Clinical Psychologist Rabia Waqas

16/07/2025

ایکرو فوبیا کے شکار لوگوں کو ایسے حالات کا شدید خوف ہوتا ہے جن میں اونچائیاں شامل ہوتی ہیں جیسے کہ اونچی عمارت میں ہونا یا سیڑھی کا استعمال۔ دیگر مخصوص فوبیا کی طرح، ایکروفوبیا کا علاج ایک نفسیاتی تھراپی سے کیا جا سکتا ہے جسے ایکسپوزر تھراپی کہتے ہیں۔
سائیکالوجسٹ رابعہ وقاص

15/07/2025

برن آؤٹ ایک سنگین نفسیاتی، جسمانی اور جذباتی کیفیت ہے جو طویل عرصے تک جاری رہنے والے دباؤ، غیر متوازن طرزِ زندگی اور حد سے زیادہ کام کے نتیجے میں پیدا ہوتی ہے۔ یہ کیفیت عام تھکن سے بہت زیادہ شدید اور پیچیدہ ہے اور انسان کی صحت، کارکردگی اور تعلقات پر گہرا اثر ڈالتی ہے۔ ماہر نفسیات ہرٹ فریڈنبرگر (1974) نے سب سے پہلے برن آؤٹ کا تصور پیش کیا، اور آج اسے خاص طور پر اُن پیشوں میں زیادہ دیکھا جاتا ہے جہاں لوگ دوسروں کی خدمت کرتے ہیں، جیسے ڈاکٹر، نرسز، اساتذہ اور کارپوریٹ پروفیشنلز۔ برن آؤٹ کی علامات عام طور پر تین بڑی صورتوں میں ظاہر ہوتی ہیں: جذباتی تھکن، جس میں ہر وقت تھکن، بے چینی، مایوسی اور بیزاری شامل ہیں؛ بے حسی اور لاتعلقی، جس میں انسان اپنے کام یا لوگوں سے جذباتی طور پر دور ہو جاتا ہے، منفی سوچنے لگتا ہے اور تعلقات سے کترانے لگتا ہے؛ اور کارکردگی میں کمی، جس میں خود اعتمادی کم ہو جاتی ہے، کام سے اطمینان ختم ہو جاتا ہے اور انسان اپنی کامیابیوں کو بے معنی سمجھنے لگتا ہے۔ برن آؤٹ کی وجوہات میں مسلسل زیادہ دباؤ، کام پر اختیار نہ ہونا، غیر واضح توقعات، سماجی مدد کی کمی اور ذاتی زندگی اور کام میں توازن کا نہ ہونا شامل ہیں۔ اس کیفیت سے بچنے کے لیے ماہرین تجویز کرتے ہیں کہ اپنی حدود واضح کریں، “نہ” کہنا سیکھیں، ذاتی زندگی کے لیے وقت نکالیں، دوستوں اور ماہرین سے بات کریں، صحت مند نیند، غذا اور ورزش کو معمول بنائیں، اور مراقبہ یا مائنڈفلنیس جیسی ذہنی سکون دینے والی مشقیں اپنائیں۔ مختلف مطالعات سے یہ بھی معلوم ہوا ہے کہ ہفتے میں باقاعدہ چھٹی لینا، دوستوں سے میل جول رکھنا اور سپورٹ گروپس میں شامل ہونا برن آؤٹ کے خطرے کو نمایاں طور پر کم کرتا ہے۔ برن آؤٹ کو معمولی نہ سمجھیں کیونکہ یہ نہ صرف آپ کی خوشیوں کو چھین لیتا ہے بلکہ جسمانی بیماریوں کا سبب بھی بن سکتا ہے۔ اگر آپ کو لگے کہ آپ اس کیفیت میں مبتلا ہیں تو فوراً اپنی روزمرہ زندگی میں مثبت تبدیلیاں لانے کی کوشش کریں اور کسی ماہرِ نفسیات یا تھراپسٹ کی مدد لینے میں ہچکچاہٹ نہ کریں، کیونکہ بروقت اقدامات سے آپ اپنی توانائی، اعتماد اور خوشی دوبارہ حاصل کر سکتے ہیں۔

ماہر نفسیات
رابعہ وقاص

24/06/2025

سلیپ پیرالیسس (Sleep Paralysis) کا مکمل علاج اور رہنمائی:

