R.K Handmade

29/12/2025

لو بطلتِ تنجزي
بتحسي بايه ؟؟؟

لو بتضغطي على نفسك علشان تنجزي
حتى وإنتي تعبانة
وحتى وإنتي مشغولة

ولو الخروج أو الاستمتاع
دايمًا مؤجل
علشان لسه في شغل

ولو الراحة عندك
حاجة بتحسسك بالذنب
مش حق

خليني أقولك حاجة مهمة
الإنجاز مش إنتِ.
وإنتِ مش إنجازك.

قيمتك مش في اللي خلصتيه
ولا في اللي لسه هتعمليه.
قيمتك ثابتة
مش بتزيد بالشغل
ولا بتقل بالراحة.

لما تفصلي بينك وبين الإنجاز
تعرفي ايه الي هيحصل الإنتاجية نفسها
بتتحسن.

لو حاسة إنك عايزة تشتغلي
وتنجحي
من غير ما تحرقي نفسك

لو انتي الشخصيه دي قوليلي بتحسي بايه بالظبط لما يحصل معاكي كده

لو مش انتي هستني رايك واستني باقي السلسله من أنماطنا كفنانات كروشيه 🧶

أوقات بنحتاج نفصل شوية
ونفهم نفسنا أكتر…
أنا موجودة لو احتاجتي تحجزي جلسة ابعتيلي رساله






#كروشيه

18/12/2025

أصعب احساس
لما تغزلي قطعتك الفنيه الي من روحك انتي و تهديها لحد… وكأنك بتهدي له هواء.

لو انتي كفنانة كروشيه بتحسي إن اللي حواليكي بيستغلوا عطائك…
ومش بيقدروا عدد الساعات الطويلة ولا المجهود اللي بتبذليه علشان تعملي ليهم هدية…
ولا حتى كلمة شكر بجد…

احب أقولك حاجة مهمة جدا

العطاء ميزة حلوة جداً في شخصيتك

بس اللي أهم من العطاء هو الحدود.

مين اللي يستاهل عطائي؟
ومين اللي فعلاً بيقدرني حتي لو بطريقته هو ؟

لإن في الحقيقة… الناس مختلفة في طرق التعبير عن التقدير.

وإنتي كمان من حقك إنك تحافظي على طاقتك…

وتدي بس للي بيحترم مجهودك وبيفرح بيه بجد





#كروشيه

10/12/2025

لو كل شوية تفكي الشغل وتعيدي…
وكل مرة مفيش غلط، بس شكل الغرزة مش عاجبك…
دي طويلة شوية… ودي قصيرة شوية… ودي لا، مش قوي يعني…

وتفضلي تلفي في نفس الدايرة مدة طويلة…

عاوزه أقولك حاجة مهمة

المشكلة مش في الغرزة.
ولا في الشغل.
ولا في الإبرة.

المشكلة إنك عايزة كل حاجة تكون Perfect… وبزيادة.
ونسيتي إن جمال الشغل اليدوي إنه مش آلة.
غرزة متساوية؟ آه.
لكن برفكت؟
وعادي… ده الطبيعي… وده اللي بيخلي شغلك ليه روح، وليه طابع، وليه جماله. قولي بقى…
بتحسي إنك الشخصية دي؟ لو شفتي نفسك في الفيديو… اعملي 🙋‍♀️ في الكومنتس لو لسه هتستني تستكشفي معايا باقي الشخصيات ؟؟
الكروشيه

20/02/2025

لو حابه تبدائي الشغل بطريقه اكثر احترافيه اخترت اليوم اشرحلك غرزة العمود القائم بلفة standing double crochet

لو عاوزه شرح غرزه النصف عمود القائمة

او شرح غرزة الحشو القائمة علقي بكلمة الغرز القائمه

#كروشيه "

01/02/2025

27/01/2025

غرزه المنتفخه او الفقاعة
او الي بنسميها bubble stitch
الغرزه المره دي مكونه من ٤ اعمده بلفتين او ما تسمي triple stitch
هنعمل عمودين بكل غرزة
وفي الاخر نغلقهم مع بعض

بتحبوا الغرزه دي ولا لا؟؟؟

27/01/2025

24/01/2025

تعرفي ان الدراسات النفسية اثبتت ان للالوان تاثير بيصل للأعماق النفوس البشرية

وتعرفي كمان ان التأثير ده ممكن يثير مشاعر ايجابيه زي:- الفرح والسرور والحب والبهجه

يثير مشاعر تانيه سلبيه زي مشاعر :-
القلق والاضطراب والحزن والكره

وتعرفي كمان ان الالوان استخدمت في العلاج عبر العصور والحضارات القديمة
زي: الحضاره الفرعونيه والهنديه واليونانيه والاغريقيه

17/01/2025

فيديو كوستر الكروشيه حلوى النعناع اصبح جاهز

20/12/2024

كوفيه أنيق ومريح
كوفيه رقبة قطيفة كروشيه خفيف وجميل، مصمم خصيصًا للأطفال!

*مميزات الكوفيه:*

1. ملمس ناعم وخرافي.
2. مقاس مناسب: 15 سم (عرض) × 85 سم (طول).
3. مناسب لجميع الأعمار.
4. تصميم أنيق وملون.
5. مادة عالية الجودة.

*مميزات خاصة:*

1. يمنع البرودة والرطوبة.
2. يضيف لمسة من الأناقة والجمال

14/12/2024

انت عارفه أهميته ايه لاولادك وخصوصا خلال فترة الاجازه

🧶 الكروشيه هيساعدهم في تقليل التشتت الي كلنا بنعاني منه مع اولادنا في الدراسة

🧶 هيساعدهم علي تنمية مهارات ايديهم وعضلات الاصابع ودي مهارات مهمه جدا في الدراسة

🧶الكروشية بيساعد علي زيادة تركيز الاولاد والبنات طبعا لانه مهم جدا في انتباهم في الغرز والعد
تابعيني هقولك علي حاجات تراعيها معاهم اثناء تعليمهم

10/12/2024

احيانا لما بندخل ورشات نتعلم بنكون متوقعين اننا هتخرج نعمل كل حاجه
وهنتعلم كل حاجه
التعلم في حد ذاته بياخد وقت وجهده من تراكم الخبرات
والتعلم من الاخطاء الي بنقع فيها واحيانا كمان بنكررها

لكن هناك بعض الفروق البسيطه بتنقل كل تجربه في مكان آخر
والي بيتحكم في التجارب دي
مره
الخيوط ومره الابره ومره ايد الي بشتغل نفسه والباترون كمان

فلو قررتي تبداي ٢.٢٥ بحاجه جديده في هوايتك

بقدملك الورشه دي الي من خلالها هتفتحي طريق تعلم قراءة الباترون ابعتيلي رساله و هقولك التفاصيل