05/03/2026
بهالفترة…ومع كل التوتر والقلق اللي حوالينا، كتير منا ممكن يكون عم يمرّ بفترة ضغط نفسي.
بس يمكن ما مننتبه إنو التوتر ما بيأثر بس على المزاج… بل ممكن كمان يستهلك من جسمنا
بعض الفيتامينات والمعادن الأساسية.
وهيدا الشي ممكن يظهر على شكل:
تعب مستمر, قلق أو توتر, نفخة واضطرابات بالهضم, صعوبة بالنوم, شد عضلي أو توتر بالجسم, ضعف بالمناعة, انخفاض بالطاقة أو التركيز
الدراسات بتشير إنو التوتر المزمن ممكن يؤثر على مستويات بعض المغذيات مثل المغنيسيوم، الزنك، وفيتامينات B وغيرها من المغذيات المهمة للجهاز العصبي والطاقة.
مصادر غذائية بتدعم هالمغذيات:
المغنيسيوم: الخضار الورقية، اللوز، بذور القرع، الكاكاو الخام
فيتامينات ب: اللحوم، البيض، الكبد، الحبوب الكاملة
فيتامين س: الحمضيات، الفلفل الحلو، الكيوي، البروكلي
الزنك: المحار، اللحوم الحمراء، بذور القرع
فيتامين د: التعرّض للشمس، الأسماك الدهنية، صفار البيض
السيلينيوم: جوز البرازيل، السمك، البيض
ببعض الحالات، ومع زيادة التوتر أو نقص المغذيات، كتير من الناس ممكن يستفيدوا أيضاً من
المكملات الغذائية بالجرعة والنوع المناسبين
لدعم الجسم واستعادة التوازن.
وتذكروا تنظيم الجهاز العصبي قبل كل شي.
