDOPH Maragusan
Cellphone number: 09175734880

Sa Bulawan Festival 2026, kahimsog sa katawhan atong unahon. 💛

12/02/2026

PAHIBALO! Palihog kog basa

if naa kay mga patiente nga ipa screening like mg bukol s matres, bukol s liog, bukol s bisan asang part s lawas...for pap smear... Naay referral form dire sa atong center para na sa incoming Bulawanong Serbisyo Caravan nga pagahimoon dria s laak hospital karung March 4 2026.

Daghang Salamat!

PAHIBALO SA TANANG KABABAEN-AN (Women of Reproductive Age)

Ang DDOPH Laak, pinaagi sa Bulawanong Serbisyo Caravan, magahatag og LIBRENG PAPSMEAR ug Breast Examination karong Marso 4.

Ang tanang kababayen-an nga gustong mag avail sa maong serbisyo ginahangyo nga moduol sa ilang tagsa-tagsa ka Barangay Health Station (Barangay Health Centers) aron magpalista.

Kini nga serbisyo walay bayad ug gituyo aron mapalambo ang kahimsog sa kababayen-an pinaagi sa sayong pag-detect ug paglikay sa mga sakit.

Atong hinumdoman nga “Prevention is better than cure.”

Requirement:
-mangayo ug referral from BHS TO DDOPH Laak
-wala gi regla/ humana ang regla
-3 days (wala say kuan) seryoso ni ha😘

08/02/2026

Mao ni atong schedule sa activities sa atong health center sa bulan FEBRUARY 2026:

February 10- Prenatal tanan Buntis ( all puroks)

February 11 - immunize (0-12) months
Measeles-Rubella immunization

February 12- MOP-UP sa Mga Bata na Wala pa nabakunahan ug Measles Rubella (6-59 months)

February 17- prenatal sa teenage (19 yrs old paubos)

February 22 - prenatal alang sa 5 months pataas
(na ma schedulan Nako sa petsa 10)

February 22 -F/RBS testing 6-9 sa Buntag.

February 24-25 purok kalusugan


Daghang Salamat!

05/02/2026

Palihog kog basa unya Sabton

📣 𝐏𝐀𝐇𝐈𝐍𝐔𝐌𝐃𝐎𝐌 𝐒𝐀 𝐏𝐔𝐁𝐋𝐈𝐊𝐎 📣

Padayon kita sa pagpatuman sa 𝗠𝗲𝗮𝘀𝗹𝗲𝘀–𝗥𝘂𝗯𝗲𝗹𝗹𝗮 𝗦𝘂𝗽𝗽𝗹𝗲𝗺𝗲𝗻𝘁𝗮𝗹 𝗜𝗺𝗺𝘂𝗻𝗶𝘇𝗮𝘁𝗶𝗼𝗻 𝗔𝗰𝘁𝗶𝘃𝗶𝘁𝘆 (𝗠𝗥𝗦𝗜𝗔) sa atong probinsya (ug sa tibuok rehiyon) aron mapanalipdan ang atong mga kabataan ug ang tibuok komunidad sa mga sakit.

Adunay nagakatag nga mga "𝗳𝗮𝗰𝗲𝗯𝗼𝗼𝗸 𝗽𝗼𝘀𝘁 𝗺𝗮𝗵𝗶𝘁𝘂𝗻𝗴𝗼𝗱 𝘀𝗮 𝗱𝗶𝗹𝗶 𝗺𝗮𝗮𝘆𝗼𝗻𝗴 𝗸𝗮𝘀𝗶𝗻𝗮𝘁𝗶𝗮𝗻 𝘀𝗮 𝗯𝗮𝗸𝘂𝗻𝗮 𝘀𝗮 𝗺𝗴𝗮 𝗺𝗶𝗹𝗮𝗯𝗮𝘆𝗻𝗴 𝗸𝗮𝘁𝘂𝗶𝗴𝗮𝗻" ug nga nagbalik ug tuyok sa social media karon.

Nasabtan namo nga 𝗱𝗮𝗴𝗵𝗮𝗻 𝗮𝗻𝗴 𝗻𝗮𝗴-𝘀𝗵𝗮𝗿𝗲 𝗻𝗶𝗶𝗻𝗶 𝘁𝘂𝗻𝗴𝗼𝗱 𝘀𝗮 𝘁𝘂𝘆𝗼 𝗻𝗴𝗮 𝗶𝘀𝗮𝗸𝘁𝗼 𝗼 𝗶𝗽𝗮𝘁𝗶𝗻-𝗮𝘄 𝗮𝗻𝗴 𝗺𝗮𝗼𝗻𝗴 𝗽𝗮𝗵𝗮𝘆𝗮𝗴 — apan among gihangyo ang tanan nga 𝗨𝗡𝗗𝗔𝗡𝗚𝗢𝗡 𝗻𝗮 𝗮𝗻𝗴 𝗽𝗮𝗴-𝘀𝗵𝗮𝗿𝗲 𝗼 𝗽𝗮𝗴𝗽𝗮𝗸𝗮𝘁𝗮𝗴 𝗻𝗶𝗶𝗻𝗶.

