26/07/2025
أم كلثوم في "فكروني" غنت بفرحة:
"وافتكرت فرحت وياك قد إيه"...
ثانية واحدة بس، ولون صوتها اتبدّل، الحزن سرق نبرتها وقالت:
"وافتكرت كمان يا روحي بعدنا ليه"...
وهو ده تحديدًا اللي بيوجع.
إنك تفتكر شخص واحد، بس في مشهدين،
واحد يضحكك من قلبك، والتاني يكسرك من جواك.
علم النفس بيقول إن الذكريات العاطفية المرتبطة بمشاعر متضادة،
بتخلق صراع داخلي مرهق جدًا...
عقلك يبقى عايز يفتكر الحلو،
وقلبك يفضل يزن على الوجع اللي جي بعده.
عشان كده، لما تيجي تختار حد في حياتك،
اختار اللي لما تفتكره، تحس بالونس مش بالغصة.
اللي لما الأيام تلف، يفضل ثابت في حبك،
نفس النظرة، نفس الحنية، نفس الضهر اللي عمره ما وجعك.
اختاروا اللي يسامح، اللي يطبطب،
اللي ما ينساش لحظة حلوة جمعتك بيه،
واللي لما يفتكرك، يفتكرك بالحب مش بالخذلان.
❤️
