هديل جنّود - Hadeel Jannoud

Home
United Arab Emirates
Dubai
هديل جنّود - Hadeel Jannoud

اكتشف قوتك الداخلية، وانطلق في رحلة التشافي.
مدربة ومعالجة في المجال النفسي والروحي.

مدربة ومعالجة في المجال النفسي والروحي
باحثة في مجال الوعي والطب التكميلي منذ عام 2012

هدفي في الحياة:
خلق واقع أفضل من خلال نشر الوعي والمحبة.
تقديم العلاج اللازم لاستعادة التوازن الجسدي, النفسي والروحي.

نصيحتي لك:
طلب المساعدة هو دليل شجاعة وقوة, لذلك:
* إن كنت تشعر اليوم بالحاجة لمن يستمع إلى مشاكلك من دون أحكام أو تقييم.
* إن كنت تبحث عن شخص يساعدك في التواصل مع عالمك الداخلي لترى جمالك الحقيقي.
* إن كنت تعتقد بأنك تعيش حالة من الألم والمعاناة وتسعى إلى التوازن من جديد في حياتك على مستوى الجسد والنفس والروح.
فلا تتردد بالتواصل معي فانت لست وحدك وانا هنا من أجلك.

رؤيتي بالحياة:
أنت من الحب خلقت وتستحق عيش المحبة من دون شروط.

أنوي لي ولك السير على درب الوعي والحكمة بمحبة وسلام.

06/01/2026

وفي النهاية، تختار التّخلي عن أكثر الأشياء التي أردّتها
ليس لأنك جبان، بل لأنك ولأول مرة اخترت أن لا تكون جباناً.
ّود

15/12/2025

مو دايمًا #التعب سببه قلة نوم, أوقات التعب بيكون سببه أمور نحنا متعودين نعيش معها كأنها طبيعية متل:
* #التفكير الزايد يلي ما بيوقف
* كتم المشاعر “مشان تمشي الأمور”
* لعب دور #المنقذ
* جلد #الذات بدل احتضانها
* والعيش يا بالماضي يا بالمستقبل

كل وحدة من هالامور عم تستنزف من طاقتك شوي شوي
من دون ما تحس.

إذا حسيت حالك مرهق بلا سبب واضح، اسال حالك اليوم شو المشاعر لي عم تستنزفني.

ّود

10/12/2025

لو شخص غريب ما بيعرفك حاكاك كلام مزعج، يمكن تدايق للحظات ويمكن ما تدايق بنوب لأنه هالشخص مابيعنيلك وقادر تحط حاجز بين كلامه "المعلومة" وبين ردة فعلك " المبني على الشعور"..

بس لو كان شخص مو غريب، شخص قريب وقريب كتير وخاصة من الدائرة الأولى " أم، اب، زوج... الخ" هون شو لي بيصير.

هون أنت ممكن ماتنام كل الليل، ممكن تبكي بلحظتها، ممكن تقعد كم يوم بحالة صدمة حسب الموقف لي صار وتشعر إنه إنت تحسست زيادة عن العادة طيب ليه؟

السبب إنك عم تستمد قيمتك من العالم الخارجي، وعندك معتقد مسبق إنه هالاشخاص بيعرفوني كتير منيح وأنا بهمني محبتهم وقبولهم الي " بشكل غير واعي"

الي بيصير موقف خارجي " معلومة" ردة فعل " مبنية على شعور بحت بدون حواجز"

لما توصل لمرحلة تعرف فيها قيمتك الحقيقية، وتحب حالك عنجد وماتضل عم تدور على موافقة العالم الخارجي لتصرفاتك وقتا بس هي الحساسية بتبدأ ترجع للحد الطبيعي.

طبقوا معي هالتمرين:

* ايمتا آخر مرة شعرت بحساسية زايدة؟
* شو كان الموقف، وشو بيعنيلك الشخص لي زعلك؟
* كيف فسرت الموقف؟ هل ممكن يكون اله تفسير تاني إنت ما شفتو؟
*شو الشعور لي وصلك من خلال هالموقف؟ قلة قيمة، نقص محبة؟ مشكلة كرامة؟
*واسأل حالك شو لازم اعمل لعالج الموضوع بداخلي؟

شاركوني بالتعليقات تجاربكم 💚💚💚
لشارك معكم فيديو قريبا عن مرض متعلق بالحساسية وكيف بيظهر 😉

ّود
#مشاعر
#حساس
#قيمة

#حُب

08/12/2025

معتقدات لو تركتها اليوم، #القلق رح يخفّ عن قلبك بكرة.
في كتير افكار ومعتقدات حتأثر على حياتك بشكل #سلبي وتحول مشاعرك لمرض جسدي اذا ماعرفت تتحرر منها.

