MedDose - منصة الصحة السورية

11/08/2025

صبـاح الخيـر !

قمنا في مركز ميددوز الطبي بتعزيز كوادرنا الطبيّة بطبيبة انثى في اختصاص القلبية وذلك بعد الكثير من الرغبة لدى السيدات بفحصهن من خلال طبيبة.

اننا نحترم رغبة مراجعينا
ونؤكد على التزامنا بتحقيق افضل معايير اختيار الاطباء .

وذلك بوجود تساعد في توفير نتائج فحص مثالية ان شاء الله.

يمكنكم التواصـل وحجز الموعد على :

🚨0982433334
🚨 011 4425441

11/08/2025

بدي أحكيلكم صباح الخير 🩵
بس خايف لأكل مسبة على هل شوب

لاحظتوا إننا منصير أكثر عصبية وتوتر لما ترتفع درجات الحرارة خصوصاً بمتل هي الأيام 🔥

السبب مو بس نفسي
لما ترتفع درجة الحرارة، جسمنا بيتعب أكثر في محاولة تنظيم الحرارة، وممكن يرتفع ضغط الدم ويتسارع التنفس، وهذا كله يخلينا أقل صبرًا وأسرع انفعالًا 😤💦

📌 الحرّ الشديد يستهلك طاقتنا الجسدية والعقلية، ونفسيتنا تتأثر حتى بدون ما نحس

لهيك الحل كتير بسيط وسهل

كنسل الشغل وحجوز مزرعة وعمرو ما حدا يورث

10/08/2025

صباح الخير ودرجات الحرارة المرتفعة
الله يعين الرجال على نار جهنم 😂

نصيحة مهمة وضرورية جداً

️ إذا شفت حدا فقد وعيه بسبب حرارة الشمس، لازم تتصرف بسرعة

1️⃣ خدّه فوراً على مكان بارد ومظلل بعيد عن الشمس.

2️⃣ ارفع رجليه شوي و فك عنّه اي شي ديق وكاتم نفسو

3️⃣ بلّل جسمه بمَي باردة (مو تلج) أو حط كمادات مبلولة ع الرقبة

4️⃣ لا تعطيه أكل ولا شرب ولا حتى (ماء) وهو مو واعي، خطر الاختناق.

5️⃣ راقب تنفسه وطرقات قلبه ، وإذا ما عم يتنفس اتصل بالإسعاف فوراً أو أسعفه أنت
وبلّش الإنعاش إذا بتعرف

09/08/2025

⛔️ نصيحـة لخفض الحـرارة خلال هالموجة الحـارة جداً !

خلوا معكم قماشة و بلوها بمي باردة و حطوها على الرقبة ، بين الفخذين أو تحت الإبطين ..

خصوصاً لو عندكم أطفال أو كبار بالسن و مافي وسيلة تبريد كافية ..

و يلي بيقدر يعمل هيك و يعطيها لعمال النظافة يلي بالشارع أو شرطة المرور و الناس يلي عم تشتغل تحت الشمس مع قنينة مي باردة ما يقصر ❤️

MedDose - منصة الصحة السورية

08/08/2025

صباح الخيـر ، أما بعد ..
شغلتين بحياتك لا تعملهم :

☀️- تطلع بهالجو الحارق بدون طاقية و واقي شمسي .
☀️- تقول لرفيقك يلي عم يتعلم ألماني جديد إنها سهلة و ما بتاخد معه 4 شهور .

و جمعة مباركة يا أصدقاء ❤️

MedDose - منصة الصحة السورية

07/08/2025

ترميم الانف المحطم

ترميم الانف المحطم بدون استخدام طعم ضلع

📍 Dr. Ahmad Nezar Mohammad / dr.nose
📍Damascus : 00963954520068

07/08/2025

🔴 حـالـة إنسـانيـة عاجلـة 🔴

الشاب أحمد ( 20 عام ) بحاجة لعملية قلبية مستعجلة بسبب حالة قصور صمام أبهري شديد ، و العملية بتكلف حوالي 35 مليون و حالة العائلة على قدها و المبلغ كتير كبير عليهم !

أي شخص بحب يساعد ، رح نحط رقم أهله للتواصل و بيقدر يشوف كامل التفاصيل و التقارير الطبية ..

أحمد لساته صغير و بأول عمره ، خلونا نساعده يكون بين أهله و ناسه و يكوم عمره طويل انشالله ..

📞- للتواصـل : 0933935382

MedDose - منصة الصحة السورية

07/08/2025

هاد المنظر لشي اسمه (عضة البرد)
بيصير بسبب البرودة الشديدة

ومامنعرف شو خطرلو الدكتور ينزلو بهاد الوقت الكتير بارد ❤️

07/08/2025

صباح الصحة والسعادة🤍🌞

كنت بتعرف انو شرب الماء الدافئ على الريق يساعد على تنشيط الدورة الدموية، وتحفيز الجهاز الهضمي، وطرد السموم من الجسم!

✨ خليك واعي لصحتك من أول لحظة بيومك .. صحتك تبدأ من عاداتك البسيطة 💚

MedDose - منصة الصحة السورية

06/08/2025

موجة حـر شديدة رح تدخل من بكرى و لغاية يوم الإثنين على كامل البلاد و درجات الحرارة رح تلامس الـ 45 درجة بمعظم المحافظات .

لذلك يا ريت يلي ماعنده طلعة كتير ضرورية ، ما يطلع بوقت الذروة ( من الساعة 12 للساعة 4 ) لأنو احتمال كبير يتعرض لإنهاك حراري أو ضربة شمس .

و يلي مضطر يطلع لازم يغطي راسه ، يحط واقي شمسي و قنينة المي ما لازم تفارقه أبداً ( و ينصح بحمل شمسية )

و ياريت أصحاب العمل ما يخلوا الناس تشتغل بهالوقت تحت الشمس و يعفوهم بهالكم ساعة من كل هالتعب !
ارحموا من في الأرض يرحمكم من في السماء .

MedDose - منصة الصحة السورية

06/08/2025

صباح النشاط 🤍☀️
إذا بتفيق حاسس بخمول…
جرّب تمدّد جسمك دقيقتين قبل ما تقوم من التخت وتوقف.
التمطيط الصباحي بينشّط الدورة الدموية وبيفرفح المزاج! ✨

ولا تنسوا فيروز 🩵
لأنها كمان وصفة مضمونة للسعادة الصباحية. 🎶🌿

04/08/2025

ياريت جماعة الدعم النفسي و التنمية البشرية يخفو علينا بنصائح أنت قادر و أنت تستطيع و انهض و ابدأ بتنفيذ المهمات بهذه القائمة و و ..

لأنو الجو ماعم يسمح بأي نشاط أكتر من التنفس ، و تطوير الذات صعب بالصيف لهيك ياريت نخليه للشتوية و نحن رضيانين بذاتنا حالياً و شكراً .