心臟科高耀鈞醫生 Dr. Cyril Ko

15/08/2025

同小薯茄阿J 一齊拍攝！估吓拍攝乜嘢節目？🤪

#我經常同仔仔睇雪櫃冷笑話

19/07/2025

Chronic venous insufficiency

歡迎Trump Trump 總統嚟香港，順便睇吓醫生！🤪

#其實都唔算係啲乜嘢嚴重疾病

79歲特朗普患慢性靜脈功能不全，醫生揭2原因令長者易患上 3類職業也高危！

特朗普/慢性靜脈功能不全｜79歲的美國總統特朗普證實患上「慢性靜脈功能不全」，美國白宮周三（17日）表示這屬於70歲人群的常見病，強調特朗普未出現其他嚴重健康問題。本港心臟科醫生高耀鈞接受《星島頭條》訪問，拆.....

16/04/2025

今次既題目係”風濕性心臟病”。仲可以同Cindy區倩怡一齊做節目！

我仲記得錄影嘅時候，我個人病到死死下，夜晚咳到甩肺，好多晚都瞓唔到，仲要嚴重失聲。😷🤕

所以今次帶住一把爛聲去分享，辛苦大家對耳仔🫣🫣

其實醫生既健康，有時都需要關注一下😅

節目會喺4月18號星期五播出(21:00-21:30時段內)，HOY TV 77台。

想之後重温，可以喺HOY TV App或YouTube 睇番

#開電視
#健康關注組
#風濕心臟病
#醫生健康也要關注

07/04/2025

突發！

之前分享過呢本書，係我哋一班醫科同學為慶祝畢業20年出嘅一本書。當中集結大家嘅心血，分享做咗醫生20年嘅心路歷程，希望提醒吓自己，當初做醫生嘅初心。

而家有一批限量既書，有興趣嘅，可以留言。預計五月頭可以攞書。

如果你哋唔介意，我可以代表其他作者，寫幾個字簽個名架！🤣

多謝支持，一齊尋回初心！

#書局好似唔易買到

04/04/2025

達華先生: 「聽晚11點，你會做咩？」

睇波？飲酒？跑步？

如果未瞓，不妨聽下新城財經台，恩雨之聲訪問我嘅節目出街喇！

我會分享一下我個人嘅生活，喺忙碌嘅生活點樣排優先次序，仲有工作以外嘅教會生活。

恩雨之聲
出街日期：4月5日
播出時間：晚上11時，大約1小時
播出平台：FM104新城財經台
即時收聽：http://www.metroradio.com.hk/Live/LivePlayer/MF.html

當然，之後4月7日可以喺恩雨之聲網站重溫。😌

#恩雨之聲
#新城財經台

02/04/2025

多謝香港中風基金會邀請，有機會跟靚仔腦外科黃秉康醫生一齊拍攝，腦科Crossover心臟科！

做醫生有時真係同偵探一樣，要去細心搵唔同嘅證據，幫病人確診同埋作出治療。

如果黃醫生係福爾摩斯，咁我係唔係華生醫生？👨🏻‍⚕️👨🏻‍⚕️

今日AM730 出街，有文章，亦都有短片！希望你哋鍾意！

https://www.am730.com.hk/%E5%81%A5%E5%BA%B7/%E5%81%A5%E5%BA%B7%E7%A0%94%E7%A9%B6%E6%89%80-%E5%BF%83%E8%87%9F%E7%97%85%E6%8E%A5%E4%BD%8F%E5%B0%B1%E4%B8%AD%E9%A2%A8-%E9%99%8D%E8%86%BD%E5%9B%BA%E9%86%87%E8%97%A5%E6%95%88%E7%94%A8%E4%B8%8D%E7%90%86%E6%83%B3%E9%9C%80%E7%9B%A1%E5%BF%AB%E8%BD%89%E6%8F%9B%E8%97%A5%E7%89%A9/541649

