Health For Her (2025)

30/01/2023

Health for Her ကနေအမျိုးသမီးတွေရဲ့ ကျန်းမာရေးနဲ့ဗဟုသုတတွေကို အမြဲမပြတ်တင်ဆက်ပေးလျက်ရှိပါတယ်။ ဒီနေ့မှာလည်း စိတ်ဝင်စားစရာကောင်းတဲ့ခေါင်းစဥ်လေးတစ်ခုရွေးထားပါတယ်။ 🤗

"တားဆေးဖြတ်ပြီးရင် ကလေးရဖို့ဘယ်လောက်စောင့်ရမလဲ" ဆိုတဲ့အကြောင်းအရာလေးဖြစ်ပါတယ်။ မြန်မာနိုင်ငံက ဇနီးမောင်နှံတွေကြားမှာလည်း စိုးရိမ်လေ့ရှိပြီး အမေးများတဲ့မေးခွန်းလေးဖြစ်ပါတယ်။

ပထမဆုံးအနေနဲ့ တားဆေးဖြတ်ပြီးတဲ့အခါ ကလေးကရနိုင်ပါတယ်။ ဒါပေမယ့် ဒီနေ့ဖြတ် မနက်ဖြန်တော့တန်းမရပါဘူး။ ဟော်မုန်းထုတ်ပေးတဲ့ မျိုးဥအိမ်လေးတွေကို သူ့သဘာဝအတိုင်းပုံမှန်အလုပ်ပြန်လုပ်ဖို့ အချိန်လေးတစ်ခုပေးရပါမယ်နော်။

ဟော်မုန်းပါနေ့စဥ်သောက်တားဆေးတွေမှာ အမျိုးသမီးဟော်မုန်းတွေဖြစ်တဲ့ အီစရိုဂျင်နဲ့ ပရိုဂျက်စတင်ဟော်မုန်းလေးတွေပါပါတယ်။ ဒီဟော်မုန်းတွေက အမျိုးသမီးတွေရဲ့ သားဥအိမ်ကနေ တစ်လတစ်ကြိမ်သားဥလေးတွေကြွေတာကို တားဆီးပေးခြင်းအားဖြင့် သန္ဓေတားခြင်းလုပ်ငန်းကိုဆောင်ရွက်ပေးတာဖြစ်ပါတယ်။ တကယ်လို့ လေဒီတို့က ကိုယ်ဝန်ဆောင်ဖို့၊ ကလေးယူဖို့ အဆင်သင့်ဖြစ်လို့ ဆေးဖြတ်မယ်ဆိုရင် လေဒီတို့ကြိုသိထားရမှာက သားဥအိမ်လေးက သူ့ရဲ့ပုံမှန်လုပ်ငန်းဖြစ်တဲ့ ဟော်မုန်းထုတ်ခြင်းနဲ့ သားဥကြွေခြင်းလုပ်ငန်းတွေကို ပြန်လုပ်ဖို့ အချိန်လေးတစ်ခုယူတယ်ဆိုတာပါပဲ။ ဒါကတော့ လူတစ်ဦးတစ်ယောက်ခြင်းပေါ်မူတည်ပြီး တူမှာမဟုတ်ပါဘူးနော်။ ဒါပေမယ့် စိတ်မပူပါနဲ့။ သူလိုအပ်တဲ့အချိန်တစ်ခုယူပြီးတဲ့အခါမှာတော့ ကိုယ်ဝန်ရနိုင်ပါတယ်။ 🤗

လေဒီတို့ ကိုယ်ဝန်ဆောင်ဖို့ အဆင်သင့်ဖြစ်ပြီဆိုရင်
✅ကျွမ်းကျင်ဆရာဝန်နဲ့တိုင်ပင်ပါ။
✅ ဟော်မုန်းဆေးဖြတ်ပြီးတဲ့အခါ ဖြစ်လေ့ရှိတဲ့ အခြေအနေတွေကိုမေးမြန်းထားပါ။
✅ကိုယ်ဝန်မဆောင်ခင် လိုအပ်တဲ့ ဗီတာမင်ဓာတ်တွေပြည့်ဝအောင် ဖြည့်စွက်ဆေးများသောက်သုံးဖို့တိုင်ပင်ပါ။ (ဥပမာ ဖောလစ်အက်ဆစ်)
✅ကိုယ်စိတ်ကျန်းမာအောင်နေပါ။
✅အစားကောင်းကောင်းစားပါ။
✅ဆေးလိပ်၊ အရက်သေစာ၊ မူးယစ်ဆေးဝါးရှောင်ကြဥ်ပါ။
✅စိတ်ဖိစီးမှုအတတ်နိုင်ဆုံး လျှော့ချပါ။

