What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00 Sunday 09:00 - 17:00

https://www.facebook.com/135392359654255/

Peti Toe Healthcare Clinic, yangon, Yangon (2026)

21/01/2026

အခုတလော ၀မ်းပျက်၊ ၀မ်း‌လျှောရောဂါ ဘာကြောင့် အဖြစ်များနေတာလဲ?

လူကြီး၊ ကလေး မရွေး ၀မ်းပျက်၊ ၀မ်းလျှော (Acute Gastroenteritis) ဖြစ်ပွားသူတွေ များလာတာကို တွေ့ရပါတယ်။ ဒီလိုဖြစ်ရတာဟာ များသောအားဖြင့် virus ပိုးများကြောင့် ဖြစ်ပွားခြင်း ဖြစ်ပါတယ်။

Virus အမျိုးအစားအမျိုးမျိုးရှိပြီး ( Norovirus virus )ဟာဆိုရင် လူကြီး၊ ကလေး နှစ်မျိုးစလုံးမှာ ဖြစ်တတ်ပါတယ်။ ရောဂါလက္ခဏာအရပြတတ်တဲ့ ရုတ်တရက် ၀မ်းလျှောခြင်း၊ အန်ခြင်း၊ ဝမ်းဗိုက်ကိုက်ခဲခြင်းတို့ ဖြစ်တတ်ပါတယ်။ ဒီပိုးမွှားဟာအစားအသောက်၊ ရေ၊ လက်မသန့်ရှင်းမှုကြောင့် လွယ်ကူစွာ ကူးစက်နိုင်ပါတယ်။

နောက်တစ်ခု (Rotavirus virus) အနေနဲ့ အထူးသဖြင့် ကလေးငယ်များတွင် အများဆုံးဖြစ်ပွားတတ်ပြီး လူကြီးတွေမှာလည်း ဖြစ်နိုင်ပါတယ်။ရောဂါလက္ခဏာအနေနဲ့ ၀မ်းလျှောတာ ပြင်းထန်ပြီး ရေဓာတ်ချို့တဲ့မှု ဖြစ်တတ်ပါတယ်။ နီးစပ်ရာ ဆေးရုံ၊ ဆေးခန်းတွေမှာ သေချာပြောပြပြီး ကာကွယ်ဆေးထိုးနိုင်ပါတယ်။

နောက်ဆုံးအနေနဲ့ (Adenovirus or Astrovirus)ဟာဆိုရင်လည်း ကလေးငယ်များတွင် ဖြစ်တတ်တဲ့ ၀မ်းလျှောရောဂါတစ်မျိုးပါပဲ။ ၀မ်းပျက်၊ ၀မ်းလျှောတာ ရက်ကြာတတ်ပြီး ဖျားနာတာ၊ မအီမသာဖြစ်သာ၊ ရေဓါတ်ခန်းခြောက်တာတွေဖြစ်လာနိုင်ပါတယ်။

သတိထားရမယ့် လက္ခဏာများအနေနဲ့ ၀မ်းလျှောတာ၂–၃ ရက်ကျော် ဆက်တိုက်ဖြစ်နေရင်၊၀မ်းသွားရင်းသွေးပါရင်၊ဖျားနာတာကြာနေရင်၊ အရမ်းအန်နေရင်၊ရေမသောက်နိုင်တာတွေက ၀မ်းပျက်၊၀မ်းလျှောရောဂါ ဖြစ်ပွားနေခြင်းပါပဲ။

ဒီလိုအခြေအနေတွေမျိုးမှာ နီးစပ်ရာဆေးရုံ၊ ဆေးခန်းကို အမြန်ဆုံး သွားရောက်ပြသသင့်ပါတယ်။

✅ ကာကွယ်နိုင်ဖို့ ဘာတွေ လုပ်သင့်လဲ?

✔️ လက်ကို ဆပ်ပြာနဲ့ မကြာခဏ ဆေးကြောပါ။
✔️ ရေကို ကျိုချက်ပြီး သောက်ပါ။
✔️ အစားအသောက်ကို သန့်ရှင်းစွာ ချက်ပြုတ်ပါ။
✔️ ၀မ်းလျှောချိန် ORS (ဓာတ်ဆားရေ)ကို မကြာခဏ သောက်ပါ။
✔️ ၀မ်းလျှောနေချိန် အစာမစားဘဲ မနေပါနဲ့။(အစာပျော့ပျော့စားနိုင်)
✔️ နို့နဲ့နို့ထွက်ပစ္စည်းပါသော အစားအစာများကို မစားပါနဲ့။

#ပီတိတိုး #ဝမ်းပျက်ဝမ်းလျှော #ဝမ်းကိုက်ရောဂါ #ကျန်းမာရေး #ဓာတ်ဆားရည် #ကလေးဝမ်းလျှော

21/01/2026

အိပ်မပျော်ခြင်းကို သက်သာစေဖို့ အိမ်တွင်း နည်းလမ်းကောင်းများ

အိပ်မပျော်တဲ့ညတွေ ကြုံနေရပြီလား? အိပ်ယာပေါ်မှာ ဘယ်လိုလှည့်လှည့် အိပ်မရတဲ့အခါ နောက်နေ့မှာ ပင်ပန်းထိုင်းမှိုင်းနေတာ အားလုံးအသိပါပဲ။ ဒီနေ့မှာတော့ ဆေးဝါးမသုံးဘဲ အိမ်မှာပဲလွယ်လွယ်ကူကူလုပ်ဆောင်နိုင်တဲ့ နည်းလမ်းကောင်းလေးတွေကို မျှဝေပေးချင်ပါတယ်။

