20/05/2023
Дапаглифлозин буюу Форсига эмийн танилцуулга
Тухайн эм нь эрүүл мэндийн даатгалаар 10мг агуулсан 1 ширхэгийн дээд үнэ нь 5930 төгрөг хөнгөлөх хэмжээ нь 4151 төгрөг хөнгөлөх хувь нь 70% бөгөөд Чихрийн шижингийн хэв шинж 2 үед хэрэглэнэ.
Форсига эмийн бэлдмэлийг насанд хүрсэн, Чихрийн шижингийн хэвшинж 2 гэсэн эмгэгтэй өвчтөнүүдэд цусан дахь сахарын хэмжээг хэвийн болгох дасгах зорилгоор дасгал хөдөлгөөн болон хоолны дэглэмтэй хавсарч эмчилгээнд хэрэглэнэ.
Дан эмчилгээнд өвчтөний хувийн онцлогоос шалтгаалж метформин зохимжгүй өвчтөнүүдэд цусан дахь сахарын хэмжээг хэвийн болгох зорилгоор эмчилгээнд хэрэглэнэ.
Чихрийн шижингийн хэвшинж 2 эмгэгийн үед бусад эмийн эмчилгээнд нэмэлтээр хэрэглэнэ.
Тугналт, хэрэглэх арга
Тугналт
Чихрийн шижингийн хэвшинж 2
Дапаглифлозинийг эмчилгээнд 1 удаа 10 мг-аар ууж хэрэглэх арга барил баримтална. Хэрэв дапаглифлозинийг инсулин эсвэл инсулиний ялгарлыг дэмждэг эмийн бэлдмэлүүд, жишээлбэл: сулфонилурийн бүлгийн эмүүдтэй эмчилгээнд хавсарч байгаа тохиолдолд цусан дахь сахарын хэмжээ хэт буурч гипогликеми үүсэх эрсдлээс сэргийлэхийн тулд инсулин болон эдгээр эмийн бэлдмэлүүдийг бага тунгаар эмчилгээнд хэрэглэнэ.
Зүрх судасны дутагдал
10 мг дапаглифлозиныг хоногт нэг удаа тунгаар уухыг зөвлөдөг.
Бөөрний архаг дутагдал
10 мг дапаглифлозиныг хоногт нэг удаа тунгаар уухыг зөвлөдөг.
Онцгой бүлгийн өвчтөнүүд
Бөөрний эмгэгтэй өвчтөнүүд
Бөөрний үйл ажиллагаанаас хамааралтай эмийн тунг зохицуулах шаардлагагүй.
Хүүхдэд эмчилгээнд хэрэглэх нь
0-оос 18 хүртэлх насны хүүхдэд дапаглифлозинийг эмчилгээнд хэрэглэж эмийн эмчилгээний үр дүн болон аюулгүй байдлыг тодорхойлж байгаагүй. Судалгааны үр дүн байхгүй.
Хэрэглэх арга
Форсигаг хоногийн аль ч үед хоногт 1 удаа хоолтой эсвэл хоолтой хамааралгүйгээр амаар ууж хэрэглэнэ. Шахмал эмийг бүтнээр нь залгиж ууж хэрэглэнэ.
Хориглох заалт
Үндсэн идэвхтэй бодис болон туслах бодисын жагсаалт гэсэн хэсэгт заагдсан туслах бодисуудад хэт мэдрэг тохиолдолд эмчилгээнд хэрэглэхийг хориглоно.
Гаж нөлөө
Чихрийн шижин хэвшинж 2
Чихрийн шижин хэвшинж 2 гэсэн эмгэгтэй нийт 15,000 өвчтөнүүдэд дапаглифлозинийг эмчилгээнд хэрэглэж эмнэлзүйн судалгааг хийсэн.
Хяналтын бүлэгтэй хийсэн 13 удаагийн(24 долоо хоног хүртэл хугацаагаар) урьдчилан ангилалгүй хийсэн нэгдсэн судалгаагаар, 2360 хүнд дапаглифлозинийг 10 мг тунгаар уулгаж хэрэглэж, 2295 хүнийг хяналтын бүлэгт багтааж харьцуулсан судалгаа хийсэн.
Дапаглифлозин нь зүрх-судасны эмгэгт хэрхэн нөлөөлж байгааг тодорхойлох судалгаанд (DECLARE судалгаа, Фармакодинамикийн шинж чанар) 10 мг дапаглифлозин эмчилгээнд хэрэглэж байгаа 8574 өвчтөнүүд, 8569 өвчтөнүүд нь хяналтын бүлэгт багтаж дунджаар 48 сар хүртэл хугацаагаар эмчилгээ, судалгаанд хамрагдсан.
