OTR.Maysoon.alnashash

OTR.Maysoon.alnashash Contact information, map and directions, contact form, opening hours, services, ratings, photos, videos and announcements from OTR.Maysoon.alnashash, Occupational therapist, Abu Dhabi.

ميسون النشاش | أخصائية علاج وظيفي
ADHDer | متعافية من الديسليكسيا وأفهم تحدياتها
خبرة أكثر من 13 عامًا في دعم الأطفال أصحاب الهمم، مع تركيز خاص على اضطرابات طيف التوحد، التكامل الحسي، والتأخر النمائي.

27/04/2026

بمبادرة جميلة ومميزة لهذا العام من مؤتمر التوحد الرابع، جاء شعار “الابتسامة” ليعكس أثرها العميق في حياة أطفال اضطراب طيف التوحد وأسرهم. فكانت لفتة إنسانية ملهمة برفقة سعادة أمينة، مديرة مؤتمر التوحد، والأم الرائعة مروة الأسدي.
وانطلاقًا من “عام الأسرة” في الإمارات، تتجسد هذه المبادرة كرسالة حب ودعم، تؤكد أن أبسط التفاصيل… كابتسامة صادقة، قد تُحدث فرقًا كبيرًا في عالم هؤلاء الأطفال وتمنح أسرهم قوة وأملًا للاستمرار

مهم ‼️ ولزم التنويه لانه كتر 😉
24/04/2026

مهم ‼️ ولزم التنويه لانه كتر 😉

24/04/2026

خلونا نحب حالنا ونحب مزاجيتنا ♥️ هل معقول ربنا خلق فينا شي عشان نرفضه ؟ مش ممكن اله استخدام؟
خلوني اسمع رايكم

في ناس ننزعج منهم بسرعةونفسّر تصرفاتهم على إنها إهمالقلة تقديرأو عدم مسؤوليةلكن أحيانًاالسبب أعمق بكثيربعض الأشخاص يعيشو...
22/04/2026

في ناس ننزعج منهم بسرعة
ونفسّر تصرفاتهم على إنها إهمال
قلة تقدير
أو عدم مسؤولية

لكن أحيانًا
السبب أعمق بكثير

بعض الأشخاص يعيشون سنوات
وهم يلومون أنفسهم
والناس أيضًا تلومهم
بدون ما يعرفوا
إن عندهم نمط عصبي مختلف فعلًا

مهم:
هذه العلامات لا تعني تشخيص ADHD
لكنها دعوة للفهم بدل الحكم
وللبحث عن السبب الحقيقي وراء السلوك

لأن الإنسان لما نفهمه
نتعامل معه بشكل أعدل
وأحنّ

اكتبوا ADHD بالتعليقات
إذا بدكم أنزل الجزء الثاني:
تصرفات يفهمها الناس غلط… لكنها شائعة جدًا مع ADHD

الو : ميسون حابين نعمل معك مقابلة تحكيلنا عن خدمات الاونلاين لاصحاب الهمم وكيف كانت تجربتك ! يسعدني جداً أشارك معكم تجرب...
22/04/2026

الو : ميسون حابين نعمل معك مقابلة تحكيلنا عن خدمات الاونلاين لاصحاب الهمم وكيف كانت تجربتك !

يسعدني جداً أشارك معكم تجربتي في تقديم خدمات العلاج الوظيفي أونلاين لأصحاب الهمم.
الصراحة
خلال الفترة الماضية، كانت تجربة الأونلاين تحدي وفرصة بنفس الوقت.
التحدي كان في نقل التدخلات العلاجية من البيئة المباشرة إلى بيئة افتراضية، لكن بنفس الوقت فتح لنا باب كبير لنكون أقرب للأهل، ونخليهم جزء أساسي من الخطة العلاجية.

من أهم الإيجابيات:

* تمكين الأهل ليصيروا شركاء حقيقيين في العلاج
* استمرارية التدريب حتى في الأزمات أو الظروف الصعبة
* تطبيق الأنشطة داخل البيئة الطبيعية للطفل (البيت)، وهذا يعزز التعميم

أما التحديات:

* صعوبة الحفاظ على انتباه بعض الأطفال، خاصة اللي عندهم مشاكل حسية أو فرط حركة
* الحاجة لتبسيط الأدوات واستخدام المتوفر في المنزل
* اختلاف جاهزية الأهل وقدرتهم على التطبيق

لكن الأهم من كل هذا…
إنه ما نوقف دعمنا لأطفالنا تحت أي ظرف.

