غازي امان الله خان معالجوي کلینیک

05/02/2026

محترمو لوستو نکو السلام علیکم ورحمة الله وبرکاته
دمعدې دزخمی کیدو څو سببه دی
1- هره ورز کافی اوبه نه چیشل
2- دمعدې ډیرتیزاب
3- ډیره خوابدی او عصبی کیدل
4- د غذا خوړولو دوخت عادت بدلول
5- ډوډې پر خپل وخت نه خوړل
6- دشرابو چښل او یا نور الکحول چښل
7- همیشه خوابدی او پښیمانی په دوست یا مال پسی
8- دسګریټو ډیر څکول
9- د بعضو کپسولو نو یا اسپيرین ګولی خوراک په تشه ګیډه
10- دکافې او چایو خوراک په تشه ګیډه
11- دغازی اوبو چښل لکه کاکولا انرجی او هغه ګولې چی را ایشیږی

دمعدې دزخم څو علامې دی
1- دګیډی په لوړه حیصه کی ددرد احساس هغه وخت چې سړی وږې وی
2- تر څیګر لاندی ددرد احساس هغه وخت چې سړی وږې وی
3- دمعدې سوی او کله کله قې (استفراق ) او دوزن کموالي
4- دمعدې سوی ورکیدل تر ډوډې خوړلو وروسته
5- دمستو او کیمیاوی دوا تر خوراک وروسته ددرد ورکیدل
6- دایشتیا بندیدل
7- دمعدی په لوړه حیصه کی د درد احساس او دګیډې پاړسوب

27/01/2026

د شونډي وتل:
د شونډي د وتلو طبي نوم Herpes Simplex Virus دی چې د HSV په نوم هم یادېږي
ویروس د جلد په عصبي رشتوکې غلی وي، دتبې، والګي، دلمر وړانګوته د درېدلو او په خوب کې دډارېدلو له کبله فعاليږي.
زخم يې په پيل کې دسرې رنګې تڼاکې په بڼه دانسان په شونډه کې راڅرګنديږي، چې درد اوسوي لري، دتخريب په صورت کې دبدن نورو برخو ته هم کېدای شې انتقال شې
که چېرې له تڼاکې اوبه ولاړې شي، پدې صورت کې دناروغ سره دنورو کسانو مستقيمې اړيکې ددې ناروغۍ لېږد شونی کوي.
همداراز که چېرې ددې تڼاکې د اوبو لرونکي دستمال نه بل څوک ګټه واخلي، کيدای شي مقابل لوري ته هم دا ناروغي ولېږدي.
د شونډو وتل له يوې تر دوو اوونيوپورې دوام کوي، چې د دانې دنه شلولو په صورت کې کيدای شي تردې وړاندې ښه شي.
د درملنې لپاره يې په کار ده چې له نژدې ډاکټر سره له نژدې مشوره وشې تر څو له نژدې وکتل شې او اړوند درملنه ترسره شې خو دلته زه د ځينو درملو يادونه کوم چې هم د ګولیو هم د کریمو او هم د ستنو په شکل باندي په بازار کې پيدا کېږي
ډېرکله بدون له درملو ښه کېږي که زیات دوام وکړي بیا له کوم جلدې ډاکټر سره باید مشوره وشي

18/01/2026

دا طبي انځور د ملا د هډوکو د یوځای کولو جراحي ښيي، چې یوه جراحي کړنلاره ده تر څو د ملا دوه یا زیات مهرې (هډوکي) په دایمي ډول سره ونښلوي. دا جراحي ډېری وخت د دردناکه حرکت د مخنیوي او د ملا د ثبات لپاره ترسره کېږي. په انځور کې ښودل شوي چې فلزي پیچونه او مېلې څنګه د مهره‌وو د ټینګولو لپاره کارول کېږي، او د هډوکي پیوند (Bone Graft) د مهره‌وو ترمنځ ایښودل کېږي تر څو د نوې هډوکي وده وهڅوي. د وخت په تېرېدو سره، دا بهیر مهرې په یوه کلک او واحد هډوکي بدلوي

08/01/2026

🔲 د ګردو د ډبرو ( Kidney Stones ) پیدا کېدلو علتونه :

➊ د اوبو کم څښل : کله چې بدن ته کافي اوبه ونه رسېږي ، ادرار غلیظ کېږي او د منرالونو او مالګو کچه لوړېږي ، چې د ډبرو جوړېدو ته زمینه برابروي.

