Thai Nakorn Patana - Myanmar (2025)

17/01/2025

အများသိစေရန် အသိပေးခြင်း

Thai Nakorn Patana Co.Ltd မှ ထုတ်လုပ်သောဆေးဝါးများ အားလုံးအတွက် Han Ideal Trading Ltd ကနေ Authorized Distributor အဖြစ် တရားဝင်ဆေးဝါးများအား မြန်မာပြည်အတွင်း ဖြန့်ဖြူးရောင်းချနေဆဲ ဖြစ်ကြောင်း အသိပေးအပ်ပါသည်။

Public notice

We inform you that Han Ideal Trading Ltd is still distributing and selling pharmaceutical product in Myanmar as an authorized distributor for all pharmaceutical products manufactured by Thai Nakorn Patana Co.Ltd.

18/11/2024

သန်ချဆေးသောက်ပြီးပြီလား ? 🤔

16/11/2024

ရာသီစက်ဝန်းမှန်အောင် ဘယ်လိုလုပ်မလဲ…?

သန္ဓေတားဆေး တစ်မျိုးမျိုးကို အသုံးပြုမထားတဲ့ အမျိုးသမီးတစ်ယောက်အတွက် တစ်လတစ်ခါ ရာသီပုံမှန်လာဖို့ဟာ အရေးကြီးတဲ့အချက်တစ်ခုဖြစ်ပါတယ်။ ပုံမှန်ရာသီစက်ဝန်းထက် ရက်စောတာ ဒါမှမဟုတ် ရက်နောက်ကျတာတွေ ဖြစ်လာတာများပြီဆိုရင် ရာသီပုံမှန်မလာဘူးလို့ ပြောလို့ရပါတယ်။ ဒီလိုရာသီပုံမှန်မလာခြင်းက အမျိုးသမီးတွေရဲ့ စိတ်ကျန်းမာရေးရော ကိုယ်ကျန်းမာရေးကိုပါ အနည်းနဲ့အများ သက်ရောက်မှုရှိနိုင်ပါတယ်။

ဒါကြောင့် ရာသီစက်ဝန်းမမှန်ခြင်းရဲ့ အကြောင်းအရင်းတွေကို ရှာဖွေပြီးတော့မှ ရာသီစက်ဝန်းမှန်ကန်စေဖို့ နည်းလမ်းတွေကို သိရှိဖို့ဟာ အရေးကြီးပါတယ်။ အစားအသောက်၊ အနေအထိုင်၊ စိတ်ခံစားမှု စတာတွေက ရာသီစက်ဝန်းပေါ်ကို အများကြီးသက်ရောက်စေနိုင်ပါတယ်။ ဒီအကြောင်းအရာနဲ့ပတ်သက်ပြီး ရာသီစက်ဝန်းမှန်အောင် ဘယ်လိုပြုမူနေထိုင်သင့်လဲဆိုတဲ့ အချက်လေးတွေကို မျှဝေပေးသွားချင်ပါတယ်။

1. လေ့ကျင့်ခန်း ပုံမှန်လုပ်ပါ။
လေ့ကျင့်ခန်းပုံမှန်လုပ်ခြင်းက ဟော်မုန်းတွေကို ညီမျှစေပြီး ရာသီစက်ဝန်းကို မှန်စေပါတယ်။

2. ကျန်းမာသော ကိုယ်အလေးချိန်ကို ထိန်းသိမ်းထားပါ။
ကျန်းမာသော ကိုယ်အလေးချိန်ကို ထိန်းထားခြင်းကလည်း ရာသီစက်ဝန်းကိုမှန်စေတဲ့ အချက်တစ်ခုဖြစ်ပါတယ်။