အိပ်ချိန်ကိုပုံမှန်ဖြစ်အောင် ထိန်းသိမ်းပါ။ခန္ဓာကိုယ်ရဲ့ဇီဝနာရီကို ထိန်းညှိဖို့ နေ့တိုင်းနီးပါး အိပ်ချိန်တူညီအောင် ကြိုးစားပါ။အိပ်ရာဝင်ခါနီး ၁ နာရီအလိုမှာ ဖုန်း၊ တီဗီ၊ ကွန်ပျူတာတွေ မကြည့်ပါနဲ့။

ညဘက်အိပ်ယာ၀င်ခါနီး နွားနို့ပူပူလေးတစ်ခွက် သောက်ခြင်း ဟာလည်း နှစ်ခြိုက်စွာ အိပ်‌ပျော်ဖို့ ကူညီပေးနိုင်ပါတယ်။
Tryptophan ပါဝင်မှုက အိပ်ပျော်စေဖို့ကူညီ‌ပေးပါတယ်။

စိတ်ကိုငြိမ်းချမ်းစေမယ့် နည်းလမ်းများကို အသုံးပြုပေးပါ။အသက်ကိုဖြည်းဖြည်းချင်း ရှုသွင်းရှုထုတ်လုပ်ပါ (4-7-8 နည်း: 4စက္ကန့်ရှု၊ 7စက္ကန့်အသက်အောင့်၊ 8စက္ကန့်အသက်ရှုထုတ်)
ပြင်ပအတွေးတွေကို ခဏမေ့ထားနိုင်ဖို့ စာအုပ် ပေါ့ပါးပါးလေး ဖတ်ပါ။သီချင်းအေးအေးလေးတွေ နားထောင်ပါ။ (sleep sound)

ညဘက်အိပ်စက်တဲ့အခါ အခန်းအပူချိန် ကိုဂရုစိုက်ထိန်းသိမ်းပါ။ (အေးအေးလေးဖြစ်နေတာ ပိုကောင်းပါတယ်)။
မီးအလင်းရောင်စူးနေတာကလည်း အိပ်စက်ခြင်းအတွက် အနှောင့်အယှက်ဖြစ်စေပါတယ်။ မီးရောင်လင်းမှ အိပ်တတ်တဲ့သူတွေအတွက် မီးအရောင်ဖျော့ဖျော့လေးသုံးပါ။ ညဘက်အလင်းရောင်ဖယောင်းတိုင်လေးတွေ၊ ညဘက်မီးလေးတွေထွန်းအိပ်ပါ။လိုအပ်ရင် မျက်လုံးစည်းသုံးပါ။
အိပ်ယာနဲ့ခေါင်းအုံးကို သက်တောင့်သက်သာ ဖြစ်အောင်ရွေးချယ်ပါ။

အိပ်ခါနီး အစားအလွန်အကျွံမစားပါနဲ့။ကဖိန်းဓာတ်ပါသော အစားအသောက်များ (ကော်ဖီ၊ လက်ဖက်ရည်၊ အချိုရည်) ညနေပိုင်းမှ ရှောင်ပါ။အရက်သောက်ခြင်းက အိပ်စက်မှုအရည်အသွေးကို ထိခိုက်စေနိုင်ပါတယ်။

ဒီနည်းလမ်းတွေကို ပုံမှန်လုပ်ဆောင်ကြည့်ပြီး ၂-၃ ပတ်အတွင်း အခြေအနေမတိုးတက်ဘူးဆိုရင် ကျွမ်းကျင်သူနဲ့ တိုင်ပင်ဆွေးနွေးဖို့ အကြံပြုပါတယ်။

12/01/2026

ကလေးဖြစ်ဖြစ်၊ လူကြီးဖြစ်ဖြစ် အိမ်တွင် အဖျားရှိနေပါက စနစ်တကျ တိုင်းတာကုသဖို့ အရေးကြီးပါတယ်။ အောက်ပါအချက် (၅) ချက်ကို သိထားပြီး လိုက်နာသင့်ပါတယ်။

၁။ အဖျားကို မှန်မှန်ကန်ကန် တိုင်းတာပါ
သာမိုမီတာ အမျိုးအစား– ပါးစပ်အတွင်း၊ ချိုင်းကြားမှာ တိုင်းနိုင်ပါတယ်။ ကလေးငယ်များအတွက် နားထင်သာမိုမီတာ (Temporal thermometer) က အဆင်ပြေပါတယ်။
- တိုင်းနည်း – တိုင်းပြီး ၁-၂ မိနစ်ခန့်စောင့်ပါ။ ၃၈ ဒီဂရီစင်တီဂရိတ် (၁၀၀.၄°F) အထက်ဆိုရင် အဖျားရှိတယ်လို့ သတ်မှတ်ပါတယ်။