🌙 یہ کیا ہے؟
سلیپ پیرالیسس ایک ایسی حالت ہے جب انسان نیند سے جاگتا ہے لیکن جسم حرکت نہیں کر سکتا۔ اس دوران اکثر عجیب آوازیں، سایے یا بوجھ محسوس ہوتا ہے۔ یہ اکثر 1 سے 5 منٹ تک رہتا ہے۔
📌 یہ کیوں ہوتا ہے؟
1. نیند کی کمی
2. دماغی دباؤ (Depression / Anxiety)

3. بے ترتیبی سے سونا جاگنا

4. پیٹ بھر کے سونا یا دیر رات کھانا

5. خواب آور یا دماغی دوائیں

🧪 میڈیکل علاج و مشورے:
1. روزانہ 7 سے 8 گھنٹے نیند لیں

2. سونے کا وقت مقرر کریں

3. کمر سیدھی رکھ کر سونا (پیٹھ کے بل سونے سے گریز کریں)
4. کیفیین، چائے، سگریٹ اور منشیات سے پرہیز

5. سونے سے پہلے موبائل یا ذہنی دباؤ والے کام نہ کرے
ماہر نفسیات را بعہ وقاص

12/06/2025

06/06/2025

🧠 منفی سوچیں اور رویے کیسے بدلے جا سکتے ہیں؟
(ماہر نفسیات رابعہ وقاص)

🌧️ 1. پہچان ضروری ہے:
سب سے پہلا قدم ہے — اپنے منفی خیالات کو پہچاننا۔
مثلاً:
"میں ناکام ہوں"، "کوئی میری قدر نہیں کرتا"، "میرے ساتھ ہمیشہ برا ہوتا ہے"
یہ سوچیں اکثر ماضی کے تجربات یا خوف کی بنیاد پر بنتی ہیں۔

🔍 2. حقیقت کو چیلنج کریں:
اپنے خیالات سے سوال کریں:
کیا واقعی یہ ہر بار ہوتا ہے؟
کیا اس کے شواہد ہیں؟
اکثر منفی سوچیں غلط مفروضوں پر مبنی ہوتی ہیں۔

🔁 3. سوچ کا انداز بدلیں (Cognitive Restructuring):
مثبت جملے اپنائیں، جیسے:
❌ "میں ناکام ہوں" ➡️ ✅ "میں سیکھنے کے عمل میں ہوں"
❌ "کچھ ٹھیک نہیں ہو رہا" ➡️ ✅ "وقت کے ساتھ بہتری ممکن ہے"

🪞 4. خود پر رحم کیجیے (Self-Compassion):
اپنے ساتھ ویسا ہی نرمی سے بات کریں جیسے کسی دوست سے کرتے ہیں۔
خود کو مسلسل تنقید کا نشانہ بنانا ذہنی دباؤ کو بڑھاتا ہے۔

🌱 5. رویے میں تبدیلی لائیں (Behavioral Change):
سوچیں صرف سوچ کر نہیں بدلتی، عمل بھی ضروری ہے۔
روزمرہ میں چھوٹے قدم اُٹھائیں — جیسے:
📖 ایک صفحہ مثبت کتاب کا پڑھنا
🚶‍♀️ ہلکی سی چہل قدمی
🗓️ ایک مثبت کام کی فہرست بنانا

👥 6. مدد لینے سے نہ گھبرائیں:
اگر منفی خیالات قابو سے باہر ہو رہے ہوں، تو کسی ماہرِ نفسیات سے رابطہ کریں۔
تھراپی یا مشاورت بہت مفید ثابت ہو سکتی ہے۔

💬 یاد رکھیے:
سوچ بدلنے کا مطلب یہ نہیں کہ دکھ ختم ہو جائے گا،
بلکہ اس کا مطلب یہ ہے کہ ہم دکھ میں بھی امید دیکھنا سیکھ لیتے ہیں۔
03074959786

05/06/2025

ایک شخص نے سالوں کی محنت سے پیسہ پیسہ جوڑ کر' اپنی حلال کی کمائی اور زور بازو پر بھروسہ کرتے ہوئے' اپنے بیوی بچوں کیلئے ایک خوبصورت نیا گھر تعمیر کروایا- جب گھر مکمل ہوا تو یہ فیصلہ کیا کہ 3 دن بعد اپنے اہل خانہ کے ساتھ نئے گھر میں شفٹ ہو جائیگا لیکن۔۔۔۔۔
شفٹنگ سے ایک دن پہلے رات کو زلزلہ آیا اور پورے علاقے سمیت اس کا نیا' خوابوں جیسا گھر زمین بوس ہو گیا