3. စိတ်ဖိစီးမှုကို လျှော့ချပါ။
စိတ်ဖိစီးမှုများခြင်းက ဟော်မုန်းတွေရဲ့ ပမာဏအပေါ် သက်ရောက်မှုရှိပြီး ရာသီစက်ဝန်းကိုလည်း နှောင့်နှေးစေနိုင်ပါတယ်။ ဒါကြောင့် တရားထိုင်တာ၊ ယောဂကစားတာလိုမျိုး နည်းလမ်းတွေနဲ့ စိတ်ဖိစီးမှုကို တတ်နိုင်သမျှ လျှော့ချဖို့ လိုအပ်ပါတယ်။

4. အစာအုပ်စု သင့်တင့်မျှတအောင် စားပါ။
အသီးအနှံများ၊ အရွက်များ၊ အစေ့အဆံများ၊ ကျန်းမာရေးအတွက်သင့်တော်တဲ့ အဆီအုပ်စု စတဲ့ အစာအုပ်စုတွေကို သင့်တင့်မျှတအောင်စားခြင်းက ရာသီစက်ဝန်းကို မှန်စေပါတယ်။

5. ကဖင်းနဲ့ အယ်လ်ကိုဟောပမာဏကို လျှော့ချပါ။
ကဖင်းနဲ့ အယ်လ်ကိုဟောဓာတ်များတာကလည်း ရာသီစက်ဝန်းကို အနှောင့်အယှက်ဖြစ်စေတာကြောင့် တတ်နိုင်သမျှ လျှော့ချပါ။
အပေါ်မှာပြောသွားတဲ့ အချက်တွေအတိုင်း အစားအသောက်၊ အနေအထိုင် စတာတွေကို သတိထားပြီး လိုက်နာမယ်ဆိုရင်တော့ အမျိုးသမီးတွေရဲ့ ရာသီစက်ဝန်းကို မှန်စေပြီး ကျန်းမာရေးကိုလည်း ကောင်းမွန်စေမှာဖြစ်ပါတယ်။

Menstrual Health

15/11/2024

တန်ဆောင်မုန်းလပြည့်နေ့(သာမညဖလ အခါတော်နေ့)မှာ ၇ရက်သားသမီးများအားလုံး ကိုယ်စိတ်နှစ်ဖြာ ကျန်းမာချမ်းသာပါစေကြောင်း Thai Nakorn Patana Myanmar မိသားစုမှ ဆုတောင်းမေတ္တာပို့သအပ်ပါသည်။

14/11/2024

တုပ်ကွေးကာကွယ်ဆေးထိုးတာက တုပ်ကွေးကို 100% ကာကွယ်ပေးနိုင်လား..?

အအေးမိတုပ်ကွေးရာသီရောက်ပြီဆိုရင် Flu Vaccine (တုပ်ကွေးကာကွယ်ဆေး)တွေ ထိုးကြပါတယ်။ တုပ်ကွေးကာကွယ်ဆေးတွေက တုပ်ကွေးကို 100% ကာကွယ်ပေးဖို့ဆိုတာတော့ မဖြစ်နိုင်ပါဘူး။ genetics (မျိုးရိုး)၊ အသက်အရွယ်၊ ကျန်းမာရေးအခြေအနေ၊ ကာကွယ်ဆေးထိုးတဲ့အချိန်ကာလအပိုင်းအခြား၊ ကာကွယ်ဆေးအမျိုးအစားတွေ အပေါ်ကိုလိုက်ပြီး လူတစ်ယောက်နဲ့တစ်ယောက်ရဲ့ ကိုယ်ခံအား (Immune Response)က မတူညီကြပါဘူး။

တုပ်ကွေးကာကွယ်ဆေးတွေက တုပ်ကွေးမဖြစ်အောင်တော့ 100% မကာကွယ်နိုင်ပေမယ့်၊ ကာကွယ်ဆေးထိုးထားခြင်းအားဖြင့် အကယ်၍ တုပ်ကွေးဖြစ်ရင်တောင် ရောဂါလက္ခဏာများကို ဆိုးဆိုးရွားရွားမခံစားရခြင်း စသည့်အကျိုးကျေးဇူးများကို ရရှိနိုင်ပါတယ်။

%?