၂။ ဆေးရွေးချယ်တိုက်ကျွေးခြင်း
အဖျားကျဆေး– ပါရာစီတမော (Paracetamol) သို့မဟုတ် အိုင်ဗျူပရိုဖင်း (Ibuprofen) တို့ကို ဆရာဝန် ညွှန်ကြားချက်နှင့် တိုက်ပါ။
- သတိထားရန်– ကလေးများကို အက်စပရင် (Aspirin) မတိုက်ပါနှင့်။ Reye’s syndrome ဆိုတဲ့ ပြင်းထန်ရောဂါ ဖြစ်စေနိုင်ပါတယ်။

၃။ ဆေးပမာဏနှင့် အချိန်
- အသက်အရွယ်နှင့် ကိုက်ညီသော ပမာဏ – ဆေးဘူးအညွှန်းကို သေချာဖတ်ပါ။ ကလေးရဲ့ အသက်နှင့် ကိုယ်အလေးချိန်ကို ထည့်သွင်းစဉ်းစားပါ။
- ဆေးတိုက်အချိန် – ပါရာစီတမောကို ၄-၆ နာရီခြား၊ အိုင်ဗျူပရိုဖင်ကို ၆-၈ နာရီခြားတိုက်နိုင်ပါတယ်။ နှစ်မျိုးရောမတိုက်ပါနှင့်။

၄။ ဆေးတိုက်ပြီး စောင့်ကြည့်ခြင်း
- အဖျားပြန်တိုင်းခြင်း– ဆေးတိုက်ပြီး ၁ နာရီခန့်အကြာ အဖျားကျသလား ပြန်တိုင်းပါ။
- ရေဓာတ်ဖြည့်ခြင်း– အဖျားရှိသူကို ရေ၊ ဓာတ်ဆား၊ စွပ်ပြုတ်ပူပူနဲ့ ရေဓာတ်ဖြည့်ပေးပါ။

၅။ ဆရာဝန်ပြဖို့ လိုအပ်သည့် အခြေအနေများ
အဖျား ၃ ရက်ကျော်တဲ့အထိ မကျလျှင်
၃ လအောက်ကလေးငယ်မှာ အဖျား ၃၈°C အထက်ရှိလျှင်
တက်ခြင်း၊ အော့အန်ခြင်း၊ အသက်ရှူကြပ်ခြင်း၊ သတိလစ်ခြင်း စတဲ့ ပြင်းထန်လက္ခဏာတွေပြနေနေရင်
ရေဓာတ်ခန်းခြောက်သည့် လက္ခဏာ (ဥပမာ – ဆီးနည်းခြင်း၊ ပါးစပ်ခြောက်ခြင်း၊ ငိုရင် မျက်ရည်မထွက်ခြင်း) ရှိလျှင် နီးစပ်ရာဆေးရုံ၊ ဆေးခန်းသို့ပြသပါ။

အိမ်တွင် ဂရုစိုက်ကုသခြင်းနှင့် ဆေးတိုက်ကျွေးခြင်းသည် ပထမဆုံး ကာကွယ်ကုသမှုသာဖြစ်ပြီး လိုအပ်ပါက ဆေးခန်း၊ ဆေးရုံများသို့ အမြန်ဆုံး ပြသပါ။ ❤️

#ပီတိတိုး #ကျန်းမာရေးဗဟုသုတ #အိမ်တွင်အဖျားတိုင်း #ကလေးကျန်းမာရေး #အဖျားကျဆေး

07/01/2026

စိတ်ဖိစီးမှု လျော့ကျစေဖို့ အိမ်တွင်း လွယ်ကူသော ယောဂ (သို့) အသက်ရှုလေ့ကျင့်ခန်း

အချိန်အကြာကြီး အိမ်တွင်းမှာနေရတဲ့အခါ၊ အလုပ်ဖိစီးမှုတွေကြားမှာ စိတ်ကိုငြိမ်းချမ်းအောင် ဘယ်လိုလုပ်မလဲ?

ဒီနေ့မှာတော့ အိမ်မှာပဲ လွယ်လွယ်ကူကူလုပ်လို့ရတဲ့ ယောဂနဲ့ အသက်ရှုလေ့ကျင့်ခန်း အချို့ကို မျှဝေပေးချင်ပါတယ်။ ပစ္စည်းမလို၊ အချိန်တိုအတွင်း ကိုယ်စိတ်နှစ်ဖြာ သက်သာလာစေဖို့အတွက် ဒီနည်းလမ်းတွေကို စမ်းကြည့်လိုက်ပါနော်။

အိမ်တွင်းလွယ်ကူသော ယောဂဟန်များ
- ကလေးဟန်– စိတ်ကိုငြိမ်စေပြီး ဇက်နဲ့ပခုံးတင်းနေတာကို ပြေလျော့စေတယ်။
- ကြိုးဝိုင်းဟန်– ခန္ဓာကိုယ်တောင့်တင်းနေတာကို ဆန့်ထုတ်ပေးပြီး သွေးလည်ပတ်မှုကောင်းစေတယ်။
- အနားယူဟန်– ခန္ဓာကိုယ်တစ်ခုလုံးကို ပြန်လည်အားပြည့်စေတဲ့ အနားယူမှုဟန်။