➋ د خوړو ناسمه بڼه : زیات مالګین ، پروټینی ، یا شکر لرونکي خواړه د ډبرو جوړېدا زیاتوي . ځانګړي رژیمونه لکه زیات مالګه یا زیات غوړ هم د خطر فکتورونه دي .

➌ جنیټیکي ( ارثي ) عوامل : که د کورنۍ نورو غړو ته ګردې ډبرې جوړې شوې وي ، امکان لري چې بل نسل ته هم انتقال شي .

➍ نورې ناروغۍ لکه :

1: د هایپرپاراتایرایډیزم ( Hyperparathyroidism) .
2: د کرون ناروغي (:Crohn's Disease ) .
3 : د ادرار نالۍ انتانات ( UTI ) ، هم کولی شي د ګردو د ډبرو جوړېدو چانس زیات کړي .

➎ د بدن زیات تودوالی یا خولې زیاتېدل : که چیرې د بدن له لارې زیات خوله وباسې او کافي اوبه ونه څښئ ، ادرار کمېږي او مواد په ګرده کې راټولیږي چې ډبره جوړوي .

➏ ځینې درمل یا سپلیمنټونه لکه : د انټي اسید درمل ( calcium - based antacids )، یا زیات کلسیم ، ویټامین D او ځینې اضافي سپلیمنټونه هم د ډبرو لامل ګرځي .

➐ د یوریک اسید زیاتوالی : که د بدن یوریک اسید زیات شي ، د یوریک اسید ډول ډبرې جوړېدلی شي ( لکه د نقرص ناروغۍ سره تړاو لري ) .

➑ د ادرار د لارې بندښت : که ادرار سم جریان ونه لري ، مواد جمع کېږي او د ډبرو جوړېدو ته فرصت برابریږي .

↩مهمه مشوره : د ګردو د ډبرو د مخنیوي لپاره باید کافي اوبه وڅښل شي ، متوازنه خواړه وخوړل شي ، او د ډاکټر مشوره وخت پر وخت واخیستل شي .

04/01/2026

04/01/2026

د تايرويډ غده د انسان د غاړي په مخکېنۍ برخه کې موقيعت لري او زموږ او ستاسو په بدن کې د انرژي جوړيدلو سرعت کنترولوي. لدې امله د دې غدې کم او يا له اندازي زيات فعاليت په انسانانو کې وړ وړ ستونزي منځ ته راوړي. له نېکه مرغه د دې ناروغيو تشخيص او علاج په ډير اسانۍ سره کيږي.

⬅️ د تايرويډ غدې له حده زيات فعاليت:
- تېز يا غير نور مال د زړه ټکان
- بې خوبي
- د وزن له لاسه ورکول
- ژر وارخطا کېدل او غوصه کېدل
- د ګرمۍ احساس
- د لاس لړزه او يا رپېدل

⬅️ د تايرويډ غدې له حده کم فعاليت:
- د ستړيا احساس
- د وزن زياتېدل
- قبض
- ژور خپګان
- جنسي کمزورتيا
- د وېښتانو نري کېدل او تويدل
- د فکري او جسمي فعاليت کمېدل

29/12/2025

دا طبي انځور د زړه د حملې (مایوکاردیال انفارکشن) پر مهال د انسان د زړه پرې شوې بڼه ښيي. په انځور کې یو کورونري شریان ښکاري چې د وینې د ټوټې او د غوړیزو رسوباتو (پلاک) له امله بند شوی دی، او همدې بندښت د زړه د عضلې یوې برخې ته د وینې رسېدنه درولې ده. تیاره او زیانمنه شوې برخه هغه انساج څرګندوي چې د اکسیجن د کموالي له امله زیانمن شوي او مري.
دوامداره ورزش
د غوړو او خوږو خوراکونو کم استعمال
د وزن ډيريدو مخنيوی
سيګريټ څکولو څخه پرهيز د مخنيوي اساسي لارې چارې دي

24/12/2025

# د وینې غوړ !

◀ ایا د شپې لخوا مو پښې سوځیږی .
◀ آیا د پښو تلې او بدن مختلف ځایونه مو ګزګز کوي .
◀ ایا سر ګنګسۍلرئ .
◀ آیا په غوږونو کې د زُنګ زُنګ آوازونه اورئ .

👈 په وینه کې د کولسټرول ، ټرایګلیسراید‌‌‌ او د نورو شحمیاتو په غیر نورمال‌‌‌‌‌‌ ډول لوړوالي ته د وینې د غوړ ناروغي ویل کیږي . ددغې ناروغۍ مهمې نښې په لاندې ‌‌‌‌‌‌ډول دي .