11/11/2024

Antacil ရဲ့ အားသာချက်များ
~~~~~~~~~~~~~~~~~~~~
Antacilကို Antacil Gel နဲ့ Antacil tabletဆိုပြီး ရရှိနိုင်ပါတယ်။ Antacil gelရော Antacil tabletနှစ်မျိုးလုံးမှာ Aluminium နှင့် Magnesiumပါဝင်ပါတယ်။ ဒါ့အပြင် Antacil Gelမှာ Simethiconeပါဝင်ပြီး၊ Antacil Tabletမှာ Kaolinပါဝင်ပါသေးတယ်။
Antacilကို အစာအိမ်မှာအက်စစ်များခြင်းကြောင့်ဖြစ်တဲ့ အစာအိမ်မအီမသာဖြစ်ခြင်း၊ ရင်ပူခြင်း၊ အက်စစ်လေပြွန်ဆန်တက်ခြင်း၊ အစာမကြေ ရင်ပြည့်ရင်ကယ်ဖြစ်ခြင်း၊ အစာအိမ်အချဉ်ပေါက်ခြင်း၊ အက်စစ်များခြင်းကြောင့်ဖြစ်တဲ့ အစာအိမ်အနာဖြစ်ခြင်းများအတွက် အသုံးပြုနိုင်ပါတယ်။

Antacil က အစာအိမ်မှာ အက်စစ်များခြင်းကြောင့်ဖြစ်တဲ့ရောဂါတွေကို သက်သာစေပြီး ဆေးသောက်ပြီး ၁၅မိနစ်အတွင်း အာနိသင်ရစေတဲ့အတွက် မြန်မြန်ဆန်ဆန်သက်သာစေပါတယ်။ သောက်ပြီးရင်လည်း ၄နာရီကြာသည်အထိ အချိန်ကြာကြာအာနိသင်ပေးနိုင်ပါတယ်။ Non-systemic antacidလည်းဖြစ်တဲ့ အတွက်ကြောင့် ဘေးထွက်ဆိုးကျိုးလည်းနည်းပါတယ်။ ဒါ့အပြင် Aluminium နဲ့ Magnesiumကို အချိုးကျကျပေါင်းစပ်ထားတဲ့အတွက်ကြောင့် Antacidတွေသောက်တဲ့အခါ ဖြစ်လေ့ဖြစ်ထရှိတဲ့ ဝမ်းချုပ်ခြင်း၊ ဝမ်းသွားခြင်းများ မဖြစ်နိုင်ပါဘူး။

အက်စစ်များခြင်းကြောင့်ဖြစ်တဲ့ အစာအိမ်မအီမသာဖြစ်ခြင်းများအတွက် Antacil Gel နဲ့ Antacil Tabletကို သောက်သုံးနိုင်ပါတယ်။Antacil gel ကိုသောက်တဲ့အခါ မသောက်မီ ဆေးဘူးကို လှုပ်ပြီးမှသာ သောက်သင့်ပါတယ်။ Antacil Tabletကို သောက်တဲ့အခါ ဝါးစားဖို့တော့ လိုမယ်နော်။

09/11/2024

သန္ဓေတားဆေးများကို ရေရှည်သုံးစွဲခြင်းက မျိုးပွားနိုင်ခြင်းကို ထိခိုက်စေနိုင်လား⁉️

