Medi-V

18/09/2025

#動物致敏原 主要來自動物皮脂底部，除左動物嘅毛、皮屑外、口水同尿液都係動物致敏原。而就算屋企冇養貓狗，你都會有機會接觸到貓狗嘅致敏原，而出現 #過敏。

以 #貓致敏原 為例，由於貓致敏原體積好細，當貓郁動嘅時候，致敏原就會懸浮係空氣中。而貓致敏原黏性好強，貓主人嘅衫好容易會黏到貓致敏原，當佢出到公眾場所，致敏原就會隨之而散佈開去。

如果對動物有過敏，但又唔想放棄養寵物，可以點做? 咁要注意以下幾點：
首先，屋企入面，盡量唔好俾寵物去自己嘅睡房，因為動物致敏原好容易擴散在房間每個角落，咁樣會影響患者嘅睡眠質素，增加過敏情況。仲有保持動物清潔，每個禮拜，最少要幫佢地沖兩至三次涼。最後就係建議選擇高性能嘅空氣清新機同過濾網嘅吸塵機，減少致敏原。

如果懷疑自己對動物致敏原過敏，應該要進行最新嘅第三代IgE過敏血液測試，佢可以檢測到超過150種致敏原，當中更可以檢測13種動物致敏原包括左佢地嘅皮屑、口水同尿液。
主持：林燕玲 Ruby Lam - 小飛俠

更多動物致敏原內容：www.allergy-test.com.hkwww.meddx.com.hk/allergy動物致敏原主要來自動物皮脂底部，除左動物嘅毛、皮屑外、口水同尿液都係動物致敏原。而就算屋企冇養貓狗，你都會有機會接觸到貓狗嘅致敏原，而出現過敏。以貓....

28/08/2025

#肝纖維化, #肝硬化, #肝癌
肝係人體一個好重要的器官，每日幫我地排出體内的毒素，例如酒精、防腐劑、食品添加劑等。在香港，肝病都幾常見的，肝癌仲係本港第三號癌症殺手添。

原來，肝臟健康同飲食習慣、生活作息好有關係，捱夜、經常飲酒、情緒波動、鍾意食煎炸肥膩野，都好傷肝。再加上肝病通常唔易察覺，所以患者發現肝有事的時候，病情往往已經去到好嚴重。

不過，肝病仍然有跡可尋。如果成日覺得攰、無胃口食野、眼黃、小便顔色好似普洱茶咁深，就要去驗血檢查肝功能。如果要進一步診斷肝纖維化，可以照超聲波再配合儀器檢查。肝纖維化是肝硬化的前奏，任由佢發展，可能會演變成肝癌。

所以，任何時候都錫住個肝，有需要的話，就要做肝臟血液測試。

主持：林燕玲 Ruby Lam - 小飛俠

有關更多肝纖維化, 肝硬化的信息..衞生防護中心 http://chp.gov.hkMedDx, 麥迪體檢 http://meddx.com.hk更多教育視頻www.medi-v.com肝係人體一個好重要的器官，每日幫我地排出體内的毒素，例如酒精、防腐劑、食品添加劑等。在香港，肝病都...

28/08/2025

#大腸癌
好多人都知，腸係消化系統的一部份，而原來，大腸癌係現時是全球最常見癌症的第三位，患者以男性、 五十歲以上、經常食高脂肪同低纖維食物較多。常見徵狀包括排便時出血、、大便習慣改變、肚痛、體重減輕等等。

大家又知唔知大腸癌的形成，原來係需要一段好長的時間？因為由腸粘膜變成腸瘜肉，再轉變成癌細胞，過程可以長達十年。所以，只要定期做檢查，大腸癌某程度上係可以預防。

治療方面，早期的大腸癌係靠外科手術切除。如果屬於第二或第三期，一般要手術後，再配合化療減少復發風險。如果屬於第四期，醫生會先檢測基因去決定用邊一類標靶藥物，再配合化療來控制腫瘤生長。

檢查方面主要有兩種，第一種係做身體檢查的驗大便測試，透過抽取大便樣本，再用試紙檢查大便有冇帶血。另一種就係大腸鏡檢查，方法係用內窺鏡檢查大腸內部，再抽取組織化驗。

另外，合資格的市民亦可以參加大腸癌篩查計劃，接受政府資助進行篩查，預防大腸癌

主持：林燕玲 Ruby Lam - 小飛俠

今集同大家講嘅字係腸字，係大腸癌的腸。好多人都知，腸係消化系統的一部份，而原來，大腸癌係現時是全球最常見癌症的第三位，患者以男性、 五十歲以上、經常食高脂肪同低纖維食物較多。常見徵狀包括排便時出血、、.....