شو هي #المعتقدات؟ شاركتها معكم بالصور 💚
ّود

04/12/2025

يقول المعالج القديم للروح:
ليس ظهرك ما يؤلمك ، ولكنه العبء.
ليست عيناك ما يؤلماك بل الظلم.
ليس رأسك ما يؤلمك، إنها أفكارك.
ليس حلقك ما يؤلمك ، وانما ما لا تعبّر عنه أو تقوله بغضب.
ليس المعدة ما تؤلمك، لكن ما لا تهضمه روحك.
ليس الكبد ما يؤلمك ، إنه #الغضب.
ليس قلبك ما يؤلمك انه #الحب.
والحب نفسه هو أقوى دواء.

The old healer to the soul:
It's not your back that hurts, but the burden.
It's not your eyes that hurt, but injustice.
It's not your head that hurts, it's your thoughts.
Not the throat, but what you don't express or say with anger.
Not the stomach hurts, but what the soul does not digest.
It's not the liver that hurts, it's the anger.
It's not your heart that hurts, but love.
And it is love itself that contains the most powerful medicine.

ّود

22/11/2025

شو اللي بدّك ياه لتقدري تحسي بالحب أو السعادة مع حالِك؟

مصاري أكتر؟ علاقة مستقرة؟ شغل أحسن؟
اهتمام؟ شريك؟ جسم صحي؟ هي اللائحة كلنا منردّدها.

بس خلّيني إسألك سؤال بسيط:
إذا اليوم مو قادرة تحسي بالسعادة ، شو الدليل إنك رح تحسي فيها بس يتحقق اللي ناقص؟

مو يمكن يجي معها خوف؟
خوف تخسري #الشريك، يروح الشغل، ينقص المال،
أو ما يزبط شي مثل ما بدك؟

فشو الضمان إنك رح تكوني سعيدة أو تحبي حالِك بالحقيقة؟

كل هاي “المبررات” تربّينا نسمعها والناس بتعيدها مثل المسلّمات.
بس هي مو الحقيقة.

الحقيقة؟
إذا ما أخدتي قرار داخلي تعيشي #السعادة اليوم بالموجود بالمتاح باللي بين إيديكي هلأ،
فما حتعيشيها بعدين، مهما صار عندك ومهما كبر اللي بتملكيه.

والدليل قدّامك…
تطلّعي على #حياتِك اليوم:
كتير من الامور اللي عندك مو كنتي تحلمي فيها زمان؟
طيب ليش في حزن، قلق، توتر، ذنب؟ وما في سعادة؟

لأن السعادة ما بتجي من برا…
السعادة “قرار”.
ويمكن هلق هو #الوقت إنك تاخدي هالقرار. 💚
شو رايك!؟

ّود

14/11/2025

التفاصيل الصغيرة مننسا انها مهمة، منعتقد انه نحنا بدنا نكون اقوياء وهاد الشي الطبيعي لي منحاسب حالنا عليه لما مانطبقه على حياتنا.

فرسالة اليوم الك انه بتسحق تحتفل بكل انجاز مهما كان صغير.

خبرني شو اخر انجاز صغير حققته خلال هالاسبوع ☺️
ّود
#تشافي #وعي

11/11/2025

في صبية كانت تخبرني إنها كل فترة بتتعب فجأة بلا سبب واضح.
قالتلي هديل أنا: “بنام منيحة، وبصحى جسمي مكسر خصوصي كتافي وصدري.”

وكل ما تسأل دكتور، بيخبرها تحاليلك “تمام”.
بس التعب بيرجع… بنفس الإحساس، نفس الثقل.

مع الوقت اكتشفنا إنو التعب مو جسدي، هو وجع من نوع تاني وجع مشاعر مخزنة مشاعر الذنب.

الذنب اللي بيخليها تحس إنها لازم تثبت لحالها كل يوم، إنها ما لازم تغلط، إنها مسؤولة عن راحة الكل حتى على حساب جسمها.

الجسم وقتها بيصير بيحكي معها:
بالأوجاع، بالتعب، أوقات بالمرض.

كأنو عم يقول:
“كفّاية، خليني أرتاح من حمل ما كان إلي.”

🔹 الذنب بيتخزّن بالكتاف، بالظهر، بالدورة الدموية.
بيخلق ثقل، ضغط، تعب مستمر.

ومو بس الجسد بيتعب، الحياة كمان بتتقل، المشاريع بتوقف، والفرص بتضيع، لأن الرسالة الداخلية بتقول:
“ما بستحق التسهيل.”