🌬️ စိတ်ငြိမ်စေသော အသက်ရှုလေ့ကျင့်ခန်း
- ၄-၇-၈ အသက်ရှုနည်း – စိတ်ကိုမြန်မြန်ငြိမ်စေပြီး အိပ်ပျော်စေဖို့ အထောက်အကူပြုတယ်။
- နှာခေါင်းပိတ်ပြီး အသက်ရှုနည်း – စိတ်ဖိစီးမှုကို ချက်ချင်းလျော့ကျစေတဲ့ နည်းလေးပါ။
- ဝမ်းဗိုက်အသက်ရှု– စိတ်ကိုတည်ငြိမ်စေပြီး အာရုံစူးစိုက်မှုတိုးစေတယ်။

🌟 ဘယ်လိုစလုပ်ရမလဲ?
- တစ်နေ့ကို ၁၀ မိနစ်၊ ၁၅ မိနစ်လောက်အချိန်ပေးပါ။
- တိတ်ဆိတ်ပြီး သက်တောင့်သက်သာရှိတဲ့ နေရာကို ရွေးပါ။
- စလုပ်ချိန်မှာ ဖြေးဖြေးချင်းစပါ။ နေ့စဉ်ပုံမှန်လုပ်ဆောင်ပေးရင် ပိုမိုကောင်းမွန်တဲ့ နေထိုင်မူပုံစံကိုရရှိစေမှာပါ။
ဒီလွယ်ကူတဲ့ ယောဂနဲ့ အသက်ရှုလေ့ကျင့်ခန်းလေးတွေကို စလုပ်ကြည့်ပါ။ သိသာတဲ့ ပြောင်းလဲမှုကို တွေ့ရပါလိမ့်မယ်။

စိတ်ဖိစီးမှု‌လျော့ကျစေဖို့ ဘယ်လိုနည်းလမ်းတွေ သုံးလေ့ရှိလဲ?
မျှဝေပေးသွားပါဦးနော် 💙

#စိတ်ဖိစီးမှုလျော့ကျစေဖို့ #ယောဂ #အသက်ရှုလေ့ကျင့်ခန်း #အိမ်တွင်းလေ့ကျင့်ခန်း #စိတ်ငြိမ်သက်စေသောနည်းလမ်း #ကျန်းမာရေး

04/01/2026

(၇၈)ကြိမ်မြောက် လွတ်လပ်ရေးနေ့အထိမ်းအမှတ်

ယနေ့သည် ကျွန်ုပ်တို့အားလုံး၏ စည်းလုံးညီညွတ်မှု၊ ဇာနည်မွန်စွာပေးဆပ်ခဲ့ကြသော အာဇာနည်များ၏ မျိုးချစ်စိတ်ဓာတ်နှင့် ကိုလိုနီကျူးကျော်သူများအား ရဲရင့်စွာတိုက်ထုတ်နိုင်ခဲ့သော သမိုင်းဝင် နေ့ထူးနေ့မြတ်ကြီး ဖြစ်ပါသည်။

လွတ်လပ်ရေးဟူသည် လွယ်လင့်တကူ ရရှိခဲ့ခြင်းမဟုတ်ဘဲ၊ မျိုးဆက်ပေါင်းများစွာ သွေးချွေးပေးဆပ်ခဲ့ရသော အနစ်နာခံမှုများ၏ အသီးအပွင့်ပင်ဖြစ်ပါသည်။

ဤအထိမ်းအမှတ်နေ့တွင် ကျွန်ုပ်တို့သည် လွတ်လပ်ရေးအတွက် အသက်ပေးသွားခဲ့ကြသော အာဇာနည်ခေါင်းဆောင်များအား ဦးညွှတ်ဂုဏ်ပြုအပ်ပါသည်။

ဤအထူးနေ့တွင် ကျွန်ုပ်တို့အားလုံး၏ စိတ်နှလုံးထဲ၌ မြန်မာ့လွတ်လပ်ရေးအတွက် စွန့်လွှတ်စတေးခဲ့ကြသူများအား ကျေးဇူးတင်ဂုဏ်ပြုလျက်၊ နိုင်ငံတော်၏အနာဂတ်အတွက် ကောင်းမွန်သောဆန္ဒများ ပြုကြပါစို့။

# လွတ်လပ်ရေးနေ့
# (၇၈)ကြိမ်မြောက်လွတ်လပ်ရေးနေ့

31/12/2025

🎉 Happy New Year from our family to yours! 🎊

နှစ်ဟောင်းကုန်ခါနီးမှာ ကျွန်ုပ်တို့၏ ဝန်ဆောင်မှုခရီးကို ရွေးချယ်ယုံကြည်ခဲ့သော အလေးအမြတ်ထားရဆုံး Clients များအားလုံးကိုရင်ထဲကနေ ကျေးဇူးအထူးတင်ပါတယ်။

နှစ်သစ် ၂၀၂၆ မှာ... အိပ်မက်တွေ အကောင်အထည်ဖော်နိုင်ပါစေ။
မိတ်‌ဆွေတို့ရဲ့ရည်မှန်းချက်တွေ အကောင်အထည်ပေါ်ပါစေ။