28/08/2025

#靜脈曲張 分幾期?

(一)蜘蛛網狀靜脈；
是初期徵狀。此階段只影響外觀未影響健康。

(二)血管突起及脹起；

(三)腳部浮腫及容易疲累；
腳部開始腫脹,患者常感到腳部酸軟不適, 甚至晚上抽筋。

(四)腳部皮膚，尤其足踝的顏色變深變黑；

(五)皮膚出現痕癢﹑濕疹﹑潰瘍；

(六)靜脈潰瘍；傷口長期潰瘍難以痊癒
(veno.com.hk)

28/08/2025

#甲狀腺切除 - 手術比較


傳統甲狀腺切除手術同樣以全身麻醉方式進行，住院時間亦約為3至4天，術後也可即日進食及下床。此手術與微創形式分別之處，在於手術的切口位置，醫生會在頸部切開約４厘米的切口，取走甲狀腺，在頸部留下5 至7 厘米如蜈蚣形的疤痕，手術時間約爲2小時。


除了一般手術風險例如流血及發炎外，亦可能會損害副甲狀腺、缺乏鈣質，或傷害聲帶神經線引致聲沙，惟有關情況罕見。(surgeon.com.hk)

09/07/2025

有敏感嘅人都會知，敏感係咁咁令人困擾。究竟點先可以脫離敏感呢？

有臨床研究證實， #脫敏治療 對於 #鼻敏感 同 #過敏性哮喘，可以在６-９個月內有明顯的改善，而對部份濕疹患者亦有一定幫助，當完成脫敏治療之後，患者就可以根治過敏。

過敏係因為免疫系統認錯致敏原係敵人，而引發身體作出反應。脫敏治療的原理，就好似中國人經常所講嘅以毒攻毒，透過長時間服用呢Ｄ致敏原，令免疫系統重新辨認致敏原，將致敏原由敵人變返做朋友，令身體唔會再針對呢Ｄ致敏原產生過敏反應。

而脫敏治療，主要可以分為皮下注射免疫治療同舌下免疫治療 。

皮下注射免疫治療，必須要由過敏科醫生監察下進行，對於有多種致敏原的過敏人士，進行比較理想。

而舌下脫敏治療，只需要患者自行服用一次口服液，簡單方便，治療一般針對塵蟎、猫或狗毛呢D常見的致敏原。

如果想進行脫敏治療，一定要先認清楚自己的致敏原。方法係進行第三代IgE過敏測試，之後對症下藥，脫離過敏。

主持：林燕玲 Ruby Lam - 小飛俠

有敏感嘅人都會知，敏感係咁咁令人困擾。究竟點先可以脫離敏感呢？有臨床研究證實，脫敏治療對於鼻敏感同過敏性哮喘，可以在６-９個月內有明顯的改善，而對部份濕疹患者亦有一定幫助，當完成脫敏治療之後，患者就可.....

06/06/2025

什麼是 #鼻敏感？
主持：林燕玲 Ruby Lam - 小飛俠

有調查發現，香港人大約有25%是鼻敏感患者。鼻敏感的主要原因是吸入致敏原令鼻腔出現發炎反應，徵狀跟一般的傷風感冒十分相似，即打噴嚏、流鼻水、鼻塞和鼻子癢等，並會持續一段時間。不少鼻敏感患者同樣地患有眼睛敏感問題，徵狀包括痕癢、出現紅筋、流眼水、眼腫等。

鼻敏感成因？
1. 過敏性鼻炎
病人對環境事物敏感 (例如塵蟎, 花粉, 霉菌)所引起。當鼻敏感患者吸入以下的致敏原時導致鼻膜腫脹、搔癢、打噴嚏和流鼻水等過敏性鼻炎反應。病人更會因鼻水倒流令喉嚨不適、咳嗽及有痰等問題相繼出現。

