Rescue 1122 Layyah

21/05/2026

*تاریخ: 21 مئی 2026*

*پری فلڈ موک ایکسرسائز*

*لیہ: دریائے سندھ کے کنارے جکھڑ پکا کے مقام پر ممکنہ سیلابی صورتحال سے نمٹنے کیلئے پری فلڈ موک ایکسرسائز کا انعقاد کیا گیا.*

یہ موک ایکسرسائز سیکرٹری ایمرجنسی سروسز پنجاب ڈاکٹر رضوان نصیر کی ہدایات پر ڈسٹرکٹ ایمرجنسی آفیسر ڈاکٹر سجاد احمد کی زیر نگرانی منعقد ہوئی، جس میں ضلعی انتظامیہ اور متعلقہ اداروں نے شرکت کی۔ تقریب کی مہمانِ خصوصی ایڈیشنل ڈپٹی کمشنر جنرل ڈاکٹر عابدہ فرید تھیں۔ اس موقع پر ریسکیو 1122 کے چاک و چوبند دستے نے سلامی پیش کی جبکہ مختلف ریسکیو اسٹالز کا بھی معائنہ کروایا گیا۔

موک ایکسرسائز کا مقصد ممکنہ فلڈ ایمرجنسی سے مؤثر انداز میں نمٹنے کیلئے اداروں کی پیشگی تیاریوں اور امدادی ٹیموں کی پیشہ ورانہ صلاحیتوں کا عملی جائزہ لینا تھا۔

شہری ممکنہ سیلابی صورتحال کے پیش نظر حفاظتی اقدامات مکمل رکھیں اور کسی بھی ہنگامی صورتحال کی صورت میں بروقت محفوظ مقامات پر منتقل ہوں۔

21/05/2026

21/05/2026

*21 مئی 2026*

*پریس ریلیز*

*پری فلڈ موک ایکسرسائز کا انعقاد*

لیہ: دریائے سندھ کے کنارے جکھڑ پکا کے مقام پر ممکنہ سیلابی صورتحال سے نمٹنے کے لیے ریسکیو 1122 کی تیاریوں کا جائزہ لینے کے مقصد سے پری فلڈ موک ایکسرسائز کا انعقاد کیا گیا۔ یہ موک ایکسرسائز سیکرٹری ایمرجنسی سروسز پنجاب، ڈاکٹر رضوان نصیر کی ہدایات پر ڈسٹرکٹ ایمرجنسی آفیسر ڈاکٹر سجاد احمد کی نگرانی میں منعقد ہوئی۔

اس موک ایکسرسائز میں ضلعی حکومت کے تمام متعلقہ محکموں نے شرکت کی۔ تقریب کی مہمانِ خصوصی ایڈیشنل ڈپٹی کمشنر جنرل ڈاکٹر عابدہ فرید تھیں، جن کا استقبال ڈسٹرکٹ ایمرجنسی آفیسر ڈاکٹر سجاد احمد نے کیا۔ اس موقع پر ریسکیو 1122 کے چاک و چوبند دستے نے سلامی پیش کی جبکہ مختلف ریسکیو اسٹالز کا بھی معائنہ کروایا گیا۔

ریسکیو اہلکاروں کی جانب سے بوٹنگ، لائن سرچ اور اسکوبا ڈائیونگ کا عملی مظاہرہ پیش کیا گیا تاکہ ممکنہ فلڈ ایمرجنسی کے دوران امدادی سرگرمیوں کی پیشہ ورانہ صلاحیتوں کا جائزہ لیا جا سکے۔

تقریب کے اختتام پر ڈسٹرکٹ ایمرجنسی آفیسر ڈاکٹر سجاد احمد اور ڈاکٹر عابدہ فرید نے ریسکیو اسٹاف کی بہترین کارکردگی کو سراہتے ہوئے اہلکاروں کی حوصلہ افزائی کی۔

انہوں نے کہا کہ اس موک ایکسرسائز کا بنیادی مقصد کسی بھی ہنگامی صورتحال، خصوصاً ممکنہ سیلاب سے مؤثر انداز میں نمٹنے کے لیے مکمل تیاری کو یقینی بنانا ہے۔