သန္ဓေတားဆေးကို ရေရှည်သုံးစွဲတဲ့သူတွေက ကလေးယူချင်လို့ ဆေးဖြတ်တဲ့အခါ ခက်ခဲတာမျိုးတွေရှိမှာ စိုးရိမ်တတ်ကြပါတယ်။ တကယ်တော့ အခြားသိသာတဲ့ ရေရှည် ဘေးထွက်ဆိုးကျိုးတွေမရှိသလို၊ မျိုးပွားနိုင်ခြင်းကိုလည်း မထိခိုက်စေပါဘူး။ သုံးတဲ့ တားဆေးအမျိုးအစားပေါ်မူတည်ပြီး ကိုယ်ဝန်ပြန်ရချိန် ကွာခြားတာမျိုးရှိနိုင်ပါတယ်။ ဥပမာ- နေ့စဉ်သုံးတားဆေးကို သုံးပါက ဆေးရပ်လိုက်ပါက ချက်ချင်းကိုယ်ဝန်ပြန်ရနိုင်ပြီး ထိုးဆေးထိုးနေသူဖြစ်ပါက ကိုယ်ဝန်ပြန်ရဖို့ ၆ လ မှ ၁ နှစ်လောက်ထိ စောင့်ရနိုင်ပါတယ်။ တားနည်း တစ်ခုချင်းစီတိုင်းမှာ အားသာချက် အားနည်းချက် ရှိပါတယ်။
ဒါကြောင့် ကိုယ်နဲ့ကိုက်ညီတဲ့ သားဆက်ခြားနည်းကို ဆရာဝန် သို့မဟုတ် သက်ဆိုင်ရာကျွမ်းကျင်ပညာရှင်နှင့် တိုင်ပင်သင့်ပါတယ်။

08/11/2024

SaRa ဆေးရည်မှာ Suspending Agent ပါဝင်ခြင်းရဲ့ အကျိုးကျေးဇူးများ✨️✨️

SaRa ဆေးရည်ကို ထုတ်လုပ်ရာတွင် ဆေးရည်နဲ့ဆေးမှုန့်ကို တစ်သားတည်းကျစေရန် ရောနှောပစ္စည်းလို့ခေါ်တဲ့ Suspending Agent ကို ထည့်သွင်းထုတ်လုပ်ထားပါတယ်။ SaRa ဆေးရည်မှာပါတဲ့ Suspending agent ကတော့ Beta-cyclodextrin ဖြစ်ပါတယ်။
ဆာရာဆေးရည်မှာ Beta-cyclodextrin ထည့်သွင်းထားခြင်းအားဖြင့် ရရှိနိုင်တဲ့ အကျိုးကျေးဇူးတွေကတော့….
● Beta-cyclodextrin ဟာ SaRa ဆေးရည်မှာ အဓိကပါဝင်တဲ့ Paracetamol နဲ့ သွားပေါင်းလိုက်ခြင်းအားဖြင့် ခါးတဲ့အရသာကို ဖုံးအုပ်ပေးနိုင်ပါတယ်။
● ဆေးရဲ့ ဓာတ်ပြိုကွဲမှုမဖြစ်အောင် ကာကွယ်ပေးတဲ့အတွက်ကြောင့် ဆေးရဲ့အာနိသင်ကိုလည်း ကြာရှည်ခံစေပါတယ်။
● Beta-cyclodextrin ဟာ ပါးစပ်ထဲမှာ ပျော်ဝင်ခြင်းမရှိဘဲ အူလမ်းကြောင်းထဲရောက်မှ ပျော်ဝင်တဲ့အတွက်ကြောင့် သားသားမီးမီးလေးတွေ သွားပိုးစားမှာကိုလည်း စိတ်ပူစရာမလိုပါဘူး။
SaRa ဆေးရည်ကို အသီးအရသာလေးတွေနဲ့လည်း ထုတ်လုပ်ထားတာဖြစ်လို့ ဆေးအရသာခါးလို့ ဆေးမသောက်ချင်တဲ့ သားသားမီးမီးလေးတွေအတွက် အထူးသင့်လျော်ပါတယ်။
ဒါကြောင့် သားသားမီးမီးလေးတို့ ဖျားနာပြီဆိုရင် SaRa ဆေးရည်ကိုသာ ယုံကြည်စိတ်ချစွာနဲ့ ရွေးချယ်လိုက်ပါနော်…...။

07/11/2024

ဖျားတဲ့အခါ ကလေးငယ်တွေမှာဖြစ်တတ်တဲ့ လက္ခဏာများ‼️