ကဲ... ဒီလိုအချက်လေးတွေကိုသိထားတယ်ဆိုရင်တော့ တားဆေးဖြတ်ပြီးနောက်ကလေးမရမှာလည်း ပူစရာမလိုဘူးနော်။ 😉 အခုပြောပြထားတဲ့အချက်လေးတွေအတိုင်းသာ လိုက်နာနေထိုင်ရင် လေဒီတို့အတွက် ချစ်စရာသားသားမီးမီးလေးတွေ ပိုင်ဆိုင်နိုင်မှာပါရှင်။ ဒီအချက်လေးတွေကို လေဒီတို့ရဲ့ချစ်ရသူခင်ပွန်းတွေလည်း သိရှိရအောင် မျှဝေပေးလိုက်ပါဦးနော်။ 😉💚

25/01/2023

ဟော်မုန်းမညီမျှလို့ ဝက်ခြံတွေထွက်တယ်ဆိုတဲ့စကားကို လေဒီတို့အတော်ရင်းရင်းနှီးနှီးကြားဖူးမယ်ထင်ပါတယ်။ ဒီဝက်ခြံတွေက ဘယ်ဟော်မုန်းကြောင့်ထွက်တာလဲရောသိကြလား?🤔

အမျိုးသမီးဟော်မုန်းတွေကတော့ အီစရိုဂျင်နဲ့ ပရိုဂျက်စတင်ဖြစ်ပြီး အမျိုးသားဟော်မုန်းတွေကတော့ အန်ဒရိုဂျင်နဲ့ တက်စတိုစတီရုန်းဖြစ်ပါတယ်။ အမျိုးသားဟော်မုန်းနဲ့အမျိုးသမီးဟော်မုန်းလို့ခေါင်းစဥ်တပ်ထားပေမယ့် တကယ်တော့လူတိုင်းမှာ နှစ်မျိုးလုံးရှိပါတယ်။ ပမာဏအနည်းအများသာကွာတာပါ။ အမျိုးသမီးတွေမှာဆိုရင် အမျိုးသမီးဟော်မုန်းနှစ်မျိုးကပမာဏများပြီး အမျိုးသားဟော်မုန်းတွေဖြစ်တဲ့ အန်ဒရိုဂျင်နဲ့ တက်စတိုစတီရုန်စပမာဏနည်းမှာဖြစ်ပါတယ်။

ဒီထဲကမှာ အန်ဒရိုဂျင်ရဲ့အဓိကလုပ်ငန်းတွေကတော့ အရွယ်ရောက်ချိန်မှာအရေးကြီးတဲ့နေရာကနေပါဝင်နေပါတယ်။
▶ခန္ဓာကိုယ်ကြီးထွားပြီး အရပ်ရှည်လာခြင်း
▶ဆီးခုံနဲ့ ချိုင်းမှာအမွှေးအမျှင်များပေါက်လာခြင်း
▶အီစရိုဂျင်ဟော်မုန်းထုတ်ရန်လိုအပ်ခြင်း
▶လိင်ပိုင်းဆိုင်ရာစိတ်ဆန္ဒနဲ့ စိတ်ကျေနပ်မှုတွေအတွက်လည်း လိုအပ်တဲ့ဟော်မုန်းတစ်မျိုးဖြစ်ပါတယ်။ ဒါ့အပြင် အဆီဂလင်းတွေကနေ အဆီထွက်စေတဲ့ အကျိုးသက်ရောက်မှုလည်းရှိပါတယ်။

အန်ဒရိုဂျင်ဟော်မုန်းများရင် (သို့မဟုတ်) အဆီဂလင်းတွေက ပုံမှန်အန်ဒရိုဂျင်ပမာဏကိုပဲ ပုံမှန်ထက်လွန်ကဲစွာတုံ့ပြန်ပြီး အဆီတွေအများကြီးထုတ်ရင် ဟော်မုန်းဝက်ခြံတွေဖြစ်လာတတ်ပါတယ်။ 😣 ဟော်မုန်းဝက်ခြံအများစုကတော့ T zone လို့ခေါ်တဲ့ နှာခေါင်း၊ နှုတ်ခမ်းတစ်ဝိုက်၊ ပါးအောက်ပိုင်းနဲ့ မေးရိုးတစ်လျှောက်မှာပေါက်လေ့ရှိကြပြီး skin care လုပ်ရုံနဲ့မသက်သာပါဘူး။ ဟော်မုန်းထိန်းညှိဆေးသောက်ပြီး ကုသမှုခံယူမှသာ သက်သာမှာဖြစ်ပါတယ်။