① د بدن دروندوالی او تل د ستړیا احساس .
② په غوږونو کې د ګُزګُز آوازونه.
③ د سر دائيمي ګنګسوالی .
④ د شپې لخوا د پښو د تلو سوځیدل او په ټول وجود کې د ګرمۍ احساس .
⑤ د زنګانه لاندې په نرمه غوښه کې د شدیدو دردونو احساس .
⑥ د خولې وچیدل او د خولې د مزې دایمې تریخوالی .
⑦ د زړه د ضریانو اوریدل .
⑧ ناروغ تل د خوب او دروندوالي احساس کوي .
⑨ په ځینو ناروغانو کې د وینې فشار لوړیږي .
⑩ د وزن ‌‌‌‌‌‌ډیروالی مګر پدې معنی نده چې د کم وزن لرونکی تر دې ناروغۍ معاف دي .
⑪ د سترګو د شاخوا پړسوب .

⭕ د وینې د غوړو بدې پایلې :

① د وینې د کوچني رګونو بندیدل چې د زړه د حملاتو او د مغزي سکتو یا فلج کیدو سبب ګرځي .
② د وینې د فشار لوړیدل چې دا هم په مغزو ، زړه ، پښتورګو او د بدن په نورو حساسو سیمو کې د وینې د کوچنیو رګونو د چویدو سبب ګرځي .
③ د تریخې کاڼي جوړوي .
④ د معدې د زخم سبب ګرځي .
⑤ د حافظې د کمزورۍ سبب ګرځي .
⑥ که د لوړ فشار له کبله د سترګو د کوچنیو رګونه وچوي نو د ړندیدو سبب ګرځي .
⑦ د لړمون یا ځیګر د غوړوالي او التهاب سبب ګرځي .
⑧ د معدې د سرطان خطر ‌‌‌‌‌‌ډیروي .
⑨ په نارینه کې د پروسټاټ د سرطان خطر ‌‌‌‌‌‌ډیروي .
⑩ په ښځو او نارینه و کې د پانکراس د غدې د سرطان خطر ‌‌‌‌‌‌ډیروي .

⭕ تشخیص : په وینه کې د شحمیاتو کچې کتل یا lipid profile .

⭕ درملنه :

‌‌‌‌‌‌① ډیرې اوبه څښکل .
② د ایمو او ترشي بابو خوړل په هغه صورت کې چې د ویني فشار نورمال وي .
③ دوامداره ورزش یا فزیک فعالیت او د وزن کمول .
④ د شحمیاتو یا غوړویو د متابولیزم مخه نیونکي درمل باید تر هغې وخوړل شي ترڅو نوموړې غوړ تر نورمالې کچې راټیټ شي .

17/12/2025

هغه عادتونه چې ګردې/ پښتورګی مو دردمن او زیانمنوی.
1 کمې او لږې اوبه څښل او لږ خـوب کول.
2 د تـشو مـتیازو زیات ایـسارول
3 د مالـګې زیات استعـمال
4 د خوراک کمـول
5 د غوښو زیـات خـوراک
6 د استراحت کمـښت
7 د ګاز داره مشروباتو انرژیانو او کـوک او نور...شیانو استعمال
8 د حد نه زیات د خوږو (بوره، ګوړه، شیرني، چکلیټ..) شیانو استعمال.

06/12/2025

د لوږې په حالت کې ولې سر دردي پیدا کیږي؟

د لوږې په حالت کې د انسان د وینې ګلکوز کمیږي( Hypoglycemia )او دا د دې سبب کیږي چې د سیمپاتیټیک فعالیت اضافه کړي.کله چې دا اضافه شو اوس نو د دماغو رګونه توسع کوي( پراخیږي ، آزدایږي )همدا پراخېدل د دې سبب کېږي چې د دماغو په پرده( Meninges )یا سحایه باندې فشار راوړي همدا فشار د سر درد لامِل کیږي

04/12/2025

ټوخی:( Cough)
ټوخی د تنفسي مشکلاتو د مشهورو علایمو څخه شمېرل کیږي، چې د ستوني،د تنفسي سیسټم د نالیو او د سینې یا سږو د التهاب،میکروبي کیدو، تحریکیدو او مختلفو مرضونو په سبب مینځ ته راځي.
د مثال په ډول:
۱- ریزش او زکام
۲- د سالنډئ مرض
۳-حساسیت او تحریکونکي شیان (Irritants) لکه دوړي،الرجن،سیګريټ،دود،سپری،او تنباکو.
۴- د پزې التهابي کیدل Post Nasal drip
۵- د معدې مشکل Regurgitation of stomach acid
۶- سینه بغل Pneumonia
۷- د هوا د نالیو التهابي کیدل Upper Respiratory Tract infection
۸- نرئ رنځ ، ټوبرکلوسیز، ټي بي Tuberculosis