𝗡𝗴𝗮𝗻𝗼 𝗻𝗴𝗮 𝗶𝗺𝗽𝗼𝗿𝘁𝗮𝗻𝘁𝗲 𝗸𝗶𝗻𝗶:
Ang pag-reshare sa mga daan, wala ma-verify, o kulang sa hustong konteksto nga mga istorya mahimong dili tinuyo nga makapakatag ug kabalaka, kahadlok ug sayop nga impormasyon, ilabi na karon nga adunay nagpadayon nga immunization campaign.

𝗔𝘁𝗼𝗻𝗴 𝗶𝗽𝗮𝘁𝗶𝗻-𝗮𝘄 𝗮𝗻𝗴 𝗸𝗮𝗺𝗮𝘁𝘂𝗼𝗿𝗮𝗻:
✅ Ang bakuna sa Measles ug Rubella 𝗹𝘂𝘄𝗮𝘀 𝘂𝗴 𝗲𝗽𝗲𝗸𝘁𝗶𝗯𝗼, 𝘂𝗴 𝗴𝗶𝗴𝗮𝗺𝗶𝘁 𝗻𝗮 𝘀𝗮 𝘁𝗶𝗯𝘂𝗼𝗸 𝗸𝗮𝗹𝗶𝗯𝘂𝘁𝗮𝗻 sulod sa daghang dekada
✅ Kini 𝗻𝗮𝗴𝗹𝗶𝗸𝗮𝘆 𝘀𝗮 𝗴𝗿𝗮𝗯𝗲 𝗻𝗴𝗮 𝗸𝗼𝗺𝗽𝗹𝗶𝗸𝗮𝘀𝘆𝗼𝗻 sama sa pulmonya, impeksyon sa utok, depekto sa pagkatawo, ug bisan kamatayon
✅ Ang mga 𝘀𝗶𝗱𝗲 𝗲𝗳𝗳𝗲𝗰𝘁𝘀 sama sa hilanat o kasakit sa lugar nga giturokan panandalian ug normal ra, samtang ang seryosong reaksyon talagsaon kaayo
✅ Ang 𝗽𝗮𝗴𝗽𝗮𝗯𝗮𝗸𝘂𝗻𝗮 dili lang manalipod sa usa ka tawo, kundili usab sa mga bata, mga mabdos , ug mga tawo nga huyang ang resistensya

💉 𝗔𝗻𝗴 𝗯𝗮𝗸𝘂𝗻𝗮 𝗻𝗮𝗴𝗹𝘂𝘄𝗮𝘀 𝘂𝗴 𝗸𝗶𝗻𝗮𝗯𝘂𝗵𝗶. Kini maampingong gisusi, gimonitor, ug kanunay nga gisuta sa mga eksperto sa panglawas.

🤝 𝗨𝗻𝘀𝗮𝗼𝗻 𝗻𝗶𝗺𝗼 𝗽𝗮𝗴𝘁𝗮𝗯𝗮𝗻𝗴:
✔ I-share lamang ang impormasyon gikan sa kredible ug opisyal nga tinubdan
✔ Dasiga ang malinawon ug matinahuron nga panaghisgot
✔ Suportahi ang atong mga health workers nga naningkamot aron mapanalipdan ang tanan
✔ Kung adunay kabalaka, direktang pangutan-a ang health professional

𝗠𝗮𝗴𝘁𝗶𝗻𝗮𝗯𝗮𝗻𝗴𝗮𝘆 𝗸𝗶𝘁𝗮 𝘀𝗮 𝗽𝗮𝗴𝗽𝗮𝗵𝗮𝘆𝗮𝗴 𝘀𝗮 𝗸𝗮𝗺𝗮𝘁𝘂𝗼𝗿𝗮𝗻, 𝗱𝗶𝗹𝗶 𝗸𝗮𝗵𝗮𝗱𝗹𝗼𝗸, aron mapanalipdan ang kahimsog sa atong mga kabataan ug komunidad.