ဖျားနာခြင်းဆိုတာ ခန္ဓာကိုယ်အပူချိန်မြင့်တက်လာခြင်းဖြစ်ပါတယ်။ ခန္ဓာကိုယ်ကို ရောဂါပိုးတစ်ခုခု ဝင်ရောက်လာတဲ့အခါ ကိုယ်ခံအားစနစ်က ပြန်လည်တိုက်ခိုက်ခြင်းကြောင့် ဖြစ်လာတဲ့ ဖြစ်စဉ်တစ်ခုပဲဖြစ်ပါတယ်။ ခန္ဓာကိုယ်အပူချိန်က 100.4°F (38°C)ထက်များနေပြီဆိုရင်တော့ ဖျားနေပြီလို့သတ်မှတ်နိုင်ပါတယ်။

ကလေးတွေဖျားနေပြီဆိုတာကို သိသာစေတဲ့
အချက်များကတော့

● ခန္ဓကိုယ်အပူချိန်က ပုံမှန်ထက်ပိုပြီးများနေခြင်း

● ပုံမှန်ဆိုတက်တက်ကြွကြွကစားတတ်တဲ့ကလေးက ကစားဖို့စိတ်မပါခြင်း၊ ငိုခြင်း၊ ဂျီကျခြင်း

● အသားကပူနွေးပြီး နီမြန်းနေခြင်း

● အစားမစားခြင်း

● ချောင်းဆိုးခြင်း၊ နှာမွှန်ခြင်းများ ဖြစ်တတ်ပါတယ်။

ကလေးငယ်တွေဖျားတဲ့အခါ SaRaကဲ့သို့သော Paracetamolအရည်များတိုက်နိုင်ပါတယ်။ ကလေးက ၃ရက်လောက်အထိအဖျားမကျဘူးဆိုရင်တော့ သက်ဆိုင်ရာဆရာဝန်နှင့် ပြသသင့်ပါတယ်။

04/11/2024

အရိုးကျီးပေါင်းရောဂါဆိုတာ ဘာလဲ❓️

အရိုးကျီးပေါင်းရောဂါဆိုတာ အရိုးအဆစ်ရောင်ရမ်းတဲ့ ရောဂါတစ်မျိုးဖြစ်ပြီး ကျောရိုးမကြီးရဲ့အရွတ်တွေ နှင့် အဆစ်တွေကို ရောင်ရမ်းခြင်းဖြစ်စေပါတယ်။ ဒါ့အပြင် ဒူး ၊ ခြေကျင်း၀တ်နှင့် တင်ပါးဆုံမှာရှိတဲ့ အဆစ်တွေကိုလည်း ရောင်ရမ်းခြင်းဖြစ်စေပါတယ်။
ကျောရိုးမကြီးရဲ့တစ်သျူးတွေ နှင့် အဆစ်တွေ ရောင်ရမ်းခြင်းကြောင့် ကျောရိုးမကြီးဟာ တောင့်တောင့်တင်းတင်းကြီး ဖြစ်နေတတ်ပါတယ်။ အရမ်းပြင်းထန်တဲ့အခါမျိုးမှာ ကျောရိုးမကြီးရဲ့ တွယ်ဆက်အရိုးတွေဟာ ပူးကပ်သွားပြီး ကျောရိုးမကြီး လှုပ်ရှားမရဖြစ်တတ်ပါတယ်။
အရိုးကျီးပေါင်းရောဂါရှိတဲ့သူအများစုဟာ ခါးနာတာ ၊ တောင့်တင်းတာ ခဏပဲဖြစ်ပြီးတော့ ပြန်သက်သာသွားတတ်ပါတယ်။ အချို့သူတွေမှာတော့ နာကျင်မှုကို ကြာရှည်ခံစားရပြီး ကျောရိုးမကြီး လှုပ်ရှားမရဖြစ်တတ်ပါတယ်။