#中風偵查社

#香港中風基金會

29/01/2025

新一年，唔單止祝大家好似蛇咁精靈

更加希望大家好似龍蝦咁精神，身體健康到可以嘣嘣跳跳！

25/01/2025

今次嘅主題係完美。搵咗唔同領域嘅人嚟分享呢個主題。有幸成為其中一個君子 - 高耀鈞子！🤪

其實幫我影咗好多張相。最後佢哋揀咗呢張。但係點揀都唔會好似林家謙或者其他人咁型。😮‍💨

喺我影嘅上一個，應該係小提琴高手。我見佢攞住一個似乎價值不菲嘅小提琴嚟影相。我心諗死啦，我連聽筒都冇帶…😅

#冇比較冇傷害
#我盡咗力㗎啦
#唔好掛住笑我張相
#都要睇吓我分享關於完美嘅內容
#如果睇唔到當中嘅文字可能要自己買一本嚟睇睇🤭
#可以免費幫你簽名😆

09/01/2025

琴晚嘅直播喺緊張中順利完成。

我分享咗兩個跑馬拉松心得，其實都係我喺失敗痛苦之中學返嚟嘅🫣

1 比賽嘅時候，唔好跟身邊嘅人嘅節奏。要跟自己嘅節奏：我起初跑馬拉松嘅時候，經常喺跑道上有一啲要追上既目標對象，有有時甚至係靚女！以為呢一條賽道上嘅紅蘿蔔，可以幫我泡得更加快。點知呢一個效果係非常短暫，好快我就發覺自己唔夠氣同埋冇力再跑落去。

2 比賽之前要了解成條賽道，尤其是邊度特別辛苦：我人生第二次全馬係跑王者之戰。事前冇特別了解賽道。跑到中途先發覺原來要上梅子林，係一條差唔多45度角嘅斜路！開頭仲心雄，諗住要打破自己嘅紀錄，點知到最後撞晒牆，當日天氣又熱（12月24日仲要20幾度…)，結果勉強捱到終點，左腳整傷咗三個幾月！

雖然好想將呢啲嘅經驗分享俾嚟緊比賽嘅選手。不過我懷疑會跑嘅選手其實唔會睇到我嘅節目…😅

有興趣重溫嘅可以click以下嘅連結:

https://youtu.be/l4yxasiIFhM?si=D4yy4u0XId5Xwa42

07/01/2025

又黎突發！📢📢📢📢

!

一過咗農曆年，2月9號又係一年一度嘅渣打馬拉松，唔知你今年抽唔抽到呢？全馬、半馬定係10K？

聽到新聞報道，跑馬拉松會有運動員猝死，都可能會嚇親大家。

究竟跑馬拉松係唔係一個高危嘅活動？猝死風險有幾高？

成個比賽邊一段路最常有運動員猝死？猝死嘅原因又係啲乜嘢？

有心臟病係咪就唔能夠參加馬拉松？

聽晚8/1/25 8pm, 喺港台電視31，醫生與你節目裏面直播接受訪問 (係直播呀！直播係好緊張㗎！🫣🫣🫣)
喺節目裏面我會一一解答。
到時見你啦！😁

2月9日係香港馬拉松嘅大日子，唔少人已經積極備戰緊。馬拉松係一項高強度運動，對心肺功能同體格嘅要求都十分高。事實上，各地馬拉松賽事都曾出現過參賽者不適、受傷，甚至猝死嘅個案。運動猝死通常同隱性心臟病有關....

02/01/2025

港台31，熱休克，有得重溫喇！

原來講呢個題目嘅原因，係因為日本明星中山美穗懷疑喺佢嘅浴室死於熱休克。

當中有一條題目，問點樣可以防止熱休克。我其實想講，去少啲日本，浸少啲溫泉，咁就可以避免！ (咁我可能會俾人打死🤪)

如果你想知道乜嘢係熱休克，點解浸溫泉會休克，邊啲人係高危，可以按呢條YouTube連結睇片:

「社區客廳，佳節『童』行」社區客廳，是劏房戶的延伸生活空間，「落客廳坐坐」可以給予照顧者喘息的機會、小朋友安全玩樂的地方。深水埗「一片天」社區客廳，主要服務育有0至6歲兒童的家庭，趁著聖誕節，更安排了特....

26/12/2024

突發！


聖誕佳節，大量香港人去咗旅遊，唔知睇緊呢個訊息嘅你，而家喺世界嘅邊個地方？
可能好大機會喺日本浸緊溫泉！
你又有冇試過浸溫泉嘅時候暈低咗？😵‍💫😵‍💫

突發聽晚(27/12) 6:30-7pm，我會喺港台電視31，分享關於「熱休克」呢個題目。呢個題目實在太啱香港人，希望大家喺日本浸溫泉嘅時候，都要保持身體健康，唔好開心到暈低！

#港台電視31
#凝聚香港
#熱休克