𝗗𝗮𝗴𝗵𝗮𝗻𝗴 𝘀𝗮𝗹𝗮𝗺𝗮𝘁 𝘀𝗮 𝗶𝗻𝘆𝗼𝗻𝗴 𝗸𝗼𝗼𝗽𝗲𝗿𝗮𝘀𝘆𝗼𝗻 𝘂𝗴 𝗽𝗮𝗱𝗮𝘆𝗼𝗻 𝗻𝗴𝗮 𝘀𝘂𝗽𝗼𝗿𝘁𝗮.

29/01/2026

Paminaw mo sa Dr. Dili Kay sa silingan🤔

28/01/2026

Maayong Buntag!

Naa tay schedule UGMA January 29, 2025 (huwebes) dire sa atong center sa San Antonio sa atong Measles Rubella Supplemental Immunization Activity.
Sa Mga Bata nag edan ug 6-59 months na Wala pa mabakunahi ilang Mga anak.
Palihog ko paanhia ugma puhon

23/01/2026

LIBRE❗❗❗❗
Na diabetes consultation sa Davao de Oro Provincial Hospital - Laak

🩺 𝐋𝐢𝐛𝐫𝐞 𝐧𝐠𝐚 𝐃𝐢𝐚𝐛𝐞𝐭𝐞𝐬 𝐂𝐨𝐧𝐬𝐮𝐥𝐭𝐚𝐭𝐢𝐨𝐧!

Ang 𝐃𝐚𝐯𝐚𝐨 𝐝𝐞 𝐎𝐫𝐨 𝐏𝐫𝐨𝐯𝐢𝐧𝐜𝐢𝐚𝐥 𝐇𝐨𝐬𝐩𝐢𝐭𝐚𝐥 - 𝐋𝐚𝐚𝐤 magpahigayon ug free check-up para sa tanan karong 𝐄𝐧𝐞𝐫𝐨 𝟐𝟖, 𝟐𝟎𝟐𝟔 sugod alas 𝟖:𝟎𝟎 𝐬𝐚 𝐛𝐮𝐧𝐭𝐚𝐠.

Ang kalihokan gitumong aron matabangan ka sa 𝐡𝐮𝐬𝐭𝐨𝐧𝐠 𝐩𝐚𝐠-𝐚𝐭𝐢𝐦𝐚𝐧 𝐬𝐚 𝐝𝐢𝐚𝐛𝐞𝐭𝐞𝐬 ug mahatagan ug tambag gikan sa atong health professionals.

Ali na ug dalaa ang imong pamilya ug higala! 🧡
Kay ang pag-atiman sa kahimsog, mas maayo kung magsugod karon.

📍Lugar: 𝐃𝐚𝐯𝐚𝐨 𝐝𝐞 𝐎𝐫𝐨 𝐏𝐫𝐨𝐯𝐢𝐧𝐜𝐢𝐚𝐥 𝐇𝐨𝐬𝐩𝐢𝐭𝐚𝐥 - 𝐋𝐚𝐚𝐤
📞Info: 𝟎𝟗𝟔𝟖-𝟖𝟔𝟕-𝟒𝟎𝟓𝟒 / 𝟎𝟗𝟗𝟖-𝟗𝟗𝟏-𝟎𝟗𝟕𝟒

18/01/2026

📢 Pahibalo!
sa Tanang Ginikanan ug Tig-atiman sa Bata

📌 Measles-Rubella Supplemental Immunization Activity

Nagpahibalo ang Barangay San Antonio nga adunay libreng bakuna kontra Tigdas ug Rubella alang sa mga batang 6–59 ka bulan ang edad.

Petsa: January 19- February 13, 2026

Petsa ug vaccination site ug purok na pwede muadto:

January 19- Brgy gym (purok 1,2-tribal,5,8,9,11)
January 20- Purok 6 ug 12 (Buntag),
Purok 4-13 (hapon)
January 22- Purok 7 (Buntag)
Purok 10,3 sa hapon
January 23- Purok 2, 14

💉 Ang bakuna ligtas, epektibo, ug importante aron mapanalipdan ang atong mga kabataan batok sa sakit.

👉 Giawhag ang tanang ginikanan nga dad-on ang ilang mga anak aron masiguro ang kahimsog ug kaluwasan sa atong komunidad.

Pero ug asa mo pabor Mga ginikanan pwede ramo muadto sa atong GYM sa unang adlaw.

“Bakunado ang Bata, Luwas ang Pamilya, Malig-on ang Barangay.”

📣 Alang sa dugang
impormasyon, palihug kontaka ang inyong Purok Leaders o BHW.

Pero ug asa mo pabor Mga ginikanan pwede ramo muadto sa atong GYM sa unang adlaw. Ug maskin asa na schedule na purok.

❗DALAON ANG VACCINATION CARD sa mga bata

17/01/2026

17/01/2026

Proteksyon, epektibo, kaluwasan, depensa