04/04/2026
دكتور هو ايه مرض السعار؟
السعار هو مرض فيروسي خطير بيجي في الجهاز العصبي عند الحيوانات وبيتنقل للإنسان وسببه في اكتر الاحيان بيكون عض او خربشة من حيوان تاني مصاب
أعراضه بتكون علي ٣ مراحل
المرحلة الاولي بيبدأ فيها الحيوان يتغير سلوكه ، يبقي عدواني فجاه ، يخاف فجاه بدون سبب ، يفقد شهيته ويعزل نفسه عن باقي الحيوانات في نفس مكانه
المرحلة التانية بيبدأ يجيله حاله هياج شديد يعض في اي شئ فجاه وبدون سبب (بيكون عض عنيف مش عض لعب بسيط) ، بينزل لعاب غزير علي شكل رغوة من فمه ، صعوبة في البلع و صوته يبدا يتغير يبقي غريب بالنسبالك
المرحلة التالتة بيبدأ يجيله شلل بيوصل لعضلات التنفس والقلب و في اطرافه وبالاخص رجوله الخلفية ، فقدان القدرة علي الحركة وللأسف بتنتهي بموت الحيوان خلال أيام
طرق الوقاية: لو عايزة احمي الحيوان بتاعي عندي طريقتين بس اول حاجه أطعمه تطعيم السعار بشكل متنظم كل سنة ، وتاني حاجه امنع نزول الشارع تماما واختلاطه بحيوانات مجهولة في الشارع منقدرش نعرف هي سليمة ولا لا
وطبعا لو حصل واتعض او اتخربش من حيوان شارع يبقي فورا اتحرك لدكتور بيطري وياخد تطعيم السعار في خلال ٢٤ ساعة
اعراض السعار تتشابه مع أعراض أمراض كتير عشان كده مينفعش نشخصه سعار من غير دكتور والافضل لو قلقنا من اي اعراض نتحرك لدكتور يفحصه
مواعيدنا كل يوم من ٣ ل ٩ مساءا💛
الكشوفات كل يوم ماعدا الاثنين والخميس 💛
للتواصل معنا :01002331092
