Ammar BRK - Fitness

Ammar BRK - Fitness Contact information, map and directions, contact form, opening hours, services, ratings, photos, videos and announcements from Ammar BRK - Fitness, Ammar. brk. 97@gmail. com, Dubai.

Ammar Barakah
Certified Personal Trainer
Sports Nutrition Specialist
Certified Bodybuilding Specialist
Lifetime Natural
YouTube: Ammar BRK Fitness
Instgram: ammarbrk97

قال الاسبارتام الي بيستعملوه بتحلية الكولا و السفن اب الدايت و العلكة الي دون سكر بيعمل سرطان 😳😐سمعتوا هيك شي ؟فيديو جدي...
19/07/2023

قال الاسبارتام الي بيستعملوه بتحلية الكولا و السفن اب الدايت و العلكة الي دون سكر بيعمل سرطان 😳😐
سمعتوا هيك شي ؟

فيديو جديد صار عالانستغرام
الرابط بالستوري 👌
❤️

!؟ اول شي مسا الخير جميعاً. و اسف عالانقطاع ، قبل ما نبلش بدي قول شكرا لكل الاشخاص الي ارسلوا رسايل انو ارجع للنشر و ...
20/06/2023

!؟

اول شي مسا الخير جميعاً. و اسف عالانقطاع ، قبل ما نبلش بدي قول شكرا لكل الاشخاص الي ارسلوا رسايل انو ارجع للنشر و فرجوني اهتمامن بالمحتوى ❤️شكرا الكن

معضلة وقت التمرين 🤷🏻‍♂️سؤال بيتكرر بشكل كبير جداً و تقريبا الإجابات مختلفة و متضادة بشكل كبير عم يخلي قسم كبير من الناس محتارين 🤷🏻‍♂️

_انا بتمرن الصبح لانو فيني طاقة
_ انا بتمرن المسا لاني بكون اكل وجبات منيح
_انا بتمرن بالليل مشان اتعب منيح و حط راسي و نام نوم عميق و اعرف ابني عضلات
_ انا بتمرن الصبح لانو قلي فلان انو التيستوستيرون بكون اعلى

و غيرتا و غيراتها من الحكي و الإجابات
طيب شو الصح ؟ 🤔
نظرياً ممكن تكون وجهة نظر الي فوق كان صح ، بس من وجهة نظر عملية و كجواب مختصر و بسيط (و حكيي للشباب و البنات ) ، انسب وقت لتمرينك هو اكتر وقت بناسبك انت بكل بساطة !!
يعني التمرين الصبح بعد الفطور حلو لسى فيك طاقة اظرف من تمرينك بعد شغلك ، بنفس الوقت هل هاد معناه انو الي بيتكون المسا ما بيستفيد صح ؟؟
طبعاً لا ، تمرن بالوقت الي يناسبك و على كل حال جسمك بعد فترة ببلش يتعود عالوقت الي انت مخصصو للتمرين بقلب اليوم ، الي عليك انك تتمرن بضمير و بشدة صح و تنام منيح بالليل و اكيد تحافظ ع اكلك .
ك إضافة سريعة في وقت واحد برأيي غلط انك تتمرن تمارين المقاومة فيه و هو #الصبح على الريق ! لانو جسمك ضربو فترة بتتجاوز ٦_٨ ساعات دون اي وجبة و مخازن الغلايكوجين و الطاقة مو باحسن حالاتها و حتى السوائل و الشوارد بجسمك مو بحسن وضع و كاسة المي الي شربتاقبل ما تجي تتمرن ما ح تعملك شي ، و بالنسبة ئلي انا بصراحة مو من هواة التمرين قبل الظهر عالأقل 🤷🏻‍♂️

لهون بنكون وصلنا لنهاية مقالنا اليوم ، لا تنسوا تعملوا لايك عالبوست و تخلولي اسئلتكن بالتعليقات و تعملوا منشن لرفقاتكن

