醫學實證與臨床卓越研究所 Institute for Medical Advancement and Clinical Excellence

  • Home
  • 醫學實證與臨床卓越研究所 Institute for Medical Advancement and Clinical Excellence

醫學實證與臨床卓越研究所 Institute for Medical Advancement and Clinical Excellence 歡迎瀏覽醫學實證與臨床卓越研究所(醫卓所)專頁。

【醫卓所首屆年度會議：開展香港醫療新里程 🏥】香港作為國際大都會，具備極大嘅醫療發展潛力。醫學實證與臨床卓越研究所（醫卓所）點樣透過前瞻性嘅規劃同專業交流，進一步發揮優勢，鞏固香港作為「國際健康與醫療創新樞紐」嘅地位？我哋即將舉辦嘅「醫卓所...
05/05/2026

【醫卓所首屆年度會議：開展香港醫療新里程 🏥】

香港作為國際大都會，具備極大嘅醫療發展潛力。醫學實證與臨床卓越研究所（醫卓所）點樣透過前瞻性嘅規劃同專業交流，進一步發揮優勢，鞏固香港作為「國際健康與醫療創新樞紐」嘅地位？

我哋即將舉辦嘅「醫卓所會議 2026」將會匯聚海內外頂尖醫療專業人士、學者、官員同主要持份者，共同為香港醫療體系注入新思維！

💡 會議焦點
🔍 關鍵議題：討論有關衞生經濟學及醫療技術評估兩者的相互關係，並探討臨床指引制訂如何在香港充分發揮潛力。
🤝 專家對話： 我哋特別邀請嚟自英國 National Institute for Health and Care Excellence (NICE) International 嘅重量級專家代表，同本地衞生經濟學、醫療技術評估及制訂臨床指引嘅專家展開具啟發性嘅討論，共同探討香港醫療嘅未來發展方向。

✨ 活動詳情
📅 日期： 2026 年 5 月 16 日
📍地點：香港醫學專科學院賽馬會大樓一樓邵逸夫樓演講廳
📋主題：「衞生經濟學、醫療技術評估及臨床指引制訂：一場香港期待已久的對話」
🔗了解更多：https://www.imace.org.hk/zh/event-highlights-260323

歡迎 Follow 我哋嘅 Instagram、Facebook 同 LinkedIn 掌握第一手資訊！

#醫卓所 #實證醫學 #臨床指引 #醫療技術評估 #香港醫療 #醫療創新 #醫療經濟學 #專業交流 #醫學發展

【世界衞生日 🩺：攜手共促健康，堅定支持科學】4 月 7 日係「世界衞生日」（World Health Day），亦係世界衞生組織（世衞）嘅周年紀念日。每年，世衞都會選定一個全球關注嘅公共衞生議題，作為世界衞生日嘅主題。今年全球嘅主題聚焦喺...
07/04/2026

【世界衞生日 🩺：攜手共促健康，堅定支持科學】

4 月 7 日係「世界衞生日」（World Health Day），亦係世界衞生組織（世衞）嘅周年紀念日。每年，世衞都會選定一個全球關注嘅公共衞生議題，作為世界衞生日嘅主題。今年全球嘅主題聚焦喺 「攜手共促健康，堅定支持科學 」，強調健康同科學密切相關嘅理念。為推動以科學為本嘅健康未來，醫卓所深信：臨床實踐必須建基於嚴謹而堅定嘅科學基礎之上 。

作為致力提升臨床卓越水平嘅專業平台，我哋堅持以「實證為本」嘅原則，制定臨床指引，攜手追求卓越嘅醫療服務：

📍 實證為本（Evidence-based）
透過廣泛審視客觀嘅研究結果，確保所提出嘅每一項臨床建議都建基於最有力嘅醫學研究證據。

📍 臨床卓越（Clinical Excellence）
匯聚跨界別專家，針對香港嘅需求制定臨床指引，進一步提升香港嘅醫療服務水平。

📍 知識賦能（Empowerment）
將最佳嘅科學證據融入臨床決策，醫護專業人員就可以提供更適切、更有效且全面嘅治療方案，同時進一步提升公眾對醫療選擇嘅理解同關注。

醫卓所將持續引領醫學實證之路，並進一步促進香港成為國際醫療同健康創新樞紐。🛡️

🔍 深入了解我哋嘅願景同工作: www.imace.org.hk/zh/

#醫卓所 #世界衞生日 #攜手共促健康 #堅定支持科學 #實證為本 #臨床指引

醫卓所祝願各位馬年萬事如意、福氣滿門、平安吉祥！
16/02/2026

醫卓所祝願各位馬年萬事如意、福氣滿門、平安吉祥！

[認識「隨機對照試驗」] 隨機對照試驗係一種嚴謹可靠嘅實驗設計。實驗參加者被隨機分配到唔同嘅組別：有啲人會接受所研究嘅療法（「實驗組」），其他則會接受安慰劑、標準治療，或唔作任何治療（「對照組」）。隨機對照試驗嘅一啲核心概念如下：「隨機」：...
03/02/2026

[認識「隨機對照試驗」]

隨機對照試驗係一種嚴謹可靠嘅實驗設計。實驗參加者被隨機分配到唔同嘅組別：有啲人會接受所研究嘅療法（「實驗組」），其他則會接受安慰劑、標準治療，或唔作任何治療（「對照組」）。隨機對照試驗嘅一啲核心概念如下：

「隨機」：
• 透過電腦演算法或其他科學方法，將參加者隨機分配到唔同嘅組別。咁樣每組嘅參加者特徵（例如年齡、性別、疾病嚴重程度等）可以均勻分布，確保實驗結果嘅差異主要係嚟自所研究嘅療法，而唔係其他因素影響。

「對照」：
• 「對照組」同「實驗組」相對。咁樣研究人員可以比較兩組嘅結果，從而評估所研究嘅療法嘅效果。

「試驗」 ：
• 試驗嘅目的係驗證所研究嘅療法嘅有效性同安全性。佢透過反覆檢驗理論嚟改善臨床療效，體現咗科學嘅精髓。

隨機對照試驗以其高度嘅科學嚴謹性，為治療效果提供咗寶貴而可靠嘅證據。因此，喺新療法或藥物正式投入臨床實踐之前，佢哋被廣泛用於評估其有效性同安全性。

即刻睇多啲: https://www.imace.org.hk/zh/information-for-public

#醫學實證與臨床卓越研究所 #醫卓所 #香港醫療 #實證醫學 #臨床指引 #醫療質素 #隨機對照試驗

[「證據金字塔」講啲咩？]「實證醫學」有個核心原則，就係將唔同類型嘅研究根據強度系統性地分類到「證據金字塔」，較有力或較強嘅證據嚟自等級較高、研究方法更嚴謹嘅研究。「證據金字塔」嘅頂端就係上一篇帖文提到嘅「二次研究」，包括「系統性文獻回顧」...
23/01/2026

[「證據金字塔」講啲咩？]

「實證醫學」有個核心原則，就係將唔同類型嘅研究根據強度系統性地分類到「證據金字塔」，較有力或較強嘅證據嚟自等級較高、研究方法更嚴謹嘅研究。

「證據金字塔」嘅頂端就係上一篇帖文提到嘅「二次研究」，包括「系統性文獻回顧」同「統合分析」，再加上「原始研究」入面最有力嘅證據來源 ——「隨機對照試驗」；而等級較低嘅研究則包括專家意見、個案報告等等。

雖然醫護人員同埋學者都傾向更強力嘅證據，但有時候某啲臨床課題可能缺乏足夠嘅高等級研究。咁嘅時候，等級較低嘅研究類型都會被採納嚟制定臨床指引。

理解證據嘅等級結構可以幫助評估唔同研究嘅可靠性同質量，從而根據現有嘅最佳證據作出最佳嘅臨床判斷，優化病人照顧。

即刻睇多啲: https://www.imace.org.hk/zh/information-for-public

#醫學實證與臨床卓越研究所 #醫卓所 #香港醫療 #實證醫學 #臨床指引 #醫療質素 #證據金字塔

16/01/2026

[深入認識醫卓所]

由香港特別行政區政府牽頭成立嘅醫卓所，以專業同醫學實證為基礎，致力制定臨床指引，提升公私營醫療服務質素同效益基準。立即去片，聽吓醫卓所召集人梁嘉傑教授嘅介紹！

如想了解更多關於醫卓所嘅工作，請收睇完整影片：www.imace.org.hk/zh/convenor-message

#醫學實證與臨床卓越研究所 #醫卓所 #香港醫療 #醫學實證 #臨床實踐指引

醫卓所祝您及家人度過一個平安的聖誕，於新的一年溫暖幸福！
24/12/2025

醫卓所祝您及家人度過一個平安的聖誕，於新的一年溫暖幸福！

[「臨床研究」係啲咩?]「臨床研究」可以解答臨床工作遇到嘅問題，而呢啲問題離不開疾病嘅病因、診斷、治療同預測疾病嘅後果。 按照研究方法，我哋可以將「臨床研究」分為「原始研究」 同「二次研究」: 「原始研究」• 指直接對患者嘅病因、診斷、治療...
24/12/2025

[「臨床研究」係啲咩?]

「臨床研究」可以解答臨床工作遇到嘅問題，而呢啲問題離不開疾病嘅病因、診斷、治療同預測疾病嘅後果。

按照研究方法，我哋可以將「臨床研究」分為「原始研究」 同「二次研究」:
「原始研究」
• 指直接對患者嘅病因、診斷、治療、預測疾病嘅後果等，第一手資料進行研究，並通過統計學分析呢啲研究數據，從而得出結論。
「二次研究」
• 盡可能全面地收集某個臨床問題嘅所有「原始研究」證據，再進行嚴格評估、整合同埋分析，並作出結論。呢啲經過整理後嘅「原始研究」證據一般被視為高階證據。

即刻睇多啲: https://www.imace.org.hk/zh/information-for-public

#醫學實證與臨床卓越研究所 #醫卓所 #香港醫療 #實證醫學 #臨床指引 #醫療質素

[「實證醫學」點幫到我?]喺臨床工作入面，疾病嘅診斷同治療需要考慮多重因素，例如：性別、年齡、影像報告、血液報告、 臨床症狀、家族風險等。雖然依家資訊發達，大眾可以喺唔同嘅渠道得知其他人嘅患病經驗，但僅靠唔同媒體上嘅描述作為主要醫療資訊來源...
18/12/2025

[「實證醫學」點幫到我?]

喺臨床工作入面，疾病嘅診斷同治療需要考慮多重因素，例如：性別、年齡、影像報告、血液報告、 臨床症狀、家族風險等。

雖然依家資訊發達，大眾可以喺唔同嘅渠道得知其他人嘅患病經驗，但僅靠唔同媒體上嘅描述作為主要醫療資訊來源，或單憑他人嘅情況而下定論，往往容易導致醫療觀念上嘅偏差或造成對自身醫療需求嘅誤判。

透過認識「實證醫學」同臨床指引，公眾可以了解更多關於疾病診治嘅思路同過程，仲可以學識點樣分辨科學，同埋可靠嘅醫療資訊，避免受到唔完整，甚至帶有誤導性嘅資訊影響。

再者，由於醫護人員作出嘅判斷同診治方法，係建基於大量臨床研究而得出嘅結論，而非隨意或片面地單憑書本同個人經驗，公眾都會更放心。

即刻睇多啲: https://www.imace.org.hk/zh/information-for-public

#醫學實證與臨床卓越研究所 #醫卓所 #香港醫療 #實證醫學 #臨床指引 #醫療質素

[究竟咩係「實證醫學」?]「實證醫學」係一種喺臨床決策中融合現有最佳科學證據嘅系統性方法。所謂現有嘅最佳科學證據，主要係指以病人為中心，並涵蓋診斷工具或治療嘅準確性、療效同安全性嘅相關研究。佢以臨床工作嘅最高標準，綜合咗科學實證、臨床經驗，...
24/11/2025

[究竟咩係「實證醫學」?]

「實證醫學」係一種喺臨床決策中融合現有最佳科學證據嘅系統性方法。所謂現有嘅最佳科學證據，主要係指以病人為中心，並涵蓋診斷工具或治療嘅準確性、療效同安全性嘅相關研究。佢以臨床工作嘅最高標準，綜合咗科學實證、臨床經驗，同埋對病人價值觀嘅考量，以達致最佳嘅醫療成效。

喺臨床工作入面，醫學證據可以整合成臨床指引，為醫護人員提供以實證為本嘅疾病診斷、治療同管理建議，幫助佢哋作出最明智嘅醫療決策，提升醫療服務質素。

臨床指引唔單止可以推動臨床卓越，仲可以用喺公眾教育，俾市民更了解罹患唔同疾病時，可能需要嘅醫療服務，從而促進市民對自己健康管理嘅知情參與。

即刻睇多啲: https://www.imace.org.hk/zh/information-for-public

#醫學實證與臨床卓越研究所 #醫卓所 #香港醫療 #實證醫學 #臨床指引 #醫療質素

Address

香港黃竹坑香葉道2號 One Island South 2207 室

Website

Alerts

Be the first to know and let us send you an email when 醫學實證與臨床卓越研究所 Institute for Medical Advancement and Clinical Excellence posts news and promotions. Your email address will not be used for any other purpose, and you can unsubscribe at any time.

Shortcuts

  • Want your practice to be the top-listed Clinic?

Share