26/10/2025
يا ذيب لا تشكي همومك على ذيب
داري على جرحك وصون المهابه
واحبس دموعك لا يراها الاصاحيب
وايـاك تـشـكـي مـن هموم أو غلابه
لـو بـان ضعفك ما يغطون لك عيب
بــا يـجـعـلـونـك سـخـريـه لـلـدعـابـه
اذا تـبـي تـعـرف مـكـانك فقط غيب
يـعـرف مـكـان الـمـرء لـحـظـة غـيابه
بـعض البشر با يلتمس لك عذاريب
فـي حضرتك وان غبت سدد حرابه
يـجـامـلـك لـلـمـصـلـحـه بـالأكـاذيب
يـضـحـك بوجهك والسقم تحت نابه
ان شـي بـجيبك يحرجك بالتراحيب
وان مـا معك شي صك بالوجه بابه
صارت قيمنا كم مع الشخص فالجيب
ونميزه يا للاسف من ثيابه
ما همنا اخلاقه وطيب الاساليب
اهم شي كم يمتلك في حسابه
الله يا دنيا العجب والالاعيب
ما يعشقش الا مضيع صوابه
يا هاجسي بالله من قبلما شيب
اصدح بشعرك تحت وبل السحابه
ف*ج هموم القلب طف اللواهيب
اصعب واخطر جرح جرح القرابه
دنــيـا غـــروره كــل ابـوهـا دوالـيـب
والــنــاس ذا نـحـلـه وهـــذا ذبــابـه