အမျိုးသမီးတွေမှာ ဒီလိုဟော်မုန်းဝက်ခြံဖြစ်လာရင်ဟော်မုန်းထိန်းညှိဆေးအနေနဲ့ကတော့ anti-androgenic အာနိသင်ပါတဲ့ ဟော်မုန်းထိန်းညှိဆေးလေးတွေပေးလေ့ရှိပါတယ်။ ဒါမှသာ ဟော်မုန်းဝက်ခြံတွေသက်သာနိုင်မှာဖြစ်ပါတယ်။ 🤗

ဟော်မုန်းဝက်ခြံတွေကတော့ ပျိုဖော်ဝင်စအချိန်တွေနဲ့ သွေးဆုံးခါနီးအချိန်တွေမှာပိုအဖြစ်များလေ့ရှိကြပါတယ်။ အကြောင်းအရင်းမရှိဘဲ ဝက်ခြံတွေပေါက်လာတယ်၊ ဆံပင်ကျွတ်များခြင်း၊ မျက်နှာတဝိုက်နဲ့ ရင်ဘတ်မှာအမွှေးတွေပေါက်လာခြင်းမျိုးတွေပါ ကြုံနေရတယ်ဆိုရင် ဒါဟာ အန်ဒရိုဂျင်များလို့ဖြစ်နိုင်ပါတယ်။ ကျွမ်းကျင်ဆရာဝန်နဲ့ပြသပြီး ကုသမှုခံယူဖို့အကြံပေးချင်ပါတယ်နော် လေဒီတို့ရေ။ 🤗

18/01/2023

အမျိုးသမီးတွေ ဓမ္မတာလာစဥ်မှာ စိတ်အရှုပ်ရဆုံးကတော့ နာကျင်မှုခံစားရတာပါပဲ။ ဒီလိုနာကျင်မှုက လူပေါ်မူတည်ပြီး တစ်ယောက်နဲ့တစ်ယောက်တော့ နာကျင်မှုပမာဏမတူနိုင်ပါဘူး။

ဒီလိုမျိုး ဓမ္မတာလာစဥ်နာကျင်မှုခံစားရတာက prostaglandins (ပရိုစတာဂလန်ဒင်) ဆိုတဲ့ဟော်မုန်းကြောင့်ဖြစ်တာပါ။ ဒီဟော်မုန်းက သားအိမ်ကြွက်သားတွေကိုညှစ်စေတဲ့အတွက် နာကျင်မှုခံစားရတာဖြစ်ပါတယ်။

ဟော်မုန်းပါတားဆေးတွေမှာပါတဲ့ အီစရိုဂျင်နဲ့ပရိုဂျက်စတင်ဟာဆိုရင် ဒီလိုနာကျင်မှုဖြစ်စေတဲ့
▶ prostaglandins (ပရိုစတာဂလန်ဒင်) ပမာဏကို လျော့နည်းစေလို့ နာကျင်မှုသက်သာစေတယ်။
▶သားဥကြွေခြင်းကိုကာကွယ်ပေးပြီး သားအိမ်နံရံတစ်ရှူးအသစ်ဖြစ်ခြင်းကိုလည်း လျှော့ချပေးတဲ့အတွက် ရာသီသွေးဆင်းတဲ့ပမာဏကိုလည်းနည်းစေပါတယ်။

ဒီအချက်တွေကတော့ ဟော်မုန်းပါကိုယ်ဝန်တားဆေးသောက်တဲ့အမျိုးသမီးတွေဟာ ပုံမှန်ထက်နာကျင်မှုသက်သာလေ့ရှိတဲ့ အဓိက အချက်နှစ်ခုပဲဖြစ်ပါတယ်။🤗