အားလုံးပဲ ပျော်ရွှင်ကျန်းမာပြီး အောင်မြင်တဲ့ နှစ်သစ်ကြီး ကို ကြိုဆိုနိုင်ပါစေ။
ကျန်းမာချမ်းသာပြီး စီးပွားရေးများ တောက်ပပါစေ။

ပျော်ရွှင်သော နှစ်သစ်များစွာ ပိုင်ဆိုင်ပါစေ!
ယုံကြည်မှုအတွက် အထူးပင်ကျေးဇူးတင်ရှိပါကြောင်း ✨

27/12/2025

မေမေ၊ ဖေဖေတို့ အားရှိစေဖို့ အိမ်လုပ် အာဟာရ ဖျော်ရည်လေးများ

အသက်ကြီးလာတဲ့ မိဘတွေရဲ့ ကျန်းမာရေးနဲ့ အားအင်ကို ဂရုစိုက်တဲ့အခါ စားလို့ကောင်း၊ ချိုမြိန်၊ အာဟာရလည်းပြည့်ဝတဲ့ ဖျော်ရည်လေးတွေက အကောင်းဆုံး အဖော်မွန်ပါပဲ။ အိမ်မှာအလွယ်တကူရှိတဲ့ ပစ္စည်းလေးတွေနဲ့ ဘယ်လိုပြင်ဆင်ရမလဲဆိုတာ မျှဝေပေးပါလိုက်ပါတယ်။

🍌အားအင်ပြည့် ငှက်ပျောသီးဖျော်ရည်🍌
ပရိုတင်းဓာတ်ကြွယ်ဝပြီး ကြွက်သားအားနည်းတာကို ကာကွယ်ပေးနိုင်ပါတယ်။ ချိုချိုလေးမို့လည်း သောက်ချင်စရာကောင်းမှာပါ။

🍏အစိမ်းရောင်ရင့်ရင့် အသီးဖျော်ရည်🥝
အမျှင်ဓာတ်ကြွယ်ဝပြီး အစာခြေစနစ်ကို ကျန်းမာစေပါတယ်။ သံပုရာရည်အနည်းငယ် ညှစ်ထည့်ရင် ပိုလတ်ဆတ်စေပါတယ်။

🥑 ထောပတ်သီးနှင့် နို့ဖျော်ရည်🥑
အိုမီဂါဓာတ်နဲ့ ကျန်းမာရေးကောင်းကျိုးများစွာ ပါဝင်ပါတယ်။ ချောမွေ့ပြီး ဝါးစရာမလိုတဲ့အတွက် သွားနဲ့ခံတွင်းမကောင်းတဲ့ လူကြီးတွေအတွက် သင့်တော်ပါတယ်။

အရသာကို မိဘစိတ်ကြိုက်ကိုသတိထားပြီးဖျော်ပေးပါ။
(ချိုချင်တယ်၊ ချဉ်ချင်တယ်၊ ပျစ်ချင်တယ် စသဖြင့် မေးပြီး ဖျော်ပေးလို့ရပါတယ်။)တစ်ခါသောက်များများထက် နည်းနည်းနဲ့ ကြိမ်ဖန်များများ တိုက်ပေးပါ။ဆရာဝန်ညွှန်ကြားချက်နဲ့ ကိုမမေ့ပါနဲ့
(အထူးသဖြင့် ဆီးချို၊ သွေးတိုး စတဲ့ ရောဂါအခံရှိပါက ဆရာဝန်နဲ့ တိုင်ပင်ပါ။)

🥛ဒီဖျော်ရည်လေးတွေက အာဟာရအတွက်သာမက၊ မိဘကို ဂရုစိုက်တဲ့ သင့်ရဲ့မေတ္တာကိုပါ ဖော်ပြနေပါတယ်။ ဖျော်တိုင်း ဖျော်တိုင်းမှာ ချစ်ခြင်းမေတ္တာလေးတွေ ထည့်ဖျော်ပေးဖို့ မမေ့ပါနဲ့နော်။💓

🧝🧙မိဘတိုင်း ကျန်းမာရွှင်လန်း၊ အားပြည့်နေကြပါစေ။💪💪

မိမိဆိုရင်ရောဘယ်လိုဖျော်ရည်မျိုး မိဘအတွက် ဖျော်ပေးလေ့ရှိလဲ? မျှဝေခဲ့ပါဦး!

👉အခြားဂရုစိုက်သူတွေဆီသို့ မျှဝေဖို့ သိမ်းထားလိုက်ပါ👈

#ပီတိတိုး #ကျန်းမာရေး #ကျန်းမာရေးစောင့်ရှောက်မှု
#သက်ကြီးရွယ်အိုကျန်းမာရေး #လူကြီးသူမများ #အာဟာရ #ကျန်းမာအာဟာရ #သဘာဝအာဟာရ #အိမ်တွင်းအာဟာရ
#အိမ်တွင်းစောင့်ရှောက်မှု #မိသားစုကျန်းမာရေး
#အိမ်လုပ်အာဟာရ #အိမ်တွင်းဖျော်ရည်