بس الحقيقة؟
الشفاء ما بيبدأ بس بالعلاج بيبدأ بالعفو عن الذات.
مو لأنك كنت صح، بس لأنك كنت عم تتعلم وتتطور بالحياة، بكل بساطة.

وخبرتا للصبية
لما بتسامحي حالك،
الجسد بيتنفس… والحياة بترجع تمشي بسلاسة.

وفعلا قدرنا نحقق تشافي بعد جلسات تحرير المشاعر من لما اشتغلنا على الشعور بالذنب.

وانتي؟ ماصار الوقت تحرري حالك من هي المشاعر!؟
تواصلي معي

ّود

10/11/2025

#الشكوى هي #مقاومة لما هو موجود، و #السلام الداخلي بيتجلى لما نسمح للحظة بأن تكون كما هي.

ولانه العالم الخارجي انعكاس لعالمنا الداخلي، وانعكاس لتردداتنا واهتزازاتنا فمهمتنا نحاول نكون افضل نسخة من حالنا اليوم.

وبنية تفعيل السلام الداخلي، حنمشي مع بعض #بتحدي لمدة 7 أيام على قناة التلغرام يوم بيوم لنبدا باعادة #برمجة #العقل بهي النقطة.

فيكم تشتركوا معي بالقناة ( الرابط بالبايو ) او باول تعليق
جاهزين!؟

ّود

08/11/2025

صباح الخير و الرواق
متذكرين انه نحنا بفصل الخريف؟ يعني شهر التخلي وشهر التنظيفات والتحرر من كل شي ماعاد يخدمنا.

على قناتي باليوتيوب في تامل مخصص لفصل الخريف بنصحكم تطبقوا خاصة لي عنده مشاكل ربو و تنفس

وانا عندي صوت داخلي انه في اشخاص مشتاقة لتحدياتنا؟ صرلنا زمان ماعملنا تحديات مع بعض.

التحديات بتكون على مجموعة التلغرام 😍

07/11/2025

اختيارك تحط حدود للناس يلي بتستنزف #سلامك مو أنانية.
هو #احترام لروحك، وحدودك، وطاقتك.

طيب مين هي الشخصيات لي ممكن تسرق طاقتك بدون ما تحس؟
شاركت معك الجزء الاول من مجموعة شخصيات بدنا نتعلم نتعامل معها بدون مانشعر بالعار او الذنب 😉

وتذكر
كل مرة بتحط #حدود، إنت عم تقول لحالك:
“انا استحق الشعور بقيمتي من دون تأنيب”

خبروني بالتعليقات، وضع الحدود سهل او صعب عليكم؟
ّود

06/11/2025

مين ناطر #تدريب بذرة حبّ المجاني – 11/11
التدريب موجه للشباب والصبايا اللي حابين يبدأوا رحلة وعي وحب من الداخل 🌱

👇👇👇👇👇

لما بدك تبني علاقة #حبّ حقيقية مع الآخر الافضل تبدأ من علاقتك بحالك. ولما بدك تغيّر أي شي بعالمك الخارجي، الافضل ترجع أول شي لعالمك الداخلي كل شي بيبدأ من الحبّ الحقيقي لذاتنا
بنورها وظلامها

ومن هالنية، حشارك معكم لآخر مرة تدريب
بذرة حبّ لمدة 21 يوم مجانا
رح يبدأ يوم 11 / 11
خلال التدريب رح تتعلّم
🌸 شفاء #جروح #الطفولة بسهولة ويسر
🌸 اكتشاف الجمال الموجود فيك كما أنت الآن
🌸 فهم أعمق للذات والتشافي
🌸 التحرر من أنماط غير داعمة لأفضل نسخة منك

ليش 21 يوم لأنه خلال 3 أسابيع رح نشتغل سوا بخطوات عملية وتمارين وتأملات يومية بتساعدك تزرع بذور المحبة داخلك من جديد
ومع الاستمرار، رح تخلق حياة جديدة مليانة وعي وراحة وسلام داخلي.

التدريب مجاني بالكامل ضمن مجموعة خاصة على التلغرام مع متابعة يومية شخصية.

اذا كنت جاهز تكتشف جمال الحبّ الروحي اللي جواتك فيك تلاقي
رابط التسجيل بالبايو ☺️

ّود

Address

Dubai

Telephone

+971506776639

Website

https://hadeel-jannoud.com/

Alerts

Be the first to know and let us send you an email when هديل جنّود - Hadeel Jannoud posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to هديل جنّود - Hadeel Jannoud:

Shortcuts

Want your practice to be the top-listed Clinic in Dubai?