موفقين 🌷
❤️

25/04/2023

على عكس الشائع ، انك تعمل 3_4 تمارين لكل عضلة كفيل انو يوصلك لمرحلة تعب مو قليلة و كفيل انو يعملك نمو عضلي مع الوقت ( اذا كان برنامج اكلك صحيح )
اما انو يكون برنامجك تبع الصدر ع سبيل المثال فيه 5_6 تمارين و انت عم تخلص التمرين و ملاقيه سهل و لسى بدك تزيد تمارين فهاد بيعني مليون بالمية انو تمرينك كان سيئ مو انو انت قوي !!
في مقولة بتقول انو اذا كان فيك تعطي نفس الأداء و القوة لمدة بتزيد عن 45 د متواصلة بالجيم فتمرينك ما كان بالشدة و الجدية المطلوبة !
جودة الجولات و العدات التدريبية أهم بكتير من عددها !

❤️

22/04/2023

ما بدي خرب عليكن فرحة العيد بس وجب التنويه :
قطعة معمول الجوز او الفستق او التمر الصغيرة فيها حوالي 120 ال160 سعرة …. القطعة الوحدة !! و هي بدها حوالي 20 دقيقة مشي سريع لتحرقا ، يعني بتاكل عالخفيف وحدة وحدة عالماشي من التبت انواع بتاخد تقريبا ربع ل تلت احتياجاتك اليومية من السعرات !!!

ف انبسط و كول بس انتبه اديش عم تاكل ، ما حلوة تياب اول يوم عيد ما ينزلوا فيك بتالت يوم 😂😂
❤️

26/03/2023

حبيب ، رمضان فرصة تخسر فيها دهون ، انك تمشي نص ساعة قبل الفطور و بعد الفطور تقضيا قطايف و كنافة هيك
بتعمل Airbag مو 6 باكس يا كبتن

تابعوني عالانستغرام مشان ناكل قطايف ، قصدي مشان تخسر دهون سوا


❤️

06/02/2023

اللهم إنك أنت الله لا إله إلآ أنت الغني ونحن الفقراء نحن عبيدك بنو عبيدك نواصينا بيدك ماض فينا حكمك عدل فينا قضاؤك لا ملجأ ولا منجا منك إلا إليك، اللهم ادفع عنا البلا والبراكين والزلازل والمحن وجميع الفتن ما ظهر منها وما بطن».

اللهم إني أستغفرك و أتوب إليك سبحانك إني كنت من الظالمين ، اللهم لا تقبض أرواحنا إلا و أنت راضٍ عنا ، و لا ترنا مكروها في أهلنا و أحبتنا ، و لا في أنفسنا ، اللهم اجعلهم في ودائعك و أمانك ، اللهم حسن الختام ، اللهم حسن الختام ، اللهم حسن الختام .

الله يحمي الجميع و يعوض عالمتضررين و يرحم الشهداء 🙏

03/02/2023

حوارق #الدهون يستحيل تفيدك او تشتغل اصلاً دون الالتزام بحمية مدروسة تناسبك و تناسب احتياجاتك ، بينما الحمية الصحيحة لحالها بتخليك تخسر دهون !
يعني بكل الاحوال بدك تلتزم ب #دايت شخصي لانو هو السبيل الوحيد لتصل لهدفك و تخسر دهون ، افهام وين تصرف مصاريك مو كل ما لوَّحْلك حدا بحبة او دوا تروح تركد تشتريها و تخليه يضحك عليك .
❤️

كان عندي بطولة ، رحت عليها نسيان خصري بالبيت 🐸😆اوك و وجهي كمان ، اخذت انفي معي بس 😂😂 ، قبل البطولة بيومين و كنت فلات متل...
24/01/2023

كان عندي بطولة ، رحت عليها نسيان خصري بالبيت 🐸😆اوك و وجهي كمان ، اخذت انفي معي بس 😂😂 ، قبل البطولة بيومين و كنت فلات متل البانكيك🥞😁 طبيعي 100% بتوقع باينة 😂🤦‍♂️