အရိုးကျီးပေါင်းရောဂါကို ဖြစ်စေတဲ့အဓိက အကြောင်းအရာကို အခုထိ သေချာမသိရသေးပါ။ သုတေသနပြုသူအချို့ကတော့ မိသားစုမျိုးရိုး gene နှင့် ပတ်ဝန်းကျင်အခြေအနေတွေဟာ ရောဂါဖြစ်ခြင်းနှင့် ဆက်စပ်တယ်လို့ဆိုပါတယ်။ HLA-B27 geneပါတဲ့ သူတွေဟာ အရိုးကျီးပေါင်းရောဂါဖြစ်နိုင်ခြေ ပိုများပါတယ်။ ဒါပေမဲ့ အချို့သူတွေမှာ HLA-B27 geneပါပေမဲ့ မဖြစ်တာမျိုးလည်းရှိပါတယ်။
အရိုးကျီးပေါင်းရောဂါကို လုံး၀ပျောက်ကင်းအောင်လုပ်လို့မရပေမဲ့ သက်သာအောင်လုပ်လို့ရတဲ့နည်းလမ်းတွေရှိပါတယ်။ လေ့ကျင့်ခန်းလုပ်ခြင်း ၊ နေထိုင်မှုပုံစံပြောင်းလဲခြင်း၊ လိုအပ်သောဆေးများ သောက်ခြင်း ၊ လိမ်းဆေး (ဥပမာ Neotica balm) လိမ်းခြင်း အားဖြင့်လည်း သက်သာအောင်လုပ်နိုင်ပါတယ်။

31/10/2024

အအေးမိပြီးနောက် ဘာတွေဆက်ဖြစ်နိုင်လဲ…?

အအေးမိခြင်းဟာ ဆေးသောက်သည်ဖြစ်စေ၊ ဆေးမသောက်ဖြစ်စေ ရက်အနည်းငယ်ကနေ ရက်သတ္တပတ်အနည်းငယ်အတွင်းမှာ သက်သာပျောက်ကင်းနိုင်ပါတယ်။ ဒါပေမယ့် အအေးမိခြင်းကိုဖြစ်စေတဲ့ ဗိုင်းရပ်စ်ပိုးဟာ ခန္ဓာကိုယ်ထဲကို ရောက်လာပြီဆိုရင် အခြားသောရောဂါပိုးတွေကိုလည်း အလွယ်တကူ၀င်နိုင်အောင် ကူညီပေးပါတယ်။ ဒါကြောင့် အအေးမိပြီဆိုတာနဲ့ နား၊ နှာခေါင်းဆိုင်ရာ ပြဿနာများ၊ လေပြွန်ရောင်ခြင်း စတဲ့ နောက်ဆက်တွဲပြဿနာတွေ ဆက်ဖြစ်နိုင်ပါတယ်။ အဖြစ်များတဲ့ နောက်ဆက်တွဲပြဿနာတစ်ခုကတော့ ကာလကြာရှည်ချောင်းဆိုးခြင်းနဲ့တွဲဖြစ်တတ်တဲ့ နှာခေါင်းပိတ်ခြင်း (Sinus Infection)ပဲ ဖြစ်ပါတယ်။

Infection ဝင်ပြီးနောက် သလိပ်မထွက်ဘဲ ချောင်းခြောက်ဆိုးခြင်းဟာ အအေးမိတာပျောက်သွားသည့်တိုင် လအတော်ကြာတဲ့အထိ ကြာမြင့်နိုင်ပြီး ညဘက်မှာ ပိုဆိုးလေ့ရှိပါတယ်။ ဒီလိုမျိုးချောင်းခြောက်ဆိုးတာဟာ ပန်းနာရင်ကြပ် (Asthma) ရောဂါရဲ့ လက္ခဏာတွေနဲ့ ဆင်တူတတ်ပြီး Asthma ရောဂါကိုကုသတဲ့ ဆေးဝါးတွေနဲ့လည်း ကုသလို့ရနိုင်ပါတယ်။

အအေးမိရောဂါလက္ခဏာများကို သက်သာစေရန် TIFFY လိုမျိုး Triple Action ပါသော ဆေးများကိုလည်း သောက်သုံးနိုင်ပါတယ်။

အကယ်၍ သင့်အနေနဲ့ အအေးမိပြီးနောက် အောက်ပါရောဂါလက္ခဏာတွေထဲက တစ်ခုခုကို ခံစားနေရပြီဆိုရင်တော့ ဆရာဝန်နဲ့ ပြသဖို့ လိုအပ်ပါတယ်။

ပုံမှန်မဟုတ်ဘဲ ပြင်းထန်တဲ့ အအေးမိရောဂါလက္ခဏာများ

အပြင်းဖျားခြင်း

နားကိုက်ခြင်း

ပုံမှန်မဟုတ်ဘဲ ခေါင်းကိုက်ခြင်း (Sinus Type Headache)

ချောင်းဆိုးတာ ပိုပြင်းထန်လာခြင်း

ပန်းနာရင်ကြပ်လိုမျိုး နာတာရှည်အဆုတ်ရောဂါလက္ခဏာများ ရုတ်တရက်ပိုဆိုးလာခြင်း

26/10/2024

AnNaကို အာနိသင်အပြည့်အဝရရန် ဘယ်လိုသောက်ရမလဲ?

AnNaသည် Levonorgestrel နဲ့ Ethinylestradiol လို့ခေါ်တဲ့ ဟော်မုန်းနှစ်မျိုးပေါင်းထားသော တားဆေးတစ်မျိုး ဖြစ်ပါတယ်။ ၂၈လုံးပါဝင်သော ဆေးကဒ်ဖြစ်ပြီး ပထမ၃တန်း (၂၁လုံး)မှာ ဟော်မုန်းပါဝင်ပြီး နောက်ဆုံးတန်း (၇လုံး)မှာ ဟော်မုန်းမပါဝင်ပါ။
AnNaကို စ သောက်မယ်ဆိုရင် ရာသီ စလာတဲ့ရက် (သို့မဟုတ်) ရာသီ စလာတဲ့ ၅ရက်အတွင်း စသောက်ရပါမယ်။ တစ်နေ့တစ်လုံး အချိန်မှန်မှန် သောက်ပေးရပါတယ်။ တားဆေး စ သောက်တဲ့သူများအနေဖြင့် ပိုပြီးစိတ်ချရအောင် ဆေး စသောက်တဲ့ ပထမ၁ပတ်(၇ရက်)ကိုတော့ ကွန်ဒုံးသုံးသင့်ပါတယ်။ တစ်ကဒ်ကုန်သွားရင်လည်း နောက်ဆေးတစ်ကဒ်ကို ချက်ချင်း စသောက်သင့်ပါတယ်။

ဆေး စသောက်တဲ့သူများအနေဖြင့် ဟော်မုန်းရဲ့ ဘေးထွက်ဆိုးကျိုးဖြစ်တဲ့ မူးဝေခြင်း၊ ခေါင်းကိုက်ခြင်း၊ ပျို့အန်ခြင်းများခံစားရနိုင်ပါတယ်။ ဒါပေမယ့် အရမ်းစိတ်ပူစရာတော့မရှိပါဘူး။ ၂-၃လအတွင်း သူ့အလိုလို သက်သာသွားနိုင်ပါတယ်။ ဆေးသောက်တဲ့အချိန်ကို တိတိကျကျသတ်မှတ်ပြီးသောက်ခြင်းဖြင့် ခန္ဓာကိုယ်က ဟော်မုန်းကို ကောင်းကောင်းထိန်းညှိနိုင်ပြီး ဘေးထွက်ဆိုးကျိုးနည်းကာ အာနိသင်ကောင်းကောင်းရရှိနိုင်မှာ ဖြစ်ပါတယ်။

Thai Nakorn Patana - Myanmar

17/01/2025

18/11/2024

16/11/2024

15/11/2024

14/11/2024

11/11/2024

09/11/2024

08/11/2024

07/11/2024

04/11/2024

31/10/2024

26/10/2024

Address

Website

Alerts

Contact The Practice

Shortcuts

Share