عوام الناس سے اپیل کی گئی کہ ممکنہ سیلابی صورتحال کے پیش نظر اپنی پیشگی تیاریاں مکمل رکھیں اور کسی بھی مشکل صورتحال سے پہلے محفوظ مقامات پر منتقل ہو جائیں تاکہ جانی و مالی نقصان سے بچا جا سکے۔

20/05/2026

**ٹکرز برائے الیکٹرانک میڈیا**

**لیہ:** ویگھی والا بند، کوٹ ادو روڈ جمن شاہ کے قریب ٹرین کی ٹکر سے 3 اور 4 سالہ دو معذور بچے جاں بحق ہو گئے۔ ریسکیو 1122

*لیہ:* اطلاع ملتے ہی ریسکیو 1122 لیہ کی ٹیم فوری طور پر موقع پر پہنچ گئی۔ ریسکیو 1122

*لیہ:* ریسکیو اہلکاروں نے بروقت کارروائی کرتے ہوئے دونوں بچوں کی ڈیڈ باڈیز ریکور کر لیں۔ ریسکیو 1122

لیہ: جانبحق ہونے والے بچوں کی شناخت ازاں ولد سلطان (عمر 4 سال) اور ارسلان ولد سلطان (عمر 3 سال) کے نام سے ہوئی ۔ ریسکیو 1122

*لیہ:* پولیس کی موجودگی میں ضروری کارروائی مکمل کرنے کے بعد ڈیڈ باڈیز ورثاء کے حوالے کر دی گئیں۔ ریسکیو 1122

*لیہ:* افسوسناک واقعہ کے بعد اہلِ علاقہ میں غم کی فضا چھا گئی۔ ریسکیو 1122
وسیم حیات
میڈیا کووآرڈینیٹر ریسکیو 1122 لیہ

20/05/2026

20/05/2026

Visit of guide band basti sobey wala, Layyah -taunsa pull along with assistant commissioner layyah

20/05/2026

DDMA meeting on flood & heat wave under the chairmanship of DC Layyah in DEOC Layyah.

20/05/2026

*20 اپریل 2026*

# # # **ٹرین حادثہ میں دو معذور بچے جاں بحق، ریسکیو 1122 کا فوری ریسپانس**

لیہ: ویگھی والا بند، کوٹ ادو روڈ جمن شاہ کے قریب ایک افسوسناک ٹرین حادثہ پیش آیا جہاں ریلوے ٹریک عبور کرتے ہوئے ٹرین کی ٹکر سے 3 اور 4 سالہ دو معذور بچے موقع پر ہی جاں بحق ہو گئے۔ واقعہ کی اطلاع موصول ہوتے ہی ریسکیو 1122 لیہ کے کنٹرول روم نے فوری طور پر قریبی ایمرجنسی ٹیم کو جائے حادثہ پر روانہ کیا۔

ریسکیو اہلکار بروقت موقع پر پہنچے اور پیشہ ورانہ انداز میں امدادی کارروائیاں شروع کیں۔ ریسکیو ٹیم نے دونوں بچوں کی ڈیڈ باڈیز کو احتیاط کے ساتھ ٹریک سے ریکور کیا جبکہ جائے حادثہ کو محفوظ بنانے کے لیے ضروری اقدامات بھی کیے گئے۔ بعد ازاں ضروری قانونی کارروائی مکمل کرنے کے بعد دونوں ڈیڈ باڈیز پولیس کی موجودگی میں ورثاء کے حوالے کر دی گئیں۔

حادثہ کے باعث علاقے میں فضا سوگوار ہو گئی جبکہ اہل علاقہ کی بڑی تعداد موقع پر جمع ہو گئی۔ ریسکیو 1122 لیہ کے اہلکاروں نے صورتحال کو بہتر انداز میں کنٹرول کرتے ہوئے امدادی سرگرمیاں مکمل کیں۔

ریسکیو 1122 لیہ نے شہریوں سے اپیل کی ہے کہ ریلوے ٹریک کے قریب بچوں کا خصوصی خیال رکھیں، خصوصاً معذور اور کم عمر بچوں کو اکیلا نہ چھوڑا جائے، اور ریلوے لائن عبور کرتے وقت مکمل احتیاطی تدابیر اختیار کی جائیں تاکہ ایسے المناک حادثات سے بچا جا سکے۔