25/12/2025

ဒီနှစ်တစ်နှစ်လုံး အတူရှိခဲ့တဲ့ပြီး ပံ့ပိုးပေးခဲ့တဲ့အတွက် ကျေးဇူးအထူးတင်ပါတယ်။

ချစ်ခင်ရသူတွေ၊ လုပ်ဖော်ကိုင်ဖက်တွေနဲ့ အတူ ဒီအထူးအချိန်ကို မျှဝေပြီး ပျော်ရွှင်နိုင်ကြပါစေ။

၂၀၂၆ ခုနှစ်မှာ ကောင်းချီးများ၊ အောင်မြင်မှုများနဲ့ ပြည့်စုံပါစေ။
ပျော်ရွှင်သော ခရစ္စမတ်နှင့် နှစ်သစ်မင်္ဂလာရှိပါစေ။

🎅❤️ ကောင်းချီးတွေ၊ ပျော်ရွှင်မှုတွေ၊ ပေါင်းစည်းမှုတွေနဲ့ ပြည့်နှက်တဲ့ ခရစ္စမတ်ဖြစ်ပါစေ။

> အားလုံးကို Merry Christmas ပါ။

>

24/12/2025

“ဆီးချိုရှိသူများ အိမ်တွင် ခြေထောက် ဘယ်လိုစစ်ဆေး ဂရုစိုက်မလဲ”

"ဆီးချိုကို ထိန်းတာ သွေးချိုတိုင်းတာရုံတင်မဟုတ်ဘူး၊ ခြေထောက်လေးကို နေ့တိုင်းဂရုစိုက်ဖို့လည်း အရေးကြီးတယ်"။ အကြောင်းက ဆီးချိုရှိသူတွေမှာ အာရုံကြောထိခိုက်မှု (Neuropathy) နဲ့ သွေးလည်ပတ်မှု မကောင်းတာကြောင့် ခြေထောက်မှာ အနာပေါက်လွယ်၊ အနာကျက်နှေးကာ ပြင်းထန်တဲ့ ဆိုးကျိုးတွေ ဖြစ်စေနိုင်လို့ပါ။ ဒီနေ့မှာတော့ အိမ်မှာ ဘာတွေ လုပ်သင့်သလဲဆိုတာနဲ့ ပက်သက်ပြီး ပြောပြပေးမှာမလို့ ဂရုတစိုက်လေးဖတ်ပေးကြနော်။

သွေးတွင်းသကြားဓာတ်မြင့်မားခြင်းဟာ အာရုံကြောတွေကို ထိခိုက်စေပြီး ခြေထောက်မှာ ထုံကျဉ်မှုဖြစ်စေတတ်ပါတယ်။ ဒါ့အပြင် သွေးလှည့်ပတ်မှုလည်း မကောင်းတာကြောင့် အနာဖြစ်လွယ်ပြီး အကျက်နှေးတတ်ပါတယ်။

ဒီလိုဆိုးကျိုးတွေကို ကာကွယ်ဖို့ အိမ်မှာပဲ နေ့စဉ်လုပ်သင့်တဲ့ ခြေထောက်စစ်ဆေးခြင်းနည်းလမ်းလေးတွေ ရှိပါတယ်။

မနက်တိုင်း သို့မဟုတ် ညနေတိုင်း အချိန်သတ်မှတ်ပြီး ခြေထောက်ကို စစ်ဆေးပါ။ အလင်းရောင်ကောင်းတဲ့နေရာမှာ ထိုင်ပြီး ခြေထောက်တစ်ခုလုံးကို ဂရုတစိုက်ကြည့်ပါ။

အနာဒဏ်ရာ ရှိမရှိ သေချာရှာဖွေပါ။ ခြေဖဝါး၊ ခြေချောင်းကြား၊ ခြေဖနောင့် စတဲ့နေရာတိုင်းကို စစ်ဆေးပါ။ အသေးစားအနာလေးတွေတောင် မမေ့ပါနဲ့။

အရေပြားပြောင်းလဲမှုကို စစ်‌‌ဆေးပါ။
အရေပြားခြောက်သွေ့ကွဲအက်မှု၊ အနီကွက်ထမှု၊ ရောင်ရမ်းမှု၊ မှိုစွဲမှုရှိမရှိ သတိထားကြည့်ပါ။

ခြေသည်းပုံစံ ပြောင်းလဲနေသလား ဆန်းစစ်ပါ။ ခြေသည်းထူလာခြင်း၊ အတွင်းသို့ စူးဝင်ခြင်း၊ မှိုစွဲခြင်းတို့ ရှိမရှိ ကြည့်ပါ။

ထုံကျဉ်မှု သို့မဟုတ် နာကျင်မှုရှိသလား စမ်းသပ်ပါ။ ခြေထောက်ကို လက်ဖြင့်ထိ၍ အပူချိန်ပြောင်းလဲမှုကိုလည်း စစ်ဆေးပါ။

ဒီလိုနေ့စဉ်စစ်ဆေးမှုလေးဟာ မိနစ်ပိုင်းလေးပဲကြာပေမယ့် ကြီးမားတဲ့ပြဿနာတွေကို အစောကြီးသိရှိကာကွယ်နိုင်ပါတယ်။ ခြေထောက်ကို ဂရုစိုက်ခြင်းဟာ ဆီးချိုထိန်းချုပ်ရေးရဲ့ အရေးကြီးတဲ့အစိတ်အပိုင်းတစ်ခုပါပဲ။