ဓမ္မတာလာစဥ် နာကျင်ကိုက်ခဲခြင်းဟာ ပုံမှန်ဖြစ်လေ့ဖြစ်ထရှိတဲ့အရာဆိုပေမယ့် မခံမရပ်နိုင်အောင်နာကျင်ကိုက်ခဲတတ်တဲ့ အကြောင်းအရာတွေလည်းရှိနေပါသေးတယ်။
▶သားအိမ်တစ်ရှူးနေရာမှားဖြစ်ပေါ်ခြင်း
▶သားအိမ်တွင်းအလုံးအကျိတ်ပေါ်ခြင်း
▶သားအိမ်ကြွက်သားနေရာလွဲမှားဖြစ်ပေါ်ခြင်း
▶တင်ပါးဆုံတွင်းရောင်ရမ်းခြင်း
▶သားအိမ်ခေါင်းကျဥ်းမြောင်းခြင်း စတာတွေဖြစ်နိုင်ပါတယ်။ ဒီလိုအကြောင်းအရာတွေအတွက်ဆိုရင်တော့ သက်ဆိုင်ရာကျွမ်းကျင်ဆရာဝန်နဲ့ သေချာတိုင်ပင်ပြီးကုသမှုခံယူသင့်ပါတယ်။ ✅

ကဲ...လေဒီတို့ရေ ဟော်မုန်းပါတားဆေးသောက်နေတဲ့သူတွေအပြင် သောက်ဖို့စဥ်းစားနေတဲ့သူတွေအတွက်ပါ ဗဟုသုတရမယ့် ခေါင်းစဥ်လေးကိုမျှဝေပေးလိုက်ရပါတယ်။ 💚

Health for Her ကနေ အမျိုးသမီးတွေရဲ့ ကျန်းမာရေးနဲ့ပတ်သတ်လို့အမြဲမပြတ်တင်ဆက်ပေးလျက်ရှိပါတယ်။ 🤗

14/01/2023

Health for Her ရဲ့ လေဒီတွေက အမျိုးသမီးကျန်းမာရေးနဲ့ပတ်သက်လို့ ဗဟုသုတအတော်ပြည့်စုံနေမယ်လို့ ယူဆပါတယ်။ အဲ့လိုယူဆလို့ ဒီနေ့လည်း ဥာဏ်စမ်းမေးခွန်းလေးထပ်မေးချင်ပါတယ်။ 🤗

အမျိုးသမီးတွေဟာ ကလေးမွေးပြီး ဘယ်လောက်အကြာမှာ အမျိုးသားနဲ့ တူတူပြန်နေလို့ရပါသလဲ? 🤔
(က) ၁၀ ရက်
(ခ) ၄၅ ရက်
(ဂ) ၆၀ ရက်
အဖြေမှန်လေးကဘာဖြစ်မလဲနော်❓❓❓
ရွေးချယ်ကြည့်ကြပါဦး🤗

06/01/2023

လေဒီတို့ရေ ကိုယ့်ပိပိလေးရဲ့ pH level ကဘယ်လောက်ရှိတယ်ဆိုတာသိကြလား? ဒီနေ့တော့ Health For Her ကဖြေပေးမယ်နော်။ 😉

ပိပိလေးရဲ့ pH ဟာ ပုံမှန်အားဖြင့် 3.8 ကနေ 4.5 အတွင်းရှိတတ်ပြီး လူတစ်ဦးချင်းစီပေါ်မူတည်ပြီး အပြောင်းအလဲလေးတွေတော့ရှိတတ်ပါတယ်။ pH level 3.8-4.5 ကို acidic pH လို့သတ်မှတ်ပြီး ဒီ pH level က လေဒီတို့ရဲ့ ပိပိလေးမှာ ရောဂါပိုးတွေကူးစက်ခြင်းမရှိအောင် ကာကွယ်ပေးထားတာဖြစ်ပါတယ်။ ✅ဒါကြောင့် ဒီမေးခွန်းလေးရဲ့အဖြေဆိုရင်တော့ ပိပိရဲ့ pH level ဟာ 4 ဖြစ်ပါတယ်နော် လေဒီတို့ရေ။ အဖြေလေးတွေမှန်ရဲ့လား တိုက်ကြည့်ကြပါဦးနော်။ 🤗

**na

05/01/2023

လေဒီတို့ရေ ကိုယ့်ရဲ့ပိပိလေးအကြောင်း ဘယ်လောက်သိသလဲ? သိတယ်ဆိုရင်ဒီဥာဏ်စမ်းလေးရဲ့အဖြေကိုမှန်အောင်ရွေးကြနော်။ 😉