香港是常見的塵蟎過敏地區，一般以傢俬、梳化、枕頭、坐墊、地毯及窗簾等積聚塵蟎。若是過敏性鼻炎的病患者，在接觸塵蟎後20分鐘內便會出現過敏反應。

2. 血管舒縮性鼻炎
大約半數的鼻敏感患者是由於血管舒縮性鼻炎引起的。這有可能是傷風感冒的嚴重感染導致，又或是長時間有過敏性鼻炎而造成的併發症。

3. 鼻敏感藥
很多病人會依靠通鼻噴劑去舒緩病情，可惜用了一段時間後（約四至五天）便發覺一旦停藥，鼻塞問題更為嚴重。長期使用此類藥物會造成依賴性，長時間令鼻膜血管收縮可能造成鼻膜變薄和潰爛。

如何診斷鼻敏感？
診斷鼻敏感有2大方法：

嗜酸性粒細胞：
在患者的鼻膜內取出小量細胞，並在顯微鏡下觀察，若發現有敏感性發炎細胞「嗜酸性粒細胞」時，即表示患上過敏性鼻炎。

鼻敏感測試：
皮膚測試是一種檢查患者對某些致敏原的過敏反應方法，從而避免及減低接觸致敏原的風險。

鼻敏感治療
首要任務是避免接觸致敏原。然而，有部份的致敏原是可以避免的，如飼養動物時帶來的動物毛屑和睡房內的塵蟎。可是，在現實的環境下有不少患者寧願自己的鼻敏感情況持續下去，都不願意放棄家中寵物，這一點亦是可以理解的。

鼻敏感藥(鼻敏感噴劑 / 抗組織胺)
目前有效治療過敏性鼻炎藥物有鼻敏感噴劑，屬於消炎效力強和抗敏感的類固醇藥物。然而，類固醇噴劑的治療範圍集中於鼻腔內，患者可以在有需要的時候使用，副作用包括比較容易流鼻血。

第二類鼻敏感藥是抗組織胺。由於人體內的免疫細胞會釋放組織胺免疫因子，令患者感到痕癢、血管膨脹、血管滲水等，抗組織胺藥物可以減少痕癢、打噴嚏和流鼻水的徵狀。

脫敏治療
若需要較長期性的根治過敏性鼻炎，可考慮使用脫敏治療。

有關更多鼻敏感的信息www.allergy-test.com.hk, www.meddx.com.hk/allergy更多教育視頻www.medi-v.com鼻敏感 -鼻敏感成因, 鼻敏感治療, 鼻敏感根治什麼是鼻敏感？有調查發現，香港人大約有25%是鼻敏感患者。鼻敏感的主要原因是吸入致敏原令鼻...

24/05/2025

#胃酸倒流
主持：林燕玲 Ruby Lam - 小飛俠

原來經常食得太飽、鐘意食宵夜同埋成日食肥膩煎炸的食物，都有機會引致胃酸倒流。而肥胖、食煙、飲酒、壓力大同埋食無定時的人，都會有較高患上胃酸倒流的風險。

胃酸倒流的患者，一般會覺得胸口灼熱同埋痛，俗稱「火燒心」、仲會有喉嚨發炎、嘔吐等等嘅症狀。而慢性嘅胃酸倒流，更可能導致「巴雷斯特食道症」。

大家有冇諗過，胃酸倒流是可以根治？以往胃酸倒流的患者，醫生通常會處方俗稱PPI，即係「質子泵抑製劑」。但對於部份患者來說，長期服用PPI未必有明顯幫助，而且會有副作用。對於PPI反應唔太好嘅患者，仲有可能會患上食管裂疝氣。

對呢類病人，手術治療就比藥物治療就有效得多。醫生會建議患者進行「腹腔鏡微創胃底摺曡術」，即係LARS，手術原理係將胃底摺曡到食管底下，加强食管下活躍肌的功能。

想知道自己胃酸倒流情況，外科專科醫生會利用，量度pH值的儀器，來量度患者的食管胃酸，如果患者食道的pH值長期處於低於4的水平，就會被診斷爲胃酸倒流。

一旦發現自己有胃酸倒流的症狀，唔好隨便食胃藥就當解決左問題，應儘早睇醫生進行適當治療。

更多胃酸倒流內容：HKSurgeon : http://www.hksurgeon.com/衞生署 : http://www.dh.gov.hk/tc_chi/press/2011/110303-2.html原來經常食得太飽、鐘意食宵夜同埋成日食肥膩煎炸的食物，都有機會引致胃酸倒流。而肥胖、食煙、飲酒、壓力大同埋...