တစ်ခုခု မူမှန်မဟုတ်တာတွေ့ရင် ဆရာဝန်နဲ့ အမြန်ဆုံးတိုင်ပင်ပါ။ အနာဖြစ်မှ ကုသခြင်းထက် အနာမဖြစ်အောင် ကာကွယ်ခြင်းက ပိုကောင်းပါတယ်။

#ဆီးချို
#ဆီးချိုရောဂါ #ဆီးချိုအထူးကု #ဆီးချိုခြေထောက်
#အိမ်တွင်းကျန်းမာရေး

#ပီတိတိုး
#အိမ်ပင့်ဝန်ဆောင်မှု
#အိမ်ပင့်ကျန်းမာရေး

19/12/2025

ပီတိတိုး Home Care Services
ကျန်းမာရေး စောင့်ရှောက်မှုနှင့် အိမ်ပင့်ပြုစုစောင့်ရှောက်ခြင်း ၀န်ဆောင်မူ

* သွေးပေါင်ချိန်၊ အပူချိန် စစ်ဆေးပေးခြင်း၊
* ဆေးပေးခြင်း /IV / IM ဆေးထိုးပေးခြင်း၊
* ဒဏ်ရာ၊ ခွဲစိတ်ပြီး ဒဏ်ရာများ ပြန်လည်သန့်ရှင်းပေးခြင်း၊ဆေးထည့်ပေးခြင်း၊
* ဆီးပိုက်၊ နှာခေါင်းပိုက် (NG tube) ပြုစုခြင်း၊
* သွေးချို စစ်ဆေးပေးခြင်း၊
* အောက်စီဂျင် ပေးခြင်း၊ အသက်ရှူစက် အသုံးပြုခြင်း။

👩‍⚕️ နေ့စဉ်ဘဝအတွက် ကူညီမှု
* ရေချိုးပေးခြင်း၊ ကိုယ်ခန္ဓာ သန့်ရှင်းပေးခြင်း၊
* အစားအစာ ကျွေးမွေးပေးခြင်း၊
* အိမ်သာသွားရန် ကူညီပေးခြင်း၊
* လမ်းလျှောက်၊ ထိုင်၊ အိပ် အနေအထား ပြောင်းပေးခြင်း၊
* အိပ်ရာတွင် အကြာကြီးနေရသော လူနာများကို ခန္ဓာကိုယ် လှည့်ပေးခြင်း။
---
👵 လူကြီးမင်းများအတွက် စောင့်ရှောက်မှု

* အသက်ကြီးသူများ နေ့စဉ် ပြုစုစောင့်ရှောက်ခြင်း၊
* မေ့လျော့ရောဂါ (Alzheimer’s) ရှိသူများကို စောင့်ရှောက်ခြင်း၊
* ဆေးသောက်ချိန် သတိပေးခြင်း၊
* ဆေးဝါးကျွမ်းကျင်သူနာပြုအကူငှားရမ်းပေးခြင်းများကို
၂၄နာရီ service ဝန်ဆောင်မှုပေးခြင်း၊
*ကျွမ်းကျင် ဝါရင့်ဆရာဝန်ကြီးများ၊
*သူနာပြု ဆရာမကြီးများနှင့် သူနာပြုအကူ များဖြင့် ဝန်ဆောင်မှု ပေးခြင်း

၀န်ဆောင်မူနှင့် ပတ်သက်ပြီး သိလိုသမျှမေးမြန်နိုင်ရန်
☎️ ဖုန်းနံပါတ် ☎️
09 785533768
09 785533817
ကိုဆက်သွယ်စုံစမ်းနိုင်ပါတယ်။

booking ရယူရန်အတွက် chatbox တွင်
အမည်၊ဖုန်းနံပါတ်ချန်ထားပေးလို့ရပါတယ်ရှင့်။

#ပီတိတိုးအိမ်ပင့်ပြုစုစောင့်ရှောက်ဝန်ဆောင်မှု #အိမ်ပင့်သူနာပြုဝန်ဆောင်မှု #လူကြီးပြုစုစောင့်ရှောက်ရေး #အိမ်တွင်းဆေးပြုစုစောင့်ရှောက်မှု #အိမ်ပင့်ဝန်ဆောင်မှု #အိမ်ပင့်ကျန်းမာရေး #ပြင်ပလူနာစောင့်ရှောက်မှု #သက်ကြီးပြုစုစောင့်ရှောက်ရေး #၂၄နာရီသူနာပြုဝန်ဆောင်မှု

19/12/2025

မင်္ဂလာရှိသော ကရင်နှစ်သစ်ကူးနေ့မှာ တိုင်းရင်းသားအားလုံး ကျန်းမာပျော်ရွှင်ခြင်းနှင့်
ဘေးဘရာ ကင်းဝေးပါစေ‌ကြောင်း
Peti Toe Healthcare Clinic အဖွဲ့သားများမှ ဆုမွန်ကောင်းတောင်းလိုက်ပါသည်။