حتى بأبسط الأدوات في البيت، نقدر نشتغل على مهارات مهمة جداً، ونمنع حدوث فجوات تعليمية أو تطورية، خاصة خلال الأزمات.

رسالتي للأهل دائماً:
مش لازم يكون عندك أدوات متخصصة… أهم شي يكون عندك وعي، واستمرارية، وإيمان إنك جزء أساسي من رحلة تطور طفلك.
انتو شو رايكم هل استمريتوا بالاونلاين .
واخيرا شكر خاص لصديقتي رولا على الدعم المعنوي دايما ♥️

18/04/2026

🤭

ممكن تشوفي طفلك:مشتت… عصبي… ما بيسمع الكلام…وتفكري المشكلة “سلوك”لكن الحقيقة أحيانًا أعمق 👇🧠 جسمه ممكن يكون بحالة توتر م...
17/04/2026

ممكن تشوفي طفلك:
مشتت… عصبي… ما بيسمع الكلام…

وتفكري المشكلة “سلوك”
لكن الحقيقة أحيانًا أعمق 👇

🧠 جسمه ممكن يكون بحالة توتر مزمن (كورتيزول مرتفع)
يعني جهازه العصبي مش مرتاح… مش آمن… مش قادر يهدأ

وهون، أي تعديل سلوك لحاله ❌ ما رح يكفي

⸻

🎯 طيب شو نعمل؟ (خطوات تخفيض الكورتيزول)

1. 🤍 ابدأي بالأمان قبل التربية
• حضن يومي
• وقت خاص بدون توجيه
• تقليل التهديد (زعيق / تخويف)

👉 الطفل الهادئ = طفل حاسس بالأمان

⸻

2. 🔇 خففي التحفيز الزائد
• قللي الأصوات العالية
• خففي الشاشات
• اعملي زواية هدوء بالبيت

👉 الجهاز العصبي يحتاج “راحة”

⸻

3. 🏃‍♂️ أدخلي الحركة اليومية
• قفز
• ضغط عميق
• ألعاب سحب ودفع

👉 الحركة = تفريغ توتر

⸻

4. 🌙 ثبتي روتين النوم
• نفس الوقت يوميًا
• بدون شاشة قبل النوم
• روتين هادئ (قصة / حضن)

👉 النوم هو أقوى منظم للكورتيزول

⸻

5. 🥗 نظمي الأكل
• قللي السكر
• زيدي البروتين
• ثبات بمواعيد الوجبات

👉 توازن الجسم يبدأ من الداخل

⸻

⚠️ أهم نقطة:

مش كل طفل “عنيد”…
ولا كل تشتت = ADHD

👉 أحيانًا هو
جهاز عصبي مرهق

💬 إذا حاسة إن:

طفلك بده جهد مضاعف بكل شي…
وكل يوم في توتر بالبيت…

بامكانك تعملي تقييم ADHD شامل لتقطعي الشك باليقين

اكتبي “كورتزول” بالتعليقات
وببعتلك التفاصيل ❤️

وانتظري الجزء الثاني لماذا يحدث ارتفاع الكورتيزول ؟

12/04/2026

يمكن تستغربي…
طفلك مشكلته مش إنه ما بفهم…
مشكلته إنه ما تعلّم “كيف يفكّر ويرتب المعلومة”.

طفل الـ ADHD عنده لحظات فهم قوية جدًا…
ممكن يحل مسألة بطريقة عبقرية ✨
بس هاي اللحظة غالبًا مرتبطة بارتفاع الدوبامين.

يعني شو؟
يعني لما يكون متحمس أو مهتم → دماغه شغال عالي
بيحل، بيحلل، بيبدع

بس لما ينخفض الدوبامين…
ما بقدر يرجّع نفس الطريقة
كأنه ما تعلّمها أصلاً!

وهون المشكلة 👇
المعلومة ما انخزنت كنظام…
انخزنت “كتجربة مؤقتة”

عشان هيك بتشوفيه:
مرة شاطر جدًا
ومرة كأنه أول مرة يشوف الموضوع

الحل مش نحفظه أكثر ❌
الحل نعلّمه “كيف وصل للحل” ✔️

خليني أعطيك الطريقة العملية:

أول خطوة:
بعد ما يحل أي سؤال… اسأليه فورًا:
“كيف عرفت؟”

وغالبًا رح يقول: “هيك طلع معي” 😅
هون نبدأ الشغل الحقيقي

ثاني خطوة:
نمسك إيده ونرجع نحل معه نفس السؤال
بس مش عشان الجواب…
عشان نطلع “الخطوات”