المفاصل الصغيرة الها مساوئها و حسناتها ، و انت و همتك😩🤦🏻‍♂️
الهدف الجاية ان شاء الله نشاف احسن و حجم احسن 🙏🏽
مين بيعرف ايمت هدول الصور ؟؟ 🤔
لا تنسوا تتابعوني عالانستغرام ...الرابط بالتعليقات

____________________________
#ماشاءالله
❤️

16/01/2023

بتلاقيه حاطط تلاتين طن اوزان و لعبو مفشكل و كل يومين و التالت معطوب فيه شغلة و بقلك No pain No gain
يا روحي عهاد المنوال حتصير
More Pain Zero Gain

افهام انو “pain عن pain بيفرق يا ترين” 🤷🏻‍♂️🤦🏻‍♂️

و لا تنسوا تتابعوني عالانستغرام ✌️ ammar_brk

❤️

المغرب يواصل كتابة التاريخ !!!! #المغرب🇲🇦 إلى نصف نهائي كأس العالم !!! مبروك من القلب ❤️❤️❤️ و عقبال الكأس باذن الله ❤...
10/12/2022

المغرب يواصل كتابة التاريخ !!!!
#المغرب🇲🇦 إلى نصف نهائي كأس العالم !!!
مبروك من القلب ❤️❤️❤️ و عقبال الكأس باذن الله ❤️🇲🇦

07/12/2022

#بالمختصر :
#الكرياتين مكمل ذو تأثير تراكمي و طويل المدى ، تأثيرا مانو فوري متل الكافيين عسبيل المثال ، لذلك ما في فرق كتير جوهري بتوقيت تناولو سواء كان الصبح قبل او بعد #التمرين👌 ، و بمعنى تاني لما بتاخدو قبل التمرين بنص ساعة او تلت رباع الساعة ما ح يعطيك #طاقة متل مانك مفكر ، و الموضوع قسم كبير منو نفسي بهيك حالة🤷🏻‍♂️
❤️

صورة #المونديال ❤️💚🇲🇦🙏🏽
06/12/2022

صورة #المونديال ❤️💚🇲🇦🙏🏽

#المغرب تصنع التاريخ 🇲🇦🇲🇦🇲🇦🇲🇦🇲🇦و تتاهل الى ربع نهائي كأس العالم ((لاول مرة في تاريخ العرب )) بعد الإطاحة بإسبانيا برك...
06/12/2022

#المغرب تصنع التاريخ 🇲🇦🇲🇦🇲🇦🇲🇦🇲🇦
و تتاهل الى ربع نهائي كأس العالم ((لاول مرة في تاريخ العرب )) بعد الإطاحة بإسبانيا بركلات الترجيح !!
#مبروك بترفعوا الراس يا أسود
شعور الفخر لا يوصف !!

29/11/2022

سؤال سريع لبعض البنات :
كيف عم تنزلوا عالجيم فول ميك اب و عاملين مناكير و اضافر و بدي كير و عم تطلعوا من التمرين متل ما فتوا و كانكن كاينين بكوافير مو تمرين 😧!!؟؟
انا اخر مرة لعبت رجلين اخي الصغير ما رضي يفتحلي باب
البيت بس رجعت ، ما عرفني !! 😐😐

تابعوني انستغرام في محتوى دسم عم ينزل هنيك 👌




❤️

27/11/2022

ما في شي اسمو #دايت البيض , او دايت البرتقال ، او دايت الما بعرف شو .
جسمك بيولوجياً مانو مخلوق ليعيش عهيك حميات او أصلاً يخسر الدهون بهيك اسلوب أرعن و عنيف و مؤذي ( هاد غير انو ح يخسر كل شي الا دهون تقريبا و اولهن العضلات ) ، احترم جسمك و احترم حاجاتو و حقو عليك و التزم بنظام غذائي صحي متكامل يضمن لجسمك احتياجاتو كاملة .
انت ما ح تنزل ٥_٦ كيلو #دهون بالاسبوع لو شو ما عملت !! ، الخسارة السريعة بالوزن هي خسارة وهمية الها مليار سبب (بنحكي فيهن بعدين لما طول البوست )
لا تخلي شوية ناس ما بتخاف الله تتاجر بصحتك و تستغل جهلك بالموضوع بشوية حكي فاضي ، النظام الي ما بتقدر تعيش عليه ك لايف ستايل كامل معناها فيه خلل و مو هاد الي ح يوصلك لهدفك .
جسمك الو حق عليك ، و الموضوع بدو وقت ، و بالنهاية ما حدا حينضر او ينوجع بدالك ، و انت/ي حر/ة
خلولي اسئلتكن بالتعليقات

