Certified Nutritionist | Holder of a Nutrition Diploma from Tanta University with Distinction
�Your guide to balanced and healthy living �
12/08/2025
🍏 "كلّ أحسن… مش أقل"
تفتكر التخسيس يعني تكمّل يومك على ورقة خس وكوباية ميّه؟ 🤔
الحقيقة… ده أسرع طريق للتعب والجوع وتوقف الحرق!
السر مش في كمية الأكل، السر في جودته.
---
🔑 السر رقم 1: غذي جسمك… مش تحرمه
كل وجبة لازم يكون فيها بروتين، ألياف، ودهون صحية.
طبق ملون = جسم شبعان + طاقة طول اليوم.
---
🍽 قاعدة الطبق الذهبي
🥗 نص الطبق: خضار بألوان مختلفة.
🍗 ربع الطبق: بروتين (فراخ، سمك، بيض، بقوليات).
🌾 ربع الطبق: نشويات كاملة (رز بني، عيش بلدي، بطاطس).
🧠 ليه “أحسن” أهم من “أقل”؟
الحرمان بيخلي جسمك يبطّئ الحرق.
الأكل المتوازن يمنع نوبات الشراهة.
البروتين والألياف يخلوك شبعان لفترة أطول.
💡 الخلاصة:
مش لازم تقللي الأكل… لازم تختاريه صح.
ابدئي النهاردة بتغيير وجبة واحدة بس، وشوفي الفرق في طاقتك وشبعك
د/دعاء كمال الدين
اخصائي تغذيه علاجية معتمد
12/08/2025
☀ فيتامين D … فيتامين الشمس اللي جسمك ما يستغناش عنه!
🔹 أهميته
يساعد الجسم على امتصاص الكالسيوم والفوسفور، وبالتالي يحافظ على صحة العظام والأسنان.
يقوي جهاز المناعة ويحمي من العدوى.
يلعب دور في صحة العضلات والمخ والمزاج.
❗ نقص فيتامين D بيعمل إيه؟
هشاشة العظام أو لين العظام.
آلام في الظهر والمفاصل.
ضعف العضلات.
إرهاق مستمر ومزاج سيئ.
📌 أسباب النقص: قلة التعرض للشمس، سوء التغذية، أمراض الكبد أو الكلى، الوزن الزائد.
⚠ زيادة فيتامين D (التسمم الفيتاميني)
الزيادة بتحصل غالبًا من الإفراط في المكملات، وبتؤدي إلى:
زيادة الكالسيوم في الدم → ممكن تسبب حصوات الكلى.
غثيان، قيء، فقدان الشهية.
اضطراب ضربات القلب.
💡 الجرعة الموصى بها
البالغين الأصحاء: من 600 إلى 800 وحدة دولية يوميًا (IU).
كبار السن أو أصحاب النقص: قد يحتاجوا 1000–2000 IU يوميًا، لكن بعد استشارة الطبيب وتحاليل الدم.
أفضل مصدر طبيعي: التعرض للشمس من 15–20 دقيقة 3 مرات أسبوعيًا + الأطعمة الغنية به زي السلمون، السردين، البيض، والألبان المدعمة.
📍 الخلاصة:
فيتامين D مش بس فيتامين… ده مفتاح لصحة العظام والمناعة والمزاج.
حافظ على مستواه في جسمك باعتدال، لأن النقص والزيادة الاثنين خطر!
د/دعاء كمال الدين
اخصائي تغذيه علاجية معتمد
09/08/2025
💊 أهم الفيتامينات اللي جسمك محتاجها… وليه؟
مش أي تعب في الجسم علاجه أدوية!
أوقات كتير بيكون السبب إنك مفتقدة عنصر بسيط جدًا… جسمك محتاجه كل يوم
تعرفي أهم الفيتامينات وإيه فايدتها في جسمك؟ تعالي نشوف👇
أهميته: بيحافظ على قوة النظر، صحة الجلد والشعر، ويقوي المناعة.
علامات نقصه:
– ضعف الرؤية الليلية
– جفاف البشرة
– تساقط الشعر
مصادره: جزر، بطاطا، كبدة، خضار ورقي أخضر.
🌱 فيتامين E – فيتامين الشباب
أهميته: مضاد أكسدة بيحمي الخلايا من التلف، يحافظ على البشرة والشعر.
نقصه بيعمل:
– جفاف البشرة
– ضعف العضلات
– مشاكل في الخصوبة
مصادره: مكسرات، بذور، زيوت نباتية.
🦴 فيتامين K – لصحة العظام وتجلط الدم
أهميته: بيساعد الدم يتجلط بشكل طبيعي، ويثبت الكالسيوم في العظام.
لو ناقص؟
– نزيف بسهولة
– كسور متكررة
مصادره: سبانخ، بروكلي، كالي، كرنب.
📌 خلاصة مهمة:
جسمك محتاج كل الفيتامينات دي بكمية مناسبة… الزيادة أو النقصان ممكن يسبب مشاكل.
قبل ما تاخدي أي مكملات، لازم تعملي تحاليل وتستشيري أخصائي تغذية علشان يحدد احتياجاتك.
د/دعاء كمال الدين
اخصائي تغذيه علاجية معتمد
02/08/2025
🧠 هل مقاومة الإنسولين بتفضل طول العمر؟
ولا ممكن أرجع طبيعي؟
ناس كتير بيكون أول تشخيص ليهم بمقاومة الإنسولين صدمة،ويسألوا نفس السؤال:
"أنا كده بقيت مريض طول عمري؟"
والحقيقة:
✅ لأ، مقاومة الإنسولين مش مرض مزمن ولا حكم نهائي
لكن هي إنذار قوي من الجسم بيقولك:
"أنا تعبان من نمط حياتك… وده الوقت تصلّح فيه قبل فوات الأوان"
🤔 يعني إيه مقاومة إنسولين أصلاً؟
جسمك بيحتاج هرمون الإنسولين علشان يدخل السكر من الدم للخلايا.
لكن لما الجسم يبقى "مقاوم"، الخلايا مش بتستجيب كويس،
فيبدأ البنكرياس يفرز إنسولين أكتر وأكتر علشان يسيطر على السكر…
وفي الآخر:
🔻 الإنسولين يعلى
🔻 الدهون تتخزن
🔻 الوزن يزيد
🔻 وتبدأ أعراض التعب والنهجان والهبوط والخلل الهرموني تظهر
😔 طب إيه اللي بيسببها؟
– نمط أكل عالي في النشويات والسكريات
– قلة حركة
– زيادة دهون البطن
– اضطراب النوم
– الضغط النفسي المزمن
– دايت قاسي يتبعه نهم في الأكل
– تجاهل الفطار أو أكل وجبة واحدة باليوم
– لخبطة في الوجبات
🎯ممكن تتعالج !!؟
أيوه… ممكن تتعالج وترجع طبيعي!
لكن بشرط: نمط حياة جديد
مش حرمان
ولا دايت قاسي
ولا دواء مدى الحياة
🔁 الخطة اللي فعلاً بتنجح:
✅ تخسيس حتى 5% بس من وزنك… يفرق جدًا
✅ تقليل السكريات والنشويات البيضاء
✅ فطار متوازن يحتوي بروتين
✅ المشي يوميًا 20-30 دقيقة، خصوصًا بعد الأكل
✅ النوم المنتظم 7-8 ساعات
✅ تقليل التوتر بأي طريقة تريحك (رياضة – تأمل – قرآن – يوم راحة)
✅ تنظيم مواعيد الوجبات – بلاش صيام عشوائي مع أكل غير محسوب
✅ النتيجة؟
مع الوقت، هرمون الإنسولين يرجع طبيعي
الجسم يبدأ يستجيب تاني
السكر يستقر
الوزن يتحسّن
الهرمونات تنتظم
والمجهود اللي بتبذليه يبدأ يظهر على شكلك وطاقتك ونفسيتك
📌 الخلاصة:
مقاومة الإنسولين مش حكم نهائي
لكن محتاجة "قرار"... والتزام حقيقي
ومع الوقت، جسمك يبدأ يسمع للإنسولين من تاني
وترجع لمعدلات طبيعية من غير أدوية ولا مشاكل
💡 طب الحل؟
1. نظّمي وجباتك خلال اليوم:
3 وجبات + 1–2 سناك بين الوجبات يقلل الإحساس بالجوع بالليل.
2. ثبّتي آخر وجبة قبل النوم بـ 2–3 ساعات:
واجعليها خفيفة (زبادي، بيضة، ثمرة فاكهة).
3. اشربي ميّه أو مشروب دافي لو حسّيتي بجوع كاذب:
أوقات الجوع بيكون عطش أو توتر مش فعلاً محتاجة أكل.
4. بعد العشاء… اقفلي المطبخ!
اعملي لنفسك قاعدة: بعد الساعة 9، مفيش أكل.
5. لو جعانة فعلًا، اسألي نفسك:
أنا جعانة؟ ولا زهقانة؟ ولا متوترة؟
وغالبًا هتكتشفي إنك محتاجة حاجة تانية غير الأكل 🙃
04/07/2025
الميّة سر الحياة"
بس اللي مش كل الناس تعرفه إن الميّة كمان ممكن تكون:
🔹 سر البشرة النضرة
🔹 سر الجسم الصحي
🔹 وسر نزول الوزن الصحِّي!
---
🌟 طيب الميّة بتفيدنا إزاي؟
💧 1. بتحفّز الحرق (المتابوليزم):
أول كوب ميّة على الريق = إشارة للحرق يبدأ
وكل ما تشربي خلال اليوم = حرقك يشتغل أكتر
💧 2. بتقلل الجوع الوهمي:
جسمك ساعات بيطلب أكل… وهو عطشان!