اگلی صبح جب محلے والے اور عزیز و اقارب گھروں کے ملبوں پر افسوس کیلئے کھڑے تھے تو اچانک گھر کا مالک ہاتھ میں مٹھائی کا ڈبہ لیئے وہاں پہنچا اور سب میں مٹھائی بانٹنے لگا- لوگ حیران رہ گئے' ایک صاحب نے غصّے سے چیختے ہوئے کہا:
کیا تمھارا دماغ خراب ہو گیا ہے' یہاں اتنا بڑا نقصان ہو گیا اور تم مٹھائی بانٹ رہے ہو؟؟
گھر کے مالک نے مسکرا کر جواب دیا: نہی'؛؛
میں تو اپنے رب کا شکر ادا کر رہا ہوں کہ زلزلہ ایک رات پہلے آیا' اگر میں اس رات اپنی فیملی کے ساتھ گھر میں ہوتا تو آج مٹھائی نہی بانٹ رہا ہوتا بلکہ ملبے کے نیچے دفن ہوتا💔

زندگی میں دو پہلو ہوتے ہیں۔۔۔
ایک شکایت کا
دوسرا شکر کا

ہم کیا چنتے ہیں۔۔۔
یہی ہماری سوچ اور ایمان کی پہچان ہے۔

05/06/2025

میرا نام رابعہ وقاص ہے اور میں ایک طبی ماہر نفسیات ہوں۔ میں آپ کے مصروف شیڈول میں آن لائن اور فون کالز کے ذریعے آپ کے وقت کے مطابق آن لائن مشاورت کی خدمات اور رہنمائی فراہم کرنا چاہتی ہوں۔ ان افراد کے لیے جو تناؤ، اضطراب، او سی ڈی، ڈپریشن، بچوں کے رویے اور مطالعہ کے مسائل، ازدواجی مسائل، ہدف کے حصول کے مسائل، منشیات کے استعمال کے مسائل/ اور دیگر نفسیاتی مسائل کا حل تلاش کرنا۔ آپ ان مسائل کے علاج کے
لیے اس نمبر پر رابطہ کر سکتےہیں. 03074959786 فیس کی ادئیگی اسی نمبر پر جاز کیش کے زریعے کر سکتے ہیں۔ اور اپنے چیک اپ کے لیے ٹائم لے سکتے ہیں۔

◄ سیشن کا دورانیہ 45 منٹ۔
◄ آڈیو یا ویڈیو کال پر ہوگا۔
◄ واٹس اپ / فون کال / زوم۔
◄ معلومات کی رازداری برقرار رکھ جائے گی۔
◄ سیشن فیس ایڈوانس میں لی جائے گی۔
◄ فیس کی ادئیگی کے بعد اپ کے سیشن کا ٹائم کنفرم کیا جائے گا اور اسی ٹائم پر سیشن کیا جائے گا۔
◄ وقت کی پابندی کا خاص خیال رکھا جائے گا اور اگر سیشن کسی اور وقت پر کرنا ہوا تو پہلے بتانا ہو گا۔

17/05/2025

کچھ افراد کو چند سیشنز میں بہتری محسوس ہوتی ہے، جبکہ بعض کے لیے طویل مدتی تھراپی کی ضرورت پڑتی ہے۔
ماہر نفسیات را بعہ وقاص

11/05/2025

*ہائڈرو فوبیا (Hydrophobia)*
ہائیڈروفوبیا پانی کا شدید خوف ہے, جو اکثر اتنا بڑھ جاتا ہے کہ فرد نہانے ,تیرنے یا یہاں تک کہ پانی دیکھنے سے بھی گھبرا جاتا ہے_ یہ فوبیا بعض اوقات کسی ماضی کے تکلیف دہ واقعے, ڈوبنے کے قریب تجربے یا بچوں میں پانی سے منسلک خوفناک یادو کی وجہ سے پیدا ہو سکتا ہے _
ہائیڈروفوبیا کا علاج ممکن ہے ،خاص طور پر جب وقت پر مناسب نفسیاتی مدد حاصل کی جائے اس میں درج ذیل طریقہ کار شامل ہو سکتے ہیں
*رویوں میں تبدیلی کی تھیراپی (CBT)*
*آہستہ آہستہ پانی کے قریب جانے کی مشق (Exposure Therapy*)
سانس کی مشقیں اور ریلیکسیشن ٹیکنیکس حوصلہ افزائی اور مثبت خود کلامی کی تربیت اگر آپ یا آپ کا کوئی پیارا اس خوف میں مبتلا ہے تو ماہر نفسیات رجوع کرنا پہلا قدم ہے بہتر زندگی کی طرف
*ماہر نفسیات رابعہ وقاص*