06/05/2025

骨質疏鬆症疑問😟

❓是否一定要進食奶類食品才能攝取足夠的鈣質？
❓我需要服用鈣片以補充鈣質嗎？
❓從哪裏可以吸收維生素D？
❓我需要維生素D補充劑嗎？
👇👇👇👇👇👇
https://www.fhs.gov.hk/tc_chi/health_info/woman/14741.html

30/04/2025

射頻消融術（Radio Frequency Ablation， REA）較多為亞洲地方使用，尤以南韓居多，並已引入本港。

射頻消融術當中的「射頻」乃為電磁波，原理乃將探針一部分刺進甲狀腺中，並以肉眼看不到的震動頻率產生熱力，使結節內的血管及組織在高溫下碳化、壞死，變為疤痕組織或織維化組織，最後被身體吸收。

射頻消融術的溫度不 如激光般上千度，反而可以控制在100°C至120°C 左右，耗材較便宜，故比激光消融術的手術費用便宜三分一甚至一半。由於手術以局部麻醉進行，故此患者不用留院，只需於完成治療後觀察一至兩小時，如無大礙便可歸家，另外亦需定期監測治療後之康復進展。一般經射頻消融術治療後約一個月， 結節平均能縮小50%，半年則縮小約80%-90%。

激光、微波或射頻消融皆被歸類「無創」治療，對此，陳醫生補充：「所謂無創是指傷口癒合 之後完全看不見傷口，只剩下一個針孔。因為並非完全無創，但跟傳統手術比，創傷一定少得多。」
https://www.genesis-surgery.com/img/RF-thyroid.pdf

#甲狀腺結節 #甲狀腺 #微創手術 #甲狀腺結節射頻消融術
#惡性 #良性

15/04/2025

中風與心臟病

係香港，每年約有6,000名患有心臟病及3,000名中風病患者死亡 ，係本港最常見嘅致命疾病中高居第3同第4位，近年數字更顯示中風同心臟病嘅發病年齡有下降趨勢。

都市人生活壓力大，經常忽略均衡飲食，少做運動，呢啲因素都會增加患病風險。患有心臟病嘅患者亦會增加中風風險，中風嘅可怕之處，係佢會影響病人嘅活動、說話同吞嚥等能力，甚至會引致身體殘障。

除左進行手術同藥物治療，患者必須注意飲食健康同恆常作適量運動。不過，中風患者往往需要接受長期嘅康復訓練，以幫助佢地改善活動功能，重投正常生活。 對於突如其來嘅醫療開支，往往會為患者同家人帶嚟精神同經濟上嘅負擔。

主持：林燕玲 Ruby Lam - 小飛俠

係香港，每年約有6,000名患有心臟病及3,000名中風病患者死亡 ，係本港最常見嘅致命疾病中高居第3同第4位，近年數字更顯示中風同心臟病嘅發病年齡有下降趨勢。都市人生活壓力大，經常忽略均衡飲食，少做運動，呢啲因素都.....

10/03/2025

#哮喘

佢嘅徵狀包括：咳嗽、有痰、氣管收縮、胸口有被壓住嘅感覺、甚至會呼吸困難、氣喘同氣促等等，小朋友比較常見。

成因同鼻敏感好相似，主要係因為吸入左環境致敏原而導致過敏性發炎，另外，部份食物致敏原都令過敏性哮喘發作。

而成人亦都有機會患上過敏性哮喘，例如職業性哮喘，有部份患者對某Ｄ工業原料會有過敏反應，好似吸入油漆、塑膠工業嘅化學原料，都會引發過敏性哮喘。

診斷方法有肺量檢查同呼吸道激發測驗，但係如果想知自己嘅哮喘同過敏有冇關係，可以選擇做IgE過敏血液測試，避開致敏原就可以減輕哮喘發作情況。

藥物治療有吸入性類固醇藥、氣管舒張劑、抗白三烯素藥，都可以舒緩哮喘問題，當然，如果想將過敏性哮喘斷尾，就要考慮做脫敏治療。

主持：林燕玲 Ruby Lam - 小飛俠

www.allergy-test.com.hkwww.meddx.com.hk/allergy今集同大家講嘅係哮字，係過敏性哮喘嘅哮。過敏性哮喘係哮喘嘅其中一種。佢嘅徵狀包括：咳嗽、有痰、氣管收縮、胸口有被壓住嘅感覺、甚至會呼吸困難、氣喘同氣促等等，小朋友比較常....