09/10/2025
🎥 ليه ركبتك بتطقطق وانت طالع السلم؟! 😳
اللي بيحصل مش دايمًا خطر… بس أوقات بيكون علامة إن في حاجة مش مظبوطة 👇
👣 لما بتسمع صوت "طقطقة" أو "فرقعة" وانت بتتحرك، فده بيحصل غالبًا بسبب:
1️⃣ احتكاك بسيط بين صابونة الركبة والعظمة اللي تحتها (غضاريف ضعفت أو ملتهبة).
2️⃣ ضعف في عضلة الفخذ الأمامية (Quadriceps) اللي المفروض تمسك الركبة صح.
3️⃣ أو أحيانًا بسبب قلة الحركة لفترة طويلة، والمفصل مش مرن كفاية.
💥 طب هل لازم أتعالج؟
لو الطقطقة من غير وجع → غالبًا مفيش مشكلة.
لكن لو في ألم، تورم، أو إحساس بعدم ثبات الركبة → لازم تروح لدكتور عظام يشوف الوضع بالأشعة.
💪 نصايح بسيطة تحافظ على ركبتك:
بلاش تطلع وتنزل سلالم كتير لو في وجع.
حافظ على وزنك، لأنه كل كيلو زيادة بيزود الحمل على الركبة.
متقعدش فترات طويلة وإنت تاني رجلك.
👇 قولنا بقى، بتحس بالفرقعة دي كتير؟ ولا أول مرة تاخد بالك منها؟
