Mannatech Associate Dalene Williamson

14/01/2026

🇮🇪 *Big news for Ireland!*

Mannatech’s *Republic of Ireland Back Office is now LIVE* 🙌

This makes building business in Ireland easier than ever — almost like a fresh launch for the country 🚀

✅ Place orders
✅ Enrol new associates & customers
✅ Access commission statements
✅ Share Personal Mannatech Website (PMW) links

If Ireland is in your vision, now is the time to move.💥

11/01/2026

https://zoom.us/j/93138208717
Password 110011

09/01/2026

07/01/2026

https://zoom.us/j/99644840068

Password: reset

30/12/2025

Ek het al die gewig van leë hande geken.
Die seer van stemme wat belowe het en tog maar verdwyn het.
Die stil, hol eggo van harte wat wegdraai.
My eie hart het gekneus en versigtiger begin loop. Sy rande skerp van plekke wat ek nooit gewaag het om te wys nie.

Toe kom Jesus.
Nie in die storm nie.
Nie in die geraas nie.
Maar in die sagte sug van die oggend.
In die stilte tussen my gebroke asemteue.
In die teer ruimte waar hoop amper vergeet het hoe om te leef.

Hy is die sagte gety wat my brose siel lig.
Die lantern wat skyn in die grotte van my vrees.
Waar ek ged**k het liefde sou weer seermaak, is Hy standvastig.
Waar ek ged**k het vertroue sou breek.
Hou Hy my naby.

Ek was ’n hart in ballingskap.
Dwalend deur skaduwees wat gefluister het: “Jy is te veel, te min, te verlore, te vol foute, ñ mislukking, geen liefde werd.”
Toe blaas Hy stil, vurig en onherroeplik nuwe lewe terug in die hoeke wat ek toegesluit het.

Sy liefde is ’n rivier wat geen droogte ken nie.
’n Vuur wat nie verteer nie maar warm hou.
’n Melodie wat onder die letsels van my gisters neurie.

Ek het nog nooit ’n liefde soos Syne geken nie.

’n Liefde wat deur die stilte wag.
Wat buk om die stukke op te tel wat ek agtergelaat het.
Wat fluister:
“Kom huis toe."
"Jy is Myne."
"Jy was nog altyd.”

In U liefde hardloop ek voluit.
Nie omdat die pad duidelik is nie.
Maar omdat die reis in U hande is.
Elke tree is ’n lied van vertroue.
Elke asem ’n belydenis van verwondering.
Ek is geken.
Ek is gesien.
Ek is vasgehou.
Ek is uiteindelik veilig.

Dit is ñ liefde wat my nie los aan die rand van my vrese nie.
Wat nie wankel wanneer my siel bewe nie.
Hierdie liefde is geduldig, vriendelik, onwrikbaar en teer.
Soos reën wat saggies op grond val wat al so lank smag na lewe.
En ek, eens so toegedraai in my eie menslike "beskerming", gee myself nou gewillig, volkome en heeltemal oor en oor en oor, aan U oor.

Ek het nog nooit ’n liefde soos hierdie geken nie, en tog, hier in die stil heiligdom van Jesus se arms, weet ek:
Dat ek nooit weer alleen sal loop nie.

In U arms het my hart onthou hoe veiligheid voel.

©️2025 Pragtige JY - Is Genoeg
Kopieëreg ~ Juanita Grobler

30/12/2025

14/12/2025

Laat hulle kyk.
Laat hulle stilte maar swaar word,
soos winter ryp wat vensters toewasem
waar die lig eens vry kon dans.
Laat hulle woorde skerp word,
sny aan die kontoere van wie hulle d**k ek moet wees.

Want wat maak dit regtig saak
as elke hart hier op aarde wegdraai,
solank die hart van God
na my toe draai?

Ek verkies om die eensame saad te wees
weggedruk in die grond wat my nie verstaan nie, begrawe onder opinies, vasgepen deur bespotting, wagtend in die donker stilte tot die Een wat my geplant het fluister: “Groei.”

Ek verkies die verste stoel aan ’n tafel
waar niemand my naam roep nie,
eerder as ñ feesmaal in paleise van kompromie waar ñ honger siel nooit gevoed word nie.

Noem my vreemd.
Noem my hardkoppig.
Noem my die een wat nie wou buk toe ander hulle knieë gebuig het voor afgode gevorm uit ambisie uit en gekloof uit die handeklap van mense nie.

Ek het geleer........
menslike verwerping is tydelik.
Dit verander, vervaag, waai verby
soos die wind wat nie onthou waarvandaan hy kom nie.
Maar goddelike verwerping…
dit is ’n winter wat nooit ontdooi nie.

So ek kies eerder
om deur mense misverstaan te word.
Maar deur die Ewige Koning geken te word.
Die wêreld kan maar elke deur sluit.
Solank die Hemel net een oop los,
net breed genoeg vir ’n bewerige siel
om daardeur te glip.

Wanneer ek hierdie aarde verlaat.
Wanneer asem sy greep los maak.
Sal slegs één stem saak maak.
Die stem wat my Sy geliefde dogter genoem het, toe niemand anders my waarde raakgesien het nie.

En as Hy my verwelkom,
as Sy oë my ontmoet sonder om weg te draai, sal elke aardse verwerping kniel voor heerlikheid en so klein word soos stof.

Jesus se “Welgedaan”,
Maak elke belediging stil.
Sy arms is die enigste tuiste,
wat die verlange werd is.

Ek kan die wêreld maar verloor,
solank ek Hóm net wen.

Ek kan maar die troos van mense verloor,
om die troos van God te ontvang.
Ek kan maar elkedag ongesiens hier wandel,
om vir ewig gesien te word daar by Jesus.
Ek kan maar vir ’n oomblik eensaam voel,
om vir ’n ewigheid bemin te word.

Want wat is die hele wêreld se aanvaarding.
In vergelyking met één fluistering van Jesus se verwelkoming?

"Welkom tuis, My meisiekind, welkom tuis."

©️2025 Pragtige JY - Is Genoeg
Kopieëreg ~ Juanita Grobler