20/05/2026

*20 اپریل 2026*
لیہ، ویگھی والا بند، کوٹ ادو روڈ جمن شاہ کے قریب ٹرین کی ٹکر سے 3 اور 4 سالہ دو معذور بچے جاں بحق ہو گئے، ریسکیو 1122 لیہ نے فوری ریسپانس کرتے ہوئے دونوں بچوں کی ڈیڈ باڈیز ریکور کر کے پولیس کی موجودگی میں ورثاء کے حوالے کر دیں۔

19/05/2026

*تاریخ: 19 مئی 2026*

*بھینس کا گٹرمیں کرنے کا واقعہ*

*لیہ: بستی شادو خان میں بھینس گٹر میں گر گئی، ریسکیو 1122 نے بروقت کارروائی کرتے ہوئے بحفاظت ریسکیو کر لیا*

بستی شادو خان میں ایک بھینس گہرے گٹر میں گر گئی ہے۔ اطلاع ملتے ہی ریسکیو ٹیم فوری طور پر موقع پر روانہ کر دی گئی۔
ریسکیو اہلکاروں نے موقع پر پہنچ کر صورتحال کا جائزہ لیا اور پیشہ ورانہ مہارت کے ساتھ ریسکیو آپریشن شروع کیا۔ جانور کو محفوظ بنانے کے لیے خصوصی اینیمل ریسکیو بیلٹ استعمال کیا گیا جبکہ الیکٹرک ونچ کی مدد سے بھینس کو نہایت احتیاط کے ساتھ باہر نکالا گیا۔
کامیاب ریسکیو آپریشن کے بعد بھینس کو بحفاظت مالک کے حوالے کر دیا گیا۔

عوام سے اپیل کی جاتی ہے کہ کھلے گٹروں اور غیر محفوظ جگہوں کو فوری طور پر کور کریں تاکہ ایسے حادثات سے بچا جا سکے۔

18/05/2026

*تاریخ: 18 مئی 2026*

*نہر میں ڈوبنے کا واقعہ*

*لیہ: چوک اعظم کے قریب ٹیل منڈا پل پر نہر میں ڈوبنے والے شخص کی تلاش کے لیے ریسکیو 1122 کا سرچ اینڈ ریسکیو آپریشن، بعد ازاں نعش برآمد کر لی گئی*

ابتدائی اطلاعات کے مطابق ایک شخص کو نہر میں ڈوبتے ہوئے دیکھا گیا جس پر ریسکیو 1122 کی واٹر ریسکیو ٹیم نے فوری سرچ آپریشن شروع کر دیا۔ سرچ آپریشن میں لائن سرچنگ، سکوبا سرچنگ اور بوٹ سرچنگ شامل رہی جبکہ 2 بوٹس، 6 سوئمرز اور 2 ڈائیورز نے حصہ لیا۔ نہر میں پانی کی گہرائی تقریباً 12 فٹ جبکہ پانی کا بہاؤ 426 کیوسک ریکارڈ کیا گیا۔

ریسکیو اہلکاروں نے نہر میں تقریباً چار کلومیٹر تک سرچنگ مکمل کی تاہم اندھیرا ہونے پر آپریشن عارضی طور پر روک دیا گیا۔ اگلے روز صبح دوبارہ سرچ آپریشن شروع کیا گیا جس کے دوران ممکنہ ڈوبنے کے مقام سے تقریباً ایک کلومیٹر فاصلے پر 50 سالہ نامعلوم شخص کی نعش نہر سے برآمد کر لی گئی۔

ریسکیو 1122 نے ضروری کارروائی کے بعد نعش کو پولیس کی نگرانی میں THQ ہسپتال چوک اعظم منتقل کر دیا جبکہ متوفی کی شناخت اور لواحقین کا تاحال پتہ نہ چل سکا۔

شہریوں سے اپیل ہے کہ نہروں اور گہرے پانی کے قریب احتیاط کریں اور کسی بھی ایمرجنسی کی صورت میں فوری طور پر ریسکیو 1122 کو اطلاع دیں