ပိပိလေးရဲ့ pH level ဟာ... ဖြစ်ပါတယ်။
(1) 4
(2) 7
(3) 8

ကဲအဖြေမှန်ကဘာလေးဖြစ်မလဲနော်။ 🙄နောက်ရက်မှာအဖြေမှန်လေးကိုစောင့်ကြည့်ရအောင်။ 🤗

**na

31/12/2022

လေဒီတို့ရေ နှစ်တစ်နှစ်ကုန်လို့ နှစ်သစ်ကိုရောက်လာပြန်ပြီနော်။ 🎆အခုလာမယ့် 2023 နှစ်သစ်မှာလည်း လေဒီတို့ရဲ့ အိပ်မက်စိတ်ကူးတွေအားလုံး အကောင်အထည်ဖော်နိုင်ပြီး စိတ်ချမ်းသာကိုယ်ကျန်းမာရှိကြပါစေလို့ တောင်းဆုပြုလိုက်ရပါတယ်။ 🤗

29/12/2022

မနေ့ကတင်ခဲ့တဲ့ Post လေးကို အဖြေမှန်ဖြေပေးဖို့အချိန်ကျရောက်လာပါပြီ...

နေ့စဥ်သောက် 21 လုံးပါ တားဆေးကတ်လေးတွေမှာ သံဓာတ်အားဆေးမပါပါဘူးနော် လေဒီတို့ရေ...🤗
ဒီလိုဆေးကဒ်လေးမှာပါတဲ့ဆေး 21 လုံးဟာ အီစရိုဂျင်နဲ့ ပရိုဂျက်စတင်ဟော်မုန်းနှစ်မျိုးပါတဲ့ ဟော်မုန်းဆေးလုံးလေးတွေဖြစ်ပါတယ်။ 🤗

21 လုံးလုံးက ဟော်မုန်းဆေးလုံးလေးတွေဖြစ်တာကြောင့် ဘယ်ကနေပဲစသောက်သောက်အဆင်ပြေပြီး ကြိုက်သလိုကျော်သောက်လို့ရနိုင်ပါတယ်။ လစဥ်ပုံမှန်ရာသီလာချင်တယ်ဆိုရင်တော့ 21 လုံးကုန်တဲ့အခါ နောက်တစ်ကဒ်ကိုစမသောက်သေးဘဲ တစ်ပတ်နားပေးပါနော်။ 🤗✅

28/12/2022

လေဒီတို့ရေ သန္ဓေတားဆေးတွေနဲ့ပက်သတ်လို့ ဘယ်လောက်ထိသိကြလဲ? သိတယ်ဆိုရင် ဒီမေးခွန်းလေးကတော့ဖြေနိုင်မှာ အမှန်ပဲနော်။ 😉

21 လုံးပါ နေ့စဥ်သုံးသန္ဓေတားဆေးမှာ သံဓာတ်အားဆေးပါ,ပါသလား?

(1) ပါတယ်။
(2) မပါဘူး။

အဖြေလေးမှန်မမှန်ကို နောက်ရက်မှာအဖြေတိုက်ပေးမှာမို့ စောင့်ကြည့်ပေးကြပါဦးနော်။ 🤗

25/12/2022

Merry Christmas ပါ လေဒီတို့ရေ 🎄🌲🌟🎅
ဒီနှစ် Christmas မှာ လေဒီတို့ရော ဘာလုပ်ဖို့အစီအစဥ်ရှိကြလဲ? ဘာအစီအစဥ်ပဲရှိရှိ ဘေးအန္တရာယ်ကင်းကင်းနဲ့ ပျော်ရွှင်နိုင်ပါစေလို့ Health for Her ကနေ ဆုတောင်းပေးလိုက်ပါတယ်နော်။ 🤗💕

24/12/2022

ဒီအချက်တွေထဲက(၃)ခုနဲ့အထက်ကိုက်ညီနေရင် သင့်မှာ အမျိုးသားဟော်မုန်းများနေတာဖြစ်နိုင်ပါတယ်