ټوخی په عمومي ډول په دوه ډوله دی:
۱- وچ ټوخی Dry Cough : هغه ټوخی کم چې بلغم نه لري
۲- بلغم لرونکی ټوخی Productive cough
دا چې ټوخی د یوه مرض علامه ده نو بهتره داده چې د ډاکټر سره په وخت وکتل سي ترڅو د مرض تشخیص معلوم او علاج یې وکړل شی. په لاندې حالاتو کې ضرور باید د ډاکټر سره وکتل سي:
۱- که کوچنی یا ماشوم ټوخی ولري نو ضرور باید و ډاکټر ته ورښکاره سي ځکه ماشوم د مرضونو سره دومره مقامت نه لري لکه لوی کس.
۲- کله چې تنفس کول یا ساه اخستل مشکل وي او یا هم د ټوخي سره د سینې درد موجود وي .
۳- کله چې د ټوخي سره د بلغمو رنګ بدل سوی وي او یا د بلغمو سره وینه موجوده وي.
۴- کله چې د ټوخي سره تبه یا د بدن خوله کیدل (عرق کیدل) موجود وي.
۵- کله چې د ټوخي سره د وزن کمیدل موجود وي.
۶- کله چي د ټوخي په واسطه ستړیا مینځ ته راځي.

هغه څه چې ستاسې سره مرسته کوي په لاندې ډول دي:
۱- په زیاته اندازه اوبه او مایعات څښل لکه سوپ،ښوروا،ګرم اش،چای او داسې نور.
۲- د ستوني د خارش او درد د ورکولو لپاره عسل (شات) او لیمبو په ګرم مایع یا چایو کي څښل ګټه لري.
۳- په خیرنه هوا کې د خولې او پزې پټول یا ماسک بسته کول.
۴- د ګرمو اوبو بخار تنفس کول یعنې په یوه پیاله یا کاسه کې ګرمي اوبه واچوئ او په سر باندې پټو ،څادر یا اټوال واچوئ او د پنځلس دقیقو لپاره ددې ګرمو اوبو هوا تنفس کړئ.
۵- که د معدې مشکل لرئ نو د خوب په وخت کي مو بالښت باید لږ لوړ وي.
۶- د سګریټ څکولو او نشه یي شیانو څخه ځان وساتئ او په هغه ځای کې مه کښینئ چیرې چی د سګریټ او چلم دود وي.

01/12/2025

په یخه هوا کې عامې ناروغۍ په لاندی ډول دی.
زکام او نزلې (Common cold)
انفلوینزا (فلو)
ستوني درد او ټوخی
سینه بغل یا برانکایټس
حساسیت یا الرجۍ
د پوستکي وچوالی او چټل کېدل

د مخنیوي مهم تدابیر
ګرم لباس واغوندئ: بدن، غوږونه، پوزې او پښې تل ګرم وساتئ
د باد او باران څخه ځان وساتئ
که لمدې جامې واغوندئ، ژر یې بدلې کړئ
لاسونه منظم ومینځئ
ډېری ویروسونه د لاس له لارې خپرېږي
په کور کې مناسب تودوخې وساتئ
هوا نه ډېره ګرمه او نه ډېره سړه وي
کافي اوبه وڅښئ
حتی په یخ موسم کې بدن اوبه ته اړتیا لري
د استراحت او خوب وخت منظم وساتئ
د دفاعي سیستم لپاره ډېر مهم دی
له ناروغو خلکو لږ فاصلې وساتئ
په ځانګړي ډول ماشومان

هغه کارونه چې نه باید وکړو
په یخه هوا کې یخ څښاک یا یخ خوراک مه کوئ
د شپې ناوخته بهر مه ګرځئ که هوا ډېره سړه وي
د بدن خوله مه پرېږدئ وروسته له عرق کولو
ډېر خوږ، غوړ او فاسټ فوډ مه خورئ

د بدن د پیاوړتیا لپاره ښه خوراکونه:
وایټامین C لرونکي میوې
لکه مالټه، لیمو، کیوي او انار
شات او ګرمه شیدې یا چای
د ستوني لپاره ګټور دي.
سوپ او شوره
د بدن تودوخه ساتي او انرژي ورکوي
سبزیجات او پخې شوې مېوې
د دفاعي سیستم پیاوړتیا لپاره ضروري دي.
زنک لرونکي خوراکونه
لکه مغز، لوبیا او کب.