16/12/2025

သွေးတိုးကို "ငန်းကြောင်" လို့ တင်စားကြတာ အကြောင်းရှိပါတယ်။ တိတ်တဆိတ် ကြိုတင်မသိဘဲ နှလုံး၊ ဦးနှောက်နဲ့ ကျောက်ကပ်ကို ထိခိုက်စေနိုင်လို့ပါ။ ဒီနေ့မှာတော့ ဆေးခန်းသွားစရာမလိုဘဲ အိမ်မှာနေရင်း သွေးတိုးကို ထိထိရောက်ရောက် ထိန်းနိုင်မယ့် လက်တွေ့နည်းလမ်းလေးတွေကို မျှဝေပေးချင်ပါတယ်။

ပထမဆုံး အချက်က "သွေးတိုးနေလားဆိုတာ နေ့စဉ်စစ်ဆေးပေးပါ"။ အိမ်မှာ သွေးတိုးတိုင်းကိရိယာ (BP Machine) တစ်လုံး ထားပါ။ မနက်အိပ်ရာထချိန်နဲ့ ညနေခင်း တစ်နေ့နှစ်ကြိမ်ခန့် ပုံမှန်တိုင်းတာပြီး မှတ်တမ်းလုပ်ထားပါ။ ဒါဟာ သင့်ရဲ့ ကျန်းမာရေးအခြေအနေကို သိရှိစေဖို့ ပထမဆုံး လှေကားထစ်ပါပဲ။

ဒုတိယအချက်က "ဆားကို အစားထိုးပါ"။ ဆားလျှော့ဖို့ပြောတိုင်း အရသာပျက်မှာစိုးလို့ ခက်နေကြတယ်မလား။ လျှော့ရမယ်ဆိုတာ သိပ်မစားနိုင်တော့တာမဟုတ်ပါဘူး။ ဆားအစား သဘာဝဟင်းခတ်အမွှေးအကြိုင်တွေကို ပိုသုံးကြည့်ပါ။ ကြက်သွန်ဖြူ၊ ဂျင်း၊ ပင်စိမ်း၊ နနွင်း၊ သံပရာရည်၊ မှိုခြောက်၊ ချဉ်ဖတ်တို့က ဟင်းကို အရသာပြည့်ဝစေပါတယ်။ ဈေးဝယ်တဲ့အခါ ပြုပြင်ထားတဲ့ အစားအစာတွေ (ငါးခြောက်၊ ဝက်အူချောင်း၊ ချဉ်ဖတ်အမျိုးမျိုး) ရဲ့ ဆိုဒီယမ်ပါဝင်မှု ဘယ်လောက်ပါလဲဆိုတာ ကြည့်ပြီး၀ယ်တဲ့ အလေ့အထလေးမွေးပါ။

တတိယအချက်က "လှုပ်လှုပ်ရှားရှားနေပါ"။ အားကစားခန်းမကြီးသွားစရာမလိုပါဘူး။ မနက်စောစော (သို့) ညနေခင်းလေအေးအေးမှာ မိနစ် ၃၀ ခန့် လမ်းမြန်မြန်လျှောက်တာ၊ အိမ်အလုပ်လုပ်တာ၊ ယောဂကျင့်တာတွေကို ပုံမှန်လုပ်ပေးပါ။ ဒါက သွေးကြောတွေကို အလုပ်လုပ်စေပြီး သွေးပေါင်ကို ကျစေနိုင်ပါတယ်။

နောက်ဆုံးအချက် ဒါပေမယ့် အရေးအကြီးဆုံးအချက်က "စိတ်ကိုအေးချမ်းအောင်ထားပါ"။ စိတ်ဖိစီးမှုဟာ သွေးတိုးရဲ့ ရန်သူကြီးပါ။ တစ်နေ့ကို မိနစ်အနည်းငယ်လောက် ငြိမ်ငြိမ်လေးထိုင်ပြီး အသက်ရူလေ့ကျင့်ခန်းလုပ်ပါ။ မိသားစုနဲ့ အချိန်ဖြုန်းတာ၊ စာအုပ်စာပေဖတ်တာ၊ သီချင်းနားထောင်တာတွေက စိတ်ဖိစီးမှုဟော်မုန်းတွေကို လျော့ကျစေပါတယ်။

သွေးတိုးဆိုတာ တစ်သက်လုံးယှဉ်တွဲနေရမယ့် အခြေအနေတစ်ခုပါ။ ဒါပေမယ့် ကြောက်စရာမလိုပါဘူး။ ကောင်းမွန်တဲ့ နေထိုင်မှုပုံစံနဲ့ အိမ်တွင်းစောင့်ရှောက်မှုလေးတွေကို ပုံမှန်လုပ်သွားရင် သာမန်လူတစ်ယောက်လိုပဲ အသက်ရှည်ရှည် ကျန်းကျန်းမာမာနဲ့ နေထိုင်နိုင်မှာ အသေအချာပါပဲ။

#သွေးတိုး #ဆားလျှော့ #အိမ်တွင်းကျန်းမာရေး

#အိမ်ပင့်ဝန်ဆောင်မှု
#အိမ်ပင့်ကျန်းမာရေး

Peti Toe Healthcare Clinic

21/01/2026

21/01/2026

12/01/2026

07/01/2026

04/01/2026

31/12/2025

27/12/2025

25/12/2025

24/12/2025

19/12/2025

19/12/2025

16/12/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00
Sunday	09:00 - 17:00