ခေါင်းဖြီးရမှာကြောက်တဲ့အထိ ဆံပင်ကျွတ်ခြင်းကို ခံစားနေရတဲ့ လေဒီတွေရှိလား?😣 ဆံပင်ကျွတ်ရခြင်းအကြောင်းအရင်းတွေကတော့ အများကြီးရှိပြီး အမျိုးသားဟော်မုန်းဖြစ်တဲ့ အန်ဒရိုဂျင်နဲ့ တက်စတိုစတီရုန်းများခြင်းကလည်း တစ်ခုအပါအဝင်ပါ။ ဒီဟော်မုန်းတွေကြောင့်ဖြစ်တာဟုတ်မဟုတ် စစ်ဆေးဖို့အတွက် ပုံထဲကအချက်လေးတွေကိုစစ်ကြည့်ဖို့လိုအပ်ပါတယ်။ ဒီအချက်တွေထဲက သုံးခုနဲ့အထက်ကိုက်ညီနေပြီဆိုရင်တော့ အမျိုးသားဟော်မုန်းများတာဖြစ်နိုင်ပါတယ်။

ဒါပေမယ့်စိတ်ပူစရာတော့မလိုပါဘူး။ ကျွမ်းကျင်ဆရာဝန်နဲ့ ဆွေးနွေးတိုင်ပင်ပြီး anti-androgenic အာနိသင်ပါတဲ့ အမျိုးသမီးဟော်မုန်းပါ သန္ဓေတားဆေးမျိုးကို ရွေးချယ်သောက်သုံးလို့ရပါတယ်။ ဒီဆေးလေးတွေရဲ့ anti- androgenic အာနိသင်ကြောင့် ဆံပင်ကျွတ်ခြင်းနဲ့ အမျိုးသားဟော်မုန်းများခြင်းကြောင့်ဖြစ်တဲ့ အခြားသောလက္ခဏာတွေကို သက်သာစေပြီး ဟော်မုန်းပမာဏကို ပြန်လည်ထိန်းညှိပေးနိုင်ပါတယ်။

လေဒီတို့အနေနဲ့ သတိထားစရာတစ်ခုက ဆရာဝန်နဲ့မတိုင်ပင်ဘဲ မိမိဘာသာ အမျိုးသားဟော်မုန်းများတယ်လို့ယူဆပြီး ဟော်မုန်းပါတားဆေးတွေကို စိတ်တိုင်းကျဝယ်မသုံးဖို့ပဲဖြစ်ပါတယ်။ 🤗

21/12/2022

နေ့စဥ်သောက်ကိုယ်ဝန်တားဆေးကဒ်တိုင်းကို ဟော်မုန်းဝက်ခြံအတွက် သုံးလို့ရပါတယ်ဆိုတာဟာ မှန်သလားမှားသလား? လေဒီတို့ရော ဘယ်လိုထင်လဲ? 🙄🤔

မနေ့ကတင်ခဲ့တဲ့ Post လေးရဲ့ အဖြေကတော့ မှားပါတယ်နော် လေဒီတို့ရေ။ ကိုယ်ဝန်တားဆေးကဒ်တိုင်းမှာ အမျိုးသမီးဟော်မုန်းဖြစ်တဲ့ အီစရိုဂျင်နဲ့ ပရိုဂျက်စတင်ပါတာမှန်ပေမယ့် ဆေးကဒ်တိုင်းကိုတော့ ဟော်မုန်းဝက်ခြံအတွက်သုံးလို့မရပါ။ ဟော်မုန်းဝက်ခြံတွေက အမျိုးသားဟော်မုန်း အန်ဒရိုဂျင်ကြောင့်ဖြစ်တာပါ။ ဒီဝက်ခြံတွေကို ကုသဖို့ဆိုရင် anti-androgenic အာနိသင်ပါတဲ့ ဆေးကဒ်မျိုးကိုသာရွေးချယ်သောက်သုံးပြီး ကုသရမှာဖြစ်ပါတယ်။ ဒါ့အပြင် ဘယ်ဆေးကဒ်က ဒီeffectပါလဲဆိုတာ ကျွမ်းကျင်ဆရာဝန်တွေပဲ သေချာသိနိုင်မှာဖြစ်တဲ့အတွက် ဟော်မုန်းဝက်ခြံအတွက်ဆိုရင် ဆရာဝန်နဲ့သေချာတိုင်ပင်ပြီးမှသောက်သုံးသင့်ပါတယ်။ မိမိသဘောနဲ့ ဝယ်သောက်ခြင်းများကိုရှောင်ကြဥ်ပါနော် လေဒီတို့ရေ။ 🤗

Health For Her