نكتبها قدامه:

1 شو فهمت من السؤال؟
2 شو المعلومة اللي استخدمتها؟
3 شو الخطوة الأولى؟
4 بعدين شو صار؟

هيك إحنا عم نبني “خريطة تفكير”

ثالث خطوة (الأهم):
نحوّل الحل لشكل بصري 👇

إذا كان طفل بصري:
اعمليها شجرة 🌳
إذا بحب التنظيم:
اعمليها هرم 🔺
إذا بحب الربط:
اعمليها شبكة 🧩

ليش؟
لأن دماغ ADHD يتذكر “الصورة” أكثر من الكلام

رابع خطوة:
اسأليه: “ليش هذا الحل صح؟”

هذا السؤال بحد ذاته
ينقل الطفل من “حافظ” إلى “فاهم”

خامس خطوة:
غيري السؤال…
بس خلي نفس الطريقة

يعني:
نفس الخطوات → بس مسألة مختلفة

هون يبدأ الدماغ يعمل تعميم (Generalization)
وهذا أهم من الحفظ

سادس خطوة:
خليه يشرح لك كأنه هو المعلم

إذا قدر يشرح = المعلومة تثبتت
إذا لا = لسه هي مجرد “لحظة فهم”

وأهم نقطة بديك تنتبهي لها 👇
طفل ADHD ما عنده مشكلة ذكاء
ولا حتى مشكلة فهم

هو عنده مشكلة بـ:

• تنظيم المعلومة
• تثبيتها
• استرجاعها وقت الحاجة

عشان هيك…
إذا طفلك بيعرف كثير أشياء
بس كل مرة جوابه مختلف…

هاي مش عشوائية ❌
هاي علامة إنه دماغه محتاج “نظام”

طفلك ما يحتاج معلومات أكثر…
هو يحتاج طريقة يرتب فيها تفكيره
ويخلي الفهم يتحول إلى مهارة ثابتة

إذا حسيتي هذا بالضبط اللي بصير مع طفلك…
اكتبي “مهتم” بالتعليقات 👇
وأساعدك نحدد وين المشكلة عنده بالضبط
وكيف نبني له نظام تفكير يناسب دماغه

12/04/2026

⁨ ⁨ أهم أعراض الـ ADHD عند الكبار
1. صعوبة التركيز لفترات طويلة
تبدأ مهمة بحماس… وبعد دقيقتين بتلاقي نفسك فاتحة عشر نوافذ وناسي شو كنت تعملي بالأصل.
2. نسيان المواعيد والتفاصيل الصغيرة
بتنسى المفاتيح، الموبايل، أو حتى كلام الناس بعد دقيقتين من سماعه.
3. تأجيل مستمر وتسويف
ما بتبدئي الشغل إلا لما تكوني تحت ضغط، رغم إنك بتعرفي النتيجة كل مرة.
4. اندفاعية بالكلام أو التصرف
بتجاوبي بسرعة بدون تفكير، أو بتقطعي الناس بالحكي، أو بتعملي قرارات فجائية.
5. تملّ سريع من الروتين
بتحبي التنويع والتحدي، وأي شي متكرر بيخنقك وبتفقدي الدافع بسرعة.
6. تشتيت مفرط بالأفكار
دماغك ما بيوقف تفكير… كأن عندك عشر محادثات داخل راسك بنفس الوقت.
7. مشاعر بالإرهاق الذهني والفوضى
تحسي كأن حياتك دايمًا فيها “ضباب”، ما في تنظيم، والمجهود العقلي مضاعف.
8. تذبذب المزاج والانفعال السريع
ممكن تنتقلي من الحماس الشديد إلى الإحباط خلال دقائق.
9. مشاكل بالوقت والتنظيم
دايمًا متأخرة أو بتقدّري الوقت غلط… “خمس دقايق وبخلص” وتطلع ساعة.
10. الشعور الدائم بأنك مختلفة أو “كسولة بدون سبب”
رغم ذكائك وجهدك، بتحسي إنك ما عم توصلي لقدراتك الحقيقية⁩⁩

11/04/2026

تنفس بشكل كامل واحكيلي ؟

Address

Abu Dhabi

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00

Telephone

+971588857175

Website

Alerts

Be the first to know and let us send you an email when OTR.Maysoon.alnashash posts news and promotions. Your email address will not be used for any other purpose, and you can unsubscribe at any time.

Shortcuts

Share

Category