الميّة بتخليكي تفرقي بين الجوع الحقيقي والجوع الكاذب
💧 3. بتساعد على خروج السموم:
الميّة بتغسل الكلى والكبد، وبتقلل احتباس السوائل
وده يخلي الجسم يشتغل بكفاءة ويحرق أكتر
💧 4. بتحسن الهضم والتخلص من الإمساك:
وده معناه:
– بطن مريحة
– ونفخة أقل
– ومزاج أهدى
💧 5. بتدي نضارة للبشرة وتمنع الترهلات:
خصوصًا وقت الرجيم… شربك للمية يحافظ على مرونة الجلد
---
💬 باختصار؟
الميّة مش "تفصيلة جانبية" في الدايت
الميّة = أساس النجاح!
---
🔍 طب إزاي أعرف إن جسمي محتاج ميّه؟ 🤔💧
جسمك عنده طرق ذكية جدًا يقولك بيها "أنا عطشان!"
بس ساعات إحنا بنفتكرها جوع أو إرهاق…
---
🚨 العلامات اللي تقولك جسمك محتاج ميّة:
❗ 1. صداع مفاجئ أو صداع نصفي
❗ 2. جفاف في الشفايف أو الحلق
❗ 3. دوخة أو عدم تركيز
❗ 4. إرهاق من أقل مجهود
❗ 5. بول غامق أو عدد مرات التبول قليل
❗ 6. جوع غريب بعد الأكل بساعة
❗ 7. تشنج عضلي بدون سبب واضح
❗ 8. ضربات قلب سريعة أو إحساس بالتوتر
---
🎯 لو عندك علامتين من دول على الأقل
جسمك بيديك إنذار صريح:
💡 نصيحة من دكتورة التغذية
ابدئي يومك بكوباية ميّة على الريق
وخلّي زجاجة جنبك طول اليوم
ولو بتنسي، نزّلي تطبيق يذكرك
لأن الميّة = بداية تغيير جسمك وصحتك للأحسن
03/07/2025
🧬 "مقاومة الإنسولين".. العائق الخفي لحرق الدهون!
هل بتحاول تخس ومفيش نتيجة؟ دايمًا جعان؟ بتصحى من النوم تعبان؟
👀 ممكن تكون المشكلة "مقاومة إنسولين" وانت مش واخد بالك!
---
❓يعني إيه مقاومة إنسولين؟
الإنسولين هرمون بيساعد الجسم يدخل الجلوكوز (السكر) للخلايا علشان يتحوّل لطاقة.
لكن لما الجسم يبطل يستجيب للإنسولين زي الأول...
⬅️ بيبدأ السكر يعلى في الدم
⬅️ الجسم يفرز كميات أكتر من الإنسولين
⬅️ الدهون تتخزن أكتر… والحرق يقل!
---
🧩 أهم أعراض مقاومة الإنسولين:
تعب وإرهاق بعد الأكل
جوع سريع أو دايم
زيادة الوزن خاصة في البطن
الرغبة في السكريات
صعوبة في نزول الوزن
تصبغات غامقة في الرقبة وتحت الإبط
اضطراب في الدورة عند البنات
نعاس بعد الوجبات
---
🎯 دور أخصائي التغذية في العلاج: مش مجرد نظام أكل… ده خطة علاج غذائي متكاملة:
✅ ضبط توقيت الأكل والمكونات
✅ تقليل الأطعمة اللي ترفع الإنسولين (زي السكر والنشويات البسيطة)
✅ دعم الجسم بأكل يحسِّن حساسية الإنسولين
✅ المتابعة المنتظمة وقياس التقدم
✅ دعم نفسي علشان ما تيأسيش
---
❤️ الرسالة الأهم:
مقاومة الإنسولين مش نهاية المطاف… بالعكس!
أول ما تبدأي التغيير، جسمك هيرد… وهتشوفي الفرق بنفسك.
03/07/2025
"5 حاجات بسيطة… تسرّع نزول وزنك من أول أسبوع!" 🔥⚡
---
🙋♀️ بتحس إن وزنك بينزل ببطء؟
مستعجلة على النتيجة؟
جرب تضيف الحاجات دي لنظامك، وهتشوف الفرق بنفسك 👇
---
✅ 1. اشرب مية كفاية:
من 2.5 لـ 3 لتر يوميًا
💧 المية بتزود الحرق، وتمنع التخزين، وتقلل الجوع الكاذب
---
✅ 2. ابدء يومك ببروتين:
زي بيض، فول، زبادي يوناني
🥚 البروتين بيقلل الشهية وبيخلي الحرق أعلى طول اليوم
---
✅ 3. امشي 30 دقيقة على الأقل:
🚶♀️ المشي بعد الوجبة بيساعد الجسم يستخدم الأكل كطاقة مش دهون!
Be the first to know and let us send you an email when Nutrition with Dr. Doaa Kamal posts news and promotions. Your email address will not be used for any other purpose, and you can unsubscribe at any time.