❤️

26/11/2022

#فقرالدم شائع جداً خصوصاً عند البنات لكن كونه شائع ما بخليه مشكلة عرضية او شي تتهاون بعلاجو متل ما كتار لاحظتن بيعملوا !!
فقر الدم ممكن يأثر عتطورك من ناحية البناء العضلي و خسارة الدهون بشكل غير مباشر !
نتيجة لفقر دمك بالكريات الحمر ف حتتعب خلال التمرين بشكل أسرع كتير و تحتاج فترات اطول للراحة نتيجة نقص كمية الأوكسجين الي دمك ممكن ينقلها و هاد بيعني كفاءة و أداء أقل بالتمرين سواء من ناحية الأوزان و البناء العضلي أو حتى حرق الدهون ، لذلك ما تهملوا الموضوع نهائيا !

لا تنسوا تتابعوني عالانستغرام لتشوفوا المحتوى هنيك و الرابط بالتعليقات👇

12 اسبوع ، اشتراك واحد ، بني ادم جديد 👌بتمرين ٤ _٥ ايام أسبوعيا ، و خطة محطوطة باسلوب صحيح و التزام من قبل العميل خلصنا ...
02/10/2022

12 اسبوع ، اشتراك واحد ، بني ادم جديد 👌
بتمرين ٤ _٥ ايام أسبوعيا ، و خطة محطوطة باسلوب صحيح و التزام من قبل العميل خلصنا من مشكلة النحافة 👌🔥
و عملنا كتلة عضلية ممتازة نسبيا مع المحافظة على نسبة دهون قليلة .
لا ادوية ، لا فواتح شهية ، و لا اي شي من هي الخزعبلات 😎
الشغل الصح بوفر عليك وقت و مصاري و مجهود👌

للاستفسار عن خدمات التدريب اون لاين يرجى التواصل عبر الرسائل

❤️

كلمتين :الوقت الأنسب لتمرين الحديد هو الوقت الي بناسبك بشرطين :١_ ما يكون عالريق ( ممكن بحالات خاصة جداً بس ماني مع ه...
06/09/2022

كلمتين :
الوقت الأنسب لتمرين الحديد هو الوقت الي بناسبك بشرطين :
١_ ما يكون عالريق ( ممكن بحالات خاصة جداً بس ماني مع هالفكرة )
٢_ ما يتأثر أداءك بالتمرين و تضل قدران تتطور ،
الي بناسبك طبيعي ما يناسب غيرك ، في اعتبارات تانية بتحدد الوقت الأمثل للتدريب لكن أي شي بيضمن استمراريتك و استمرارية تطوؤك فهو ممتاز مبدئيا الك ، كمل !
استمراريتك هي المهمة ، اجبارك عالتمرين بوقت معين يمكن ما بناسبك بس تنجبر تتمرن فيه ((( لانك هيك سمعت من فلان ))) حيخليك تقصر لانو ما بناسبك ، و التقصير حيبلش بتراكم و يزيد ليصل لحد مزعج و واضح و ينعكس سلباً على تطورك !
وصل؟؟ ريحوا راسكن بقى 😁

تاغ لحدا بهمو الموضوع و ما تنسوا تعملوا متابعة لحسابي بالانستغرام 👌 و تخلولي اسئلتكن بالتعليقات
موفقين 👌
❤️

Address

Ammar. Brk. 97@gmail. Com
Dubai

Telephone

+963937613878

Website

Alerts

Be the first to know and let us send you an email when Ammar BRK - Fitness posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Ammar BRK - Fitness:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram